Mbajtja e seancave në Pallatin e Drejtësisë në Prishtinë po bëhet gjithnjë e më e vështirë për shkak të temperaturave të larta në sallat gjyqësore, ndërsa në disa raste kjo situatë ka çuar edhe në shtyrjen e tyre.

Shkaku kryesor i kësaj gjendjeje mbetet mosfunksionimi siç duhet i sistemit të klimatizimit. Sipas Këshillit Gjyqësor të Kosovës, rregullimi i plotë i këtij problemi kërkon shpenzime të mëdha, raporton KosovaPress.

Për këtë çështje ka reaguar edhe kryetari i Sindikatës së Punëtorëve në Gjykatën Themelore në Prishtinë, Besim Spahiu, i cili për KosovaPress ka thënë se ka zhvilluar takime me menaxhmentin e gjykatës, sekretariatin dhe Këshillin Gjyqësor të Kosovës.

Sipas tij, pas kërkesave të paraqitura, është bërë vetëm një ndërhyrje e vogël në sistemin e klimatizimit.

“Me datë 10 qershor i jam drejtuar me shkrim menaxhmentit të gjykatës, sekretariatit dhe Këshillit Gjyqësor për mungesë të klimatizimit por nga ta nuk marrë asnjë përgjigje, kurse me datë 17 kam shkuar në Këshill Gjyqësor për të kërkuar sqarim rreth problemit ku u takova me kryesuesin e këshillit dhe më informojnë se kanë angazhuar një ekip për sanimin e problemit të klimatizimit dhe më premtojnë se brenda 20 ditësh do të rregullohet klimatizimi në një masë të konsiderueshme, pasi që për sanimin e plotë duhet kohë dhe mjete buxhetore të cilat për momentin nuk i kanë në dispozicion. Me 25 qershor kemi një sanim të vogël të klimatizimit. Unë si kryetar i sindikatës më 1 korrik jam drejtuar me kërkesë zyrtare menaxhmentit të gjykatës dhe KGJK-së duke kërkuar reduktimin e përkohshëm të orarit të punës. E përshëndes vendimin e KGJK-së, presim që këto masa të zbatohen sa më shpejt. Unë deri më tani nuk kam pranuar ndonjë njoftim zyrtar për këtë vendim”, tha Spahiu.

Për pasojat që po sjell kjo situatë në praktikë ka folur edhe avokati Arbër Jashari.

Ai ka treguar se gjatë kësaj jave një seancë e planifikuar të zhvillohej gjatë gjithë ditës në departamentin e të miturve nuk ka mundur të vazhdojë për shkak të kushteve të rënda në sallë, madje njëra nga palët është alivanosur. Si pasojë, seanca është shtyrë për një ditë tjetër.

Jashari ka bërë të ditur gjithashtu se Departamenti Special i Gjykatës Themelore në Prishtinë ka shtyrë pothuajse të gjitha seancat që janë vlerësuar si jo urgjente.

Sipas tij, shtyrja e seancave prek drejtpërdrejt të drejtat e palëve në procedurë penale dhe sjell shkelje të këtyre të drejtave.

“Hiç më larg se këtë javë e kishim një seancë që ishte e paraparë të mbahet gjatë gjithë ditës në departamentin për të mitur, por kur erdhi mesi i ditës ishte e pamundshme të qëndrohet në ato salla. Nuk është e lehtë si avokatia apo çështja e përcjelljeve të seancave, do shumë koncentrim, të jemi gjatë gjithë kohës në komoditet dhe temperaturat e larta e bëjnë të pamundur që truri të veproj. Siç thashë gjatë sesionit të pasdites, njëra prej palëve gati sa nuk u alivanos nga temperaturat e larta, ai objekt ka probleme edhe me ajrosjen, prania e oksigjenit në ato objekte është më e vogël sesa duhet.. Departamenti special i Gjykatës Themelore, pothuajse i ka shtyrë të gjitha seancat të cilat nuk janë urgjente.. 3:45 Shtyrja e seancave ndikon drejtpërdrejt në të drejtat e palëve në procedurë penale. Sa herë që një seancë shtyhet të drejtat e dikujt shkelën, të pandehurve kur janë në masën e paraburgimit, të drejtat e palës së dëmtuar”, tha Jashari.

Nga ana tjetër, zëdhënësja për media në Gjykatën Themelore në Prishtinë, Mirlinda Gashi, ka deklaruar me shkrim se së fundi është vërejtur një përmirësim i situatës me temperaturat në sallat gjyqësore dhe se, për momentin, gjykata nuk e konsideron të nevojshëm reduktimin apo pezullimin e punës.

