Ish-zyrtari, që dikur ka drejtuar komunën Karinë në zonën e Peqinit, është duke u verifikuar nga Prokuroria e Posaçme SPAK, pasi ka të dhëna domethënëse se shtëpia e tij, ka shërbyer si bazë për fshehjen e makinave të vjedhura, që përdoreshin për vrasje nga grupi kriminal i Nuredin Dumanit.

Edhe i vëllai

Bashkë me ish-kryetarin e Komunës Karinë, Dumani ka treguar për prokurorët se protagonist ka qenë dhe vëlla i tij, i cili në vrasjen e marsit 2020 të Dorjan Shkozës dhe Anxhelo Avdisë, ka ndihmuar njërin nga dy autorët, Eljo Bitrin, të largohet pasi ky i fundit braktisi makinën e krimit, në “Bishti i Zhurit” Rrogozhinë.

Sipas burimeve nga prokuroria SPAK, ish-kryetari i Komunës dhe vëllai i tij, përmenden në dy momente nga Nuredin Dumani. Atë të vrasjes së Emiljano Ramazanit ose siç njihej ndryshe si “Ili i Elbasanit” të ndodhur në 20 korrik 2020 dhe vrasjen e dyfishtë të Dorjan Shkozës dhe Anxhelo Avdisë të ndodhur në 2 Mars 2020.

Dumani mësohet tu ketë treguar prokurorëve se makinën e vjedhur që përdorën në vrasjen e Emiljano Ramazanit, fillimisht e kanë fshehur në garazhin e një vile tre katëshe, në fshatin Karinë të Peqinit.

Ndërsa pohon se automjeti “Passat”, ka qëndruar 3 ditë në këtë garazh dhe më pas, është çuar drejt zonës së Metalurgjikut, në magazinat e Arben Lazes, në Elbasan

“…drejtues në mjetin “Passat” ka qënë Eljo Bitri dhe e kemi çuar në fshatin Karinë. Makinën e kemi futur garazhin e një vilë 3 katëshe, e cila ishte e një shtetasi me mbiemrin Juba, që me sa di ka qënë kryetar Komune. Pas rreth 3 ditësh qëndrim në këtë garazh, më ka telefonuar Eljo Bitri, duke më thënë që të merrja makinën “Passat” dhe të çoja tek magazina e shtetasit Arben Laze në Metalurgjik, Fushë-Mbret…”-mësohet të ketë deklaruar Dumani.

Këto të dhëna kanë shërbyer për SPAK, që të verifikojnë pozicionin e ish-kryetarit të komunës Karinë, në raport me grupin kriminal të Dumanit që kryente vrasje me pagesë. Por të dhënat e rastit të parë janë përforcuar akoma më tepër dhe në një episode tjetër, atë të një vrasje të dyfishtë të ndodhur në Durrës.

Bashkëpuntori i ka treguar SPAK, se teksa Henrik Hoxha dhe Eljo Bitri kanë vrarë me porosi të tij, Dorian Shkozën dhe Anxhelo Avdinë, Bitri është larguar me makinën e krimit drejt Rrogozhinës, ku dhe e ka djegur atë.

“…pasi Eljo Bitri, e ka djegur makinën tek vendi i quajtur “Bishti i Zhurit”, është pritur aty në një xhep të autostradës nga një kushëri i vet, që nuk ja di emrin. Por vëllai i këtij personi ka qënë kryetar komune…”- ka deklaruar Nuredin Dumani. Jo më larg se 10 ditë.

Dumani nxjerr emrin e Arben Lazes

Pak ditë më parë Ora News mësoi se i penduari i drejtësisë Nuredin Dumani ka përmendur biznesmenin e ndjerë Arben Laze, ish president i ekipit të Elbasanit., si person që kishte ndihmuar grupin e vrasësve për fshehjen e makinës tip “Passat”, që u përdor në ekzekutimin e Emiljano Ramazanit.

SPAK, vijon të hetojë këtë dosje dhe prej muajit prill, e deri më sot ka rimarrë disa herë në pyetje Nuredin Dumanin, i cili ka treguar dhjetëra emra që kanë bashkëpunuar me të në aktivitete kriminale si vrasje, vendosje tritoli, dhunim personi, vjedhje dhe grabitje me armë të bizneseve të ndryshme.

