Emërimi i Treskës, është bërë 2 ditë më parë, konkretisht më 5 janar.

Sipas dokumenteve zyrtare të Qendrës Kombëtare të Biznesit (QKB), Elisaveta Treska, rezulton të jetë pronare e “ROYAL HILL” një resorti eventesh në Vorë.

Ndërkohë, administratore e këtij subjekti ka qenë Shpresa Breçani, që është edhe mbesa e kreut të Partisë Demokratike, Sali Berisha.

Përveç kompleksit “Royal Hill” në periferi të Tiranës, Elisaveta Treska, njihet në qarqet e biznesit edhe si pronare e një Bar-Restorant-Hoteli në zemër të Tiranës.

Më konkretisht, bëhet fjalë për një biznes të pozicionuar në një nga rrugicat më të lakmuara në kryeqytet.

The post Elisaveta Treska emërohet Drejtoresha e Spitalit “Shefqet Ndroqi”, lidhjet e biznesit me mbesën e kreut të PD-së appeared first on Albeu.com.

Ministri i Kulturës, Blendi Gonxhe, njoftoi lajmin duke theksuar rëndësinë e përvojës dhe angazhimit të saj në këtë detyrë të rëndësishme.

Roshi ka qenë pjesë e projekteve që lidhen me ruajtjen dhe promovimin e trashëgimisë kulturore, me një fokus të veçantë në zona si Butrinti dhe Gjirokastra. Formimi i saj akademik përfshin një doktoraturë në marketingun e trashëgimisë kulturore dhe një bursë prestigjioze Humphrey/Fulbright në Universitetin Cornell, SHBA, që i ka shtuar ekspertizë të vyer punës së saj praktike.

Përveç angazhimeve të saj menaxheriale, Elenita Roshi është pedagoge e jashtme në Universitetin Politeknik të Tiranës, ku kontribuon në përgatitjen e gjeneratave të reja për menaxhimin e trashëgimisë historike dhe kulturore.

Sipas ministrit Gonxhe, pasioni i Roshit për të bërë trashëgiminë kulturore tërheqëse dhe edukative do të jetë kyç në transformimin e Muzeut Historik Kombëtar në një hapësirë moderne për edukim, frymëzim dhe dialog. Ky proces përfshin rindërtimin dhe rikonceptimin e muzeut si një institucion që reflekton historinë dhe identitetin kombëtar të shqiptarëve, duke tërhequr vizitorë vendas dhe ndërkombëtarë.

The post Ministri Gonxhe prezanton drejtoreshën e re të Muzeut Historik Kombëtar appeared first on Albeu.com.

Me një përvojë të gjerë në menaxhimin e projekteve strategjike, trashëgimisë kulturore dhe politikave publike, Jehona ka kontribuar në zhvillimin e politikave rinore në nivel kombëtar dhe ndërkombëtar.

Përvoja e saj në institucionet shtetërore, përfshirë në disa Ministri, si dhe përfaqësimi i Shqipërisë në Këshilla Ndërkombëtarë, e ka spikatur si një drejtuese me një vizion të qartë për potencialin e artit dhe kulturës.

Drejtimi i saj sfidues në Cirkun Kombëtar, pritet të sjellë një frymë të re dhe kreative, duke i dhënë një platformë më të gjerë artistëve të rinj dhe për të ngritur institucionin në nivelin që ai meriton, me një kalendar të pasur kulturor e bashkëpunime rajonale, si dhe në rritjen e kapaciteteve njerëzore.

Më herët, Cirku Kombëtar drejtohej nga Laid Ymeri, i cili u lirua nga detyra më 25 shtator 2023.

The post Emërimi/ Mbi një vit pa drejtues, Jehona Varfi do jetë drejtoresha e re e Cirkut Kombëtar appeared first on Albeu.com.

Në një intervistë ekskluzive për gazetarin David Muir të rrjetit televiziv ‘ABC News’ ajo tha se reagimi i saj fillestar kur dëgjoi mbi sulmin me armë ndaj ish-presidentit Donald Trump, ishte “tronditje dhe më pas shqetësim”.