“Gjykata Themelore në Prishtinë është në dijeni për vendimin e Këshillit Gjyqësor të Kosovës, me të cilin kryetarët e gjykatave autorizohen të ndërmarrin masa për reduktimin ose pezullimin e punës, nëse paraqitet nevoja si pasojë e temperaturave të larta. Megjithatë, në Pallatin e Drejtësisë, gjatë dy ditëve të fundit, është vërejtur një përmirësim i gjendjes sa i përket temperaturave në ambientet e punës, përkatësisht sistemi i klimatizimit ka filluar të funksionojë. Në këto rrethana, Gjykata aktualisht nuk e vlerëson të arsyeshme ndërmarrjen e masave për reduktimin ose pezullimin e punës. Megjithatë, Gjykata do të monitorojë në vazhdimësi situatën dhe, nëse paraqitet nevoja, do të zbatojë masat e përcaktuara në vendimin e Këshillit Gjyqësor të Kosovës, me qëllim të mbrojtjes së shëndetit dhe sigurisë së gjyqtarëve, stafit administrativ dhe palëve”, thuhet në përgjigje.

Të hënën, Këshilli Gjyqësor i Kosovës u ka dhënë autorizim kryetarëve të Gjykatave të Supremes, Apelit, Administratives, Komerciales dhe Themelores në Prishtinë që të marrin masa për shkak të temperaturave të larta që po mbizotërojnë në Pallatin e Drejtësisë.

Në vijim, vendimmarrja për reduktimin ose pezullimin e punës mbetet në duart e kryetarëve të gjykatave që veprojnë në Pallatin e Drejtësisë, në varësi të vlerësimit të tyre.

The post Vapa në Pallatin e Drejtësisë pengon seancat, sistemi i klimës vazhdon të shkaktojë telashe appeared first on Albeu.com.

Në këtë vizitë, Gërvalla dhe ekipi i saj u pritën nga ushtruesi i detyrës së gjyqtarit mbikëqyrës, Valon Hajdini, si edhe nga gjyqtarë dhe përfaqësues të stafit administrativ të degës.

Ajo bëri të ditur se në takimin e zhvilluar është informuar për gjendjen dhe performancën e institucionit, për ngarkesën me lëndë dhe efikasitetin në trajtimin e tyre, si dhe për sfidat me të cilat përballet gjykata dhe hapat e ndërmarrë për të ulur numrin e lëndëve të pazgjidhura.

“Reforma në drejtësi nuk është premtim politik, por një domosdoshmëri shtetërore. Pakoja e pesë ligjeve të reformës në drejtësi, procesi i Vetingut dhe funksionalizimi i Byrosë Shtetërore për Verifikimin dhe Konfiskimin e Pasurisë së Pajustifikueshme përbëjnë shtyllat kryesore të ndërtimit të një sistemi drejtësie më të përgjegjshëm, më të besueshëm dhe më të drejtë për qytetarët e Republikës së Kosovës”, ka thënë Gërvalla.

Më tej, Gërvalla u shpreh se Republika e Kosovës nuk mund të ndërtohet mbi pandëshkueshmëri dhe se nuk mund të përparojë me institucione të dobëta.

“Drejtësia duhet të jetë e fortë, profesionale dhe e pakompromis ndaj paligjshmërisë, sepse vetëm kështu forcohet besimi i qytetarëve dhe konsolidohet vetë Republika.Reforma në drejtësi është e paalternativë, ndërsa pandëshkueshmëria nuk është opsion për një shtet të së drejtës”, ka thënë ajo.

The post Gërvalla: Forcimi i shtetit kalon domosdoshmërisht përmes reformës në drejtësi appeared first on Albeu.com.

Siç bëri të ditur Këshilli Prokurorial i Kosovës, në këtë takim u bisedua për vizitën zyrtare që Gashi zhvilloi në Gjermani, me fokus të posaçëm te përvojat dhe praktikat e përfituara atje, të cilat synojnë përparimin e sistemit prokurorial në Kosovë dhe forcimin e bashkëpunimit ndërinstitucional.

Gjatë bisedës, të dyja palët vlerësuan edhe bashkëpunimin e deritanishëm mes Këshillit Prokurorial të Kosovës dhe Ambasadës së Gjermanisë në Prishtinë, ndërsa shprehën gatishmëri për ta thelluar partneritetin në fushat me interes të përbashkët, sidomos në shkëmbimin e përvojave profesionale, ngritjen e kapaciteteve dhe mbështetjen e proceseve reformuese në sistemin prokurorial.

