“Unë do të shkoj në Atlanta të Xhorxhias të enjten për t’u arrestuar”, tha Trump në platformën e tij Truth Social.

Trump – i cili po garon për t’u zgjedhur sërish president i SHBA-së në vitin 2024 – e përshkroi padinë si përpjekje të motivuar politikisht për ta dëmtuar fushatën e tij zgjedhore.

Mediumi amerikan CNN ka raportuar më parë se Trump planifikon të dorëzohet në stacionin policor të Fultonit në Atlanta. Data e 24 gushtit u caktua gjatë negociatave midis avokatëve të Trumpit dhe zyrës së prokurorit të Fultonit më 21 gusht, sipas CNN.

Në një aktakuzë prej 98 faqesh, të zbuluar javën e kaluar, Trump dhe 18 të pandehur të tjerë u akuzuan me gjithsej 41 akuza penale në lidhje me përpjekjet për të ndryshuar rezultatin e zgjedhjeve në Xhorxhia në vitin 2020 – kur Trump humbi garën kundër presidentit aktual të SHBA-së, Joe Biden.

John Eastman, ish-avokati personal i Trumpit, i cili gjithashtu është paditur në rastin e Xhorxhias, planifikon të dorëzohet tek autoritetet në Fulton më 23 gusht, sipas një dosje gjyqësore të publikuar më 21 gusht.

Rasti i Xhorxhiast përbën aktakuzën e katërt të ngritur ndaj Trump. Ai përballet me një gjyq në Nju Jork lidhur me një pagesë të bërë ndaj një ylli të pornografisë dhe një gjyq në Florida për keqpërdorim të dokumenteve të klasifikuara federale.

Një tjetër aktakuzë, në Uashington, e akuzon atë për përpjekje të paligjshme për ta përmbysur humbjen e tij në zgjedhjet e vitit 2020. Prokurori i posaçëm Jack Smith ka kërkuar që gjyqi të nisë në janar, por ende nuk është caktuar një datë.

Trump është deklaruar i pafajshëm për të gjitha akuzat e ngritura ndaj tij.

Në Xhorxhia, Trump akuzohet se e ka shkelur “Aktin e Organizatave të Influencuara dhe të Korruptuara nga Raketuesit” (RICO). Dënimet e rënda që ndërlidhen me rastet RICO mund t’i nxisin të pandehurit të kërkojnë marrëveshje bashkëpunimi, dhe këto statute përdoren zakonisht si cak ndaj krimit të organizuar.

Sipas ligjit federal, kushdo që mund të jetë i lidhur me “një organizatë kriminale” përmes të cilës janë kryer shkelje, mund të dënohet na bazë të ligjit RICO.

Autoritetet në Atlanta nisën një hetim pasi Trumpi iu kishte telefonuar zyrtarëve në Xhorxhia disa javë para se të largohej nga Shtëpia e Bardhë, duke iu bërë presion për t’ia gjetur 11.780 votat e nevojshme për ta përmbysur fitoren e Bidenit në Xhorxhia.

Trump përballet me akuzat tashmë për konspiracion për ta mashtruar SHBA-në, pengimin e dëshmitarëve dhe konspiracion kundër të drejtave të qytetarëve.

Aktakuza ndaj tij u ngrit më 2 gusht, pas një hetimi ndaj ngjarjeve që ndodhën gjatë trazirave të 6 janarit 2021, në Kapitol të Shteteve të Bashkuara./rel

The post Trump planifikon të dorëzohet vetë për padinë lidhur me rezultatin e zgjedhjeve në Xhorxhia appeared first on Albeu.com.

Me pranga në duar dhe i rrethuar nga policët është parë në momentin e dorëzimit 45-vjeçari Spartak Dyrmishi. Është vërtetuar se shqiptari është autor i dy përdhunimeve, nga tre që akuzohej. Këtë fakt e zbuloi ADN-ja e kryer nga rrobat e viktimave.

Arrestimi i Dyrmishit u bë e mundur gjatë natës, ndërsa ishte larguar drejt Shqipërisë më 27 tetor të këtij viti.

Autoritetet shqiptare e kanë identifikuar 45-vjeçarin nga shenja e gishtit të celularit dhe pasi e kanë arrestuar, në orën 2 të mëngjesit të sotëm ia kanë dorëzuar efektivëve të policisë greke.

