Drejtori i Policisë Rrugore, Altin Qato tha se të gjithë punonjësit do të pajisen me tableta, brenda muajit dhjetor dhe do të kenë mundësi të vendosin gjobat “online”, po ashtu edhe gjoba do të shfaqet online për qytetarët në momentin që vendoset.

Por njëkohësisht kjo do të thotë se polici i cili vendos gjobën, do të shohë në kohë reale historikun e gjobave të shoferit. Kjo do i lejojë atij mundësinë të vendosë gjobën maksimale, nëse sheh në historik se shoferi është përsëritës në shkeljen përkatëse.

Megjithatë, lajm i mirë është se ankimimi për gjobën do të mund të bëhet në çdo qytet, pavarësisht se ku merrni masën administrative.

“Ne kemi e-gjobë, brenda muajit, në dhjetor besoj, të gjithë punonjësit e policisë nuk do vendosin më gjoba me bllok, do pajisen me tabletë dhe aty kanë historikun. Punonjësi i policisë e vendos në sistemin e gjobave online, dhe çdo qytetar mund ta verifikojë menjëherë online, me numrin e shasisë në e-Albania. Qytetari nëse nuk është dakord e ankimon te komisioni administrativ. Ankimimi mund të bëhet në çdo qytet, mund ta kapet në Sarandë, dhe të ankimojë në Tiranë. Dhe i kthehet përgjigja online, ky është një lehtësim”, u shpreh Qato në Komisionin Parlamentar të Veprimtarive Prodhuese.

The post Blloku i gjobave të policisë zëvendësohet me tablete, pse ky lajm është i keq për drejtuesit e mjeteve appeared first on Albeu.com.

Gjatë javës po ashtu janë pezulluar 115 leje drejtimi, për drejtim mjeti nën efektin e alkoolit, për shpejtësi tej normave të lejuara dhe qarkullim në sens të kundërt.

Janë vendosur 6932 masa administrative, me një mesatare 990 masa në ditë, konkretisht:

– 73 masa për drejtim mjeti nën ndikimin e pijeve alkoolike;

– 128 masa për mosrregullim të shpejtësisë/gara shpejtësie;

– 115 për xhama të zinj;

– 325 masa për parakalime të gabuara;

– 1037 masa për përdorim të aparatit të celularit gjatë drejtimit të mjetit;

– 559 masa për mosvendosjen e rripit të sigurimit;

– 116 masa për mosvendosjen e kaskës mbrojtëse;

– 93 masa administrative për mungesë siguracioni;

-3188 masa administrative për qëndrim/pushim të gabuar të mjetit;

– 1298 për shkelje të ndryshme.

Janë bllokuar 10 mjete luksi, për mungesë dokumentacioni dhe me targa të huaja, të cilat i kanë kaluar për verifikime të mëtejshme Seksionit Kundër Trafiqeve të Paligjshme në DVP Tiranë.

Janë tërhequr 32 leje qarkullimi, për detyrime të papaguara, si dhe janë hequr 12 palë targa të skaduara.

Kujtojmë se një ditë më parë u njoftua se nëse shoferët nuk paguajnë gjobën brenda 30 ditëve, atyre do t’u sekuestrohen mjetet./albeu.com

The post “Rrugorja” vendos rreth 7 mijë gjoba brenda një jave në Tiranë, nëse nuk paguhen brenda 30 ditëve, u sekuestrohet mjeti appeared first on Albeu.com.

‘Mos shpejtoni e mos drejtoni mjetin nën efektin e alkoolit apo në gjendje të dehur, mos kryeni parakalime të gabuara dhe mos përdorni celularin gjatë drejtimit të mjetit, tregoni kujdes të shtuar pasi ka prezencë të lagështirës në rrugë, në zona të caktuara edhe reshje të dendura shiu, respektoni rregullat e qarkullimit rrugor që të arrini të sigurt në destinacion.

Policia Rrugore, pavarësisht kushteve të vështira të motit, ka rritur akoma më shumë prezencën në akset rrugore dhe qendrat e banuara, duke vijuar kontrollet intensive për të evidentuar dhe ndëshkuar shkelësit e Kodit Rrugor, me qëllim parandalimin e aksidenteve rrugore dhe rritjen e parametrave të sigurisë së jetës në rrugë.