Gashi e falënderoi Gjermaninë për përkrahjen e vazhdueshme që i ka dhënë sistemit të drejtësisë në Kosovë, duke nënvizuar se ky bashkëpunim luan rol të rëndësishëm në fuqizimin e sundimit të ligjit dhe në zhvillimin e institucioneve të pavarura të drejtësisë.

Ndërkaq, ambasadori Rudolph rikonfirmoi mbështetjen gjermane për zhvillimin dhe forcimin e sistemit të drejtësisë në Kosovë. Ai çmoi angazhimin e Këshillit Prokurorial të Kosovës për avancimin e reformave, ngritjen e standardeve profesionale dhe zgjerimin e bashkëpunimit ndërkombëtar, duke theksuar se partneriteti mes institucioneve të të dy vendeve mbetet thelbësor për forcimin e sundimit të ligjit dhe ndërtimin e një sistemi prokurorial efikas, të pavarur dhe në përputhje me standardet evropiane.

The post Rudolph riafirmon përkrahjen e Gjermanisë për drejtësinë në Kosovë appeared first on Albeu.com.

Ai tha se buxheti i shtetit për sistemin e drejtësisë ka kaluar nga 66 milionë euro në vitin 2020 në 135,6 milionë euro aktualisht, çka sipas tij përfaqëson një rritje prej më shumë se 105 për qind në gjashtë vite. Po gjatë kësaj periudhe, shtoi ministri, në sistemin e drejtësisë janë krijuar edhe 709 vende pune.

“Në vitin 2020, buxheti i shtetit për sistemin e drejtësisë ishte 66 milionë euro. Sot është 135,6 milionë euro, një rritje prej më shumë se 105 për qind në gjashtë vite. Gjatë kësaj periudhe janë shtuar 709 vende pune në sistem”, tha Gogu.

Ministri vuri në dukje gjithashtu se për periudhën 2025–2027, mbështetja e partnerëve ndërkombëtarë llogaritet në rreth 43,8 milionë euro.

“Mbështetja e partnerëve për periudhën 2025–2027 arrin rreth 43,8 milionë euro, një kontribut i rëndësishëm dhe strategjik që plotëson investimin e shtetit shqiptar. Modeli që besoj se duhet të bëhet standard është ai i bashkëfinancimit”, tha ai.

Duke marrë si shembull projektet e digjitalizimit në drejtësi, Gogu tha se për sistemin ICMS (Juronix + CAMS), Suedia ka dhënë 2,5 milionë euro, ndërsa qeveria shqiptare ka financuar 9,6 milionë euro nga buxheti i shtetit.

“Për sistemin ICMS (Juronix + CAMS), Suedia kontribuoi me 2,5 milionë euro, ndërsa qeveria shqiptare 9,6 milionë euro nga buxheti i shtetit”, tha ai.

Sipas Gogut, Bashkimi Evropian ka mbështetur me 7,5 milionë euro sistemin CAMS të prokurorisë.

“Ky është partneritet. Ky është bashkëfinancim”, tha Gogu.

Ministri propozoi edhe një mënyrë të re koordinimi, duke kaluar nga qasja e bazuar te projektet te matja e rezultateve konkrete për qytetarët.

Sipas tij, Shqipëria ndodhet tashmë në një etapë të re të reformës, ku institucionet vlerësohen mbi bazën e performancës, ndikimit dhe rezultateve reale. “Për vite me radhë pyetja ishte nëse mund të ndërtonim institucionet e reja të drejtësisë. Sot pyetja është nëse ato po japin rezultatet që presin qytetarët,” deklaroi Gogu.

The post Gogu: Financimi për drejtësinë është rritur mbi 105% në gjashtë vite, partnerët japin rreth 43,8 milionë euro mbështetje appeared first on Albeu.com.

Në fjalën e tij, kreu i qeverisë tha se sfida me të cilën ata po përballen është ajo me drejtësinë, duke theksuar konkretisht rastin e AKSHI-t.

Rama deklaroi se akuzat e drejtësisë për AKSHI-n “krijon mjegull dhe nën mjegull- tha ai ka hiena dhe ujq, dhelpra minj dhe gjithë far lloj dy këmbësh me katër këmbë”.