Sipas informacioneve që publikohen në shtypin grek, ministri grek Takis Theodorikakos ka biseduar tri herë me homologun e tij shqiptar ditën e djeshme, duke kërkuar që të intensifikohen procedurat për gjetjen dhe dorëzimin e 45-vjeçarit tek autoritetet greke.

45-vjeçari kishte probleme me alkoolin, ndërsa ishte ndarë para pak kohësh nga bashkëshortja dhe është baba i dy fëmijëve të vegjël, vajzë dhe djalë.

Rasti i fundit i përdhunimit ishte një javë më parë ku sipas denoncimit të njërës prej viktimave, shtetasi shqiptar tashmë i identifikuar e përdhunoi në stacionin e tramvajit në lagjen “Faliro” në një prej zonave më turistike të kryeqytetit, ndërsa vetëm një ditë më pas, i njëjti person tentoi të përdhunonte një tjetër, e cila pasi mundi të gjejë një lokal dhe të ndalojë makinën, u largua me vrap duke kërkuar ndihmë.

The post Me pranga në duar dhe i rrethuar nga policët, momenti i dorëzimit të përdhunuesit shqiptar (VIDEO) appeared first on Albeu.com.

Tekniku holandez kërkonte të kishte nën urdhrat e tij në “Old Trafford”, Antonyn, por sipas raporetimeve të fundit, tashmë djajtë duhet të mendojnë për një tjetër lojtarë.

Sipas “Sky Sports”, Manchester United nuk është pajtuar me Ajaxin me çmimin e kërkuar për shitjen e Antonyt.

Klubi holandez kërkoi 100 milionë euro për shitjen e 22-vjeçarit, shumë e cila është cilësuar si tejet e lartë nga “Djajtë e Kuq”.

Antony, tani më shumë gjasë do të mbetet te Ajaxi, klub me të cilin ka kontratë të vlefshme deri më 30 qershor 2025.

Ai ishte transferuar te klubi nga Amsterdami nga Sao Paolo në vitin 2020 për 15.7 milionë euro.

The post Ajax kërkon sa “qimet e kokës” për Antony, Man.United “dorëzohet” appeared first on Albeu.com.

Këto dallime pasqyrohen në përmbajtjen që i atribuohet termit “fitore’ nga secila prej dy palëve ndërluftuese, tek vendimet strategjike, dhe vlerësimin e tyre nëse koha është nëavantazhin apo disavantazhin e tyre. Gatishmëria e tyre për të negociuar një marrëveshje armëpushimi, dhe më pas për të kaluar drejt një paqeje të qëndrueshme, varet pikërisht nga kjo e fundit.

Unë besoj se fundi më i mundshëm i konfliktit – duam apo jo ne, kjo nuk ka rëndësi – është “ngrirja” e tij, në një mënyrë të ngjashme në shumë aspekte me Luftën e Koresë. Parakushti për këtë është që Rusia të pranojë disa garanci të besueshme sigurie për Ukrainën. Praktikisht, është prania e SHBA-së, ajo që do ta pengonte një sulm të ri. Dhe kjo gjë do të kërkojë një marrëveshje për një sistem sigurie pan-evropiane, jo shumë të ngjashëm me Kartën e Helsinkit, por më shumë me atë të Kartës së Parisit së vitit 1990 dhe masave të sigurisë të OSBE-së.

Sigurisht, që të gjithë flasin për fitore. Dhe është logjike që kjo të ndodhë në çdo luftë. Askush nuk bën luftë më kot, por për hir të paqes, në funksion të fitores që do të pasojë.

Por ka disa lloje fitoresh. Ato ndryshojnë gjatë ecurisë së konflikteve, dhe sipas rrjedhës së operacioneve. Vlerësimet mbi objektivat e luftës nga ana e dy kundërshtarëve, ndikojnë edhe tek propozimet e ndryshme që bëhen nga shumë palë të jashtme për ndërprerjen e konfliktit, si dhe për zëvendësimin e armëve me diplomacinë.

Ndërsa synimet e mundshme të Ukrainës janë shumë të qarta, ato të Rusisë janë shumë më pak të tilla. Gati të gjithë kanë supozuar se qëllimet e Moskës janë kryesisht territoriale. Për ta, mes tyre edhe Kissinger, “formula magjike” është të bindet Ukraina të heqë dorë nga provincat që dëshiron Moska, në këmbim të uljes më pas në tryezë për negociatat e paqes.

