Teliti shkruan në një postim të tij se nga 12 milionë euro të planifikuara për tu paguar gjatë këtij viti, në 5 muajt e parë 2024 janë paguar nga thesari vetëm 3.2 milionë euro.

Postimi i Telitit:

Ish të përndjekurit politik mbeten ose “urryerit” ose “të harruarit e qëllimshëm” të qeverisë Rama!

Fakt: Nga 12 milionë euro të planifikuara për tu paguar gjatë këtij viti, në 5 muajt e parë 2024 janë paguar nga thesari vetëm 3.2 milionë euro.

Fakt: Gjatë këtij 5-mujori, pagesat për dëmshpërblimin financiar të kësaj shtrese të përvuajtur janë 33% më të ulta edhe sesa pagesat e  5-mujorit 2023, tregues i qartë se qeveria kujtohet për ish të përndjekurit vetëm kur janë zgjedhjet.

Braktisja duket akoma edhe më e qartë kur llogarit që me këto ritme pagesash do duhen deri në tre dekada të tjera për të mbyllur detyrimin financiar që me ligj i takon kësaj shtrese.

Sa qesharake duken sot deklaratat dhe zotimet e Rilindjes në 2013, thjesht dhe vetëm për ti mashtruar e marrë votën ish të përndjekurve të sistemit diktatorial.

Ndaj të gjithë në protestë në 11 korrik, o sot o kurrë në protestë kushdo që ndihet i tallur dhe i nëpërkëmbur nga qeveria e premtimeve boshe, nga qeveria e luksit të vetes së saj por e mjerimit dhe varfërimit të shqiptarëve.

The post Teliti: Ish të përndjekurit politik, të ‘urryerit’ e qeverisë Rama. Nga 12 mln euro janë paguar vetëm 3.2 mln appeared first on Albeu.com.

Sipas tij, një në dy fëmijë sot është i uritur me pasoja të pallogaritshme në të tashmen dhe të ardhmen e vendin tonë.

Postimi i Telitit:

Shqipëria nuk do arrijë për të paktën 2-3 dekada standardet e jetesës së vendeve të zhvilluara europiane, por të flasë e të diskutosh për kafshatën e bukës në vitin 2024 është sa e trishtë po aq e pabesueshme për një vend që aspiron për tu integruar në BE.

Të dhënat e fundit të Unicef nxjerrin lakuriq si mbretin ashtu edhe “mbretërinë” e tij të propagandës së pamëshirshme, e denjë për vende si Koreja e Veriut.

Një në dy fëmijë sot është i uritur dhe i kequshqyerja, me pasoja të pallogaritshme në të tashmen dhe të ardhmen e vendin tonë.

Aty e kanë propozimin e PD-së mbi vendosjen e minimumit jetik, mbi një vit që fle gjumë ky propozim në sirtarët e Kuvendit.

A ka vullnet mazhoranca socialiste për ta miratuar minimumin jetik?

A ka vullnet mazhoranca për të luftuar varfërinë?

A ka vullnet për të rritur një brez të mirë ushqyer njësoj si fëmijët e vendeve të tjera?

Kohë për të humbur nuk ka, çdo ditë që kalon pa miratuar minimumin jetik aq më të mëdha janë pasojat negative.

The post Minimumi jetik është zgjidhja e duhur ndaj luftës për kafshatën e gojës, Dorjan Teliti: E trishtë të diskutosh për ushqimin edhe të fëmijëve deri në këtë pikë appeared first on Albeu.com.