Zonja Cheatle shtoi se ajo nuk kishte në plan të largohej nga detyra dhe se agjencia që ajo drejton do të vazhdojë të jetë transparente e të komunikojë me publikun, siç u shpreh ajo.

Shërbimi Sekret shprehu mbështetjen të martën për policinë lokale mes kritikash për sigurinë në tubim e mbajtur të shtunën në Buttler të Pensilvanisë.

“U jemi thellësisht mirënjohës oficerëve që vrapuan drejt rrezikut për të gjetur personin e armatosur dhe të gjithë partnerëve tanë lokalë për angazhimin e tyre të palëkundur”, thuhej në një deklaratë të Shërbimit Sekret, të publikuar të martën.

“Çdo lajm që sugjeron se Shërbimi Sekret fajëson strukturat lokale të zbatimit të ligjit mbi ngjarjen e së shtunës, thjesht nuk është i vërtetë”.

Zyrtarët po kërkojnë të dinë se si një person i armatosur arriti të ngjitej në majë të një ndërtese e të qëllonte ish-presidentin Donald Trump.

Policia kishte marrë njoftime mbi personin e dyshimtë nga dëshmitarë që kishin treguan dhe bërtitur në drejtim të punonjësve të sigurisë që ndodheshin në vendgjarje, duke u treguar me gisht personin e armatosur mbi çatinë e një godine shumë pranë vendit ku po mbante fjalimin ish-presidenti Trump.

Media amerikane që kanë shqyrtuar video të marra nga të pranishëm nët tubim, thonë se policia është njoftuar të paktën 1 munutë e 57 sekonda përpara se Crooks të gjuante me armë.

Si pasojë e sulmit, zoti Trump u plagos në veshin e tij të djathtë si dhe dy persona të tjerë, pjesëmarrës në tubim.

Një ish-shef i shërbimeve zjarrfikësve, 50-vjeçari Corey Comperatore, u vra duke mbrojtur familjen e tij.

Çështja do të hetohet edhe nga Kongresi – përveç një rishikimi të urdhëruar nga Presidenti Joe Biden.

Zoti Biden ka urdhëruar një hetim të pavarur të atentatit kundër ish-presidentit, përfshirë masat e sigurisë të marra për tubimin.

Sekretari i Sigurisë Kombëtare Alejandro Mayorkas tha se ai kishte “besim të plotë” tek Shërbimi Sekret, por pranoi se personi i armatosur nuk duhet të kishte arritur kurrë në atë pozicion që çoi në rrezikimin e jetës së ish-presidentit.

Sekretari i Sigurisë Kombëtare të SHBA, Alejandro Mayorkas, agjencia e të cilit përfshin edhe Shërbimin Sekret, u tha gazetarëve të hënën se ai priste që një hetim i pavarur mbi ngjarjen të fillonte brenda disa ditësh.

Zoti Mayorkas tha se hetimi do të shqyrtojë veprimet e Shërbimit Sekret dhe agjencive të tjera të zbatimit të ligjit “para, gjatë dhe pas sulmit të armatosur, për të identifikuar veprimet e menjëhershme dhe ato që kërkonin kohë, për të siguruar që misioni për mbrojtjen e ish-presidentit ishte përmbushur në mënyrë më efektive”.

Çështja po hetohet nga disa komisione të Kongresit. Ligjvënësit janë shprehur të alarmuar se si personi i armatosur, I identifikuar si Thomas Matthew Crooks, ishte në gjendje të hapte zjarr nga çatia e një godine që ishte vetëm 135 metra larg nga ish-presidenti.

Kongresi ka caktuar që seanca e parë e dëshmisë së zonjës Cheatle të mbahet më 22 korrik. Drejtoresha e Shërbimeve Sekrete do të flasë para Komisionit të Dhomës për Mbikqyrjen dhe Llogaridhënien. /voa

The post Atentati ndaj ish-presidentit, drejtoresha e Shërbimeve Sekrete: Nuk do të jap dorëheqjen! appeared first on Albeu.com.