“Nuk duhet të dorëzoheni, nuk duhet të ligështoheni, duhet të jeni solidarë, duhet të kuptoni që në fund të ditës çfarë nuk të vret vetëm të forcon. Kjo është jeta, ka sfida që i zgjedhim vetë. Duam të bëjmë Inteligjencën Artificiale një forcë të re të këtij vendi. Kjo është një sfidë që e zgjedhim ne. Por ndërkohë që ne duam të bëjmë këtë, ka një sfidë që na zgjedh ne, që është sfida që të përballemi me një çështje të drejtësisë, në këtë rast prek AKSHI-n. Kjo krijon mjegull dhe nën mjegull ju e dini sesa hiena dhe ujq, dhelpra minj dhe gjithë far lloj dy këmbësh me katër këmbë ka Shqipëria. Por kjo nuk do të thotë aspak që ne të mos shohim që e nesërmja është përsëri e jona dhe nesër dielli do të lindë përsëri”, tha Rama.

The post Edi Rama: Sfida jonë të përballemi me drejtësinë, Shqipëria ka hiena, ujq, dhelpra e minj me dy këmbë appeared first on Albeu.com.

“Nuk përbën asnjë sekret të themi se ka pasur një informacion të dyfishtë, i cili ka ecur në rrugë të ndryshme, si drejt atyre që kanë kërkuar eliminimin e tij si drejt autoriteteve ligjzbatuese.

Në këto kushte ka ardhur në dijeni të faktit që aty duhet ndalur gjithçka dhe ka kërkuar bashkëpunimin e drejtësisë’ u shpreh Artan Simoni, avokati i Nuredin Dumanit.

“Dëshmia e bashkëpunëtorit të drejtësisë shërben në dënueshmërinë e personave që gjykohen, por nuk mund të shërbejë si prova e vetme për të dënuar të hetuarit që gjykohen në këtë proces penal. Patjetër dëshmia e bashbshkëpuntorit të drejtësisë duhet të shoqërohet me prova të tjera materiale, apo me veprime të tjera hetimore të cilat përputhen” u shpreh Artan Simoni, avokati i Nuredin Dumanit
Informacioni u delegua menjëherë tek SPAK.

Tre prokurorët, Altin Dumani, Doloreza Musabelliu dhe Behar Dibra, për dy javë me radhë dëgjuan rrëfimet e tij. Më 18 maj 2022, ata i ofruan Dumanit statusin e bashkëpunëtorit të drejtësisë.

Inside Story ka siguruar ekskluzivisht një audio rrëfimi të bashkëpunëtorit të drejtësisë, Nuredin Dumani. Në këtë dëshmi autentike, publikuar për herë të parë në media, Dumani, rrëfen se krimi i parë që kreu, ka qenë shitja e një arme. Ky moment shënoi hyrjen e tij në një rrugë pa kthim.

Në këto kushte ka ardhur në dijeni të faktit që aty duhet ndalur gjithçka dhe ka kërkuar bashkëpunimin e drejtësisë’ u shpreh Artan Simoni, avokati i Nuredin Dumanit.

“Dëshmia e bashkëpunëtorit të drejtësisë shërben në dënueshmërinë e personave që gjykohen, por nuk mund të shërbejë si prova e vetme për të dënuar të hetuarit që gjykohen në këtë proces penal. Patjetër dëshmia e bashbshkëpuntorit të drejtësisë duhet të shoqërohet me prova të tjera materiale, apo me veprime të tjera hetimore të cilat përputhen” u shpreh Artan Simoni, avokati i Nuredin Dumanit
Informacioni u delegua menjëherë tek SPAK.

Tre prokurorët, Altin Dumani, Doloreza Musabelliu dhe Behar Dibra, për dy javë me radhë dëgjuan rrëfimet e tij. Më 18 maj 2022, ata i ofruan Dumanit statusin e bashkëpunëtorit të drejtësisë.

Inside Story ka siguruar ekskluzivisht një audio rrëfimi të bashkëpunëtorit të drejtësisë, Nuredin Dumani. Në këtë dëshmi autentike, publikuar për herë të parë në media, Dumani, rrëfen se krimi i parë që kreu, ka qenë shitja e një arme. Ky moment shënoi hyrjen e tij në një rrugë pa kthim.

Pasi ra në pritë, ai u ndje i tradhtuar dhe i pasigurt për jetën. Kjo e bëri të marrë vendimin për të shkatërruar grupet që dikur u shërbeu. Për tradhtinë dhe futjen në kurth, ai ka folur në seancat gjyqësore maratonë.

