Sipas draftit paraprak, amnistia parashikon përfitime për disa kategori të dënuarish: Të dënuar burra, me vendim gjyqësor të formës së prerë, me dënim deri në 3 vite burg, si dhe ata të dënuar mbi 3 vite, por që kanë deri në 3 vite dënim të mbetur pa vuajtur.

Të dënuara gra, me vendim gjyqësor të formës së prerë, me dënim deri në 4 vite burg, si dhe ato të dënuara mbi 4 vite, por që kanë deri në 4 vite dënim të mbetur pa vuajtur.

Gra të dënuara, të cilat në datën e hyrjes në fuqi të ligjit janë 50-vjeç ose më të mëdha. Burra të dënuar, të cilët në datën e hyrjes në fuqi të ligjit janë 60-vjeç ose më të mëdhenj.

Efektet e kësaj amnistie pritet të hyjnë në fuqi në fund të muajit janar ose në fillim të shkurtit, pas përfundimit të diskutimeve dhe votimit në Kuvend.

The post Zbardhet DRAFTI i Amnistisë Penale: 380 të dënuar lirohen menjëherë, 1.300 përfitojnë ulje dënimi appeared first on Albeu.com.

Të pranishëm në takim ishin dhe përfaqësues të Klerit Orthodoks dhe atij Katolik.
Në një mesazh në facebook, Bozdo shkruan se gjatë takimit, theksoi nevojën e tërheqjes nga Kuvendi të P-Ligjit “Për Barazinë Gjiore”, i cili në thelb, siç është paraqitur nga qeveria dhe që zhbën traditën familjare, duke zhbërë gjinitë e vetme që ne njohim, burrin dhe gruan si thelbi i familjes dhe shoqërisë, dhe duke ndërtuar gjini imagjinare!

“Përkufizimet e këtij P-Ligji hapin një rrugë të rrezikshme dhe të papranueshme për ne si deputetë të Partisë Demokratike. Edhe amendimet nga halli të PS, nuk zgjidhin asgjë!

Ne kemi kërkuar tërheqjen e plotë të P-Ligjit dhe mosparaqitjen e tij më!”, shkruan Bozdo.

The post Berat, krerët fetarë dhe deputetë diskutojnë draftin për “Barazinë Gjinore”, Bozdo: Kemi kërkuar tërheqjen e plotë të pr.ligjit appeared first on Albeu.com.

Takimi i dedikuar për mediat dhe gazetarët, në bashkëpunim me grupin e punës për hartimin e Kodit të ri Penal, do të zhvillohet sot duke filluar nga ora 10:30 deri më 12:00.

Në takimin që do të zhvillohet në ambientet e Tirana International Hotel, do të prezantohen të rejat e Kodit të ri Penal, në raportin me atë ekzistues dhe me standardet europiane.

Njoftimi i Ministrisë së Drejtësisë:

Ministria e Drejtësisë, në bashkëpunim me Grupin e Punës për hartimin e Kodit të ri Penal, ju fton të merrni pjesë në tryezën e dytë të prezantimit teknik të draftit të Kodit të ri Penal, përpara fillimit të konsultimeve të gjera publike që do të zhvillohen për këtë draft.

Gjatë këtij aktiviteti do të prezantohen në mënyrë krahasuese risitë e Kodit të ri Penal në raport me Kodin Penal aktual dhe me standardet referuese europiane. Gjithashtu, grupi i punës do të paraqesë qëndrimet e tij lidhur me nenet që kanë qenë objekt diskutimi dhe komentimi publik pas prezantimit të parë të draftit.

Ky prezantim teknik është konceptuar si vijim i aktivitetit të mbajtur më 25 korrik dhe si pjesë e procesit të vazhdueshëm të informimit publik mbi draftin e ri të Kodit Penal, përpara fillimit të konsultimeve publike që do të zhvillohen me të gjithë aktorët e interesuar, me qëllim që të jenë pjesë aktive e këtij procesi të rëndësishëm juridik.

