Trupi gjykues i përbërë nga Ilir Panda, Albana Boksi dhe Medi Bici, prishën vendimin e Apelit të GJKKO të datës 27 nëntor 2020 dhe vendosën rikthimin e çështjes në të njëjtën gjykatë por me tjetër trupë gjykuese, duke kërkuar hetimin e tre gjyqtarëve.

Dritan Dajti, u dënua me burgim të përjetshëm nga Gjykata e Krimeve të Rënda për vrasjen e 4 punonjësve të policisë dhe ndodhet në qeli prej vitit 2008.

Por, në shkurt te vitit 2019 një trupë gjykuese pranë Apelit vendosi të shuante burgimin e përjetshëm për Dajtin duke e dënuar atë me 25 vite burg.

Tre gjyqtarët Skënder Damini, Aleks Nikolli dhe Petrit Aliaj në shumicë, vendosën të pranojnë kërkesën e Dajtit për gjykim të shkurtuar, ç`ka uli dënimin e tij me 1/3.

Ndërsa dy gjyqtarët e tjerë në pakicë ishin Fuat Vjerdha dhe Lindita Hoxha. Vendimi ishte i debatueshëm dhe madje në atë kohë shtyu prokurorin Klodian Braho të urdhëronte kontrolle në banesat e gjyqtarëve, nën dyshimin se ata mund të ishin përfshirë në korrupsion lidhur me vendimin lehtësues në favor të Dajtit.

Në operacionin e gushtit të 2009 për arrestimin e Dritan Dajtit, mbetën të vrarë efektivët Fatos Xhani, Altin Dizdari, Kastriot Feskaj, dhe Sajmir Duçkollari.

Në atë kohë, Dajti kërkohej për vrasjen e biznesmenit Agim Beqo, ngjarje e ndodhur në vitin 1999 në Tiranë.

The post Lehtësuan dënimin e Dritan Dajtit, Gjykata e Lartë kthen në Apel për rigjykim 3 gjyqtarët (EMRAT) appeared first on Albeu.com.

Dajti ka depozituar një kërkesë me anë të avokatëve të tij në Gjykatën e Elbasanit, ku kërkon që të konstatohet pavlefshmëria dhe pamundësia për ekzekutimim e vendimit të Gjykatës për Krimet e Rënda të korrikut 2014, vendim me të cilin ai u la në burg përjetë.

Raportohet se Dajti pretendon se vendimi i dhënë është i pavlefshëm, për shkak se i mungojnë nënshkrimet e katër anëtarëve të trupit gjykues.

Gjithmonë sipas pretendimeve të vetë Dajtit, urdhri i ekzekutimit të prokurorit për ekzekutimin e këtij vendimi nuk ekziston.

Më datë 11 qershor të vitit 2024, Gjykata e Lartë prishi dënimin e Apelit për dënimin me 25 vite të Dajtit, duke e lënë në burg përjetë.

Më herët, Dajti i është drejtuar Gjykatës së Elbasanit, duke kërkuar lirimin nga qelia, pasi sipas tij, e ka konsumuar dënimin me 25 vite burg dhe se prej datës 17 gusht 2024, po qëndron në qeli në kundërshtim me ligjin.

The post I dënuar me burgim të përjetshëm për vrasjen e 4 policëve, Dritan Dajti bën tjetër përpjekje për lirim nga qelia appeared first on Albeu.com.

Berisha: Të dashur miq, një muaj më parë u vendos në qytetin e Durrësit një pllakatë memoriale për katër dëshmorë të kombit, oficerë të shkëlqyer policie që i ekzekutoi miku i Edi Ramës, vrasësi serial Dritan Dajti. A mund të imagjinoni ju se ajo pllakë përkujtimore që u inaugurua zyrtarisht me praninë e narkopolicëve, u hoq me urdhrin e Dritan Dajtit. Sepse Edi Rama po bën gjithçka që vrasësin e katër oficerëve të policisë ta nxjerrë nga burgu, ta lirojë për detyrimet që ka ndaj tij.