“S’kam pas atë ditë informacion se ku ndodhej Talo Çela. Kam komunikuar vazhdimisht me Henrikun. S’kemi qenë për Talo Çelën por për Oti Kilën. Isha me X5 të vjedhur. Morëm dy kallashë me silenciatorë, një pistoletë Zastava. Te kthesa e Cërrikut, pashë disa makina, njëri më bëri foto. U tërhoqa pas, nuk e vura re makinën tjetër që vinte. Në një moment shoh që më gjuajnë me armë. Pashë 3 veta, dy gjuanin dhe shoferin. I dhashë gaz makinës, kur gjuajtën për së dyti më kapën plumbat”.

Dumani, tregoi se ka marrë pjesë në 17 ngjarje kriminale. Vrasje, tentativa vrasje, grabitje etj. Ai ka marrë përsipër të tregojë edhe për persona të tjerë që e ‘pajtonin’, si vrasës me pagesë.

Personi nën hetim Nuredin Dumani, merr përsipër të bashkëpunojë me Prokurorinë e Posaçme Kundër Korrupsionit dhe Krimit të Organizuar duke dëshmuar dhe dhënë informacion të plotë e pa asnjë rezervë ose kusht për të gjitha faktet, ngjarjet dhe rrethanat që shërbejnë si prova vendimtare, për zbulimin, hetimin, gjykimin e të gjithë krimeve të rënda të kryera nga ai dhe të gjithë bashkëpunëtorët e tij’.

Dumani ka pranuar gjithashtu të identifikojë pasuritë me origjinë kriminale që janë në posedim të tij dhe të personave të lidhur. Ai duhet të dëshmojë në çdo rast që e kërkon prokuroria dhe gjykata. Nëse nuk është i sinqertë në dëshmitë e tij, në pikën 5 të akt marrëveshjes thuhet se mund të humbasë edhe statusin.

‘Kjo Marrëveshje bashkëpunimi mund të revokohet nga pala e akuzës, kur vërtetohet se bashkëpunëtori i drejtësisë bën deklarime të rreme, mban rezerva lidhur me faktet, ngjarjet dhe rrethanat që provohet se ka dijeni, ose kur ai me dashje shkel kushtet e përcaktuara në këtë akt-marrëveshje’.

“Ndryshe nga bashkëpunëtorët e tjerë të drejtësisë, në deklarimet e tij janë konstatuar elementë të cilët në bazë të një dëshmie ka kërkuar që të nxirren prova nga elementë të ndryshëm”.

Pas dëshmisë së Dumanit, SPAK lëshoi 32 urdhra arresti, që përfshinin disa prej individëve më të kërkuar të krimit të organizuar shqiptar. Dosja që tashmë është në fazë gjykimi përfshin 20 të pandehur. Ky është një proces gjyqësor që po konsiderohet si një nga më të rëndësishmit dhe më voluminozët për SPAK-un, ngjashëm me maksi-proceset e dikurshme të mafias italiane.

“Çështja në të cilën Nuredin Dumani që ka pranuar të bashkëpunojë me drejtësinë një pjesë e saj është gjykim dhe po vazhdon gjykimin ndërsa një pjesë tjetër e saj është në proces hetimor, që ne nuk mund të flasim sot” u shpreh Vladimir Mara, Prokuror i SPAK./ Top Channel

The post Çmontoi disa grupe kriminale, zbulohet për herë të parë akt marrëveshja e Nuredin Dumanit me drejtësinë appeared first on Albeu.com.

Gjykata pranoi marrëveshjen e fajësisë që të tre të akuzuarit kishin arritur më parë me Prokurorinë e Specializuar. Sipas vendimit, Haxhi Shala u dënua me 3 vjet burgim, ndërsa Sabit Januzi dhe  Ismet Bahtijari u dënuan me 2 vjet burgim secili.

Gjithashtu, në fillim të seancës, të tre të akuzuarit u pajtuan të paguanin një shumë totale prej 500 euro si kompensim për viktimën në këtë rast, e cila identifikohet si “viktima 01”. Nga kjo shumë, 400 euro do të paguajë Shala, 100 euro Januzi, ndërsa Bahtijari nuk do të paguajë asgjë. Shuma duhet të paguhet deri më 19 shkurt 2025.

Të akuzuarit pranuan fajësinë për frikësim të dëshmitarëve dhe pengim të drejtësisë, pasi në fund të dhjetorit 2024 kishin arritur një marrëveshje me Prokurorinë e Specializuar për pranimin e fajësisë, shkruajnë mediat e Kosovës.