Aurora Hyka, ka bërë  apel për t’u vaksinuar, sepse situata është shumë shqetësuese. Sipas saj, aktualisht kanë një gjendje të stabilizuar mjekësore në banesë, ku janë izoluar për të evituar kontaktet e vazhdueshme me persona të tjerë.

Ka arritur në gjashtë numri i rasteve të diagnosfikuara me fruth në Durrës. Raportohet se bëhet fjalë për persona me lidhje të ngushtë familjare, kryesisht të grupmoshave të vogla.

“Më së shumti pacientët e prekur janë fëmijë. Ajo që konfirmohet është lidhja e ngushtë familjare mes të gjithë pacientëve. Ajo që është shumë shqetësuese është se janë të gjithë të pavaksinuar. Aktualisht kanë një gjendje të stabilizuar mjekësore në banesë, ku janë izoluar për të evituar kontaktet e vazhdueshme me persona të tjerë”,–thotë drejtoresha e Njësisë Vendore të Kujdesit Shëndetësor, Aurora Hyka.

Në këto raste nevojitet një bashkëpunim i ngushtë i të gjitha strukturave shëndetësorë, por edhe familjarëve të pacientëve të sëmurë, për të zbuluar të gjithë zinxhirin e kontakteve që ata kanë pasur.

Sipas drejtoreshës Hyka, është kryer i gjithë hetimi epidemiologjik.

“Kemi pritur një bashkëpunim edhe më të plotë me familjarët, por me këmbënguljen e të gjitha strukturave shëndetësore kemi arritur që ta marrim të gjithë informacionin, të bëjmë ndjekjen e tyre, të dërgohen në ISHP mostrat e gjakut si dhe tamponët nazofaringalë për të bërë një vlerësim dhe diagnostikim të plotë të situates”.
Të 6 rastet e prekura nga fruthi në Durrës kanë lënë mjediset spitalore.

11 rastet e prekura me fruth në Durrës dhe Tiranë u konfirmuan një ditë më parë nga Instituti i Shëndetit Publik.

Rastet me këtë virus në vendin tonë konfirmohen pas alarmit të dhënë nga Organizata Botërore e Shëndetësisë, se në gjithë Evropën po rriten rastet me fruth. OBSH u bën thirrje vendeve që të kryejnë urgjentisht fushata vaksinimi. I njëjti apel bëhet edhe nga autoritetet shëndetësore në Durrës.

“Nevojitet bashkëpunim dhe respektim i aplikimit të vaksinave të cilat janë absolutisht shumë të detyrueshme dhe të nevojshme për të gjithë ne”,– thotë Hyka.

Fruthi është një infeksion viral i sistemit respirator dhe një nga sëmundjet më ngjitëse në botë.

Ai përhapet nga kollitja dhe teshtitja, si dhe kontakti i afërt ose i drejtpërdrejtë.

Virusi shkakton temperaturë të lartë, ethe, rrjedhje hundësh, kollë, sy të skuqur dhe të përlotur dhe njolla të vogla të bardha në mukozën që vesh zgavrën e gojës.

The post Konfirmohen 6 raste me fruth në Durrës, apeli i institucioneve shëndetësore: Vaksinohuni appeared first on Albeu.com.

Pak më parë , mësohet se oficerë të Komisariatit të Policisë Sarandë, kanë mbërritur në zyrat e Kadastrës Sarandë.

Burime bëjnë me dije se do të kryhen kontrolle dhe do të sekuestrohen dokumentacione , në lidhje me hetimin e nisur për shkelje të dispozitave në fuqi gjatë ushtrimit të detyrave funksionale, që çuan në shkarkimin e Aida Demit.

Gjithashtu, mësohet se kontrolle po kryhen edhe në pronat e saj dhe të familjarëve të saj.