Të dashur miq, këto janë vetëm maja e ajsbergut e krimeve të këtyre qeveritarëve. Në dosje ka telefonata që faktojnë se përgatitën vrasjen e një politikani të afërt me Edi Ramën dhe heshtin dhe nuk bëjnë asnjë akuzë, nuk guxojnë, sepse bandat që do e eliminonin janë superbandat e partisë. Pra, aq sa është e shëmtuar vrasja në klub, në rrugë dhe kudo, më të shëmtuara dhe kriminale janë planet që bëhen nga njerëzit e pushtetit, nga bandat e pushtetit.

Dhe që të gjitha bëhen me dijeninë e Edi Ramës. Ja pse Taulant Balla megjithëse akuzohet, faktohet se ndërhyri për të liruar vrasësit, terroristët që vunë dinamitin, ndërhyri dhe mori nga stacioni i policisë Rrajën, që kishte torturuar një vajzë, kalon nga një portofol në tjetër, sepse kreu i krimit në Shqipëri është Edi Rama që koordinon bandat. Sepse është Edi Rama që udhëton sipas dosjeve në Aruba. Se është Edi Rama që stoliset me orë 500 mijë eurosh.

The post Berisha: Rama kërkon të lirojë Dritan Dajtin! Banda e partisë do eliminonte një politikan të afërt me Ramën appeared first on Albeu.com.

Fatos Xhani, Altin Dizdari, Kastriot Feska dhe Saimir Duçkollari u përjetësuan në një nga rrugët kryesore të qytetit. Rruga në qytetin e Durrësit u riemërua si rruga “Dëshmorët e Kombit” në nderim të tyre, por sot, 4 shtator 2024, memoriali në nder të 4 policëve të operacionales është hequr.

Vepra e skulptorit Ardian Pepa e realizuar nën kujdesin e Drejtorisë Vendore të Policisë Durrës, nuk është më dhe aty kanë ngelur vetëm vidat, siç duket edhe në pamjet.
Megjithatë, burime të Policisë së Durrësit thonë për News24, se memoriali është larguar sepse i ishin liruar vidat, ndërsa nuk dihet ende se kur do të rivendoset pllakata përkujtimore e 4 policëve.

Efektivët e Njësisë Operacionale të Policisë së Shtetit, mbetën të vrarë në operacionin e 7 gushtit të vitit 2009, kur ndërhynë në zonën e plazhit për të arrestuar Dritan Dajtin, i cili ishte në kërkim për vrasjen e biznesmenit Agim Beqo.

Në korrik të vitit 2014, Dritan Dajti u dënua nga Gjykata e Shkallës së Parë për Krime të Rënda me burgim të përjetshëm për veprën penale “Vrasje në rrethana të tjera cilësuese” ndaj punonjësve të policisë Fatos Xhani, Sajmir Duçkollari, Altin Dizdari, Kastriot Feskaj gjatë një operacioni për arrestimin e tij më 7 gusht të vitit 2009 në plazhin e Durrësit.

The post U inaugurua një muaj më parë, hiqet memoriali për katër policët e vrarë nga Dritan Dajti në Durrës appeared first on Albeu.com.

I lidhur me pranga me efektivë të policisë, të cilët ishin të veshur me jelekë antiplumb, Dajti shfaqet i veshur me të zeza dhe me syze qendron buzë varrit të së ëmës.

Sipas informacioneve, ceremonia e varrimit u krye në Tufinë.

Më pas, mësohet se Dajti u kthye në ambientet e burgut të Peqinit, ku vuan dënimin, një dënim ende i diskutueshëm dhe në proces gjyqësor, pasi dënimi me 25 vite burg ka përfunduar, ndërkohë që i Dajti e cilëson të paligjshëm vendimin për burgim të përjetshëm.

The post Dritan Dajti lë qelinë për disa orë, zbulohet arsyeja appeared first on Albeu.com.

Kërkesa e Dajtit dhe kërkesa e Gjykatës është refuzuar pasi shërbimi policor i Burgjeve, përmes informacioneve sekrete ka argumentuar se Dajti ka tendencë arratisje nga burgu.

Ndaj nxjerja e tij nga qelia dhe transportimi drejt gjykatës së Elbasanit, mund të shërbejë si një mundësi për krijimin e kushteve për një arratisje të mundshme.

Avokati i tij është shprehur se mosrealizimi i prezencës fizike të Dajtit në seancë, është jo normale, pasi aktualisht janë 3800 policë burgjesh dhe 6 mijë policë rendi në Shqipëri.