Gjatë kësaj tryeze, mediat do të njihen gjithashtu edhe me kalendarin e parashikuar të tryezave për konsultim publik.

Ministria e Drejtësisë mbetet e angazhuar për modernizimin e legjislacionit penal dhe forcimin e shtetit të së drejtës në Shqipëri.

Ky takim është i dedikuar vetëm për përfaqësuesit e mediave dhe gazetarët.

The post Drafti për Kodin e ri Penal, mbahet sot tryeza e dytë e diskutimit appeared first on Albeu.com.

Ndryshimet janë propozuar në projektligjin “Për disa shtesa dhe ndryshime në ligjin nr.90/2012, “Për organizimin dhe funksionimin e administratës shtetërore” të publikuar te konsultimet publike.

“Legjislacioni në fuqi parashikon tre lloje të trupave joministrore: Institucionet e Varësisë (IV), Agjencitë Autonome (AA), të dyja në varësi të ministrive dhe që kryejnë të njëjtat funksione të zbatimit të politikave, por me regjime të ndryshme juridike të organizimit dhe funksionimit, dhe Autoritetet apo Entet Rregullatore (ARr) që janë krijuar me ligje të veçanta, dhe që i raportojnë Kuvendit dhe kryejnë gjithashtu funksione të zbatimit të politikave, por specifikisht të natyrës rregullatore (tregjeve dhe industrive).

Dallimi aktual midis institucioneve të varësisë dhe agjencive autonome nuk bazohet në kritere të dallimit funksional. Gjithashtu, mbajtja e autoriteteve rregullatore jashtë mbikëqyrjes së qeverisë, sjell problematika në zbatimin e parimit të ndarjes së pushteteve, fragmentarizmin e aftësisë/përgjegjësisë së qeverisë për hartimin dhe zbatimin e politikave shtetërore dhe vakum në sistemin e përgjegjësisë e llogaridhënies qeveritare”, citohet në relacion.

Projektligji propozon ekzistencën e vetëm dy llojeve të trupave joministrore/ekzekutive, pra mbajtjen e institucioneve klasike të varësisë (IV) ku sipas këtij propozimi do të përfshihen edhe agjencitë aktuale autonome, dhe ri-konceptimi tërësor i Agjencive Autonome për të akomoduar tipologjinë aktuale të Autoriteteve Rregullatore, duke rregulluar regjimin e tyre juridik të organizimit dhe funksionimit të aftë për të garantuar një autonomi funksionale të plotë në kryerjen e funksioneve rregullatore, siç kërkohet nga legjislacioni evropian për secilin nga rregullatorët”, citohet në relacion.

Në projektligj gjithashtu sillet në vëmendje edhe situata problematike me institucionet e vogla në varësi të ministrive, duke nënvizuar nevojën për rregullimin e funskionimit të tyre.

“Nga një analizë e situatës, rezulton se për shkak të mungesave në ligjin 90, ka një tendence të shkëputjes së njësive të brendshme administrative të ministrive (drejtorive/drejtorive të përgjithshme) nga aparati i ministrive duke u krijuar si institucione vartësie më vehte. Kjo mungesë ka pas sjellë në disa raste krijimin e trupave/institucioneve të varësisë shumë të vogla, që nuk kanë realisht kapacitate për funksionimin e tyre ndarazi jashtë ministrisë mëmë. Projektligji propozon vendosjen e një pragu minimal të punonjësve që justifikojnë krijimin e një institucioni varësie, dhe njohjen e një lloji të ri drejtorie me status të posaçëm brenda aparatit të ministrisë, pa personalitet juridik por me autonomi të rritur në bazë të delegimit të ministrit”.

Po ashtu edhe sistemi i mbikëqyrjes apo llogaridhënies së institucioneve për trupat jo ministrore rezulton se nuk është i uniformizuar. Projektligji, propozon gjithashtu krijimin e një sistemi të detyrueshëm, të uniformizuar të mbikëqyrjes/llogaridhënies së trupave joministrore bazuar në rezultatet e institucionit.