Në valën e parë të operacionit “Plumbi i Artë” të kryer në 18 Maj, SPAK arrestoi 18 persona, ndërsa 12 të tjerë janë shpallur në kërkim. /OraNews

The post Dumani nxjerr emrin e ish-kryetarit të Komunës: Në shtëpinë e tij fshehëm “Passatin” që vramë Ilin e Elbasanit appeared first on Albeu.com.

Duke u ndalur te Nuredin Dumani, dëshmitë e të cilët zbërthyen një sërë ngjarjesh, Karamuço u shpreh se diçka po ndodh, pasi kohët e fundit ka shumë heshtje. Sipas tij, ky nuk është sinjal i mirë, pasi priteshin të tjerë të arrestuar.

“Hetimet që janë kryer fillimisht nuk kanë qenë të plota. Kur fillon hetimet pasi e ke arrestuar, hapësira, korrupsioni, paaftësia të gjitha këto çojnë që ne kemi dështim. Unë kam frikë se mund të na dështojë edhe kjo çështja Dumani. Aty diçka po ndodh. Një përplasje shumë e madhe po ndodh mes të penduarve. Kjo heshtje nuk është premtuese. Unë prisja arrestime të tjera.

Janë thënë shumë informacione, por për shkak se të tjerët nuk e pranojnë, kanë çuar në një dyshim të institucioneve nëse janë të vërteta po jo. Ky ngadalësim nuk është premtues. Kjo i jep kohë grupeve kriminale dhe mund të japë shumë më tepër”, u shpreh eksperti.

The post Paralajmëron Karamuço: Kam frikë se çështja “Dumani” do të dështojë appeared first on Albeu.com.

Sipas gazetares Hoxha historia e Nuredin Dumanit dhe Henrik Hoxhajt shkon përtej asaj që quhet sekret hetimor, ndërsa vuri në dukje se vetë sekreti hetimor është dëmtuar më përpara. Ajo theksoi se prokurorët e kanë vizituar Nuredin Dumanin në spitalin e burgut dhe që aty nis rrjedhja e informacionit.

“Kjo çështjeje do zgjasë disa ditë. Historia e Nuredin Dumanit dhe Henrik Hoxhajt shkon përtej asaj që quhet sekret hetimor. I tërheq gazetarët që të jenë në kërkim të detajeve për konkurrencë. Pikëpyetja e parë është nëse sekreti u dëmtua kur e tha Dumani apo më herët. Pasi Dumani u arrestua, u shpërnda një video e arrestimit ku ishte strehuar pasi ishte plagosur. Gledis Nano e konsideroi një sukses pasi Dumani gjurmohej prej kohësh ndërsa policia po dështonte. Sapo pacienti u transferua në spitalin e burgut, pati masa nga SPAK. Merrte liri me kusht për shkak të një sëmundje të zëmrës. Për shkakun shëndetësor del pas arrestimeve. Ky shtetas, nga krime të vogla u perfeksionua. U dënua me kusht dhe askush nuk e kontrolloi. SPAK e ka në duar, përpiqet të ruajë sekretin, prokurorët fillojnë dhe e vizitojnë shpesh në spitalin e burgut. SPAK ka partner policinë e shtetit, ndërkohë që duhet të ketë BKH, këtu fillon problem. Po të duan i ruajnë shumë mirë sekretët. Në spitalin e burgut ka policë të burgjeve, ambientet e spitalit janë të pa konsiderueshme. Në ditët e para qarkulloi informacione që Nuredini kishte filluar të fliste, kjio ishte çëshja më e diskutuar. U raportua që është penduar, ishte një lajm i madh se dihej kush ishte Dumani dhe Hoxha. Njësoj do të ishte edhe pë Talo Çelën nëse do kapej. SPAK nuk nisi asnjë hetim dhe verifikim, ata janë pronarët e atij sekreti, është përgjegjësia e tyre. A raportojmë për fëmijë të abuzuar, japim emrat e tyre? Nuk e bëjmë për të ruajtur fëmijën.  Në SPAK aktualisht ka një hetim për dekonspirim. Ata vërtet thonë që e kishin me gazetarin, por ata thonë ndalohet publikimi i pjesshëm apo i plotë”, është shprehur gazetarja Anila Hoxha për emisionin ‘Top Story’ në Top Channel.

The post “SPAK ka përgjegjësinë direkte, jo gazetarët”, Anila Hoxha zbulon si rrodhi informacioni i dosjes Dumani appeared first on Albeu.com.