Në këtë marsh që kërkon drejtësi për ish-krerët e UÇK-së që po gjykohen në Hagë kanë marrë pjesë mijëra qytetarë.

E pranishme ka qenë edhe presidentja e vendit, Vjosa Osmani, e cila është parë në këtë tubim afër djalit të ish-presidentit Hashim Thaçi, Endrit Thaçit dhe kreut të Grupit Parlamentar të Partisë Socialiste, Taulant Balla.

Qytetarët që kanë marrë pjesë në marsh në duar kanë mbajtur pankartat si “Liria ka Emër”, “Historia nuk mund të rishkruhet”, “Liri në emër të popullit”.

Themeluesi i platformës “Liria ka Emër”, Ismajl Tasholli në fjalën e tij para qytetarëve ka thënë se pavarësisht proceseve gjyqësore, lufta e UÇK-së ishte çlirimtare dhe nuk mund të relativizohet.

The post Mijëra të pranishëm në përkrahje të ish-krerëve të UÇK-së në Hagë, mbyllet marshi “Drejtësi, jo politikë” appeared first on Albeu.com.

Ai e ka quajtur Këshillin e Lartë Gjyqësor (KLGJ), “simbolin e dështimit” të reformës në drejtësi, duke e akuzuar për vonesa të pajustifikueshme dhe për pengimin e funksionimit normal të gjykatave.

Maliqi deklaron se reforma e nisur 9 vite më parë ka larguar qindra gjyqtarë dhe prokurorë, duke lënë pas një sistem të paralizuar që prodhon vetëm “vonesa, padrejtësi dhe pasiguri”.

Ai thekson se qytetarët presin deri në 4 vjet për një gjyq të shkallës së parë dhe 6–7 vjet për Apelin, ndërsa disa mbeten peng të drejtësisë për 15 vite.

Deklarata:

Pas ngjarjes tragjike ku humbi jetën gjyqtari Astrit Kalaja në sallën e gjyqit, sistemi i drejtësisë është zhveshur plotësisht nga çdo fasadë.

Kjo është fytyra e vërtetë e kaosit që ka mbjellë një reformë e kapur politikisht, që shkatërroi institucionet, largoi qindra gjyqtarë e prokurorë dhe sot prodhon vetëm vonesa, padrejtësi dhe pasiguri!

Turp që 9 vjet pas kësaj “reforme historike”, shqiptari duhet të presë 4 vjet për një gjyq të shkallës së parë dhe 6-7 vjet në Apel!

Ka njerëz që mbeten peng i drejtësisë për 15 vjet, ndërsa pushtetarët shëtisin të qeshur mes luksit dhe korrupsionit që kanë mbjellë vetë!

Dhe ndërkohë…

Janë diplomuar 45 gjyqtarë të rinj, magjistratë që kanë përfunduar trajnimin, por presin prej 4 muajsh që KLGJ t’i emërojë në gjykata!

Nga njëra anë, KLGJ e qeveria ankohen se nuk ka gjyqtarë dhe se stoku i dosjeve ka kaluar mbi 200 mijë, ndërsa nga ana tjetër mbajnë peng 45 të rinj që mund të ndihmonin menjëherë sistemin!

Ky është absurdi dhe cinizmi i një drejtësie që po mbahet peng nga vendime politike dhe interesa të ngushta!

KLGJ sot nuk është garant i drejtësisë, por pengmarrësi i saj!

Shqiptarët e kanë kuptuar: kjo nuk është reformë për drejtësi, por për pushtet!

Koha e mashtrimeve mbaroi – drejtësia duhet t’i kthehet qytetarit, jo partisë!

The post Lefter Maliqi: KLGJ, simboli i dështimit të reformës në drejtësi appeared first on Albeu.com.

Ish-deputeti u lirua pas më shumë se 9 muaj qëndrim në burgun e Fierit pa përfunduar afatin e dënimit me 1 vit burg të caktuar nga Apeli në Tiranë.
Kujtojmë se Gjykata e Fierit, vendosi më 8 korrik 2025 lirimin me kusht të Ervin Salianjit për shkak se prokurori i çështjes dha dakordësinë.
Më 26 shtator 2024, Gjykata e Apelit mori vendimin për dënimin me një vit burg për Salianjin, i cili u akuzua për “kallëzim të rremë” për denoncimin që bëri ndaj Geron Xhafës, vëllait të ish-ministrit Fatmir Xhafaj.