Ndërsa për institucionet në varësi të Kryeministrit legjislacioni aktual nuk ka dispozita apo kufizime për to, duke i trajtuar ato njësoj si institucionet në varësi të ministrive. Në relacion theksohet se me kalimin e viteve kjo ka krijuar një mbingarkesë në funksionimin normal të qendrës së qeverisjes si pasojë e një numri të konsiderueshëm institucionesh në varësi të kryeministrit.

Projektligji propozon shtimin e disa dispozitave për krijimin e institucioneve në varësi të Kryeministrit. Dispozitat parashikojnë kritere pozitive dhe negative.

Projektligji propozon edhe dy ndërhyrje specifike sipas të cilave: i) “Drejtoria” bëhet niveli thelbësor i vendimmarrjes ekskluzive në një ministri dhe titullari i drejtorisë (drejtori) është ekskluzivisht përgjegjës për të gjithë vendimmarrjen brenda fushës së kompetencave të drejtorisë përkatëse, me përjashtim, sigurisht, të asaj vendimmarrjeje që i ngarkohet në mënyrë eksplicite me legjislacion menaxherëve të tjerë më të lartë (nëpunësve civilë të kategorisë të lartë drejtuese) ose vetë ministrit, dhe ii) përcaktohen një set rregullash të thjeshta që lejojnë delegimin brenda varësisë së një tipologjie vendimmarrjeje apo një vendimmarrjeje konkrete.

Ndër të tjera në draft propozohen rregulla të reja për kontroll më të fortë të ndryshimeve institucionale, duke kërkuar analiza të detajuara nga ministritë para krijimit të institucioneve të reja dhe duke i besuar Departamentit të Administratës Publike rolin kryesor në këtë proces.

The post DRAFTI/ Propozohet organizimi i ri, institucionet e varësisë do bashkohen me agjencitë autonome appeared first on Albeu.com.

Prezenca e OSBE-së në Shqipëri, ka reaguar lidhur me draftin e ri të Kodit Penal, i cili ka shkaktuar shqetësim të gjerë për dispozitat që mund të penalizojnë rëndë lirinë e shprehjes dhe kritikën.

Në një koment të ndarë në rrjetin social FB, OSBE thekson se nuk ka qenë e përfshirë në hartimin e ndryshimeve të propozuara dhe nuk i është kërkuar mendim paraprakisht.

“Prezenca e OSBE-së në Shqipëri thekson rëndësinë e Kodit Penal si një ligj themelor që meriton kohë të mjaftueshme dhe një proces konsultimi të plotë. Megjithëse nuk kemi qenë të përfshirë në hartimin e ndryshimeve të propozuara, po shqyrtojmë draftin e disponueshëm dhe jemi të gatshëm t’u ofrojmë rekomandime konkrete qeverisë dhe parlamentit të ri, në përputhje me mandatin tonë për të mbështetur institucionet demokratike dhe shtetin e së drejtës në Shqipëri”, thuhet në deklaratë.

Kujtojmë që edhe Delegacioni i BE në Tiranë, ka deklaruar se nuk ka qenë pjesë e grupit të ekspertëve gjatë diskutimeve të hartimit të dispozitave të Kodit Penal, por vë theksin te procesi gjithëpërfshirës që duhet të shoqërojë miratimin e tij.

The post Kodi i ri Penal/ Reagon edhe OSBE: Nuk na është marrë mendimi për draftin appeared first on Albeu.com.

“Që nga këto ambiente që jemi, po të vish në mëngjes mund të gjesh në çdo cep të kësaj godine bishta cigareje. Patjetër se jemi më të mirë se çdo ekspert shëndeti publik që demonstron duhan dhe që pi duhan. Të gjitha agjencitë ligj zbatuese të shtetit të merren me këtë gjë, pa pyetur i kujt është lokali, institucioni, restoranti”, tha socialisti Braçe.

