Skuadra e Dritës tashmë njeh emrin e kundërshtarit të mundshëm në turin pasardhës, me kusht që të dalë fituese ndaj klubit maltez, Floriana.

Në shortin e hedhur në Nyon të Zvicrës për raundin e tretë të Ligës së Konferencës, kampionët kosovarë janë vendosur përballë formacionit sanmarinez, Tre Fiori.

Takimi i parë me Florianën zhvillohet në Maltë të martën në orën 19:30, ndërsa dueli i kthimit në Gjilan është caktuar për datën 28 korrik, duke filluar nga ora 20:00.

The post Shorti i favorshëm për Dritën, kampionët e Kosovës gati për një sfidë të kapërcyeshme pas testit maltez appeared first on Albeu.com.

Ditën e sotme ngrihet sipari i ndeshjeve të para të kualifikueseve të UEFA Champions League, me plot 10 përballje që janë programuar të zhvillohen.

Në orën 18:00, Drita, kampionia e Kosovës, do të zbresë në fushë përballë skuadrës lituaneze Kauno Zalgiris në një transfertë të konsideruar “delikate”. Ndeshja do të luhet në stadiumin “Darius and Girenas”.

Më pas, në 19:00, Vardar, që mban titullin kampion i Maqedonisë së Veriut, do të presë në shtëpi finlandezët e KuPS-it. Ky duel është planifikuar të zhvillohet në stadiumi “National Arena Toshe Proeski”.

NDESHJET E TJERA:

Ararat – Riga FC

Lincoln Red Imps – Inter Escalades

Sabah Baku – TNS

Floriana – Shamrock Rovers

Borac Banja Luka – Levski Sofia

Tre Fiori – Larne

Klaksvik – Bissen

Vikingur – Gyor

The post Startojnë sot kualifikueset e Champions League, Drita luan në fushë të vështirë ndaj Kauno Zalgiris, ndërsa Vardari përballet në letër me një rival më të kalueshëm appeared first on Albeu.com.

Klubi kosovar e ka bërë publik afrimin e futbollistit me një njoftim zyrtar, ku thuhet: “FC Drita njofton arritjen e marrëveshjes me futbollistin Altin Bytyçi. Bytyçi, qendërmbrojtës nga Kosova, i bashkohet klubit tonë për të forcuar repartin defensiv dhe për të sjellë cilësi, përvojë dhe karakter në skuadër”.

Qendërmbrojtësi është produkt i akademisë së Kukësit, ndërsa gjatë karrierës së tij ka luajtur edhe për Laçin, Besën e Pejës dhe Medjimurje në Kroaci. Pjesë e Partizanit, Bytyçi ishte prej gushtit të vitit 2023 dhe deri më sot.

The post Zyrtare/ Pas ndarjes me Partizanin, Altin Bytyçi firmos me kampionët e Dritës appeared first on Albeu.com.

Me skuadrën e re, Tusha ka nënshkruar një marrëveshje 3-vjeçare, e cila do ta mbajë të lidhur me klubin deri në verën e vitit 2029. Për transferimin e tij, Celje ka paguar 250 mijë euro.

Gjatë karrierës së tij, 23-vjeçari e ka nisur rrugëtimin te Vardari. Më pas ai ka qenë pjesë e Denizlispor, Nieciecza, Ballkani dhe Dinamo City në Superioren e Shqipërisë.

Ndërkohë, NK Celje mund të vendoset përballë Egnatias në turin e dytë të UEFA Champions League. Një skenar i tillë bëhet realitet nëse rrogozhinasit arrijnë të eliminojnë moldavët e FC Petrocub në raundin e parë kualifikues.

The post ZYRTARE/ Veton Tusha largohet nga Drita, NK Celje paguan 250 mijë euro për ish-sulmuesin e Superiores appeared first on Albeu.com.

Mbrojtësi i djathtë ka vendosur t’i japë fund qëndrimit të tij te Laçi, për të nisur një kapitull të ri me bardhekaltërit.

Në njoftimin e prezantimit, klubi shkruan: “Mirë se erdhe në familjen bardhekaltër, Agan Mjaki! FC Drita ka kënaqësinë të prezantojë Agan Mjakin si përforcimin më të ri të skuadrës sonë. Aganit i dëshirojmë mirëseardhje, shumë suksese dhe paraqitje sa më të mira me fanellën tonë”.

