“E kam kaluar kovidin, mora dy vaksina dhe kjo është doza e tretë. Mirë kalova nuk kisha efekte anësore nga gjilpëra e parë më dhimbtë pak krahu mu skuq, me të dytën s’kam ndjerë gjë. E sheh si është, po bëhet më keq. Duhet të vaksinohen të gjithë ndryshe nuk e heqim qafe koronën nëse nuk imunizohemi.”

“Çdo ditë punojmë nga 8 mëngjesit deri në 6 të mbrëmjes. Më tepër vijnë paradite dhe pak në ndërrimin e dytë mes orës 1-3. Por në përgjithësi, në këtë periudhë është ulur interesimin, njerëzit vijnë më rrallë”, tha Simona Serabinovska, Vullnetare e “Kryqit të Kuq”.

“Po mund të themi ashtu për dallim nga ditët dhe muajt tjerë kur kishte 2-300 vaksinime në një turn, tani vetëm nga 100 doza. Nuk di, mbase njerëzit tani më e kanë kaluar kovidin dhe vlerësojnë se nuk duhet të vaksinohen, mendoj se kjo është arsyeja, tani me omicron janë infektuar shumë njerëz dhe presin tu kaloj koha e vaksinimit”, deklaroi Vesna Dinevska, Personel në Poliklinikën e Çairit.

Nga Ministria e Shëndetësisë thonë se kanë marrë leja nga Agjencia e Barnave MALMED për fillimin e procedurës së asgjësimit të 15,348 dozave të vaksinave Pfizer si pasojë e skadimit të afatit të tyre. Nga ky dikaster zotohen se do të fuqizojnë fushatën e sensibilizimit për marrjen e dozës së tretë, ku aktualisht e kanë marrë vetëm 5% e popullsisë, ndërkaq dozën e dytë e kanë marrë 40% e popullsisë.

“Aktualisht posedojmë 447,070 doza të vaksinave anti-kovid nga prodhuesi Pfizer/BioNtech dhe 250,000 doza të siguruara përmes mekanizmit ‘kovaks’ si ndihmë nga Italia për rritjen e imunizimit në vend”, njoftojnë nga Ministria e Shëndetësisë.

Qeveria ende nuk ka marr në shqyrtim rekomandimet e djeshme të Komisionit për Sëmundje Infektive që mes tjerash ekspertët shëndetësor kërkuan zgjatjen e afatit të vlefshmërisë së certifikatave se pacientët kanë kaluar kovidin në 6 muajt e fundit. Në Shtabin e krizës kanë rritur rekomandimet dhe për të njëjtat do të vendoset në seancën e radhës së ekzekutivit. KSI gjithashtu kërkon që imuniteti kolektiv të llogaritet vetëm me dozën III-të, ndërkaq pritet të afatizohet në 9 muaj edhe certifikata e vaksinimit./Alsat.mk

The post Bie interesi për dozën e tretë të vaksinës në Maqedoninë e Veriut appeared first on Albeu.com.

Komentet MSHMS i bëri përmes një videomesazhi të publikuar në rrjetet sociale, ku bën me dije se doza e tretë e vaksinës ka të njëjtat efekte si dy dozat para.

Ndër të tjera në mesazhin e shpërndarë në rrjetet sociale ministria bën apel qytetarëve që të vaksinohen dhe nëse vërtet efektet janë serioze të komunikojnë me mjekun e tyre të familjes.

“Efektet anësore pas vaksinimit ndaj Covid 19 me dozën e tretë, janë të ngjashme me efektet që keni pasur gjatë vaksinimit me dy dozat e para. Shenjat që do u shfaqen me dozën e tretë janë, ethe, dhimbje koke, dhimbje e vendit të injektimit, lodhje etj. shumica e efekteve anësore janë të lehta porn ë raste të rralla mund të jenë serioze. Nëse përjetoni efekte anësore serioze kontaktoni me mjekun tuaj”, thuhet në mesazhin e ministrisë së Shëndetësisë./albeu.com/

The post Doza e tretë e vaksinimit anti-Covid, ministria e Shëndetësisë: Çfarë efektesh anësore mund të keni (VIDEO) appeared first on Albeu.com.

