EMA tha më 12 shtator se studimet laboratorike sugjerojnë se vaksina e kombinuar – që shënjestron virusin origjinal të sëmundjes COVID-19 dhe nënvariantet e Omicron-it BA.4 dhe BA.5 – duhet të shkaktojë një përgjigje efektive. Kjo vaksinë e modifikuar pritet të jetë po aq e sigurt sa versioni origjinal, por agjencia tha se do të vazhdojë të analizojë atë, pasi të dhënat janë ende të kufizuara.

Më herët gjatë këtij muaji, Administrata amerikane për Ushqim dhe Ilaçe miratoi përdorimin e vaksinës së modifikuar. Sipas Organizatës Botërore të Shëndetësisë, versioni BA.5 i Omicron-it është përgjegjës për shumicën e rasteve me koronavirus në mbarë botën.

Më herët gjatë shtatorit, EMA autorizoi përdorimin e dy vaksinave të kombinuara të prodhuara nga Pfizer dhe Moderna, që kanë për qëllim të shënjestrojnë nënvariantin e mëhershëm të Omicron-it, BA.1. Ende është e paqartë se sa efektive janë dozat përforcuese të vaksinës dhe ekspertët ende janë duke mbledhur të dhëna. Por, të dhënat e mbledhura deri më tani sugjerojnë se këto doza përforcuese janë të sigurta për përdorim.

Në nivel global, rastet me koronavirus dhe vdekjet kanë rënë në javët e fundit, por ekspertët thonë se mund të ketë rritje të rasteve dhe vdekjeve gjatë dimrit. Deri më tani, nga COVID-19 kanë vdekur mbi 6.5 milionë persona në mbarë botën.

The post EMA miraton vaksinën e modifikuar për Omicron-in appeared first on Albeu.com.

Njoftimi i policisë:

Finalizohet operacioni policor i koduar “Bongu”, goditen 3 raste të veprimtarisë kriminale në fushën e narkotikëve.

Goditet, nga Seksioni për Hetimin e Narkotikëve në DVP Tiranë, një rast i shpërndarjes së kokainës, në doza. Vihet në pranga 1 shtetas.

Goditen, nga Komisariati i Policisë Nr. 3 dhe Komisariati i Policisë Nr. 6., 2 raste të shpërndarjes së lëndës narkotike kanabis në doza. Vihen në pranga 3 shtetas, njëri prej tyre me masë sigurie “Arrest në shtëpi”.

Sekuestrohen dozat me lëndë narkotike kokainë dhe kanabis.

Specialistët për Hetimin e Narkotikëve, në vijim të punës për goditjen e paligjshmërisë, kanë goditur një rast të shpërndarjes së drogave të forta, në doza.

Në sheshin “Karl Topia”, shërbimet e Policisë kanë arrestuar në flagrancë shtetasin A. D., 34 vjeç, pasi gjatë kontrollit fizik nga shërbimet e Policisë, iu gjet dhe iu sekuestrua, një sasi lënde e dyshuar narkotike, e llojit kokainë. Pas verifikimeve të kryera ka rezultuar se shtetasi A. D., pasi siguronte lëndën narkotike të llojit kokainë, e ndante atë më pas dhe e shiste në doza, në sheshin “Karl Topia”.

Gjithashtu, nga shërbimet e Komisariatit të Policisë Nr. 3 dhe Komisariatit të Policisë Nr. 6., u bë kapja në flagrancë e shtetasve:

– R. L., 23 vjeç, banues në Tiranë, pasi në rrugën “Petrit Radovica”, gjatë kontrollit fizik, nga shërbimet e Policisë, iu gjet dhe iu sekuestrua, në cilësinë e provës materiale, sasi lënde e dyshuar narkotike e llojit cannabis sativa, e ndarë në doza, gati për shitje;

– E. K., 18 vjeç, dhe J. Ç., 28 vjeç, të dy banues në Tiranë, pasi gjatë kontrolleve fizike nga shërbimet e Policisë, iu gjetën dhe iu sekuestruan, në cilësinë e provës materiale, sasi lënde narkotike, të ndara në doza, gati për shitje. Pas verifikimeve të kryera, ka rezultuar se shtetasi J. Ç., ka shkelur masën e sigurisë “Arrest në shtëpi”, duke dalë jashtë banesës.