The post Shkarkimi i drejtoreshës së Kadastrës në Sarandë, policia kontrolle edhe në pronat e familjes appeared first on Albeu.com.

Por pezullimi ka ardhur pasi mësuesi është ankuar për drejtoreshën për moskryerjen e detyrave funksionale. Drejtoresha e shkollës nuk lajmëroi ambulancën dhe institucionet për incidentin, pezulloi mësuesin që u ankua për të. Pretendimi i saj është se mësuesi ka ushtruar dhunë, por këtë gjë nuk e ka kallëzuar askund.

E gjithë ngjarja e ka zanafillën në datën 3 nëntor në shkollën “Meleq Gosnishti” në Patos.

Aleksandër Semanjaku mësues prej 45 vitesh në arsimin fillor, ankohet në emisionin Fiks Fare se drejtoresha e ka pezulluar nga detyra padrejtësisht.

“Në pushimin e gjatë një nxënës i klasës së 8-të i ka thyer krahun një nxënësi të klasës së 5-të, unë shtyva nxënësin e klasës së 8-të në mënyrë që t’i ndaja, më vonë më akuzuan për dhunë“, tregon mësuesi.

Me sy të përlotur ai thotë se nuk ka dhunuar kurrë një fëmijë dhe nuk ka marrë kurrë asnjë vërejtje në profesionin e tij. Por masa e pezullimit erdhi se mësuesi u ankua për drejtoreshën e shkollës, pasi kjo e fundit nuk mori asnjë masë për nxënësin e dëmtuar. Minimalisht nuk lajmëroi ambulancën dhe asnjë institucion.

“Sapo u ankova për drejtoreshën , ajo më pezulloi me arsyetimin se kam dhunuar“, thotë mësuesi.

Ballafaqimi mes mësuesit dhe drejtoreshës së shkollës bëhet në zyrën e saj, ku kjo e fundit herë thotë ke ushtruar dhunë herë nuk ke ushtruar, dhe pas bisedave ka një vendim pezullimi në të cilin thuhet se pezullimi erdhi se u ankua një prind.

Ndërkohë në takimin që mësuesi bëri me drejtoreshën e Zyrës Vendore Arsimore Patos, Zamira Velçani , kjo e fundit ishte e qartë se mësuesi u pezullua për hakmarrje nga drejtoresha. Ajo i thotë se ankesa e tij kundrejt drejtoreshës ishte strumbullari i pezullimit.

Por ndryshe sillen drejtueset kur shkojnë gazetarët E Fiksit. Drejtoresha e shkollës , Entela Kënaçi nuk pranon që mësuesi ka ushtruar dhunë, ajo thotë se e pezulloi mësuesin pasi pa faktet por nuk tregon çfarë faktesh.

Ajo pranon se nuk ka lajmëruar asnjë institucion për situatën në shkollë.

Drejtoresha e ZVA-këtë herë është e qartë, ajo thotë unë nuk kamë parë dokumentet dhe nuk e njoh situatën, ndaj kërkon një shkresë zyrtare, ndryshe nga biseda me mësuesin ku fajësonte këtë të fundit për ankesën ndaj drejtoreshës.

Ndërkohë drejtoresha e DRAP, Flutura Meçaj, edhe pse kjo situatë kishte 10 ditë që kishte ndodhur, nuk dinte që ka një mësues të pezulluar. Meçaj premton për gazetarët se do ngrihet një grup pune që do sqarojë të gjitha veprimet e drejtoreshës.

The post Çudira shqiptare! Nxënësi i thyen krahun me karrige, drejtoresha pezullon mësuesin appeared first on Albeu.com.

Piranjat kanë zbuluar këtë dokument “sekret” auditimi dhe janë ballafaquar me drejtoreshën e Arsimit, Amarilda Thërmija.

Çfarë rezulton na ky audit?

Drejtuesja e Arsimit ka bërë punësime jashtë kritereve, pa asnjë kërkesë paraprake nga drejtoritë e shkollave.