The post Salianji mbyll punët me drejtësinë? Shkon për herë të fundit në Shërbimin e Provës: Çështjen do e çoj në Strasburg! appeared first on Albeu.com.

Organizatore e protestës është diaspora, e mbështetur nga organizata të dala nga lufta.

Ata thonë se ish-krerët e UÇK-së, Hashim Thaçi dhe të tjerët, po mbahen padrejtësisht në Hagë për 5 vite me radhë dhe se lufta e UÇK-së ka qenë e drejtë, e pastër dhe çlirimtare.

Kjo protestë, është mbështetur edhe nga shumë parti politike dhe individë me influencë, si në Kosovë, Shqipëri, ashtu edhe në diasporë.

Autoritetet holandeze nuk kanë dhënë lejen që protesta të mbahet pranë godinës së Gjykatës, por ajo do të zhvillohet në një shesh jo shumë larg.

Të hënën, më 15 shtator, fillon procesi i nxjerrjes së dëshmitarëve të palës mbrojtëse, ku priten disa nga autoritetet e larta të kohës së luftës. Dëshmitari i parë pritet të jetë James Rubin nga Shtetet e Bashkuara.

The post Sot protestë në Hagë, kërkohet drejtësi për ish-krerët e UÇK-së appeared first on Albeu.com.

Federata Pan-Shqiptare e Amerikës “VATRA”, kërkon hetim të pavarur ndërkombëtar për të zbardhur të vërtetën.

VATRA po ashtu kërkon drejtësi për shqiptarët e grupit të Kumanovës që po mbahen në burgjet e Maqedonisë së Veriut.

Po ashtu, jemi shumë të shqetësuar për trajtimin dhe gjendjen e tyre në burg. Familjarët e të burgosurve na informojnë për keqtrajtime e sjellje jo njerëzore që ushtrohen ndaj këtyre të burgosurve.

VATRA tërheq vëmendjen që Republika e Maqedonisë së Veriut, si vend anëtar i NATO-së dhe kandidat për BE, është e detyruar që të zbatojë standartet më të larta të trajtimit njerëzor dhe të dinjitetshëm të të burgosurve konformë Konventave Ndërkombëtare dhe legjislacionit në fuqi.

Këtë shqetësim të bazuar, VATRA do ta prezantojë deri në nivelet më të larta të shtetit amerikan.

Njëherësh i bëjmë thirrje qeverive në Prishtinë dhe në Tiranë, që të përdorin ndikimin e tyre në favor të trajtimit njerëzor të këtyre të burgosurve shqiptarë.

The post Vatra kërkon drejtësi për “Kumanovën” appeared first on Albeu.com.

Në një lidhje skype ne emisionin “Me Zemër të Hapur”, Ëngjëll Cani, ka treguar se djali i tyre i vogël, Henri, nuk është ende në dijeni se i vëllai ka ndërruar jetë.

“Jemi në një gjendje të rënduar psikologjike. Nusja është mbyllur në vetvete dhe kemi nevojë për ndihmën e një psikologu. Vëllai të Martini, Henri, akoma nuk është në dijeni të ngjarjes sepse gjendja e tij shëndetësore mund të përkeqësohet“, tha ai.

Po ashtu, ai ka treguar se Luisi, shoku i ngushtë i Martinit, i cili mbeti i plagosur rëndë, është në gjendje të trembur edhe pas disa muajsh nga ngjarja.

“Luisi ka disa kohë që është kthyer nga Italia. Te FSHF bën terapi, në shollë nuk e di nëse ka shkuar, mbetet i trembur. Në varrim ka qenë gjysma e Tiranës, mësuesja apo drejtohesha nuk kanë ardhur”, tha ai.

Ndër të tjera, Ëngjëll Cani, tha se ata do të protestojnë çdo datë 18, duke theksuar më tej se kauza e tyre nuk është politike.

“Nuk është çështje politike kjo, se kemi me politikën, ne e kemi se pse nuk u parandalua. S’kemi lidhje ne as majtas as djathtas. Martini ishte 14-vjeç, as nuk votonte. Çdo datë 18 do bëjmë protestë. Ne kërkojmë drejtësi”, tha ai, duke shtuar se nuk ka pasur kontakte pas ngjarjes me mësuesen kujdestare të Martinit dhe as me drejtoreshën e shkollës apo ministren.