Nëse është e nevojshme, Ukraina mund të tradhtohet, pra të detyrohet të dorëzohet, pasi rezistenca e saj varet nga dërgesat e armëve perëndimore. Pak analistë dhe zyrtarë kanë dyshuar se Putin ka pak ose aspak interes për territore. Me “vizionin e tij mesianik” mbi“Nënën Rusi”, ai tregon synime të tjera. Rusia ka tashmë shumë territore. Ajo që i mungonështë popullsia për t’u rritur vlerën dhe kontrolluar ato.

Ai dëshiron të rindërtojë një perandori të fuqishme, dhe nuk e pranon që Rusia të mbetet një shtet si çdo shtet tjetër. Le të vijmë tek Ukraina. Kur Zelensky flet për fitoren, ai me siguri nuk i referohet vendosjes së flamurit ukrainas në Kremlin. Vetëm budallenjtë mund ta mendojnë këtë me thirrjet e tyre për paqe, pa specifikuar se çfarë paqe duan.

Presidenti ukrainas planifikon të rivendosë integritetin territorial të Ukrainës brenda kufijve të vendosur në vitin 1991, dhe të konfirmuara në Budapest në vitin 1994, kur Kievi u detyrua t’i dorëzonte Rusisë 1900 bomba bërthamore të vendosura në territorin e tij. Por do të ishte i kënaqur edhe me tërheqjen e ushtrisë ruse në linjën e para 24 shkurtit.

Fati i dy republikave separatiste dhe ndoshta edhe ai i Krimesë, do të vendosej në një referendum pas disa vitesh, pas rikthimit atje të popullsisë së larguar. Vazhdimi i luftës do të ishte një opsion katastrofik për Zelensky, edhe nëse koha mund të jetë në favor të tij.Ukrainasit kishin një ushtri të rregullt prej 250 mijë njerëzish, dhe po e përforcojnë me 100 mijë të tjerë. Ajo ka një milici territoriale prej të paktën 1 milionë trupash. Ndryshe nga rusët, Ukraina nuk e ka të vështirë të zëvendësojë humbjet e rënda që pëson. Fuqia e saj varet nga furnizimi nga Perëndimi me armë gjithnjë e më të fuqishme.

Masa e gjerë e popullsisë vazhdon ta mbështesë rezistencën. Ka shumë pak dezertorë. Tek e fundit, edhe në rastin e mposhtjes së ushtrisë dhe pushtimin e vendit, ukrainasit do të bënin një luftë guerile të përgjakshme. Rusët nuk kanë personelin e duhur për të kontrolluar territorin.

Për Kremlinin do të ishte i pashmangshëm mobilizimi i rezervistëve. Po ky hap ështëpolitikisht shumë i vështirë. Pasi që tani ka shumë dezertorë, dhe nga ata që i shmangenrekrutimit. Në planin afatgjatë, Kremlini pritet të tërhiqet nga Ukraina, gjë që do të ketëpasoja politike serioze.

Gjithsesi Ukraina do të ishte ende e shkatërruar. Ndërkaq për evropianët – por edhe amerikanët – do të realizohej skenari që kanë më shumë frikë:ai i një lufte të zgjatur. Për mendimin tim, të kuptuarit e qëllimeve të Putinit dhe mënyrës sesi ai e sheh situatën,vështirësohet nga dallimet kulturore midis Perëndimit dhe Rusisë.

Për Perëndimin, Kremlini ishte i shqetësuar për afrimin e mundshëm të Ukrainës me NATO-n. Ai e di mirë se një fuqi me 5000 bomba bërthamore nuk mund të sulmohet, dhe mbi të gjitha as të mposhtet. Edhe analistët strategjikë më të spikatur, nuk menduan për asnjëmoment se objektivat e Putinit ishin në thelb territorialë:të rivendoste unitetin historik të “botës ruse”, të nevojshme për atë që “Doktrina e Sigurisë së Federatës Ruse” e quan “sovranitet kulturor”.

Që nga marrëveshjet Solana-Primakov të vitit 1997, Rusia nuk ka qenë kurrë e shqetësuar për NATO-n. Përkundrazi, ajo ishte e tmerruar nga evropianizimi i Ukrainës, dhe ndikimi që do të kishte kjo tek popullin rus, si dhe nga dobësimi i “vertikales së pushtetit”, i teorizuar nga Surkov.