Megjithëse rekomandimi aktual është që dozat përforcuese të jepen pas gjashtë muajsh , të dhënat e disponueshme sot mbështesin sigurinë dhe efikasitetin e rritjes së dozës së tretë përforcuese të Covid-19 tre muaj më vonë nga doza e dytë, tha Marco Cavaleri , kreu i Strategjisw sw Vaksinave të Agjencisë Evropiane të Barnave (EMA), gjatë një konference për shtyp.

Duke iu referuar fushatës së vaksinimit për fëmijët e moshës 5 – 11 vjeç, ai tha se deri më tani nuk është raportuar ndonjë problem sigurie.

Sa i përket variantit Omicron deklaroi se deri më tani pjesa më e madhe e rasteve në Bashkimin Evropian janë një manifestim i lehtë i sëmundjes./albeu.com

The post EMA: Doza e tretë është e sigurt dhe efektive tre muaj pas të dytës appeared first on Albeu.com.

Lajmin e ka bërë të ditur dje Ministria e Shëndetësisë, përmes një njoftimi drejtuar mediave.

“Komiteti për imunizim të popullatës me vaksinën kundër COVID-19 në takimin e mbajtur dje, në funksion të zbatimit të Planit të përditësuar për vaksinimin në masë të qytetarëve me vaksinën kundër COVID-19, ka vendosur që duke filluar nga nesër (09.12.2021) të fillohet me administrimin e dozës përforcuese dhe dozës së tretë të vaksinës kundër COVID-19 në popullatë”, thuhet në njoftim.

Më tej, MSH’ja ka sqaruar se doza përforcuese u jepet personave të cilët i kanë marrë dy doza të vaksinës kundër COVID-19, por tek të cilët me kalimin e kohës imuniteti i tyre vjen duke rënë dhe se kjo dozë jepet gjashtë muaj pas marrjes së dozës së dytë.

Kurse, doza e tretë u jepet personave të cilët i kanë marrë dy dozat e vaksinës kundër COVID-19, por tek të cilët nuk është zhvilluar imuniteti i duhur, si pasojë e imunitetit të dobët të tyre apo sëmundjeve shoqëruese me rekomandim të mjekut ordinues. Kjo dozë jepet jo më herët se 8 javë dhe pa i bërë 6 muaj nga marrja e dozës së dytë..

“Dozën përforcuese dhe dozën e tretë mund ta marrin të gjithë qytetarët e moshës mbi 18 vjeçare sipas intervaleve kohore për dozat e lartë cekura.

Qytetarët do të njoftohen për datat e vaksinimit përmes SMS, – emaili dhe njoftimeve publike”, thuhet në njoftim./Gazeta Express

The post Sot nis dhënia e dozës së tretë të vaksinës anti-Covid në Kosovë appeared first on Albeu.com.

Ministria e Shëndetësisë ka bërë të ditur se Komiteti për imunizim të popullatës me vaksinën kundër COVID-19 në takimin e mbajtur dje, në funksion të zbatimit të Planit të përditësuar për vaksinimin në masë të qytetarëve me vaksinën kundër COVID-19, ka vendosur që duke filluar nga nesër (09.12.2021) të fillohet me administrimin e dozës përforcuese dhe dozës së tretë të vaksinës kundër COVID-19 në popullatë.

“Doza përforcuese u jepet personave të cilët i kanë marrë dy doza të vaksinës kundër COVID-19, por tek të cilët me kalimin e kohës imuniteti i tyre vjen duke rënë. Doza përforcuese jepet 6 muaj pas marrjes së dozës së dytë. Doza e tretë u jepet personave të cilët i kanë marrë dy dozat e vaksinës kundër COVID-19, por tek të cilët nuk është zhvilluar imuniteti i duhur, si pasojë e imunitetit të dobët të tyre apo sëmundjeve shoqëruese me rekomandim të mjekut ordinues. Doza e tretë jepet jo më herët se 8 javë dhe pa i bërë 6 muaj nga marrja e dozës së dytë”, thuhet nga Ministria e Shëndetësisë.