Investigimi i “Piranjave”

Piranjat-drejtoreshës: Jepni llogari për shkeljet e auditit.

Amarilda Thërmija: Kam ku jap llogari dhe asgjë s’ka ndodhur.

Ledjona: Ju vazhdoni qëndroni në atë vend pune.

Detyrën ajo e mori në muajin shkurt të vitit të kaluar.

Dhe arsyeja pse po kërkojmë të mësojmë diçka nga vete ajo, është ky draft raport i vitit 2022 për vlerësimin e punës të Drejtorisë vendore të arsimit parauniversitar në Durrës, draft i cili ende nuk është bërë publik.

Dhe është firmosur nga tre zyrtarë të Drejtorisë së Përgjithshme të arsimit parauniversitar: Lindita BERBERI, Bajame SKËNDERAJ dhe Eugen MINO.

Po cilat janë shkeljet në këtë raport, që shqetësojnë kaq shumë zonjën drejtore (Amarilda Thërmija)? Le ti rendisim disa prej tyre.

Piranjat: Ju keni punësuar mësues pa u shpallur më herët nga drejtoritë e shkollave?

Amarilda: Ajaja…

Piranjat: Pse i keni bërë këto? Amarilda më ktheni një përgjigje, pse keni punësuar mësues pa i shpallur drejtoritë e shkollave?

Amarilda: Në qoftë se është kështu…

Piranjat: Pse keni punësuar mësues ndihmës pa kualifikim? A është normale?

Amarilda: Vazhdo pak… Më vjen keq…

Piranjat: Janë shkelje të konstatuara nga auditi, nuk janë nga ne.

Amarilda: Vazhdo.

Bëhet fjalë për punësime që zonja ka bërë jashtë kritereve, pa asnjë kërkesë paraprake nga drejtoritë e shkollave, e thënë në gjuhë zyrtare, pa shpallje.

“Jo ka procedurë, e para shpallet njëherë vendi vakant. Pas shpalljes së vendit vakant njoftohet zyra vendore arsimore. Zyra vendore arsimore e shpall ose thërret më saktë, ata që janë në portal. Kjo bëhet me shpallje nuk bëhet as me Ëhatsapp, as me FB apo email qoftë dhe zyrtarë të jetë. Ka procedura, procedura e thotë saktë. Nuk mund ta vendosësh ti ende pa u shpallur sepse do një vendim si do ta bësh vendimin bazë të kujt? Se ai do punësohet do ta çosh tek zyra e tatimeve se do marrë pagën. Do ti mbahet paga, do ti mbahet pensioni, do ti mbahen sigurimet, e tje e tje. Ka rregulla shteti”.

Ndriçim Mehmeti, ekspert i arsimit

Thënë shkurt, jemi kokë e këmbë në abuzim me postin, që zonja Amarilda Thërmija duket se e përdor pa ndjekur asnjë rregull dhe kriter. Por shkeljet vazhdojnë.

Sepse, sipas raportit kandidatët për mësues që kanë konkurruar në portalin “Mësues për Shqipërinë”, nuk janë njoftuar në të njëjtën kohë, duke shkaktuar zvarritje në plotësimin e vendeve vakante. Për më tepër informacionin e merrnin me email.

Piranjat: Pse i keni bërë njoftimet e punës nëpërmjet email-it?

Amarilda: Unë të besova ty dhe të erdha në intervistë.

Piranjat: Edhe unë i besova këtij auditi dhe po ju them më ktheni përgjigje. Audit i ka nxjerrë shkeljet, nuk i kam nxjerrë unë.

Amarilda: Nuk është e vërtetë asgjë.

Piranjat: Nuk është i vërtetë ky raporti?

Amarilda: Jo!

Piranjat: Domethënë ja ka futur kot auditi?

Amarilda: Ke marrë informacione të gabuara. Nuk ju jap llogari, keni marrë informacione të gabuara dhe asgjë s’ka ndodhur.