23-vjeçari është një futbollist i formuar në Holandë. Para transferimit te Laçi në gusht të 2023-shit, ai ka qenë pjesë e ekipeve si Buiksloot, Tëente dhe Groningen.

The post ZYRTARE/ Pas eksperiencës si protagonist te Laçi, Agan Mjaki transferohet te kampionët e Superligës së Kosovës appeared first on Albeu.com.

Kampionët e Kosovës do të sfidojnë sllovenët e Celjes, ndërsa Shkëndija mat forcat me Samsunspor.

Drita evitoi përballjen me holandezët e AZ Alkmar, megjithatë Celje mbetet një kockë e forte, pasi po zhvillon një sezon shumë të mirë duke dominuar kampionatin slloven.

Në anën tjetër, Shkëndija sfidon klubin turk pasi goglat nuk e vendosën përballë Lek Poznan. Italianët e Fiorentinës ndërkohë do të përballen me skuadrën që eleminoi Dinamon nga ky kompeticion, polakët e Jagiellonas.

Ndeshjet e para do të luhen më 19 shkurt. Fati vuloset më 26 shkurt në ndeshjen e kthimit.

Jagiellonia – Fiorentina

Omonoia – Rijeka

Noah – AZ Alkmar

Drita – Celje

KuPS Kuopio – Lek Poznan

Shkëndija – Samsunspor

Zrinjski – Kristal Palas

Sigma Olomuc – Luzan-Sport

The post Conference League/ Hidhet shorti i “play-off”, Shkëndija dhe Drita mësojnë rivalët appeared first on Albeu.com.

Gjërat në këtë ndeshje u lehtësuan për Dritën pasi në minutën e 17 skuadra e Shelbourne mbeti në inferioritet numerik pas ndëshkimit me karton të kuq të James Norris pas një faulli ndaj Almir Ajzeraj. Megjithatë 3 minuta më vonë, skuadra irlandeze iu afrua golit me Harry Wood që u ndal nga shtylla. Në minutën e 45 ishte Drita që nuk pati fatin me vete pasi Rron Broja goditi tramversën dhe pjesa e parë u mbyll me barazimin 0-0.

Në pjesën e dytë, Drita arriti të gjejë golin e avantazhit në minutën e 58 pikërisht me Almir Ajzerajn. Historitë e kësaj ndeshjeje nuk ndryshuan më deri në fundin e takimit me Dritën që fitoi duke marrë 3 pikë që e ngjisin në vendin e 15 me 5 pikë. Një paraqitje po kaq të mire bëri edhe skuadra tjetër shqiptare, Shkëndija e Tetovës që arriti t’i imponohej Jagellonias me rezultatin 1-0 ku vendimtar u bë Liridon Latifi me golin e tij. Fitorja e dytë për Shkëndijen në këtë kompeticion që e ngjit atë në kuotën e 6 pikëve.

Ndërkaq Dinamo e Zagrebit zhgënjeu në ndeshjen e radhës së Europa League. Skuadra kroate ku aktivizohet sulmuesi i kombëtares shqiptare, Arbër Hoxha u mund në shtëpi nga Celta Vigo me rezultatin 0-3. Në këtë ndeshje Hoxha ishte titullar, por nuk mundi dot të ndihmojë skuadrën e tij të evitonte humbjen.

Po në Europa League, Roma mori një fitore në transfertë ndaj Glasgow Rangers së Nedim Bajramit me rezultatin 2-0 me 2 gola të Matias Soule. Aston Villa mposhti Maccabi Tel Aviv 2-0, fitore të rëndësishmë mori edhe Real Betis ndaj Olympique të Lyon me rezultatin 2-0.

The post Drita dhe Shkëndija, mbajnë me nder lartë emrin e Shqipërisë, fitojnë të dyja në Conferencë League! appeared first on Albeu.com.

Ndikimi i parë do të ishte energjia. Çdo llambë e ndezur është një thirrje e menjëhershme për rrjetin elektrik, i cili duhet të përgjigjet menjëherë me një furnizim ekuivalent të energjisë.

Kjo ndodh sepse ekuilibri midis furnizimit dhe kërkesës duhet të jetë konstant: rrjeti nuk e “konservon” energjinë elektrike në sasi të mëdha, por e shpërndan atë në kohë reale. Nëse ky ekuilibër prishet, edhe vetëm për disa sekonda, sistemi mund të shembet. Një ndërprerje e energjisë, siç e shohim shpesh në verë, nuk është e largët.