Deputetja Gjonaj prezantoi ndryshimet në ligj, të cilat i konsiderojnë si thelbësore.

“E para ka të bëjë me ndalimin e shitjes dhe tregtimit tek të gjithë fëmijët nën moshën 18 vjeç nga çdo lloj subjekti tregtar. Kjo iniciativë sjell ndalimin e shitjes me ofertë. Kemi përcaktuar vendosjen e tabelave të dukshme të ndalimit të cigareve elektronike për çdo fëmijë të moshës nën 18 vjeç”, tregoi socialistja Gjonaj.

Nga opozita për ndryshimet ligjore nuk pati asnjë kundërshtim, por u kërkua zbatim rigoroz i tij me miratimin në kuvend.

“Është një ligj shumë i mirë, por unë shpresoj që deri në fund interesa të mëdha mos ta pengojnë këtë ligj dhe mos të lejojmë qeverinë që ta pengojnë dhe të thonë do ta sjellim ne nesër”, u shpreh kryetarja e komisionit, Jorida Tabaku.

“Duhet t’i imponohemi ekzekutivit, institucioneve që kanë për detyrë të zbatojnë ligjet që ne votojmë për të përmirësuar jetën e qytetarëve”, tha deputetja e PL, Erisa Xhixho.

Në ndryshimet e propozuara nga dy socialistët, Gjonaj e Braçe, kërkohet ndalimi i reklamimit apo sponsorizim në çdo formë për produktet e duhanit me qëllim vështirësimin e aksesit nga personat nën 18 vjeç. Në projektligjin e nxjerrë për konsultim publik rreth dy muaj më parë, propozohen edhe gjoba deri në 500 mijë lekë apo dënim deri në 8 vite burg për të gjithë ata persona që jua shesin këto produkte të miturve.

The post Drafti/ Burg kush i shet cigare të miturve! Braçe: Cepat e Kuvendit plotë bishta, ekspertët e shëndetit e pinë vet appeared first on Albeu.com.

“Drafti që është dorëzuar nga ana e Bashkimi Evropian, ka një parregullsi, sepse kjo nuk është kompetencë e BE-së dhe mendoj që nëse BE-ja nuk e modifikon këtë qëndrim, atëherë po i bie që do që t’ia marrë me zor një kompetencë shtetit të Kosovës”, tha Konjufca të enjten para gazetarëve.

Kryeministri i Kosovës, Albin Kurti, tha të mërkurën në një intervistë për A2CNN se emisari i BE-së për dialogun Kosovë-Serbi, Mirosllav Lajçak, mund ta dërgojë draftin në Komisionin e Venedikut.

Draftin e BE-së, Kurti e ka cilësuar “non-paper”.

“Është një ide [dërgimi i draftit nga Lajçak në Komisionin e Venedikut] të cilën edhe unë si kryetar i Kuvendit e mbështes”, tha Konjufca.

Sipas tij, çështja e Asociacionit nuk mund të marrë epilog “për shkak të mënyrës se si është shtruar nga bashkësia ndërkombëtare”.
Kryetari i Kuvendit të Kosovës, Glauk Konjufca, tha se nuk është kompetencë e Bashkimit Evropian që të propozojë draft-statut për Asociacionin e komunave me shumicë serbe në Kosovë.

“Drafti që është dorëzuar nga ana e Bashkimi Evropian, ka një parregullsi, sepse kjo nuk është kompetencë e BE-së dhe mendoj që nëse BE-ja nuk e modifikon këtë qëndrim, atëherë po i bie që do që t’ia marrë me zor një kompetencë shtetit të Kosovës”, tha Konjufca të enjten para gazetarëve.

Kryeministri i Kosovës, Albin Kurti, tha të mërkurën në një intervistë për A2CNN se emisari i BE-së për dialogun Kosovë-Serbi, Mirosllav Lajçak, mund ta dërgojë draftin në Komisionin e Venedikut.