Sipas kësaj marrëveshje, Shala pranoi një dënim deri në 3 vjet burgim, Januzi një dënim nga 24 deri në 30 muaj, ndërsa Bahtijari pranoi që, nëse gjykata e dënonte me 2 vjet burgim ose më pak, ai nuk do të kishte të drejtë apeli ndaj vendimit

Të tre akuzoheshin se kishin bashkëpunuar për të ndërhyrë në procesin e drejtësisë, duke nxitur një dëshmitar të mos dëshmonte para Dhomave të Specializuara dhe Prokurorisë së Specializuar, të njohura edhe si Gjykata Speciale.

Megjithatë, nuk është bërë publike identiteti i dëshmitarit ose rasti për të cilin ai duhej të dëshmonte. Ismet Bahtijari dhe Sabit Januzi u arrestuan në tetor 2023, ndërsa Haxhi Shala u arrestua në dhjetor 2023. Koha që kanë kaluar në paraburgim në Gjykatën Speciale në Hagë do t’u llogaritet në vuajtjen e dënimit të tyre.

The post “Pengim i drejtësisë”, Specialja dënon ish-ushtarët e UÇK-së Haxhi Shalën, Januzin dhe Bahtijarin appeared first on Albeu.com.

Blushi u shpreh se; drejtësia në Shqipëri është e falimentuar dhe po funksionon me dy standarde, duke sulmuar vetëm opozitën dhe qytetarët.

Blushi: Shqipëria sot është nën pushtetin e një regjimi kriminal, nën pushtetin e një regjimi që përdor këtë narkopolici për të arrestuar dhe për të rrëmbyer presidentin e PL.

Për të arrestuar dhe për të dhunuar protestuesit paqësorë. Vetëm në Shqipëri ndodh të arrestohesh se po proteston në paqe. 3 viktima dje në Shkodër, ku ishin kta oficerë policie. Janë thjeshrtë një eskortë ordinere e krimit të organizuar.

Kemi sot edhe një sistem drejtësie të falimentuar që vetëm drejtësi nuk jep. Në cilin vend të botës ndodh që një kryeministër i faktuar për lidhjet e tij me trafikun e drogës, nuk thirret ne prokurori.

Në cilin vend të botës një kryetarë bashkie vjedh qindra milionë euro dhe nuk thirret në polici.

Kush është standardi i kësaj drejtësie po aq kriminale sa drejtësia e Enver Hoxhes, por me shumë qesharake se ajo.

Në vend të thërrasë Ramën dhe Veliajn, thërret një deputete për një parfum. E kuptoni në cfarë regjimi kriminal jemi.

Nuk është koha vetëm për rezistencë por koha për aksion, sepse është në duart tona për të bërë drejtësi.

Kjo drejtësi për fat të keq është kapur nga Edi Rama, sot prokurorët nuk janë gjë tjetër vecse toga pushkatimi kundër opozitës dhe qytetarëve.

The post Tedi Blushi: Drejtësia me dy standarde, në vend të thërrasin Ramën dhe Veliajn, thërrasin një deputete për një parfum appeared first on Albeu.com.

Për shkak të kësaj situate prokurorët e Lezhës, duke vlerësuar çështjen, kanë vendosur që bisedat e përgjuara t’ia dërgojnë për hetime të mëtejshme prokurorisë së posaçme SPAK në Tiranë.

Këto përgjime dhe të tjera të kryera më pas nga SPAK, u kthyen në gurin e themelit të një dosje penale që mban Nr. 546, ku të pandehur për korrupsion pasiv përfunduan profesorët e Fakultetit të Drejtësisë në Shkodër, si: Dekani Gasper Kokaj, shefja e departamentit të së Drejtës Ndërkombëtare, Senada Reçi dhe pedagogia pranë këtij Departamenti, Luljeta Zefi.

Nën akuzë për korrupsion aktiv, kanë përfunduar dhe Lekë Toni dhe Pëllumb Ndreca, të cilët janë prindërit e dy studenteve që kishin ngelur në provimet e “Masterit”.

Profesorët e Dekanatit, dyshohet se kanë marrë 500 mijë lekë të vjetra në këmbim për t`i vendosur nota kaluese dy studenteve që kishin ngelur në dy lëndë semestrale.

Ndërkohë, megjithëse ata janë marrë të pandehur, prokuroria e Shkodrës nuk ka kërkuar në gjykatë asnjë masë sigurimi për pezullimin e përkohshëm të tyre.