Sipas MSH’së, dozën përforcuese dhe dozën e tretë mund ta marrin të gjithë qytetarët e moshës mbi 18 vjeçare sipas intervaleve kohore për dozat e lartë cekura.

Qytetarët do të njoftohen për datat e vaksinimit përmes SMS, – emaili dhe njoftimeve publike.

Duke konsideruar që vaksinimi është mënyra më efektive për të kufizuar dhe ndërprerë përhapjen e virusit dhe për të arritur mbrojtjen e popullatës, Ministria e Shëndetësisë u bënë thirrje të gjithë qytetarëve që të shfrytëzojnë qendrat dhe ekipet mobile të vaksinimit kudo në Kosovë për t’u vaksinuar sa më parë kundër COVID-19.

The post Nga nesër, Kosova nis administrimin e dozës së tretë appeared first on Albeu.com.

Gjithashtu, Tomini tha se grupmoshat më të prekura nga Covid-19 janë 55-64 vjeç, ndërsa ndiqen nga grupmosha e re 25-34 vjeç.

“Kemi trend të qëndrueshëm të hasjes së rasteve pozitive të paktën në 4 javët  e fundit, kemi pasur rënie të incidencës gjatë javës së fundit. Incidenca ka qenë më e ulët se në vitin 2020. Në 2 javët e fundit incidenca ka qenë në nivelin 200 rasteve për 100 mijë banorë.

Një vend të rëndësishëm të rasteve të konfirmuara e ka zënë grupmosha 55-64 vjeç me 19% të rasteve e ndjekur nga grupmosha e re 25-34 në nivelin e 17% të rasteve me covid. Nga 1 nëntori ka vijuar rekomandimi dhe zbatimi i hyrjes në fuqi të aplikimit të dozave të treta për popullatën mbi 18+. Për të gjithë popullatën aktualisht janë aplikuar 85 mijë (85545) doza të treta”, tha Tomini./albeu.com

The post Tomini: Janë aplikuar mbi 85 mijë doza të treta të vaksinës anti-Covid appeared first on Albeu.com.

“Mirëmëngjes dhe me këtë informacion të dobishëm për kategoritë që duhet të vaksinohen me dozën 3 AntiCovid, ju uroj një ditë të mbarë”, shkruan Rama.

Në video citohen kushtet e vaksinimit me këtë dozë, kategoritë dhe koha e marrjes së vaksinës.

1.Të gjithë personat mbi 60-vjeç me sëmundje kronike

2.Personeli shëndetësor

3.Personat që jetojnë në institucionet e kujdesit afatgjatë

4.Personat mbi 18 vjeç me sëmundje të caktuar

Kur duhet të marrin dozën e tretë?

-Jo më herët se 6 muaj pas marrjes së dozës së dytë./albeu.com/

The post Rama ndan udhëzimin: Kush duhet të vaksinohet me dozën e tretë kundër Covid-19 (VIDEO) appeared first on Albeu.com.

“Më shumë se 18.000 qytetarë e kanë marrë dozën e tretë të vaksinës në këto ditë të para të nëntorit, si një garanci më shumë për të qenë të mbrojtur e për ta përballuar më mirë dimrin që është në prag. Kontakto mjekun e familjes”, shkruan ministrja./albeu.com

The post Manastirliu: Mbi 18 mijë qytetarë kanë marrë dozën e tretë të vaksinës appeared first on Albeu.com.

Deklaratat e kreut të BioNTech vijnë në kohën kur gjiganti farmaceutik amerikan Pfizer, me të cilin po bashkëpunon për përgatitjen e vaksinës kundër Covid-19, njoftoi se ai ka gati pilulën kundër Covidit.

“Nga muaji i shtatë, i tetë apo i nëntë pas dy dozave të para të vaksinës Covid, nivelet e antitrupave fillojnë të bien, duke e lënë trupin të prekshëm ndaj sëmundjes”, thotë Sahin.

Për këtë arsye, thotë ai, të moshuarit duhet të marrin urgjentisht dozën përforcuese, gjashtë muaj pas dozës së dytë të vaksinës./albeu.com

The post Kreu i BioNTech shpjegon pse nevojitet doza e tretë e vaksinës appeared first on Albeu.com.