Për profilet me shumë kandidatë, si rregull, ZVAP Durrës njoftonte një pjesë të kandidatëve, por respektonte renditjen e tyre në listën e portalit “Mësues për Shqipërinë”, duke e justifikuar këtë për arsye praktike. Por, duke parë numrin e vogël të kandidatëve që konfirmonin me email dhe të atyre që paraqiteshin fizikisht në mjediset e ZVAP pas çdo thirrjeje, rezulton se kjo praktikë është e pabazuar. Në rastet kur nuk kishte kandidatë të grupit të parë të thirrur, të gatshëm për të pranuar një vend pune, procedura vijonte duke njoftuar pjesën tjetër të kandidatëve dhe si rezultat, procesi zgjatej më tej.

Pjesë nga raporti

“Si mundet që një pjesë lajmërohen një pjesë nuk lajmërohen një pjesë ju thuhet me email një pjese nuk u thuhet? Pastaj kur s’përmbushen këta ju kthehen prapë email. E drejta është e barabartë dhe ti i ke mohuar barazinë e shtetasve para konkurrimit që është një e drejtë kushtetuese nuk është ligjore është sipër ligjit. Kemi parë në raste të tjera që ti dënohesh për shkeljen e barazisë në tendera që do të thotë që nuk kam qenë i barabartë në konkurrim s’është vetëm çështje parash nuk ka rëndësi nëse ke bërë një punë të mirë.”

Ndriçim Mehmeti, ekspert i arsimit

Shkelja e radhës ka të bëjë me emërimin e mësuesve ndihmës të pakualifikuar. DOKUMENTAT.

(-Zyra Vendore e Arsimit në Durrës referuar memos së transparencës dërguar në Drejtorinë Rajonale të Arsimit, Durrës dhe Drejtorisë së Përgjithshme së Arsimit Parauniversitar për profilin “Arsim Special” si mësues ndihmës ka deklaruar për periudhën shtator-tetor 2022, vetëm 1 punësim nga Arsimi special dhe jashtë profilit si mësues ndihmës 13 mësues.”)

Ndriçim Mehmeti: “13 mësues jashtë profilit nuk ju vijnë në ndihmë aspak përkundrazi i çoroditin”.

Dhe ata që e vuajnë këtë situatë, janë fëmijët me aftësi ndryshe. Por le të vazhdojmë me auditin dhe shkeljet e konstatuara. Sepse kjo që do të dëgjoni, është diçka e padëgjuar, dhe mjaft e rëndë.

Sipas raportit, në sistemin e tatimeve, nuk janë hedhur të gjithë të punësuarit referuar datës së lidhjes së kontratës mes mësuesit dhe drejtorit të Institucionit të Arsimit Parauniversitar, por janë pasqyruar nga 2-10 ditë më vonë.

Ndriçim Mehmeti, ekspert i arsimit: “Kjo është shkelja më e madhe. Mbaj mend që në 2011 është çuar për gjykim penal ish drejtori I zyrës arsimore vendore diku pranë Tiranës vetëm për këtë fakt. Bëhet fjalë për 42 punonjës të cilët nuk ishin paraqitur në zyrën e tatimeve, në qoftëse kemi vonesë qoftë dhe një ditëshe tatimet thonë: Nëse brenda 24 orësh ti nuk e regjistron njeriun me të cilin ke kontratë do paguash për secilin 1 milionë lekë të vjetra gjobë, se tatimet I japin të drejtën qytetarit. Pas 2012 çdo gjë është te e-albania pra vete nesër dhe I thua kam që në shkurt në punë ai thotë më ka ardhur në mars. Që do të thotë që të ikën 3-4% të pensionit po s’ka rëndësi qoftë dhe një 2 mijë lekësh i vjetër. Është një shkelje akoma më e rëndë se I ke mohuar të drejtën. Nuk e di si e ka marrë rrogën”.

Për shkak të abuzimeve të kësaj zonje, në një të ardhme, mësuesve mund t’iu rrezikohet pensioni i plotë. A duhet të mbajë përgjegjësi?