“3800 policë burgjesh dhe 6 mijë policë rendi në Republikën e Shqipërisë, nuk shoqërojnë dot në gjykate një të dënuar. Ndërkohë që tek e njëjta gjykatë, në vitet 99-20000, janë gjykuar të pandehurit në praninë e tyre në sallë. Bëhet fjalë për banda të viteve ’97…”,-u shpreh ai.

Dritan Dajti, pak ditë më parë i kërkoi Gjykatës së Lartë, të korigjonte vendimin e saj për dënimin e tij me burgim të përjetshëm me argumentin që në një pikë të dispozitivit, të citohet ekzekutimi i vendimit të Gjykatës së lartë.

Por kjo kërkesë e Dajtit është rrëzuar nga gjyqtarët Sandër Simoni, Artur Kalaja dhe Ilir Panda me argumentin se vendimi për dënimin e tij me burg përjetë, ishte i qartë dhe s’kishte asnjë arsye për korrigjim vendimi.

Dajti duhet të liroheshe në 5 Korrik të këtij viti, por një vendim i Gjykatës së Lartë i marë në 11 qershor 2024, vendosi të prishë dënimin me 25 vite burgim për Dritan Dajtin dhe ta dënojë atë me burgim të përjetshëm.

Dajti, pretendon se vendimi i Gjykatës së Lartë, që mban datën 11 Qershor 2024, nuk është i formës së prerë dhe për pasojë nuk mund të shtrijë efektin për mbajtjen në qeli me masën e dënimit burgim të përjetshëm.

Në fakt ky është një nga ekuacionet më të çuditshëm juridik, që po e teston vetëm i dënuari Dritan Dajti, pasi dihet që vendimet e Gjykatës së Lartë, janë vendimi të ekzekutueshme dhe që kanë vlerën e formës së prerë.

Sipas Dritan Dajtit, vendimi i datës 8 shkurt 2019, ka marrë formë të prerë sot në datën 4 korrik 2024, ditë kur sipas llogaritjeve dhe vlerësimit të deklaruar nga vetë gjykata në këtë vendim, Dritan Dajti përfundon kryerjen e dënimit me 25 vjet burgim.

Por nga ana tjetër Gjykata e Lartë, në 11 qershor vendosi të prishë vendimin e Apelit për Krime të Rënda të datës 8 shkurt 2019, duke lënë në fuqi dënimin me burgim të përjetshëm të dhënë nga Gjykata e Shkallës së Parë për Krime të Rënda.

The post Dritan Dajti mund të arratiset, burgjet refuzojnë transportimin e tij drejt Gjykatës appeared first on Albeu.com.

Pasi realizoi një breshëri kërkesash në Gjykatën e Lartë, për të përjashtuar anëtarët e Gjykatës Medi Bici dhe Sandër Simoni, me qëllim shpëtimit nga dënimi me burg përjetë, tashmë Dritan Dajti, ka zgjedhur një strategji tjetër, me qëllim nxjerrjen “nul” të vendimit të Gjykatës së Lartë.

Dritan Dajti, i dënuari nga Gjykata e Lartë me burgim të përjetshëm, për akuzën e vrasjes së 4 punonjësve të strukturës operacionale në Policinë e Shtetit, i është drejtuar me dy kërkesa, gjykatës së Elbasanit dhe Drejtorisë së Burgut Peqin, duke kërkuar lirimin nga qelia pasi ai ka përfunduar dënimin me 25 vite burgim.

Dajti, pretendon se vendimi i Gjykatës së Lartë, që mban datën 11 Qershor 2024, nuk është i formës së prerë dhe për pasojë nuk mund të shtrijë efektin për mbajtjen në qeli me masën e dënimit burgim të përjetshëm.

Në fakt ky është një ekuacion juridik që po e teston vetëm i dënuari Dritan Dajti, pasi dihet botërisht që vendimet e Gjykatës së Lartë janë vendimi të ekzekutueshme dhe që kanë vlerën e formës së prerë.

Por pavarësisht kësaj, Dajti ditën e djeshme ka depozituar dy kërkesa në Gjykatën e Elbasanit dhe Drejtorinë e Burgut të Peqinit, duke kërkuar nxjerrjen e urdhrit të ekzekutimit dhe lirimin e menjëhershëm të tij nga qelia, pasi vendimin me 25 vite burgim të dhënë nga Gjykata e Apelit për Krime të Rënda, ai e ka shlyer totalisht.