Gjatë kontrolleve në 24 orët e fundit, nga shërbimet e Policisë janë konstatuar me radar shpejtësi që varonin deri në 170 km/h, si dhe drejtues mjetesh që drejtonin mjetet në gjendje të dehur dhe nën ndikimin e alkoolit. Gjithashtu, nga kontrollet intensive janë konstatuar dhe arrestuar disa shtetas, kryesisht të rinj, që drejtonin mjetet pa leje drejtimi.

Janë arrestuar në flagrancë 11 drejtues mjetesh, nga të cilët 5 për drejtim mjeti në gjendje të dehur dhe 6 për drejtim mjeti pa leje drejtimi.

Janë pezulluar gjithsej 39 leje drejtimi, nga të cilat 30 për drejtim mjeti me shpejtësi tej normave të lejuara dhe 9 për drejtim mjeti nën efektin e alkoolit apo në gjendje të dehur.

Gjatë 24 orëve të fundit, si rezultat i kontrolleve intensive dhe denoncimeve të qytetarëve te Komisariati Dixhital apo në numrin 112, në të gjithë vendin janë ndëshkuar me masë administrative 1734 drejtues mjetesh, për shkelje të Kodit Rrugor që përbëjnë rrezik potencial për përfshirje në ngjarje rrugore, konkretisht për përdorim të celularit gjatë drejtimit të mjetit, për parakalime të gabuara, për mospërdorim të rripit të sigurisë, për shpejtësi mbi normat e lejuara, manovra të rrezikshme në rrugë dhe mosrregullim shpejtësie, veçanërisht në qendrat e banuara, për mospërdorim të kaskës mbrojtëse në mjetet me dy rrota, si dhe për mosruajtje të largësisë së sigurisë mes mjeteve.

Në akset rrugore në drejtim të Tiranës dhe Morinës, përgjatë ditës së sotme ka pasur dhe vijon të ketë fluks të shtuar të automjeteve që kthehen nga zonat bregdetare, si dhe në të gjitha akset rrugore ka prezencë të lagështirës dhe të ujit në rrugë, ndaj Policia Rrugore apelon për të gjithë drejtuesit e automjeteve që të respektojnë rregullat e qarkullimit rrugor, si dhe fton qytetarët që të denoncojnë në Komisariatin Dixhital dhe në numrin e emergjencave 112, çdo paligjshmëri.’- njofton policia.

The post Me shpejtësi deri në 170 km/h, të dehur dhe pa patentë, arrestohen 11 shoferë! Gjobiten 1734 drejtues mjetesh (VIDEO) appeared first on Albeu.com.

Gjatë 24 orëve janë tërhequr 21 leje drejtimi dhe janë vendosur 58 masa administrative për tejkalim shpejtësie, 65 për parakalime të gabuara, manovra të rrezikshme dhe për drejtim mjeti nën efektin e alkoolit.

Po gjatë këtyre kontrolleve janë shoqëruar për verifikim në Komisariatet e Policisë Kurbin dhe Lezhë, 6 drejtues mjetesh.Është bërë bllokimi i 3 automjeteve, për mungesë dokumentacioni. Janë bllokuar 2 mjete që qarkullonin me targa të mjeteve të tjera.Gjithashtu, është proceduar penalisht në gjendje të lirë 1 drejtues mjeti, për kundërshtim të punonjësit të Policisë.