Piranjat: Më jepni një përgjigje vetëm për shkeljet që janë bërë këtu. Amarilda më kthe një përgjigje të shkurtër janë shkelje të konstatuara nga auditi.

Amarilda: Asnjë shkelje s’ka.

Pavarësisht saktësisë së auditit, zonja mohon çdo gjë, që shkruhet në raport. Ndoshta Ministria e Arsimit na e sqaron më mirë. Dhe në përgjigjen që na sollën, saktësohet se Amarilda Thërmija, jo vetëm është në shkelje, por edhe është penalizuar për veprimet dhe mosveprimet.

Përgjigjia e ministrisë: (Vërejtje me paralajmërim)

Po a mjafton kjo masë nga ministria, që ngjan me një gudulisje në adresë të Drejtores së Durrësit?

Ndriçim Mehmeti, ekspert arsimi: “Me këto shkelje sipas ligjit minimalisht duhej të pezullohej, se këtu u pezullua një drejtoreshë se u rrahën mësueset jashtë territorit. Jashtë ambienteve të shkollës. Duhej bërë një hetim I thellë, I thellë administrativ. Drejtoria e përgjithshme e arsimit parauniversitar e kishte për detyrë që të ngrinte alarmin në këtë rast”.

Shkeljet e cituara nga ne, ishin vetëm disa nga të shumtat që raporti i auditit nga Ministria, ka konstatuar në Drejtorinë vendore të Arsimit parauniversitar në Durrës. Ky raport përmban mbi shtatëdhjetë faqe, me shkelje të njëpasnjëshme, të cilat janë kaluar thjeshtë me një paralajmërim për titullaren.

Por ka edhe diçka që nuk lidhet me raportin e auditit. Zonja drejtore ka më shumë se një vit e komanduar në atë post, duke evituar konkursin e nevojshëm për një pozicion të tillë.

Piranjat: Keni bërë konkurs apo jo?

Amarilda Thërmija: Nuk është e drejtë të jap asnjë lloj interviste, asnjë lloj…

Këtë argument na e vulos përgjigja e Ministrisë së Arsimit në të cilën thuhet se zonja Thërmija është punësuar si drejtuese e zyrës vendore të arsimit në Durrës, me kontrate të përkohshme, deri në zhvillimin e procedurave te konkurimit.

Procedura që mesa duket vijojnë të zvarriten pafund. Duke evituar emërimin me konkurs, të trumbetuar nga autoritetet.

Ndriçimi Mehmeti, ekspert i arsimit: “Këtë na e ka mësuar i pari i vendit, i cili brodhi zyrë më zyrë dhe drejtori në drejtori dhe tha ja për herë të parë po bëjmë konkurs. Sigurisht ata bënin konkurs brenda vetes, po të paktën bënin një lloj konkursi të themi që ligjërisht është i drejtë. Pa dashur ta bëjmë politike po është politike, u bë si tek tenderat fiton vetëm një ofertues të tjerët tërhiqen dhe këtu nuk ka dashur asnjë të bëhet drejtor, asnjë nuk ka ambicie të jetë drejtues, që është e pamundur”.

Po niveli i shkollimit i zonjës që drejton të gjithë sistemin arsimor të Durrësit, a është për t’u riparë? Mjafton të shohësh notat e marra në vitet e universitetit për të kuptuar dominimin e pesës.

Që sipas ekspertit është një skandal më vete.

Ndriçimi Mehmeti, ekspert arsimi: “Kemi një nivel shumë të ulët të formimit që nuk krahasohet dhe me nivelet e mësuesve që do drejtojë dhe nuk është provuar asnjëherë në menaxhim. Po të shikosh standardet që të emëruar një mësues atij i thuhet se duhet të kesh kriter mesataren dhe me standardet e mesatares që ka nuk futet dot asnjëherë mësues, sepse ka nivel shumë të dobët. Shumë, shumë mund të marrë 2 pikë. Ndërkohë që një kolegia e saj që ka mesataren 8 mund të marrë 5 apo 6 pikë dhe që këtu është e përjashtuar.”