Sipas Dritan Dajtit, vendimi i datës 8 shkurt 2019, ka marrë formë të prerë sot në datën 4 korrik 2024, ditë kur sipas llogaritjeve dhe vlerësimit të deklaruar nga vetë gjykata në këtë vendim, Dritan Dajti përfundon kryerjen e dënimit me 25 vjet burgim.

Por nga ana tjetër Gjykata e Lartë, në 11 qershor vendosi të prishë vendimin e Apelit për Krime të Rënda të datës 8 shkurt 2019, duke lënë në fuqi dënimin me burgim të përjetshëm të dhënë nga Gjykata e Shkallës së Parë për Krime të Rënda.

Në kërkesën drejtuar drejtorit të burgut Peqin, Florenc Doka, Dajti shprehet se: “…kërkon lëshimin e urdhrit për kryerjen e procedurës së lirimit të dënuarit Dritan Dajti, për shkak se ai në datë 4 korrik 2024, përfundon ekzekutimin e vendimit të dënimit me 25 vjet burgim…”.

Në pikën e dytë të kërkesës shprehet se: “…kërkon pajisjen e të liruarit Dritan Dajti me një vërtetim në të cilin saktësohen kohëzgjatja e vuajtjes së dënimit, uljet dhe përfitimet për shkak të ligjit, si dhe kohëzgjatja e lloji i punës së kryer në institucion…”.

Dhe në pikën e tretë të kërkesës Dritan Dajti kërkon: “...lëshimin e vërtetimit me të dhëna për aftësimin profesional të fituar gjatë kohës së vuajtjes së dënimit, si dhe për qëndrimin dhe sjelljen e tij brenda institucionit…”.

Krimet e Rënda, kanë kërkuar dënimin me burgim të përjetshëm të Dritan Dajtit për akuzën e “Vrasjes në rrethana të tjera cilësuese” ndaj punonjësit të policisë Fatos Xhani, Kastriot Feskaj, Altin Dizdari dhe Ilir Duçkollarit.

“Vrasja në rrethana të tjera cilësuese”, në mënyrë të rrezikshme për jetën e shumë personave me pasojë vdekjen e shtetasit Ledjon Mara dhe plagosjen e shtetasit Fatjon Shamku.

Krimet e Rënda kundërshtuan në Gjykatën e Lartë vendimin e Gjykatës së Apelit të Krimeve të Rënda, që dënoi Dajtin në 2019 me 25 vite burgim.

The post Vrau 4 oficerët e policisë, Dritan Dajti kërkon lirimin nga burgu: E kam përfunduar dënimin appeared first on Albeu.com.

Dosja “Dajti”, është një ndër çështjet që stopoi drejtësinë Shqiptare, duke kaluar në labirinte të ndryshme juridike, e tashmë kjo dosje është kthyer në provën e madhe për drejtësinë Shqiptare.

Kjo është drama e 4 familjeve të policëve të Operacionales të vrarë si Altin Dizdari, Fatos Xhani, Sajmir Duçkollari dhe Kastriot Feskaj, që vijon të endet dyerve të gjykatave, të cilët kërkojnë drejtësi.

Ky është rasti më tipik që tregon më së miri realitetin shqiptar, ku krimi është më i fortë se autoriteti i shtetit.

Pas 4 viteve qëndrim në pritje, Relatori Sandër Simoni dhe dy anëtarët Medi Bici, Ilir Panda, vendosën të marrin në shqyrtim çështjen penale të rekursuar nga Prokuroria e Krimeve të Rënda në 4 Prill 2019, ku i pandehur është Dritan Dajti, për të cilin Krimet e Rënda kanë kërkuar burgim të përjetshëm.

Akuza në këtë seancë, nuk do përfaqësohet nga Prokuroria e Posaçme SPAK dhe as nga Prokuroria e Krimeve të Rënda, e cila tashmë është konvertuar në SPAK, por nga Prokuroria e Përgjithshme.