NJOFTIMI:
Lezhë Policia Rrugore e Lezhës vijon me kontrolle të shtuara, për evidentimin dhe ndëshkimin e shkelësve të Kodit Rrugor, me qëllim parandalimin e aksidenteve rrugore.
Gjatë 24 orëve të fundit janë arrestuar në flagrancë 5 drejtues mjetesh dhe janë proceduar në gjendje të lirë për shkak të moshës, 2 drejtues të tjerë, për drejtim mjeti pa leje drejtimi.
Konkretisht, janë arrestuar në flagrancë shtetasit M. D., I. S., A. Sh., E. A. dhe S. I., si dhe janë proceduar penalisht shtetasit F. N. dhe Z. N., pasi janë kapur nga shërbimet e Policisë duke drejtuar mjetet e tyre pa leje drejtimi, në akset rrugore Lezhë-Milot-Kurbin dhe Lezhë-Mabë-Shkodër. Krahas punës së pandërprerë për menaxhimin e fluksit të krijuar nga sezoni turistik, shërbimet e Policisë Rrugore kanë intensifikuar kontrollet me radar dhe drager, për evidentimin dhe ndëshkimin e atyre drejtuesve të mjeteve që tejkalojnë normat e lejuara të shpejtësisë apo që drejtojnë mjetin nën efektin e alkoolit duke u bërë rrezik potencial për përfshirjen në ngjarje rrugore me pasojë jetën.
Si rezultat i këtyre kontrolleve, gjatë 24 orëve janë tërhequr 21 leje drejtimi dhe janë vendosur 58 masa administrative për tejkalim shpejtësie, 65 për parakalime të gabuara, manovra të rrezikshme dhe për drejtim mjeti nën efektin e alkoolit.
Po gjatë këtyre kontrolleve janë shoqëruar për verifikim në Komisariatet e Policisë Kurbin dhe Lezhë, 6 drejtues mjetesh.
Është bërë bllokimi i 3 automjeteve, për mungesë dokumentacioni.
Janë bllokuar 2 mjete që qarkullonin me targa të mjeteve të tjera.
Gjithashtu, është proceduar penalisht në gjendje të lirë 1 drejtues mjeti, për kundërshtim të punonjësit të Policisë.
Materialet procedurale do t’i referohen Prokurorisë, për veprime të mëtejshme.
Policia Rrugore e DVP Lezhë është e vendosur për të ndëshkuar cilindo shkelës të Kodit Rrugor, i cili duke mos respektuar rregullat e qarkullimit rrugor kthehet në burim aksidenti për veten e tij dhe për përdoruesit e tjerë të rrugës.

The post Arrestohen 5 drejtues mjetesh në Lezhë, dhjetëra gjoba e procedime (VIDEO) appeared first on Albeu.com.

“Q. L., 22 vjeç, R. K., 51 vjeç dhe N. H., 57 vjeç, pasi u kapën duke drejtuar mjetet përkatëse në gjendje të dehur;

G. N., 34 vjeç, pasi u kap duke drejtuar mjetin pa lejen përkatëse;

K. M., 38 vjeçe, pasi në Vaqarr, duke drejtuar mjetin në gjendje të dehur në masën 0.76 mg/l, ka aksidentuar mjetin me drejtues S. M. Si pasojë është dëmtuar shtetasi S. M., i cili pasi mori mjekimin, u largua për në banesë”, njofton policia.

Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.

The post Arrestohet 38 vjeçarja “tapë” në timon, bashkë me të dhe 4 shoferë të tjerë appeared first on Albeu.com.

Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.

Njoftimi i policisë:

Specialistët për Hetimin e Narkotikëve kanë bërë arrestimin në flagrancë të shtetasit B. G., 25 vjeç, pasi gjatë kontrollit fizik të ushtruar nga Forca e Posaçme “Shqiponjat” i është gjetur dhe sekuestruar në cilësinë e provës materiale një sasi me lëndë narkotike kokainë.

Specialistët e Qarkullimit Rrugor bënë arrestimin në flagrancë të shtetasve:

G. L., 41 vjeç, T. L., 37 vjeç, M. Xh., 39 vjeç dhe A. Q., 56 vjeç, pasi janë kapur duke drejtuar mjetet përkatëse në gjendje të dehur.

Më datë 16.06.2021, u referuan materialet në Prokurorinë pranë Gjykatës së Shkallës së Parë Tiranë, për shtetasit F. K., 44 vjeç dhe B. I., 44 vjeç, sepse më datë 15.06.2021, në rrugën “Myrteza Këlliçi”, për motive të dobëta, në bashkëpunim kanë goditur me grushta dhe kanë kanosur shtetasit E. H., 39 vjeç dhe L. H., 32 vjeç.

Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme./albeu.com

The post Të dehur në timon, arrestohen 4 shoferë në Tiranë appeared first on Albeu.com.