Babai i Martin Canit: “Jemi në një gjendje të rënduar psikologjike. Nusja është mbyllur në vetvete dhe kemi nevojë për ndihmën e një psikologu. Vëllai të Martini, Henri, akoma nuk është në dijeni të ngjarjes sepse gjendja e tij shëndetësore mund të përkeqësohet.

Është më tragjike akoma situata me djalin e vogël. Henri merr fotografitë e Martinit, por nuk e di ende që vëllai i ka ndërruar jetë. Nëse do t’i tregojmë të vërtetën kemi frikë se do të kthehet pas progresi i djalit, dhe kjo na vret shumë. Ne mesazhin tonë e kemi dhënë, kërkojmë drejti dhe të funksionojnë institucionet, nga dera e shkollës, ndihma e parë që i është dhënë… xhiro nëpër Tiranë. Mund të shkonin në spitalin më të afërt, jo të Trauma. Mund të ishte dhënë në QSUT”.

A keni folur me mësuesen apo drejtoreshën?

Babai i Martin Canit: “Ne na kanë bllokuar të gjithë. Ato ndodhen në faj, është një neglizhencë e madhe. Luizi ka disa kohë që është kthyer nga Italia. Te FSHF bën terapi, në shollë nuk e di nëse ka shkuar, mbetet i trembur. Në varrim ka qenë gjysma e Tiranës, mësuesja apo drejtohesha nuk kanë ardhur.

Nuk është çështje politike kjo, se kemi me politikën, ne e kemi se pse nuk u parandalua. S’kemi lidhje ne as majtas as djathtas. Martini ishte 14-vjeç, as nuk votonte. Çdo datë 18 do bëjmë protestë. Ne kërkojmë drejtësi! Vetëm njëherë kemi qenë në Prokuroria, heshtja flet shumë. Çështja me të mitur zbardhet më shpejt se të tjerat. Luizi ka ngrën 6 thika. Edhe film po tu luante, do kishte skenar…

Asnjë nuk ka ardhur, zero, as mësuesja, as drejtoresha, as ministrja. Unë personalisht nuk kam pasur asnjë lloj kontakto me Ministren. Zoti është i madh, këtë dhimbej që kam unë mos e provoftë asnjë. Është shumë vonë të vijnë ato për falje, pas 6-7 muajsh këto janë çështje që na lëndojnë shumë. Ne kërkojmë drejtësi, dhe të mbrohen të gjithë fëmijët shqiptarë. Drejtësi nuk ka”.

A janë hetimet në rrugë të mbarë?

Babai i Martin Canit: “Për këtë nuk flas unë, flet Prokuroria. Nuk mund të flasin njerëzit e tjerë pa ditur gjerat. Të bëjmë punë që i ka policia dhe prokurorja”.

The post Babai i Martin Canit: Djali i vogël nuk e di që i vëllai ka ndërruar jetë, kërkojmë drejtësi appeared first on Albeu.com.

Në prezantimin e Raportit të EULEX-it për monitorimin e drejtësisë, ai ka thënë të hënën se nga periudha shtator 2022 – maj 2024, 230 nga 821 seanca të monitoruara janë qenë joproduktive, derisa shtoi se ka ende seanca që mbahen “pa ndonjë përparim të duhur që shkaktojnë vonesa të panevojshme”.

The post Raporti i EULEX-it për drejtësinë, theksohet parashkrimi i rasteve të profilit të lartë appeared first on Albeu.com.

“Edhe pse shpresova se nuk do të ndikohej, sot KPA-ja (shumica) mori një vendim të turpshëm që të ndërpresë pa një vendim përfundimtar vetingun tim si ish-këshilltar ligjor në Gjykatën e Lartë ku kam punuar para 8 vitesh, duke e shoqëruar edhe me ndalesat e nenit “G” të Aneksit të Kushtetutës, të cilat u vihen vetëm atyre që dorëhiqen ose shkarkohen nga detyra ku nuk ishte asnjë rast për mua.

Ky vendim më la shije jo të mirë edhe pse nuk ka lidhje me statusin tim aktual në KLP, si i zgjedhur nga Parlamenti nga radhët e shoqërisë civile dhe jo si magjistrat. Për sqarim, ky nuk është një vendim shkarkimi, pasi nuk është bërë hetim administrativ ndaj meje. Në bazë të këtij vendimi, në të ardhmen nuk mund të kandidoj për vende të caktuara, kuptohet deri sa të shprehet GjEDNj. Më keq me vjen për avokaten time, që kishte bindjen se çështja ishte e fituar, nisur nga gjithë praktika e vetë KPA-së…”, thuhet në reagimin e Alfred Ballës.

