Lajmi është bërë me dije nga klubi i Superligës së Kosovës me anë të një postimi në rrjetet sociale.

Klubi shpreh pikëllimin e madh për ndarjen e parakohshme nga jeta të talentit të futbollit kosovar.

“Me dhimbje dhe pikëllim të thellë e morëm lajmin për ndarje nga jeta të Drinor Fitim Berishës, futbollist i grupmoshave të Shkollës sonë të Futbollit.

Lajmi për vdekjen tragjike të Drinorit na ka trishtuar e pikëlluar të gjithëve. Ikja e tij e hershme nga kjo botë është dhimbje e madhe dhe humbje e pazëvendësueshme për familjen, por edhe për bashkëlojtarët e tij dhe të gjithë neve në klub.

Në këto momente të vështira për familjen, lusim Zotin që të gjeni forcë për ta përballuar këtë dhimbje të madhe dhe ta kujtoni Drinorin përherë me krenari.

U prehsh në parajsën e paskaj ti shpirt i ëmbël…”, shkruan klubi i Malishevës./Albeu.com

The post Futbolli shqiptar në zi, ndahet nga jeta talenti 14-vjeçar appeared first on Albeu.com.