Gjatë nisjes së këtij procesi, ka qenë e pranishme vetë ministrja e Shëndetësisë dhe Mbrojtjes Sociale, Ogerta Manastirliu, e cila i ka ndjekur zhvillimet nga afër.

Vaksinimi me dozën e tretë, apo dozën “booster”, siç quhet, do të jetë specifik vetëm për disa kategori të caktuara qytetarësh, mes tyre edhe mjekët e vijës së parë të frontit.

“Kemi filluar menjëherë me grupet që janë më të rrezikuara, që janë mjekët, infermierët dhe sot në të gjithë qendrat shëndetësore aty ku mjekët, infermierët punojnë, por edhe gjithashtu në strukturat tona të vaksinimit të përqendruar tashmë ka filluar vaksinimi me dozën e tretë booster për personelin mjekësor. Nga ana tjetër paralelisht ka filluar vaksinimi me dozën booster për të gjithë ata qytetarë të grupmoshës +60 vjeç dhe sigurisht për +18 vjeç me problematika shëndetësore”, tha Manastirliu.

Duke ritheksuar se është ulur grup-mosha për vaksinimin në 16 vjeç dhe për fëmijët +12 vjeç me problematika të sistemit imunitar, Manastirliu tha se do të vijojë furnizimi me vaksina për të garantuar vaksinimin e qytetarë gjatë këtij viti por edhe vitin tjetër.

“Ne do të vijojmë furnizimin me vaksina ashtu sikurse kemi bërë deri më sot. Po vijojmë të negociojmë me kompaninë Pfizer por nga ana tjetër edhe më të gjithë kompanitë të cilat janë në marrëveshje me instrumentin Covax, në mënyrë që të vijojmë të sigurojmë vaksinat për të gjithë qytetarët edhe për raundin e parë dhe të dytë, pra vaksinën e dozës së parë dhe të dytë, por gjithashtu edhe për sigurimin e vaksinave të dozës së tretë, atyre booster përgjatë gjithë këtij viti dhe vitin tjetër,” tha Manastirliu.

Ndërkohë që Drejtoresha e ISHP, Albana Fico dhe Rektori i Universitetit të Mjekësisë, Prof. Arben Gjata kanë bërë thirrje qytetarëve që të vaksinohen.

“Ne jemi shumë të interesuar që çdo qytetar i cili nuk e ka kryer vaksinën duhet të vijë, të fillojë me procesin e vaksinimit, sepse ndërkohë që ne shkojmë përpara për mbrojtjen e mëtejshme të popullatës është tejet e rëndësishme të rritet numri i të vaksinuarve për të parandaluar problematika me viruse ose shtame të reja”, tha Fico.

“Fakti që sot shumë prej mjekëve po vaksinohen për herë të tretë pikërisht tregon që vaksina është masa më e mirë mbrojtëse dhe derisa janë mjekët që pranojnë të vaksinohen, ju bëjmë thirrje të gjithë qyetearëve të vaksinohen sepse është e vetmja mënyrë që ulë në maksimum risqet që sjellë kjo sëmundje e rëndë”, bëri thirrje prof. Gjata.

Aplikimi i dozës së tretë ‘booster’ do të bëhet për stafet mjekësore, për personat që jetojnë në institucione të kujdesit afatgjatë, për të gjithë personat mbi 60 vjeç me sëmundje kronike. Doza booster duhet të ofrohet jo më parë se 6 muaj pas përfundimit të vaksinimit me dozën e dytë.

Dozë të tretë do të marrin edhe personat me frenim të imunitetit, sipas rekomandimit të mjekut të familjes. Sipas udhëzimit të ISHP, vaksinimi ka nisur edhe për fashën 12-15 vjeç me sëmundje kronike dhe frenim të imunitetit si dhe për grup-moshën 16-18 vjeç./albeu.com/

The post Mjekët marrin sot dozën e tretë të vaksinës, Manastirliu: Tek kush grupe qytetarësh është e nevojshme (VIDEO) appeared first on Albeu.com.