Një shkëmbim i ashpër fjalësh dhe sfidash ka shpërthyer në rrjetet sociale mes dy boksierëve shqiptarë, Amarildo Bakaj dhe Drilon Rama. Edhe pse deklaratat e Bakajt, ku e përshkruante Ramën si një boksier të vockël dhe e krahasonte me një femër, datojnë më shumë se një vit më parë, thirrjet për një përballje fizike mes tyre janë ndezur sërish me forcë.

Drilon Rama publikoi mbrëmë një video-mesazh në profilin e tij, ku sfidonte hapur kundërshtarin. “S’jam ndonjë Rambo interneti që gjuan thumba kot, mos e prit këtë prej meje. Dua ta mbyllim këtë çështje si dy sportistë të vërtetë. Më i forti le të triumfojë; nëse e ke gati, të pres. Ti vetë the që gjithkush heziton të hedhë hapin e parë, por këtë bisedë e nise ti, e do ta përmbyll unë,” shprehet Rama në videon e tij.

Reagimi i Amarildo Bakajt nuk vonoi aspak. Me nota të dukshme ironie, ai shkruan se Rama në të vërtetë nuk ka kurajën e mjaftueshme për t’u ndeshur realisht. Në fund të komentit të tij, boksieri lezhjan, ndonëse shpreh bindjen se dy shqiptarët nuk duhet të luftojnë kundër njëri-tjetrit, jep dakordësinë për duelin për shkak të ngulmimit të kundërshtarit.

“Po të boksoje për flamurin shqiptar, do të thosha ‘të qoftë turp’, se ne jemi një. Por ti, nga Google e ngado, shihet qartë se lufton për flamurin gjerman, ndaj do të jap një mësim të mirëfilltë shqiptar,” e mbyll reagimin e parë Bakaj.

Më pas, Bakaj ka vazhduar me postime të tjera, duke treguar se ai vetë e ka kontaktuar Ramën, por pretendon se ky i fundit nuk i ka kthyer përgjigje.

Deklarata e plotë e Drilon Ramës ishte: “Amarildo Bakaj e di fare mirë se çfarë ke thënë kur unë isha në BBVK, prandaj po përgjigjem shkurt. Edhe unë kam gjak shqiptari në vena dhe jam krenar për këtë. Nuk dua të përlahem me shqiptarë, por nuk lejoj askënd të flasë kundër meje pa u përballur. Meqë jemi të dy boksierë, le ta zgjidhim këtë temë si dy sportistë të mirëfilltë; le të përcaktojmë datën, mënyrën dhe vendin.”

Ndërkohë, përgjigjja e plotë e Bakajt ishte e mbushur me thumba dhe fjalë të rënda: “Ngrihet një burrë 72 kilogramësh, sa një femër, dhe i kërkon ndeshje një boksieri 87 kilogramë. Në publik bën të fortin, por në privat, po ju betohem në Zot, ka një orë që i kam shkruajtur e s’ma ka çelur as mesazhin. E di se do t’ia bëj kockat copë për 10 sekonda. Nëse e sjell peshën në nivelin tim, të jap fjalën që t’ia jap shansin. Për fjalët që ke thënë, je Rambo vetëm në internet. Unë po ta premtoj se do të të dal përpara; ti je ende foshnjë dhe nuk i njeh pasojat e rrugës, por te unë do të japësh provimin e parë. Do të kap me video që ta shohin të gjithë burrërinë tënde live.”

The post “Hajde përballemi në ring!” – Amarildo Bakaj i përvishet ashpër Drilon Ramës: 72 kilogramë burrë si grua, unë do të të mësoj si bëhet shqip appeared first on Albeu.com.

Boksieri nga Drenica ka folur hapur për raportin e prishur me ish-banorën Sara Kolami, me të cilën pati një miqësi të afërt edhe jashtë shtëpisë së BBVK-së. Ai ka sqaruar se tashmë nuk kanë më komunikim, duke theksuar se marrëdhënia e tyre nuk ka qenë kurrë më shumë se një shoqëri.
“Ka qenë një shok i mirë, edhe pas Bigut. Edhe jashtë jam kuptuar mirë me të, por asnjëherë nuk ka pasur diçka më shumë nga ana ime”, u shpreh Rama.

Ai zbuloi se prishja e raportit ndodhi pas daljes së një videoje të vjetër, e cila sipas tij u keqinterpretua dhe krijoi përshtypjen se ai kishte tradhtuar Sarën. Sipas Drilonit, në atë moment shumë njerëz i kthyen shpinën, përfshirë edhe Sarën, e cila vendosi ta heqë nga lista e ndjekësve në Instagram.

“Por problemi është që doli një video që ka ndodhur shumë më herët, se di sa vite, edhe kur doli videoja më janë gjuajtur shumë njerëz se u duk sikur me tradhtu Sarën dhe Sara e shfrytëzoi atë moment dhe më hoqi nga lista e ndjekësve në Instagram. Mu nuk më është dukur mirë ajo sjellje. Nëse do të ishte shok i vërtetë, nuk do ta kishte shfrytëzuar atë moment, por do ta kishte bërë më herët”, tha ai.

Në fund, Rama i uroi gjithë të mirat Sarës dhe të gjithë ish-banorëve të BBVK-së, përfshirë edhe ata që nuk e kanë kuptuar.

The post Drilon Rama flet për raportin me Sara Kolamin pas BBVK3: Nuk më është duk mirë që e shfrytëzoi atë moment appeared first on Albeu.com.

Atij fillimisht iu tha se ka pëlqim për Lelën, e tani për modelen nga Shqipëria, Sara Kolami.

E duket se rreth kësaj pjese ka më shumë presion se sa që ndihet i lirë të veprojë si të dojë.

Në një bisedë me Eduart Kuqin, boksieri thotë se është thirrur në dhomë të rrëfimit dhe se i kanë kërkuar që të lidhet me Sarën.

Ai ia përmend faktin se kështu duan t’i shohin jashtë dhe kjo të jetë vetëm për lojë.

“Ne as nuk ia kemi nisur dhe po duan të na shohin njerëzit bashkë e po na shtynë edhe në atë drejtim dhe që na kanë thirr edhe në dhomë të rrëfimit”, u shpreh ai.

Tutje shtoi: “Ti e di që na kanë thirr në dhomë të rrëfimit, ata njerëzit jashtë po duan. Nuk ka qenë interesant vëlla, nëse jashtë nuk duan nuk të qesin”.

The post Driloni thotë se në dhomë të rrëfimit i kanë kërkuar të lidhet me Sarën – ‘Vëllai i Madh’ ia tërheq vërejtjen disa herë appeared first on Albeu.com.