Draftin e BE-së, Kurti e ka cilësuar “non-paper”.

“Është një ide [dërgimi i draftit nga Lajçak në Komisionin e Venedikut] të cilën edhe unë si kryetar i Kuvendit e mbështes”, tha Konjufca.

Sipas tij, çështja e Asociacionit nuk mund të marrë epilog “për shkak të mënyrës se si është shtruar nga bashkësia ndërkombëtare”.

The post Glauk Konjufca: BE s’mund të na e marrë kompetencën për propozimin e draftit të Asociacionit appeared first on Albeu.com.

Zëdhënësi i BE-së, Peter Stano, tha për Radion Evropa e Lirë se një draft i tillë duhet të diskutohet edhe me Serbinë dhe me bllokun, i cili e ndërmjetëson dialogun mes dy vendeve fqinje prej vitit 2011.

“Përmbajtja e një statuti, që Qeveria e Kosovës ka paralajmëruar ta përpilojë, është e panjohur dhe nuk është diskutuar as me Serbinë, e as me ndërmjetësuesin [e dialogut Prishtinë-Beograd] BE-në. Prandaj, është e pamundur që të vlerësohet përputhshmëria e tij me marrëveshjet e vitit 2013 dhe 2015 në këtë fazë”, tha Stano.

Të enjten në mëngjes, ministrja e Jashtme e Kosovës, Donika Gërvalla, njoftoi se kishte informuar Këshillin e Evropës se Kosova mëton të përgatisë një draft-statut dhe ta dërgojë atë në Gjykatën Kushtetuese për interpretim në fund të muajit.

Më vonë gjatë ditës, ajo tha në një konferencë për media se Kosova është në “fazën e zotimit” për hartimin e një draft-statuti për themelimin e Asociacionit, dhe “jo në një fazë të avancuar”.

Stano tha se BE-ja e mirëpret gatishmërinë e shprehur më në fund nga Kosova për t’u angazhuar tani, pasi “për keqardhje, Kosova prej vitit 2013 nuk e ka ndërmarrë asnjë hap drejt themelimit të Asociacionit, e me këtë edhe drejt forcimit të të drejtave të pakicave, edhe pse ka pasur raste të shumta për të bërë këtë”.

Kosova dhe Serbia kanë arritur dy marrëveshje për Asociacionin: më 2013 dhe 2015, gjatë dialogut të ndërmjetësuar nga BE-ja.

Por, Gjykata Kushtetuese tha më 2015 se Marrëveshja mbi parimet për themelimin e Asociacionin nuk ishte në harmoni të plotë me aktin më të lartë juridik të shtetit. Qeveria e Kosovës vazhdimisht është shprehur kundër një asociacioni njëetnik.

Vitin e kaluar, Bashkimi Evropian ua paraqiti palëve një draft-statut për Asociacionin, të cilin kryeministri i Kosovës, Albin Kurti, tha se nuk e pranon.

“Është me rëndësi të rikujtojmë se themelimi i Asociacionit të komunave me shumicë Serbe është një obligim i pazbatuar për një kohë të gjatë nga Kosova, i cili del nga marrëveshja e vitit 2013 e dialogut. Kjo është marrëveshja e vetme e dialogut që është ratifikuar nga Kuvendi i Kosovës me dy të tretat e votave. Prandaj, është obligim i qartë i Kosovës, sipas së drejtës ndërkombëtare” shtoi Stano.

Megjithëse disa vende të bllokut, si Franca dhe Gjermania, i kanë bërë thirrje të Kosovës të bëjë hapa konkretë drejt themelimit të Asociacionit, Stano tha se dialogu i ndërmjetësuar nga BE-ja dhe këkresa e Kosovës për anëtarësim në Këshillin e Evropës nuk ndërlidhen.

“Dialogu i lehtësuar nga BE dhe kërkesa e Kosovës për anëtarësim në Këshillin e Evropës janë procese të ndara. Megjithatë, edhe BE edhe Këshilli i Evropës bazohen në respektimin e ligjit, respektimin e të drejtave të njeriut dhe mbrojtjen e të drejtave të pakicave”, theksoi Stano.