Gazetari i “Ora News” Elton Qyno, ka zbuluar dosjen e këtij rasti korruptiv brenda Universitetit të Shkodrës, ku një numër i lartë komunikimesh të përgjuara nga SPAK tregojnë se për të kaluar, duke arritur notën “5” në Fakultetin e Drejtësisë në Shkodër, duhet të paguaje.

SPAK ka përgjuar numrat telefonikë të Lekë Tonit,i cili diskuton për data provimesh, shuma monetare dhe pedagogë. Nga verifikimet ka rezultuar se Lekë Toni ka dy vajza, të cilat janë në moshë për të ndjekur studimet e arsimit të lartë.

Në përgjim është vendosur dhe Pëllumb Ndreca, i cili rezulton se ka një vajzë në moshë për të ndjekur studimet e larta, e cila quhet Arlinda Ndreca.

Nga konteksti i shumë bisedave të përgjuara, duket sikur këta dy persona dhe fëmijët e tyre, komunikojnë në lidhje me provimet, ku vajzat e tyre nuk kanë marrë notë kaluese dhe mundësinë që të gjejnë një zgjidhje për të kaluar, duke ofruar para tek pedagogët e Fakultetit të Drejtësisë në Shkodër.

Mes shumë bisedave mund të evidentohet komunikimi i përgjuar mes studentes Fiona Toni dhe babait të saj Lek Toni, i cili është zhvilluar në datën 3 tetor 2021.

Mes të tjerave, Fiona i thotë babait se teksa kishte dhënë provimin në lëndën “E drejta Evropiane dhe legjislacionit kombëtar”, me pedagogen Senada Reçin, ajo ishte vlerësuar me notën “5”.

Por me këtë vlerësim nuk ishte dakord babai i studentes Lek Toni, i cili i shprehet se ajo (Pedagogia) është një plehrë pasi nuk ishte paguar për ta vlerësuar me “5”.

Mes tyre zhvillohet kjo bisedë si më poshtë vijon:

Fiona: “Bab doli Senada, 5″.

Leka: “A plehëra për pesë pagujta”!

Fiona: “Po plehja. Po hajd ishalla po marr notë të mirë në temë diplome me kompensu”.

Leka: “Se e gadisim mirë”.

Nisur nga kjo situatë Prokuroria ka sekuestruar procesverbalet e provimit të dhënë në sezonin e vjeshtës nga studentja Fiona Toni, e cila në 30 shtator 2021 për lëndën “E drejta e konsumatorit”, me komision i përbërë nga Luljeta Zefi dhe Merisë Rukaj, është vlerësuar me notën 9 (nëntë).

Ndërsa në provimin e datës 3 Tetor 2021, sipas bisedës së mësipërme për lëndën “E drejta Evropiane dhe legjislacioni kombëtar”, të dhënë në datën 24 shtator 2021, komisioni i përbërë nga Senada Reçi dhe Merisë Rukaj, ka vlerësuar studenten Fiona Toni me notën 5 (pesë).

Ndërkohë, me procesverbalin e datës 8 Tetor 2021 “Mbrojtje teze”, komisioni i përbërë nga: Dr. Gasper Kokaj, Senada Reçi dhe Phd. Roland Dodani, Fiona Toni është vlerësuar me notën 7 (shtatë).

Sipas Prokurorisë, në përgjigjen shkresore të përcjellë nga Universiteti “Luigj Gurakuqi” Shkodër, konstatohet se përputhen datat, notat e provimeve dhe emrat e pedagogëve me komunikimet telefonike dhe ato të këqyrura në “WhatsApp”.

Mbi bazën e këtyre përgjimeve dhe krahasimeve me procesverbaleve të vlerësimit të provimit me notë kaluese për dy studentet Fiona Tonij dhe Arlinda Ndreca, prokurorja e Shkodrës Besmira Vishe, ka vendosur të marrë të pandehur Dekanin e Fakultetit të Drejtësisë në Shkodër, Gasper Kokaj, duke e akuzuar këtë të fundit për akuzën e korrupsionit pasiv.

Bashkë me Dekanin e Drejtësisë, e pandehur për korrupsion është marrë dhe shefja e departamentit të së Drejtës Ndërkombëtare, Senada Reçi, pedagogia pranë këtij departamenti, Luljeta Zefi, si dhe dy prindërit e vajzave.