Do jetë një prokuror i kësaj prokurorie që do mbrojë rekursin e Krimeve të Rënda, të cilat kanë kërkuar dënimin me burgim të përjetshëm të Dritan Dajtit, për akuzën e vrasjes në rrethana cilësuese të 4 punonjësve të policisë së shtetit, mbajtjes pa leje të armëve dhe përdorim i simboleve të Policisë së Shtetit.

Për këto akuza, në vitin 2019, dy gjyqtarë të Vlorës Skënder Damini dhe Petrit Alia, të deleguar nga KLGJ-ja tek Apeli i Krimeve të Rënda për gjykimin e kësaj çështje, vendosën të prishin vendimin e Shkallës së Parë që dënonte Dajtin me burgim të përjetshëm, duke e dënuar atë me 25 vite burgim.

Për këtë vendimmarrje gjyqtarët u ndanë 2 me 1, ku gjyqtari i Shkodrës, Fuad Vjerdha vendosi të dalë me mendim kundër, duke i qëndruar argumentimit se Dajti duhet të dënohej me burgim të përjetshëm.

Pas këtij vendimi që dënoi Dajtin me 25 vite burgim, Prokuroria e Krimeve të Rënda dhe Policia e Shtetit, kryen 4 kontrolle banesash në Tiranë, Vlorë dhe Shkodër, ku në fokus ishin shtëpitë e gjyqtarëve dhe njerëzve të afërm të Dajtit.

Një hetim u nis për akuzën e korrupsionit, por kaloi koha dhe hetimi u zbeh gjatë rrugës.

Tashmë është Kolegji i Gjykatës së Lartë që do vihet në provën e madhe për të zgjidhur përfundimisht çështjen e Dritan Dajtit, që për vite me radhë stopoi drejtësinë, duke zëvendësuar dhjetëra gjyqtarë dhe dhjetëra avokatë mbrojtës.

The post Vrau 4 policët e Operacionales/ Gjykata e Lartë çel sot seancën e parë për Dritan Dajtin appeared first on Albeu.com.

Katër policët, Fatos Xhani, Altin Dizdari, Kastriot Feskaj, dhe Sajmir Duçkollari, mbetën të vrarë në operacionin e Policisë me 7 gusht të vitit 2009, kur efektivët e Njësisë Operacionale të Policisë së Shtetit, ndërhynë në zonën e plazhit për të arrestuar Dajtin i cili ishte në kërkim, pasi ai ishte dënuar për vrasjen e biznesmenit Agim Beqo, ngjarje e ndodhur në vitin 1999 në Tiranë.

Fillimisht Dajti ka qenë i dënuar me burgim përjetë por iu hoq nga gjyqtarët Skënder Damini, Petrit Aliaj dhe Aleks Nikolli. Këta tre gjyqtarë firmosën pro heqjes së burgimit të përjetshëm për Dajtin, duke argumentuar se sipas ligjit i takon dhe e dënuan me 25 vite burg.

Vendimi është ankimuar nga prokuroria dhe do të shqyrtohet në dhomë këshillimi më 4 qershor 2024.

The post Vrau 4 policë në 2009, Prokuroria kërkon rikthimin e dënimit me burg përjetë për Dritan Dajtin appeared first on Albeu.com.

Vendimi u mor pas dorëheqjes së ekspertëve të mëparshëm, gjë që bëri edhe shtyrjen e seancës për në 3 dhjetor.

Gjashtë prona të paluajtshme që janë të rregjistruara në emër të familjarëve të Dritan Dajtit, i dënuar me 25 vite burgim për vrasjen e 4 policëve të operacionales në masakrën e 7 Gushtit në Durrës, kërkohen të konfiskohen nga Prokuroria e Posaçme.

Hetimi nisi prej shtatorit 2020 dhe dosja shkoi në gjykatë në qershor 2021.

Dajti po vuan dënimin me 25 vite burgim në burgun e Peqinit, pasi u dënua nga gjykata për vrasjen e 5 personave, 4 prej të cilëve efektivë të policisë dhe 1 biznesmen, i quajtur Agim Beqa, vrasje e kryer në vitin 1999 në Tiranë./albeu.com/

The post Frikë nga Dritan Dajti? Eksperët dorëhiqen, nuk pranojnë të vlerësojnë pronat e tij (FOTO LAJM) appeared first on Albeu.com.