Franca, Gjermania dhe Italia kanë ngulur këmbë në një letër dërguar kryeministrit Kurti më 15 maj, se ato e mbështesin draft-statutin e propozuar nga i dërguari i posaçëm i Bashkimit Evropian për dialogun Prishtinë-Beograd, Mirosllav Lajçak, për themelimin e Asociacionit.

Ndërkohë, presidenti i Serbisë, Aleksandar Vuçiq, e quajti të enjten “mashtrim dhe përpjekje joserioze” nga Kosova njoftimin se ajo synon ta hartojë një draft-statut për themelimin Asociacionit.

Vuçiq tha në samitin e liderëve të Ballkanit Perëndimor dhe atyre të BE-së, që po mbahet në Kotorr, se Kosova nuk mund ta bëjë një draft-statut të tillë pa pajtimin e shtetit fqinj.

The post BE: S’mund ta vlerësojmë draftin e paralajmëruar nga Kosova për Asociacionin, pa e ditur përmbajtjen appeared first on Albeu.com.

Për sociologun Zyhdi Dervishi, nisma e qeverisë për abortet dhe nënat surrogate përkon me nismat që po ndërmerren së fundmi në Evropë dhe më gjerë në hapësirën perëndimore.

Teksa ishte i ftuar në studion e lajmeve në “Ora News”, Dervishi theksoi gjithashtu, se kjo është  një dramëse e parë në kontekstin shqiptar, kjo është një fatkeqësi e madhe për shoqërinë shqiptare e cila po përballet prej vitesh edhe me rënien e numrit të popullsisë.

“Kjo është një dramë dhe dhunë e shumëfishtë. Nëse një vajzë apo një grua nuk dëshiron që të bëhet nënë por i ka të gjitha mundësitë për t’u bërë nënë, e zgjedh vetë këtë, kjo është një dëshirë e saj.

Kurse në shoqërinë shqiptare shumë nëna jetojnë në stres të madh, sepse shumë prej tyre nuk kanë mundësi të lindin dhe të rrisin fëmijë të shëndetshëm, të paktën në kushtet optimale.

Kështu që në këtë aspekt, unë e quaj fatkeqësi për shoqërinë shqiptare uljen e numrit të lindjeve”, theksoi sociologu, Zyhdi Dervishi.

The post Drafti për abortet dhe nënat surrogate, flet sociologu Zyhdi Dervishi: Fatkeqësi për shoqërinë shqiptare appeared first on Albeu.com.

Dy projektligje të deputetëve socialist Erion Braçe dhe Etilda Gjonaj, synojnë të ashpërsojnë masat ndëshkuese për shkelësit e ligjit, të cilët u shesin ose ofrojnë duhan të rinjve nën 18-vjeç.

Konkretisht në Kodin Penal propozohet të shtohet një nen 288/c, ku përcaktohet se ata persona që tregtojnë këto produkte tek të rinjtë nën 18 vjeç që janë ndëshkuar më parë do të gjobiten nga 100-300 mijë lekë ose burg deri në 6 muaj. Në rast të përsëritjes së shkeljes, gjoba do të jetë 300-500 mijë ose burg nga 6 muaj deri në 1 vit.

Kur si pasojë e kryerjes së veprës penale të parashikuar në paragrafin e parë dhe të dytë të këtij neni, ka ardhur si pasojë dëmtimi i rënde i shëndetit të të miturit, dënimi është nga 4 deri në 8 vjet burgim. Ndërsa në rastet kur shkaktohet vdekje prej këtyre produkteve, dënimi – thuhet në projektligj – do të jetë 8 deri ne 16 vjet burgim.

Në relacion theksohet se këto masa shtrënguese propozohen për shkak se përdorimi i duhanit, cigareve elektronike apo produkteve të tjera të duhanit nga fëmijët e të rinjtë është në rritje vitet e fundit.

