Mediat kosovare bëjnë të ditur se Policia është ngarkuar të mbledhë informacione dhe prova për të përcaktuar nëse ka pasur shkelje penale dhe kush mund të jenë personat përgjegjës. Dyshimet lidhen me dallime mes rezultateve fillestare dhe atyre pas rinumërimit.

Hetime të ngjashme janë duke u zhvilluar edhe në komuna të tjera, përfshirë Ferizajn dhe Malishevën, ndërsa Komisioni Qendror i Zgjedhjeve ka urdhëruar rinumërim të plotë të votave të rregullta në disa zona për shkak të mospërputhjeve në votat e kandidatëve.
Rasti më i rëndë deri më tani është shënuar në Prizren, ku javën e shkuar u ndaluan 109 persona nën dyshimet për manipulim të rezultatit zgjedhor. Gjykata caktoi masën e paraburgimit njëmujor për 23 prej tyre.

Procesi i numërimit të votave përfundoi më 9 janar, ndërsa votat u përpunuan në qendrat komunale dhe në Qendrën e Numërimit dhe Rezultateve. Gjatë këtij procesi, çdo fletëvotim kalon në disa nivele kontrolli, por dyshimet për manipulim lidhen kryesisht me fazën e leximit të votave për kandidatë, ku mund të ndryshohet verbalisht numri i kandidatit të votuar.

Ky problem nuk ndikon në rezultatin e partisë, por mund të ndryshojë ndarjen e votave mes kandidatëve brenda të njëjtës listë, çka përbën vepër penale sipas ligjeve në fuqi.

Lëvizja Vetëvendosje ka dalë fituese e zgjedhjeve me mbi 51 për qind të votave dhe pritet të ketë 57 ulëse në legjislaturën e dhjetë të Kuvendit të Kosovës.

The post Dyshime për manipulim votash në Drenas/ Policia nis hetimet pas rinumërimit të votave appeared first on Albeu.com.

Zëdhënësi i Policisë, Agron Borovci i tha Gazetës Express se rreth orës 14:00 kishin pranuar informata për aksidentin fatal.

“Nga informatat e para bëhet e ditur se dy vetura janë përfshirë në aksident dhe si pasojë e aksidentit dy persona kanë humbur jetën përderisa tre të tjerë kanë pësuar lëndime”, tha ai.

Trupat e pajetë të viktimave janë dërguar në Institutin e Mjekësisë Ligjore ndërkaq të lënduarit janë dërguar në QKUK – Prishtinë, për trajtimin e nevojshëm mjekësor.

“Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti”, tha Borovci./albeu.com

The post E FUNDIT/ Aksident në Drenas, humbin jetën dy persona, raportohet për tre të lënduar appeared first on Albeu.com.

Lajmin e ka bërë të ditur Policia e Kosovës përmes një njoftimi.

Sipas policisë, dy meshkuj kanë futur me forcë në makinë një të mitur dhe më pas e kanë liruar duke e shtyrë nga vetura e duke e lënë në rrugë.

 Njoftimi i policisë:

RRËMBIM /Gllogoc, 21.03.2022-20:20. Raportohet se dy të dyshuar të panjohur, me forcë kanë futur në veturë viktimën femër kosovare të moshës së mitur ,dhe më pas e kanë liruar duke  shtyrë nga vetura dhe duke e lënë në rrugë . Viktima nga disa kalimtarë të rastit është dërguar në stacion policor dhe më pas e njëjta ka pranuar tretman mjekësor . Rasti duke u hetuar nga njësitë relevante./albeu.com/

The post Rrëmbehet e mitura shqiptare, dy djem e fusin me forcë në makinë appeared first on Albeu.com.

Në Drenas, ky exit poll ka nxjerr fitues Ramiz Lladrovcin e Partisë Demokratike të Kosovës me 60% të votave, ndërsa Driton Ajazaj i Demokratëve për Drenasin ka marr vetëm 40% të votave.

Pas publikimit të këtyre rezultateve, festa në degën e PDK-së në Drenas ka filluar.

The post Fillon festa në degën e PDK-së në Drenas (VIDEO) appeared first on Albeu.com.