Tirana mori fitoren e parë në kampionat duke triumfuar 4-0 ndaj Vorës, në duelin e javës së tretë të “Abissnet Superiore”, të zhvilluar në stadiumin “Selman Stermasi”. Sulmuesi Drilon Hazrollaj, autor i dy golave, u vlerësua si “Lojtari i Ndeshjes” dhe foli pas përfundimit të takimit.

“Për ne ishte një sukses shumë i rëndësishëm. Kishim pësuar dy humbje në kampionat dhe ishte e domosdoshme të reagonim.

Te Tirana jam ndier mirë që prej mbërritjes, pasi më kanë pritur në mënyrën më të mirë. Kur erdha, nuk isha në gjendjen optimale dhe tani po përpiqem të rikuperoj formën. Jap maksimumin tim dhe shpresoj të vazhdoj kështu edhe në të ardhmen.

Sa i përket ndryshimeve mes kampionateve, Superliga e Kosovës dhe ajo e Shqipërisë kanë diferenca të mëdha, veçanërisht në aspektin fizik dhe taktik. Këtu duhet të punosh më shumë edhe në fazën mbrojtëse. Edhe në krahasim me Rumaninë, kampionati shqiptar nuk është shumë i dobët”, deklaroi Hazrollaj.

The post Hazrollaj shënon dy herë ndaj Vorës dhe shpallet “Lojtari i Ndeshjes”: Shpresoj ta vijoj në këtë mënyrë appeared first on Albeu.com.

Klubi i Tiranës ka zyrtarizuar një tjetër goditje në merkato, duke prezantuar sulmuesin e ri Drilon Hazrollaj. Nëpërmjet një komunikate në platformat dixhitale, bardheblutë bënë me dije se lojtari 22-vjeçar nga Kosova mbërrin në formë huazimi nga skuadra e FC Rapid 1923.

Marrëveshja i lë hapësirë Tiranës që në përfundim të këtij sezoni të ushtrojë të drejtën e blerjes përfundimtare të kartonit, me kusht që Hazrollaj të bindë me paraqitjet e tij dhe të kontribuojë në synimet e ekipit kryeqytetas.

Anësori ofensiv ka grumbulluar më parë minuta në Superligën e Kosovës me fanellën e Malishevës, ndërsa tani i hapet një kapitull i ri në Kategorinë Superiore, pikërisht me ngjyrat bardheblu.

NJOFTIMI ZYRTAR I TIRANËS:

“ZYRTARE | DRILON HAZROLLAJ VISHET BARDHEBLU

KF Tirana konfirmon me kënaqësi se ka nënshkruar me futbollistin Drilon Hazrollaj, i cili vjen në huazim nga FC Rapid 1923, me opsion për ta blerë përfundimisht në fund të aventurës.

Sulmuesi 22-vjeçar kosovar, i cili mbulon krahun e djathtë të repartit ofensiv, ka luajtur më parë për FC Malishevën dhe FC Rapid 1923, duke i shtuar kështu një tjetër zgjidhje stolit të Tiranës për sezonin e ri.

Kushtet e dakordësuara mes palëve parashikojnë mundësinë që klubi ynë të finalizojë transferimin e përhershëm të lojtarit sapo të mbyllet periudha e huazimit.

Të mirëpresim Drilonin në familjen tonë!

I urojmë shumë suksese me fanellën e KF Tiranës.”

The post Lëvizje surprizë e Tiranës, bardheblutë afrojnë talentin kosovar appeared first on Albeu.com.