I moshuari banues në fshatin Surroj, mësohet se vuante nga skleroza, ndërsa gjatë këqyerjes nga eksperti mjeko-lihjot në trupin e tij nuk janë konstatuar shenja dhune.

Sipas veprimeve hetimore dyshohet se 77 vjeçari është  mbytur aksidentalisht.

Njoftimi i policisë:

Më datë 17.10.2022, në ujërat e lumit Drini i Zi, në fshatin Surroj, është gjetur trupi i pajetë i shtetasit A. S., 77 vjeç, banues në fshatin Surroj, i cili vuante nga skleroza.

Gjatë këqyrjes nga eksperti mjeko-ligjor, në trupin e shtetasit A. S. nuk janë konstatuar shenja dhune.

Nga tërësia e veprimeve hetimore dyshohet se ky shtetas është mbytur aksidentalisht.

Materialet i kaluan Prokurorisë pranë Gjykatës së Rrethit Gjyqësor Kukës, për veprime të mëtejshme./albeu.com

The post Gjendet trupi i pajetë i një të moshuari në lumin Drini i Zi, vuante nga skleroza appeared first on Albeu.com.

Kanë qenë banorët e fshatit Fushë-Alie që kanë kërkuar fillimisht ndihmën e policisë.

Sipas dëshmive të baorëve, ai dyshohet të jetë parë për herë të fundit pranë Drinit të Zi.

Njoftimi i policisë:

Dibër/informacion paraprak

Shërbimet e Komisariatit të Policisë Dibër, rreth orës 19.00,  janë njoftuar nga disa banorë të fshatit Fushë-Alie, ku kërkonin ndihmën e policisë pasi shtetasi T. Xh., rreth 50 vjeç, prej orëve të mbasdites ka humbur kontaktet dhe nuk është kthyer në banesë.

Nga deklarimet paraprake të disa prej banorëve, rezulton se e kanë parë  shtetasin T. Xh., në vendin e quajtur ‘Rrethas’, buzë lumit Drini i Zi, dyshohet duke peshkuar dhe më pas nuk kanë parë më.

Shërbimet e Komisariatit të Policisë Dibër dhe forcat ‘Shqiponja’, kanë shkuar menjëherë në vendin e ngjarjes.

Aktualisht kërkimet janë ndërprerë për shkak të errësirës dhe do të rifillojnë përsëri në orët e para të mëngjesit.

Grupi hetimor vijon hetimet për zbardhjen e rrethanave të ngjarjes./albeu.com/

The post Vijojnë zhdukjet, 50-vjeçari në Dibër “humb gjurmët”! Ku u pa për herë të fundit appeared first on Albeu.com.