Erzeni i ka besuar Gëzim Krasniqit postin e drejtorit të ri teknik. Klubi shijakas synon rimëkëmbjen në Kategorinë e Dytë me ndihmën e ish-qendërmbrojtësit, i cili ka pas vetes një karrierë të gjatë.

Gjatë rrugëtimit të tij si futbollist, kavajasi ka qenë pjesë e Besës, Partizanit, Flamurtarit, Rabotnickit, Kukësit, Egnatias, Erzenit, Bylisit, Kastriotit, Vushtrrisë dhe Ilirisë. Njoftimi për detyrën e re u publikua nga një faqe pranë klubit shijakas, ndërsa vetë Krasniqi e rishpërndau atë në “Story”.

Sipas faqes mbështetëse të Erzenit, drejtuesit kanë vendosur që rolin e drejtorit teknik për sezonin e ri sportiv t’ia japin Gëzim Krasniqit, ish-kapitenit të skuadrës shijakase.

Në njoftim kujtohet se Krasniqi e ka veshur disa sezone më parë me dëshirë dhe pasion fanellën e Erzenit, duke fituar duartrokitjet dhe zemrat e tifozëve shijakas. Tashmë ai rikthehet në klub në një funksion tjetër, si drejtor i ekipit të futbollit.

Faqja e përshkruan Krasniqin si një emër të njohur me një karrierë brilante, i cili merr “çelësat” e skuadrës shijakase. Për këtë sezon sportiv pritet ndërtimi i një ekipi të fortë, me objektiv ngjitjen në Kategorinë e Parë.

Drejtori i ri teknik do të prezantohet para skuadrës ditën e hënë. Po atë ditë do të nisë edhe faza stërvitore për sezonin e ri sportiv në ambientet e stadiumit “Tofik Jashari”.

The post Ish-futbollisti i Partizanit merr drejtimin teknik të Erzenit appeared first on Albeu.com.

Duke vijuar përgatitjet në Turqi për edicionin e ri të “Abissnet Superiore”, Tirana po hedh hapa të rëndësishëm edhe në drejtim të të rinjve, duke ristrukturuar akademinë e klubit.

Së fundmi, bardheblutë kanë zyrtarizuar emërimin e Vangjel Miles si Drejtori i ri i Akademisë, ndërsa Gentjan Muça, ish-kapiteni i skuadrës, i është besuar detyra e Drejtorit Teknik.

Në njoftimin e shpërndarë nga klubi theksohet se tashmë akademia do të udhëhiqet nga këto dy figura, me synimin që çdo talent i ri të trajtohet me profesionalizëm të lartë gjatë rrugëtimit drejt futbollit profesionist.

The post Tirana riorganizon akademinë, ish-kapiteni Gentjan Muça merr postin e Drejtorit Teknik appeared first on Albeu.com.

Federata Italiane e Futbollit ka zgjedhur Claudio Ranierin si pasuesin e Paolo Maldinit për rolin e drejtorit teknik. Ish-trajneri 74-vjeçar do të marrë drejtimin e kësaj detyre pasi Maldini dha dorëheqjen disa kohë më parë.

Me ardhjen e Ranierit, federata plotëson një tjetër pozitë kyçe, pasi më herët kishte emëruar Roberto Mancinin si trajner. Kjo lëvizje i jep një pamje tërësisht të re struktures drejtuese. Ranieri tashmë ka dhënë miratimin dhe gjithçka pritet të zyrtarizohet pas vendosjes së nënshkrimit në kontratë.

Vlen të theksohet se Ranieri ishte i liruar nga çdo angazhim që prej shkarkimit nga Roma, ku shërbeu për një periudhë të shkurtër si Këshilltar i Menaxhimit në klubin kryeqytetas.

The post Claudio Ranieri, drejtori i ri teknik i Federatës Italiane pas dorëheqjes së Maldinit appeared first on Albeu.com.