Për këtë nivel të personit që drejton një zyrë arsimore të rëndësishme, Ministria ka justifikim duke u bazuar në ligj.

Pra mesatarja e shkollës se një individi që drejton gjithë sistemin arsimor të një qyteti, nuk qenka kriter skualifikues.

Ndriçim Mehmeti: “Pra ka një përjashtim të faktit që nuk mund të jetë drejtuesi në nivelin nën mesataren e mësuesit, pra të vartësit që ai ka. Eprori nuk mund të jetë nën nivelin e vartësit.”

A mos duhet riparë ligji për këto raste?

The post Drejtoresha me 14 nota 5, po i vë “zjarrin” arsimit në Durrës, në pak muaj pune shkelje pafund appeared first on Albeu.com.

“Arsyeja e drejtoreshës është se pse komshia këtu, ka këtë kioskën dhe insiston me këmbëngulje që kjo koskë të hiqet nga këtu në një kohë që unë këtë kioskë kam tash 25 vite të vendosur këtu, që mund të verifikohet, e mund të konstatohet. Tregtoj lapsa, stilolapsa, fletore, molto, patatina, çokollata, të cilat ka ardhur AKU se ma ka sjellë vjet dhe ka bërë verifikim të të gjitha këtyre materialeve e produkteve dhe ka ikur me konkluzionin që i ke çdo gjë brenda standardit. As nuk gatuaj hamburger, as nuk gatuaj sanduiçe, as nuk gatuar byreqe, as nuk kam bylmete. Me logjikën e kësaj, unë duhet të ngrihem me kioskë dhe me shtëpi e të iki nga këtu”, u shpreh ai.

“Stop” e pa vetë nga afër se çfarë tregtohet brenda në kioskë.

“Dal me nxjerr bukën e gojës”, tha denoncuesi.

“Në mëngjes, ku vijnë kalamajtë nga shtëpia me autobus, hyn ndonjë fëmijë me ble ndonjë fletore, ndonjë stilolaps, ndonjë çokollatë, ndonjë molto, ndonjë patatinë. Nuk po e imponoj fëmijën të vijë të blejë tek unë, ama fëmija shkon e blen edhe tek dyqani tjetër. Deri para disa kohësh drejtoresha vinte tek kjo koskë që shihni ju, se nuk është dyqan ky, vinte edhe vetë, edhe i kapte gjërat me dorë vetë, jo kjo bën, jo kjo s’bën. Nuk paguante asnjë lek”, tha Muça më tej.

Drejtoresha nuk është konfliktuar vetëm me zotin Muça, por edhe me punonjësit e pastrimit. Ajo nxjerr fëmijët, për të lëvizur koshat e mbeturinave jashtë shkollës dhe ulëret në rrugë.

Drejtoresha: Ta kam tregu ty e Vangjushit! Unë të kap zvarrë dhe të marr jetën, derisa të vijë policia.

I del para autobusit të nxënësve në prani të policisë.

Drejtoresha: I përgjigjem unë rendit. Lëre këtu! Këtu!

Konfliktohet me punonjësin e pastrimit, sepse lëviz pozicionin e koshit, drejtoresha jep urdhër, fëmijët lëvizin koshin.

Punonjësi: Çdo shkollë ka koshin e vet.

Drejtoresha: E kam në shkollë koshin.

Punonjësi: Po s’je ti, që i heq këto, është tjetërkush.

Drejtoresha: Ndrysho vendimin e Këshillit Bashkiak!

Punonjësi: Ka mundësi motra ime, ti të bësh punën tënde, unë timen?!

Drejtoresha: Unë bllokoj shkollën!

Sharje e ofendime ndaj Muçës.

Drejtoresha: Ndyrësirë! Nuk e heq nga puna unë atë, o plehrë!/tvklan.al

The post “Ndyrësirë, plehrë…” Drejtoresha konfliktohet me punonjësit jashtë shkollës appeared first on Albeu.com.