Centralet e qymyrit dhe ato bërthamore, ndërsa janë të fuqishme, kanë kohë reagimi të ngadaltë. Centralet me gaz natyror janë më të shkathëta dhe përdoren pikërisht në orët e pikut. Burimet e energjisë së rinovueshme, varen nga kushtet e motit që nuk mund të programohen: dielli nuk shkëlqen sipas kërkesës dhe era ndjek ritmet e veta.

Edhe bateritë e magazinimit që janë gjithnjë e më të përhapura nuk janë ende të afta të mbështesin një qytet të tërë për periudha të gjata kohore.

Por ka një faktor tjetër që duhet marrë në konsideratë: nuk ka një rrjet të vetëm global të energjisë elektrike. Çdo vend, ose grup vendesh, ka një sistem autonom, shpesh të ndërlidhur, por edhe të aftë të izolohet shpejt. Kjo do të thotë që një ngjarje ekstreme në një pjesë të botës nuk ka gjasa të ketë efekte të valëzuara në një shkallë globale.

Megjithatë, edhe pa një kolaps të përgjithshëm, efektet do të ishin të dukshme diku tjetër. Vizualisht, për shembull. Një kulm i njëkohshëm në ndriçim do ta amplifikonte në mënyrë eksponenciale fenomenin e ndotjes nga drita.

Qielli i natës do të errësohej nga një shkëlqim i shpërndarë, i njohur si shkëlqim qielli, i nxitur nga drita që reflektohet nga pluhuri dhe sipërfaqet urbane. Yjet do të zhdukeshin, të mbuluara nga një vello artificiale që tashmë na pengon të vëzhgojmë Rrugën e Qumështit nga qytetet. /zero1.al

The post Çfarë ndodh nëse të gjitha dritat në botë ndizen në të njëjtën kohë? appeared first on Albeu.com.

Në një foto në Instagram, Jola Hysaj shkruan:Skandal me ujin në Durrës.

Në zonën e plazhit mungon uji prej ditësh. Bizneset dhe banorët ankohen.

Turistët janë të zhgënjyer por ujësjellësi hesht.

Në kulmin e sezonit turistik, Durrësi përballet me mungesë uji dhe neglizhencë totale.

”Kur dhëndri është nga Durrësi dhe vjehrri jeton në Tiranë. 8 Ditë pa ujë!

Vjehrri: O dhëndër ku vete kesh?
Dhëndëri: Vij te nusja bëj një dush, se u mbush djersa u bë llum!”, shkruan Hysaj në Instagram.

The post Hysaj: Në kulmin e sezonit turistik, Durrësi përballet me mungesë uji dhe neglizhencë totale appeared first on Albeu.com.

Pelegrinë te krishterë kanë mbushur Kishën e lashtë të Varrit të Shenjtë për të shënuar traditën shekullore, sipas të cilës çdo vit në të shtunën e Madhe të pashkëve ortodokse, zjarri i shenjtë u kalohet me qirinj besimtarëve.

Ceremonia do të drejtohet nga Patriarku Theophilos III. Patriarku ortodoks grek i Jeruzalemit, pasi heq petkun e tij hierarkik dhe vishet me një rrobë të bardhë, hyn në dhomën e errët me ne duar tufa prej 33 qirinjsh, që simbolizojnë vitet e jetës tokësore të Jezu Krishtit, çka përbën dhe momentin kulmor të ceremonisë.

Atje, ai qëndron në lutje për rreth 15 minuta. Pak çaste më vonë, del duke mbajtur qirinjte e ndezur nga Zjarri i Shenjtë, çka shënon Ringjalljen.

Festa e Pashkës, që simbolizon pikërisht ringjalljen e Jezusit, zakonisht tërheq mijëra adhurues në Kishën e Varrit të Shenjtë, ku të krishterët besojnë se Jezusi u varros. Varri ndodhet në zemër të lagjes së krishterë të qytetit të vjetër në Jerusalemin Lindor, të aneksuar nga Izraeli pas luftës së vitit 1967, në një lëvizje që nuk njihet ndërkombëtarisht.

The post “Ejani merrni dritë”/ Nisin në Jerusalem përgatitjet për ceremoninë e Zjarrit të Shenjtë appeared first on Albeu.com.