Në dosjen e siguruar nga gazetari Aldo Kozarja, hetime të cilat janë drejtuar nga Drejtuesi i prokurorisë së Elbasanit, Kreshnik Ajzai, janë siguruar dhe dëshmitë e kolegëve të Gazmend Kurmakut.

Ata kanë treguar se Llapushi sëbashku me Dulellarin kanë mbërritur në restorant në datë 2 tetor 20121 rreth orës 18:00, dhe që në momentin që janë ulur në tryezë kanë nisur një debat me Kormakun, i cili në atë kohë ishte në detyrën e kryekamerierit.

Ata tregojnë se pas debatit verbal, Llapushi e ka goditur me grusht Kormakun, i cili ka rënë menjëherë në tokë dhe vetëm dridhej fillimisht, më pas ka humbur ndjenjat.

Para se të largohej dikush nga kamerierët i ka kërkuar Llapushit që mos largohej nga vendngjarja, por ai e ka kërcënuar duke i thënë se do ta qëllonte me plumb kokës.

Pas ngjarjes Llapushi dhe Dulellari janë larguar menjëherë nga restoranti, ndërsa makinën me të cilën udhëtonin e kanë braktisur në Elbasan.

Ndërkohë që Gazmend Kurmaku është nisur me urgjencë drejt spitalit, ku për 5 ditë ka qëndruar në gjendje kome në QSUT ku në datë 7 tetor 2021 ka ndërruar jetë./abcnews.al

The post “Do hash plumbin kokës”, si i kërcënoi Llapushi kamarierët ditën që goditi me grushtin “fatal” kolegun e tyre appeared first on Albeu.com.

Hetimet për Erjon Llapushin i akuzuar për vrasjen e Kumarkut dhe të Luan Dulellarit i akuzuar për bashkëpunim dhe moskallëzim krimi, janë drejtuar nga Drejtuesi i Prokurorisë së Elbasanit Kreshnik Ajzai, dosje e cila aktualisht ndodhet në SPAK.

Nga hetimet është zbardhur i gjithë itinerari që ka ndodhur në 2 tetor të vitit të shkuar, nga momenti i mbërritjes së Llapushit dhe Dulellarit në “Rozafa Fish” në Labinot, deri në largimin e autorit dhe njeriut që e shoqëronte nga vendngjarja menjëherë pas krimit të kryer.

Në dosjen hetimore të Prokurorisë së Elbasanit të e cila është ndjekur nga fillimi nga Drejtuesi i prokurorisë, Kreshnik Ajazi, ka rezultuar se shtetasit Erjon Llapushi dhe Luan Dulellari janë futur në ambientet e restorantit dhe janë ulur në një tavolinë.

Aty është afruar kamarieri Gazmend Kormaku, i cili ka filluar të debatojë me shtetasin Erjon Llapushi. Në një moment, shtetasi Erjon godet me grushtin e dorës së djathtë, në pjesën poshtë mjekrës shtetasin Gazmend, i cili bie në tokë dhe nga ky moment nuk kryer lëvizje të tjera.

Shtetasit Erjon dhe Luan largohen me automjetin në përdorim të tyre me targa AA 779 YA. Ky automjet është gjendur i parkuar më datë 03.10.2021 në lagjen “5 Maji” në Elbasan. Shtetasi Gazmend Kormaku më datë 07.10.2021 vdes në kushte spitalore në SUT Tiranë.

Ashtu siç shihet edhe në videon e publikuar në Abc, edhe në dosjen hetimore të Prokurorisë së Elbasanit, shihet që nga momenti i hyrjes në restorant në 2 tetor 2021, mes Llapushit dhe Kormakut ka patur një debat të fortë, ku shkak është bërë një tavolinë e rezervuar.

Kormaku i kërkon fillimisht Llapushit dhe Dulellarti që të ulen në një tavolinë tjetër, por Llapushi nuk pranon.

Debatet vijojnë edhe më tej, deri në momentin që Llapushi godet me grusht poshtë mjekrës Kormakun, i cili bie në tokë dhe nuk lëviz më.

Më pas Llapushi dhe Dulellari dalin nga restoranti, ndërkohë që autori rikthehet edhe njëherë për të marrë çantën dhe bashkë me Dulellarin largohen me shpejtësi në drejtim të mjetit dhe ikin nga vendngjarja. /abcnews.al/

The post Vrau kamarierin e restorantit, zbardhet dosja hetimore e Erjon Llapushit appeared first on Albeu.com.