Ndryshimi i qëndrimit të Putinit ndaj Perëndimit u shkaktua nga “Revolucioni Portokalli”dhe “Euro-Maidan”. Ai kishte frikë se ato do të kërcënonin pushtetin e tij. Sukseset e arritura dhe bindja e tij mbi rënien e pandalshme të Perëndimit – e konfirmuar nga mungesa e reagimit ndaj aneksimit të Krimesë dhe shkëputjes së provincave të Luhanskut dhe Donetskut, si dhe ngjarjet në Afganistan – e bindën atë se mund të tentonte pa shumë problem “goditjen e madhe”, duke e rikthyer Ukrainën në “botën ruse”.

Por ka dështuar. Objektivat e saj nuk ishin dhe as nuk janë territorialë, përveç rastit tëKrimesë. Kur flet për “denazifikimin” e Ukrainës, ai nënkupton “de-perëndimorizimin” e saj. Ajo nuk këmbëngul në përjashtimin e hyrjes së saj në BE, sepse me siguri që do të gjejë në union një aleat që e bllokon dhe në çdo rast përçmon BE-në dhe dobësitë e saj.

Sigurisht, nuk e gëzon as lëshimi i territoreve në këmbim të negociatave. Ajo që ai kupton është vetëm gjuha e forcës. Situata zhvillohet sipas rezultatit të paparashikueshëm të luftimeve në terren. Sido që të ndodhë, Kremlini do të dalë sërish keq. Unë them se Putini është duke i pritur ngjarjet me gjithë fatalitetin e tyre:ai nuk mund të shpallë mobilizimin e përgjithshëm, pa shkaktuar revoltën e rezervistëve; nuk mund të tërhiqet nga Ukraina apo të vendosë të negociojë, duke e ditur se duhet të heqë dorë nga diçka, dhe ta shohë rrënimin e pushtetit të tij.

Edhe nëse Ukraina pushtohet e gjitha, Rusia nuk do të kishte trupat e mjaftueshme për të kontrolluar territorin e saj, dhe as burimet për ta rindërtuar atë. Pasi e shkatërruan aqbrutalisht vendin fqinj. Rusia do të dobësohej dhe poshtërohej. Prandaj Putin duhet të vendosë se çfarë të bëjë për ta shmangur këtë skenar./ (Nga Carlo Jean – “Formiche.net” – bota.al)

The post ANALIZA/ Fitore apo dorëzim? Ja cilat janë synimet e vërteta të Putin dhe Zelenskyt appeared first on Albeu.com.

Ndërsa Rusia pushtoi Ukrainën, një pjesë e parë e sanksioneve hyri në fuqi në një kryeqytet pas tjetrit. Ata u mirëpritën nga ukrainasit, por u tallën gjithashtu, si thjesht të pamjaftueshëm. Dhe në të vërtetë, ata nuk e ndryshuan mendjen e Vladimir Putinit.

Perëndimi tani po zgjohet me vendosmërinë e Rusisë për të pushtuar Ukrainën. Disa sanksione do të duhen javë, madje edhe muaj për t’u kafshuar, por disa tani po godasin monedhën ruse, aksionet, pasurinë e oligarkëve të pasur dhe fatkeqësisht jetën e më të varfërve.

The post A mund ta pengojnë Putinin vetëm sanksionet? appeared first on Albeu.com.

The post Vrasja e Alkisit, 20-vjeçari shqiptar kërkon të dorëzohet appeared first on Albeu.com.

Sipas mediave italiane,  i arrestuari është një 19-vjeçar po me kombësi shqiptare me dokumenta të rregullta dhe pa precedentë penal.

26-vjeçari i identifikuar si Atjon Lopci u sulmua para 3 ditësh në Piazza del Gazometro në Romë dhe vdiq disa orë më vonë në spital pasi nuk i mbijetoi plagëve të marra.

Sipas asaj që është rikonstruktuar nga policia, rezulton se midis dy shtetasve shqiptarë ka patur mosmarrëveshje për pazaret e drogës, e cila më pas rezultoi në një përplasje fizike mes bashkatdhetarëve, gjatë së cilës viktima u godit me një thikë në shpinë.

I riu, ndoshta duke u ndjerë nën presion është vetëdorëzuar ditën e djeshme pranë komisariatit të Genovës dhe ndodhet në paraburgim ku pritet të dalë para gjykatës.

The post Vrau bashkombasin e tij për pazare droge, dorëzohet në polici 19 vjeçari shqiptar appeared first on Albeu.com.