Bashkimi Evropian ka reaguar me shqetësim ndaj dekretit të ushtrueses së detyrës së presidentes së Kosovës për shkarkimin e prokurorëve serbë, si dhe ndaj vendimit të Këshillit Prokurorial të Kosovës, të marrë një ditë më parë, për të mos pranuar tërheqjen e dorëheqjeve të tyre.

Në një komunikatë për media, zëdhënësja e BE-së deklaroi se këto masa “duken të papajtueshme me ligjin, me procesin e rregullt ligjor dhe me kërkesat e përgjithshme të sundimit të ligjit në Kosovë”.

BE-ja ka përshëndetur vendimin e gjyqtarëve, prokurorëve dhe stafit mbështetës nga radhët e serbëve të Kosovës për të tërhequr dorëheqjet. Megjithatë, Brukseli rikujtoi se i ka kërkuar vazhdimisht Prishtinës të krijojë kushtet për riintegrimin e personelit gjyqësor serb të Kosovës, në përputhje me ligjet e vendit dhe marrëveshjet e arritura në kuadër të dialogut.

“BE-ja u kërkon të gjitha institucioneve përgjegjëse të shmangin çdo veprim që mund të pengojë riintegrimin e personelit gjyqësor serb të Kosovës. Kushtetuta e përcakton Kosovën si një shoqëri shumetnike të mbështetur në sundimin e ligjit, ndaj sistemi i drejtësisë duhet të pasqyrojë diversitetin etnik të vendit”, thuhet në komunikatë.

The post BE: Drejtësia në Kosovë duhet të përfaqësojë përbërjen etnike të vendit appeared first on Albeu.com.

Këshilli Gjyqësor i Kosovës ka vendosur t’i autorizojë kryetarët e Gjykatës Supreme, të Apelit, Administrative, Komerciale dhe Themelore në Prishtinë që të marrin masa për situatën e krijuar nga temperaturat e larta në Pallatin e Drejtësisë.

Pas këtij vendimi, u mbetet vetë kryetarëve të këtyre gjykatave që, mbi bazën e vlerësimit të tyre, të përcaktojnë nëse puna duhet të reduktohet apo të pezullohet.

Në mbledhjen e mbajtur sot, kryesuesi i KGJK-së, Rrustem Thaçi, theksoi se, pavarësisht vlerësimit të kryetarëve, ata mund të vendosin për ulje të aktivitetit ose ndërprerje të punës deri në përmirësimin e gjendjes.

“Autorizojmë kryetarët e Gjykatës Supreme, së Apelit, Komerciale, Themelore dhe Administrative që të vlerësojnë kushtet e punës, gjendjen e temperaturave të larta dhe pavarësisht nga vlerësimi të vendosin për reduktimin e punës apo pezullimin deri në përmirësimin e gjendjes”, tha Thaçi.

Sipas tij, situata në Pallatin e Drejtësisë ka arritur në një pikë alarmante dhe është e patolerueshme.

“Unë që nga 2017 kam qenë pjesë e punës në Gjykatën e Apelit dhe Supreme dhe gjendja është alarmante, është e papranueshme, e patolerueshme. Më nuk po flasim për kushtet e punës po flasim për jetën e njerëzve, është detyrim i joni që të sigurojmë të paktën mos të pësojnë me shëndet. Në ora 11 mendojnë se a munden me mbijetua deri në ora 16:00”, tha ai.

The post KGJK u jep gjykatave në Pallatin e Drejtësisë të drejtën të ulin ose ndërpresin punën për shkak të vapës së madhe appeared first on Albeu.com.

Burimet për Top Channel, thanë se po mblidhen prova dhe të dhëna dhe hetues të BKH, kanë vijuar me kryerjen e kontrolleve dhe sekuestrimin e dosjeve jo vetëm në gjykata, por edhe në prokurori.

Teksa nën arrest me burg është vetëm kryeprokurori i pezulluar Aurel Zarka, kurse tre të tjerë janë në kërkim, mësohet se banesat e tyre dhe zyrat janë kontrolluar nga policia.

Nuk ka të dhëna se çfarë është sekuestruar, por në biseda përmenden sipas burimeve edhe shumat e paguara dhe të ofruara funksionarëve të drejtësisë, për të lehtësuar pozitën e të akuzuarve.

Në listën e personave qe kanë dijeni, janë edhe shtetasit që dyshohen se kanë përfituar në mënyrë të padrejtë nga drejtësia.

Një ditë më parë, Gjykata Antikorrupsion, urdhëroi median të mos nxjerrë akte nga ai fashikull duke paralajmëruar se në rast se ky vendim shkelet, do ketë hetime për nxjerrje të sekretit hetimor.

Njëri nga të dyshuarit rezulton të ketë fotografuar akte të dosjes ‘Toyota Yaris’ që ishte në atë kohë nën hetim nga ish-prokurorë të krimeve të rënda, duke ua treguar palëve.

Ndërsa e njëjta gjë përmendet në komunikime edhe për hetimin pasuror ndaj Suel Çelës, një i shumëkërkuar nga SPAK. Për të thuhet se nuk do të ngrihej akuzë për pasurinë e tregut agroushqimor, por vetëm për një automjet.

The post Dosja “Toyota Yaris” çoi në pranga kryeprokurorin e Vlorës Aurel Zarka, SPAK dyshon edhe për funksionarë të tjerë të drejtësisë appeared first on Albeu.com.

Sipas nismës së miratuar nga Ministria e Drejtësisë pushohet ndjekja penale për pjesën më të madhe të kundërvajtjeve penale që dënohen deri në 2 vjet.

Ndërkohë, përfitojnë nga 1 vit ulje dënimi të gjithë meshkujt dhe 1.5 femrat dhe të miturit që nuk përfitojnë amnisti si të tjerët me përjashtim të të dënuarve me burgim të përjetshme të dënuarve për vrasje dhe subjekteve të SPAK.

The post Ministria e Drejtësisë miraton amnistinë për të burgosurit, kush përfitojnë appeared first on Albeu.com.