Materialet i kaluan Prokurorisë, për veprime të mëtejshme procedurale./albeu.com

The post Shpërndanin “të bardhë” në Tiranë, arrestohen 3 persona appeared first on Albeu.com.

The post Të panjohurat e paracetamolit, çfarë ndodh kur merrni më shumë se doza ditore appeared first on Albeu.com.

Kur flasim për imunitetin, shumica e njerëzve së pari mendojnë për vitaminën C. Kohët e fundit, ne po kujdesemi për shëndetin më shumë se kurrë.

Çfarë saktësisht bën vitamina C për ne?

Vitamina C është një vitaminë e tretshme në ujë që vepron si një antioksidant i fuqishëm. Ka një rol të rëndësishëm në sistemin nervor, metabolizëm dhe imunitet.

Përveç kësaj, vitamina C ndihmon në absorbimin e mikronutrientëve, veçanërisht hekurit – thekson dr. Megan Meier.

Sa vitaminë C ne kemi nevojë në ditë?

Shtojcat ushqimore të rekomanduara në formën e vitaminës C sillen nga 15 miligramë deri në 120 miligramë në ditë, në varësi të moshës dhe gjinisë.

Rekomandohet 75 miligramë në ditë për gratë dhe 90 miligramë në ditë për burrat.

A do të ndihmojë marrja e dyfishtë e vitaminës C në sistemin imunitar?

Vitamina C është një lëndë ushqyese e rëndësishme për funksionimin optimal të imunitetit. Megjithatë, studimet kanë treguar se marrja e megadozave të saj në formën e shtojcave nuk ndihmon fare në luftën kundër sëmundjeve, siç është ftohja e zakonshme.

Më shumë vitaminë C nuk është domosdo më e mirë, sepse trupi ynë mund të absorbojë vetëm disa qindra miligramë në të njëjtën kohë. Për shkak se vitamina C është e tretshme në ujë, ajo ka toksicitet të ulët dhe nuk shoqërohet me efekte të dëmshme në doza të larta.

The post Nga doza ditore deri te ndikimi në imunitet, 4 gjëra që të gjithë duhet të dini për vitaminën C appeared first on Albeu.com.

Ndërkohë në qytetin e Fierit është raportuar gjithashtu një mungesë e vaksinave ndërsa në qendrat e vaksinimit që janë vendosur në qendër të qytetit nuk ka asnjë gjë tjetër veçse tavolinave dhe karrigeve.

Ndërkohë qyteti i Shkodrës ka shtyrë për ditën e nesërme vaksinimin e qytetarëve me sëmundje kronike të moshave 60+ vjeç. Të sëmurët kronikë do të marrin dozën e parë të injeksionit anti-Covid, por nuk përjashtohen as personat e kësaj moshe të cilët nuk kanë sëmundje kronike.

E njëjta panoramë vjen edhe nga qyteti i Durrësit, ku pritet që ditën e nesërme të fillojë vaksinimi i qytetarëve që i përkasin target grupit 60+ me sëmundje kronike.

Ndërsa vaksinimi masiv  në Kukës është duke vijuar normalisht, ditën e hëne nisi edhe vaksinimi i personave 60-vjeç me sëmundje kronike, që vijon paralelisht edhe me vaksinimin e mbi 65-vjeçarëve e grup moshave të tjera.

Njësia Vendore e Kujdesit Shëndetësor tha se që nga nisja e pëtij proçesi në Kukës janë kryer  3239 doza vaksine (doza te I dhe doza te II), mosha 65+ jane vaksinuar 1195 persona me doze te I, Vaksina jane realizuar: Pfizerbiontec 1200, AstraZeneca 880 dhe Sinovac 1159. Vaksinimi masiv  ka nisur që prej 28 marsit, ndërsa në Kukes po përdoren tre lloje vaksinash, Pfizer, AstraZenca,  dhe Sinovac.

The post Mungesë dozash, qendrat e vaksinimit në Shqipëri të boshatisura appeared first on Albeu.com.