“Vitet e fundit ka pasur një rritje alarmante te përdorimit te duhanit dhe produkteve te duhanit tek fëmijët dhe te rinjtë. Konsumimi i nikotinës tek fëmijët dhe adoleshentet ka ndikime negative ne zhvillimin e tyre. Ajo sjell pasoja negative afatgjata për zhvillimin e trurit dhe mund te shkaktoje çrregullime ne te mësuarin dhe gjithashtu shkakton ankth. Po ashtu edhe ekspozimi i drejtpërdrejtë apo aksidental i fëmijëve ndaj lëngjeve qe cigaret elektronike përmbajnë, paraqet rrezik serioz për ta, pasi pajisjet mund te rrjedhin dhe fëmijët mund te gëlltisin lëngun, i cili është helmues”, thuhet në relacion.

Projektligji i dytë i propozuar parashikon rishikimin e disa neneve të ligjit “Për mbrojtjen e Shëndetit Nga Produktet E Duhanit”. Deputetët propozojnë që për personat nën 18 vjeç të jetë e ndaluar shitja jo vetëm e duhanit, por edhe e cigareve elektronike, shishave, nargjileve dhe produkteve të tjera të përcaktuara në nenin 3 të këtij ligji.

Po ashtu propozohet të ndalohet ofrimi falas apo shitja me ofertë e këtyre produkteve, si dhe në të gjitha pikat e shitjes duhet të vendoset në një vend të dukshëm tabela ku të shkruhet: “Ndalohet shitja e produkteve te duhanit, cigareve elektronike, shishave/nargjileve personave nen 18 vjeç”.

Nëse këto rregulla nuk zbatohen, parashikohen gjoba dyfish më të larta. Nga 100 mijë lekë që është gjoba aktualisht bashkë me konfiskim të produkteve të duhanit, në projektligj propozohet që përpos konfiskimit të produkteve gjoba të arrijë deri në 500 mijë lekë, dhe kur cigaret elektronike i janë shitur një të mituri nën 15 vjeç, gjoba do jetë dyfish më e lartë.

Neni 20, shkronja b) ndryshohet si vijon:

1. b) Shkelja e nenit 9 dënohet me:

– konfiskim te produkteve te duhanit, cigareve, cigareve elektronike, dhe për te gjitha produktet e parashikuara ne nenin 3 “Përkufizime” te këtij ligji, dhe gjobe 200.000 leke për subjektin shitës me shumice apo pakice apo subjektit qe e ofron falas sipas kushteve te nenit 9.1 dhe nenit I 0;

-500.000 leke gjobe kur kjo shkelje përsëritet nga subjekti sipas kushteve te nenit 9 dhe nenit 10;

-Dyfishim te gjobës se parashikuar ne piken (i) ne rastin e shitjes ose ofrimit te cigareve elektronike nen moshën 15 vjet.

Në projektligj thuhet se do ndalohet reklamimi në median e shkruar dhe atë televizive jo vetëm i duhanit por edhe i të gjitha produkteve të tjera. Kohët e fundit është ekspozuar ndjeshëm nëpër programe televizive, konsumi i produkteve të duhanit apo cigaret elektronike.

Shkaku kryesor i ashpërsimit të këtyre ligjeve thonë deputetët është fakti që konsumi i këtyre produkteve është kthyer në burimin kryesor të sëmundshmërisë dhe vdekshmërisë në vend.

“Prevalenca e duhanpirjes ngelet ende e larte në vendin tonë dhe është e rëndësishme të reduktohet në mënyrë që të ulet numri personave me sëmundje kronike”, thuhet në relacionin e projektligjit “Për mbrojtjen e Shëndetit Nga Produktet E Duhanit”.

The post DRAFTI/ Kush u shet cigare të miturve burg deri 8 vite! Dënohen me 16 vite nëse shitja e paligjshme sjell vdekje appeared first on Albeu.com.