dosja gerdeci Archives - Albeu.com

Gjykata pranon kërkesën e Mediut, dosja e “Gërdecit” do të ketë gjykim të zakonshëm

E B — Fri, 08 Sep 2023 10:26:09 +0000

Gjykata e Posaçme ka pranuar kërkesën për gjykim të zakonshëm për ish-ministrin e Mbrojtjes, Fatmir Mediu për shpërthimin e Gërdecit në vitin 2008, ku humbën jetën 26 persona.

Mediu kërkoi në Gjykatën e Posaçme pyetjen e 90 dëshmitarëve për llogari të procesit.

Mes tyre, zyrtarë të lartë të mbrojtjes së DASH dhe qeverive, gjeneralë të NATO dhe ish-ministrat e Mbrojtjes së qeverisë shqiptare.

Avokatët kanë bërë me dije se në gjykimin e zakonshëm do të kërkojnë ekspertizë të re për shkaqet e shpërthimit, ndërsa do të pyesin dhe dëshmitarë që nuk janë pyetur më herët, e po ashtu personat ndaj të cilëve ka përfunduar hetimi.

Kujtojmë se Prokuroria e Posaçme e akuzon atë se ka nxjerrë disa akte nënligjore në kundërshtim me ligjin duke dëmtuar interesat e ligjshme të shtetit e duke sjellë avantazhe të padrejta për dy kompanitë private të përfshira në procesin e demontimit.

The post Gjykata pranon kërkesën e Mediut, dosja e “Gërdecit” do të ketë gjykim të zakonshëm appeared first on Albeu.com.

Dosja “Gërdeci”, pranohet gjykimi i shkurtuar ndaj Fatmir Mediut

E B — Thu, 06 Apr 2023 14:20:05 +0000

Gjykata e Posaçme në Tiranë ka vendosur të pranojë gjykimin e shkurtuar për çështjen e Gërdecit lidhur me ish-ministrin Fatmir Mediu.

Mediu akuzohet për veprën penale të shpërdorimit të detyrës dhe shpërdorimit të detyrës kryer në bashkëpunim në kuadrin ushtarak komandues.

Në seancën e sotme u vendos që të pranohet kërkesa e SPAK për të shqyrtuar dosjen penale ndaj Mediut, çka do të thotë që do të nisë gjykimi në themel.

Seanca e radhës është parashikuar që të zhvillohet me 24 prill.

Avokati Dorian Matlija, u shpreh se ky proces duhet të jetë me pjesëmarrjen e familjarëve.

“Unë nuk e konsideroj të vlefshme këtë si procedurë. Familjarët e viktimave duhet të ishin aty. Do jemi prezent edhe në seancën tjetër. Do të paraqesim kërkesat tonë. Gjykimi i shkurtuar patjetër që do të pranojë kërkesën e të pandehurit. Ky proces do të jetë me pjesëmarrjen e familjarëve. Është investuar edhe Gjykata e Evropiane për të drejtat e Njeriut”, tha avokati Demalia.

The post Dosja “Gërdeci”, pranohet gjykimi i shkurtuar ndaj Fatmir Mediut appeared first on Albeu.com.

Dosja “Gërdeci”, Gjykata Kushtetuese “rrëzon” Fatmir Mediun

admin — Wed, 27 Jul 2022 09:54:11 +0000

Gjykata Kushtetuese rrëzon rekursin e ish-ministrit të Mbrojtjes, Fatmir Mediu, kundër vendimit të Gjykatës së Posaçme të Apelit që pranoi kërkesën e SPAK për rihapje të hetimeve për dosjen “Gërdeci”.

Kujtojmë se Mediu nëpërmjet avokatit të tij pretendoi se vendimi ishte në shkelje të ligjit, të parimit të gjësë së gjykuar.

Shkelje u konsiderua sipas mbrojtjes edhe fakti se një gjykatë më e vogël prishi vendimin e Gjykatës së Lartë.

Nga ana tjetër Gjykata Kushtetuese u shpreh se kërkuesi s’ka shteruar mjetet ligjore efektive në dispozicion.

Kujtojmë se bëhet fjalë për tragjedinë e vitit 2009 në Gërdec, ku pas një shpërthimi në një fabrikë të demontimit të armëve e municioneve, mbetën të vdekur 26 persona./albeu.com/

The post Dosja “Gërdeci”, Gjykata Kushtetuese “rrëzon” Fatmir Mediun appeared first on Albeu.com.

Dosja “Gërdeci”/ GJKKO rrëzon kërkesën e SPAK, nuk rinisin hetimet për Fatmir Mediun

E B — Tue, 27 Jul 2021 09:50:48 +0000

Gjykata e Posaçme kundër Krimit dhe Korrupsionit ka rrëzuar kërkesëne SPAK për rihapjen e hetimit ndaj ish-ministrit të Mbrojtjes, Fatmir Mediu, i akuzuar si një ndër përgjegjësit e tragjedisë së Gërdecit.

GJKKO vendosi:

– Rrëzimin e kërkesës së Prokurorisë së Posaçme Kundër Korrupsionit dhe Krimit të Organizuar.

– Kundër këtij vendimi mund të bëhet ankim nga Prokuroria, në Gjykatën e Posaçme të Apelit për Korrupsionin dhe Krimin e Organizuar, brënda 15 ditëve, afat i cili fillon nga dita e nesërme e njoftimit të vendimit.

Kujtojmë se, Feruzan Durdaj dhe Zamira Durdaj, prindërit e 7 vjeçarit Erison Durdaj që humbi jetën tragjikisht nga shpërthimi i Gërdecit në pranverën e 2008-ës, i janë drejtuar me një letër zyrtarisht Gjykatës së Posaçme, ku i kërkojnë pranimin e kërkesës së SPAK për nisjen e hetimeve ndaj Mediut.

SPAK e trajtoi pozitivisht këtë kërkesë, ndërsa GJKKO e rrëzoi atë./albeu.com

The post Dosja “Gërdeci”/ GJKKO rrëzon kërkesën e SPAK, nuk rinisin hetimet për Fatmir Mediun appeared first on Albeu.com.