Tashmë që prej datës 18 shtator 2024, kjo çështje kundër 5 të pandehurve është zbritur për t’u gjykuar në gjykatën e Shkodrës, ku do jetë gjyqtarja e seancës paraprake Egla Mirashi, që do vendosë nëse dosja kundër profesorëve do kalojë për gjykim apo do kthehet sërish në prokurori për plotësim hetimesh.

The post Zbardhen përgjimet tek “Drejtësia” në Shkodër/ Vajza: Bab, doli Senada 5, babai: Ah plehra, pse për 5 pagova unë, hajt se e gadisim mirë appeared first on Albeu.com.

Në një intervistë për Nacionale të Kosovës, kreu i qeverisë shqiptarë inkurajon Prokurorinë e Posaçme, ndërsa thekson se fakti që drejtësia në Shqipëri, po godet edhe pushtetitn, duhet të gëzojë njerëzit.

“Faki që sot kemi një drejtësi me të gjitha problemet e veta, fakti që i kemi dhënë drejtësisë mundësinë të ketë një grykë zjarri pavarësisht a je në pushtet apo në opozitë, kjo duhet t’i gëzojë njerëzit, për herë të parë nga 1912-ta ka një forcë në qeveri që po i krijon kushtet drejtësisë që të rritet”, tha Rama.

Edi Rama: Pse duhet të prish unë gjumin pse u kapën disa drejtorë? Për mua është gjithmonë lajm i mirë, tashi mos i marr se të gjithë prezumohen të pafajshëm, por është punë e mirë kur një parazit që ushqehet në trupin tonë të shtetit shqiptar, nuk është më në pozicionin të vazhdojë të ushqehet me trupin e shtetit shqiptar.

Kjo është sikur ke një të dashur larg qoftë në një proces kure shëndetësore dhe doktori thotë ia pastruam disa shenja që kishte, ti gëzohesh që ia hoqën.

Unë nuk dua të kujtohem, përveç për një gjë, luftova që në fillim që Shqipëria të ketë një moment kthese ku drejtësia të godas majtas, djathtas, pa pyetur as sa larg je, as afër je as çfarë lidhje ke me atë e këtë, as a e ke bo as s’e ke bo këtë.

Po ashtu, Rama ka deklaruar se Plani i Ri i Rritjes ekonomike nga BE për vendet e rajonit “na jep mundësinë që ne të mund të hyjmë në BE përmes zonave të caktuara të sistemit të BE-së dhe të marrim ato përfitime që përndryshe do t’i merrnim kur të bëheshim anëtarë të BE-së”.

Rama u ndal te zhvillimet e samitit Rajonal të Ballkanit Perëndimor me BE mbajtur pak ditë më parë në Kotorr për zbatimin në vijim të këtij plani ekonomik.

Edi Rama: Sot që flasim të gjithë shqiptarët që janë qytetarë të Bashkimit Evropian, qofshin nga Shqipëria, qofshin nga Kosova, kur çojnë para në Shqipëri apo në Kosovë, kanë një kosto shumë të lartë se sa nëse do të transferonin paratë që do të çonin nga Franca në Zvicër apo nga Suedia në Zvicër. Një nga gjërat që do ndodhin, të paktën për Shqipërinë kjo gjë do të ndodhë besoj deri në fund të vitit kemi bërë goxha punë për këtë, është se nuk do ketë më barrë ekstra për shqiptarët e Shqipërisë që transferojnë para nga Franca, Gjermania, Italia në Shqipëri, por do të jetë njësoj sikur do t’i transferonin në një vend brenda për brenda BE-së.

Ai shtoi më tej se “kështu janë korsitë e gjelbra. Kemi një sërë pikash kufitare si rajon me vendet e BE-së, do të jetë i njëjti regjim si mes vendeve të BE-së. Plus përkundër reformave që kemi marrë përsipër që lidhen me anëtarësimin”.

Shefi i qeverisë nënvizoi gjithashtu se “janë edhe 6 miliardë midis 2024-2027 dhe do të ndahen pavarësisht se çka bën ti. Do jepen vetëm në bazë të performancës”.

Edi Rama: E mira e këtij plani, është që askush nuk mban peng më asnjë Shqipëria s’ka problem as me Serbinë, as me Kosovën as më të të tjerët, por do bëjë punë e vet. Kush ka probleme me tjetrin nuk do të përfitojë nga plani./albeu.com 

The post “Pse të prish gjumin për disa drejtorë?”, Rama inkurajon SPAK: Punë e mirë kur një parazit s’është më appeared first on Albeu.com.