The post 15 vite jashtë drejtësisë, Alfred Balla: Vendim i turpshëm i KPA, i drejtohem Strasburgut appeared first on Albeu.com.

Sipas Xhixhos, njerëzit po ndërrojnë jetë pa marrë drejtësi. Mes të tjerash, ajo theksoi se nevoja e qytetarëve për të marrë drejtësi brenda afateve të arsyeshme nuk është përmbushur, madje vonesat e krijuara janë më të mëdhatë e regjistruara ndonjëherë në historinë e shtetit shqiptar.

Gjithashtu, Xhixho thekson se janë rreth 115 mijë dosje që nuk janë prekur. Të detyruar për të paguar kur hapin një çështje gjyqësore, për qytetarët në vështirësi ekonomike, drejtësia bëhet

REAGIMI I XHIXHOS:
DËSHTIMI I HARTËS GJYQËSORE, NJERËZIT PO NDËRROJNË JETË PA MARRË DREJTËSI
Harta e re gjyqësore ka dështuar në mënyrë spektakolare, duke mos arritur të zgjidhë problemin për të cilin u krye.
Nevoja e qytetarëve për të marrë drejtësi brenda afateve të arsyeshme nuk është përmbushur, madje vonesat e krijuara janë më të mëdhatë e regjistruara ndonjëherë në historinë e shtetit shqiptar. Sot gjyqësori shqiptar nuk ofron dot shërbimin e drejtësisë për 90% të qytetarëve të vet. 78% e çështjeve gjyqësore janë të vonuara. Koha për shqyrtimin e një dosjeje është katërfishuar, në vend që të shkurtohej

Janë rreth 115 mijë dosje që nuk janë prekur. Të detyruar për të paguar kur hapin një çështje gjyqësore, për qytetarët në vështirësi ekonomike, drejtësia bëhet luks. Në gjykatat e shkallës së parë për të marrë drejtësi, një qytetari i duhen të paktën 2 vite. Në Apelin e juridiksionit të zakonshëm i duhen 5-7 vite. Në Gjykatën e Lartë duhen 8-9 vite
Zvarritja tej çdo afati e ka bërë drejtësinë një realitet të paarritshëm për shumë qytetarë, që kanë ndërruar jetë në pritje të një vendimi. Të tjerë rrezikojnë të zgjedhin vetëgjyqësinë që në krye të herës, duke qenë të bindur se për të marrë drejtësi në Shqipëri mund të mos të mjaftojë një jetë.

Shkalla e dytë e gjyqësorit, përveçse një proces me kosto të shumëfishuara për qytetarët nga rrethet, ka ende vetëm një të tretën e trupës gjyqësore. Sot në Apelin e Tiranës ka 26 gjyqtarë, ndërkohë që organika e miratuar me dekret presidencial është 78 gjyqtarë. Edhe sikur ky numër të plotësohej që sot, nuk ka infrastrukturë gjyqësore, pra nuk ka salla dhe as zyra për ta.

Harta gjyqësore ishte një dështim dhe pasojat kanë rënë dhe po bien direkt mbi qytetarët. Nevoja për ta vënë sa më shpejt drejtësinë në shërbim të qytetarëve është emergjente! Duhet domosdoshmërisht një diskutim i gjerë profesionist dhe publik, në mënyrë që të merren vendimet e duhura dhe të shpejta duke pranuar pa paragjykim problematikat dhe të jepen zgjidhje urgjente pa vonesë”, shkruan Xhixho.

The post Harta e re gjyqësore/ Erisa Xhixho: Njerëzit po ndërrojnë jetë pa marrë drejtësi appeared first on Albeu.com.

Vendimi për këtë emërim është firmosur nga kryeministri Edi Rama në mbledhjen e sotme të qeverisë dhe hyn në fuqi menjëherë.

“Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

V E N D O S I:

1. Tedi Dobi emërohet zëvendësministër i Drejtësisë.

Ky vendim hyn në fuqi menjëherë.

K R Y E M I N I S T R I

EDI RAMA”– thuhet në njoftimin e qeverisë.

The post Ndryshime në qeveri, emërohet zv.ministri i ri i Drejtësisë appeared first on Albeu.com.