I njëjti qëndrim është shfaqur edhe nga Dega e LDK-së në Pejë. Pas mbledhjes së Kryesisë dhe shqyrtimit të rezultateve të zgjedhjeve të fundit, shumica e anëtarëve kanë kërkuar reflektim të thellë politik dhe marrje përgjegjësie nga lidershipi qendror për rezultatin e arritur.

Dalja publike e dy degëve të rëndësishme me kërkesa të tilla dëshmon se pakënaqësia ndaj udhëheqjes aktuale të partisë nuk është më një rast i veçuar, por po kthehet në një shqetësim serioz në strukturat e saj. Këto lëvizje sinjalizojnë se brenda LDK-së po shtohet nevoja për debat të hapur dhe për vendime që do të hapnin rrugë për një proces të ri politik dhe organizativ.

Për këtë çështje ka folur për “Bota sot” analisti politik Nexhat Haziri.

Ai e cilësoi të arsyeshme kërkesën për dorëheqjen e Lumir Abdixhikut pas humbjeve të LDK-së, ndërsa afrimin me LVV-në e interpretoi si një përpjekje të tij për ta ruajtur pozitën në parti.

“Është shumë e kuptueshme dhe e domosdoshme kërkesa nga degët e LDK-së, si ajo e Pejës dhe Lipjanit, për dorëheqjen e Lumir Abdixhikut nga drejtimi i partisë për shkak të rezultateve të dobëta të LDK-së në dy palë zgjedhjet e fundit parlamentare. Këto kërkesa natyrisht vijnë edhe si rezultat i mosgatishmërisë së z. Abdixhiku për të reflektuar dhe për të marrë përgjegjësinë për humbjet e vazhdueshme të LDK-së në zgjedhje, si dhe për dobësimin e rolit të saj në skenën politike kosovare.

Në vend të dorëheqjes, ai po kërkon shpëtimin duke iu vetafruar LVV-së për një koalicion në qeverinë e re të Albin Kurtit. Me këtë koalicion, ai shpreson ta mbajë peng LDK-në për interesa të tij personale dhe klanore”, u shpreh ai.

Sipas Hazirit, kriza e brendshme në LDK është në thellim e sipër dhe kapërcimi i saj mund të ndodhë vetëm përmes dorëheqjes së Lumir Abdixhikut dhe nisjes së një procesi të ri zgjedhor brenda partisë.

Ai vlerësoi gjithashtu se një koalicion me LVV-në nuk do ta shpëtonte LDK-në, por do t’u shërbente vetëm interesave të Abdixhikut dhe rrethit të tij.

“Kjo po ashtu tregon për thellimin e krizës së brendshme në LDK, e cila mund të evitohet vetëm me dorëheqjen e z. Abdixhiku nga drejtimi i partisë dhe me shkuarjen në një proces të brendshëm zgjedhor. Kërkesa për dorëheqjen e tij nga drejtimi i LDK-së do të shihet edhe në ditët në vazhdim nga degë të tjera, ndërsa çdo hap tjetër nga ana e Abdixhikut, apo çdo përpjekje e tij, përveç dorëheqjes, do ta thellojë edhe më tej krizën e brendshme në LDK. Madje, ekzistojnë gjasa që partia të goditet edhe nga një ndarje e re, gjë që do ta dërgonte përfundimisht në histori.

Si e tillë, LDK-në nuk e shpëton dot koalicioni me LVV-në. Ai mund t’ia zgjasë vuajtjen edhe për një kohë, por jo për shumë gjatë. Interes nga ky koalicion ka vetëm Lumir Abdixhiku dhe klani i tij, i cili, me sa shihet, po dëshiron ta mbajë peng LDK-në. Një gjë të tillë anëtarësia e kësaj partie nuk duhet t’ia lejojë”, përfundoi analisti Haziri për “Bota sot”.

The post Kërkesat ndaj Abdixhikut shtohen në LDK, Haziri paralajmëron se partia mund të përballet edhe me një ndarje të re appeared first on Albeu.com.

Në një letër dërguar kryeministrit Rishi Sunak, Wallace vlerësoi forcat e armatosura dhe shërbimet e inteligjencës me të cilat ka punuar që nga viti 2016.

Ndër të tjera ai vlerësoi gjithashtu reagimin e qeverisë ndaj luftës në Ukrainë dhe falënderoi Rishi Sunak për investimin e tij në forcat e armatosura si kancelar dhe më pas kryeministër.

“Ministria e Mbrojtjes është kthyer në rrugën për të qenë edhe një herë e klasit botëror me njerëz të klasit botëror. Mbretëria e Bashkuar është e respektuar në mbarë botën për Forcat tona të Armatosura dhe ky respekt është rritur vetëm që nga lufta në Ukrainë.

Largpamësia dhe qartësia juaj strategjike kanë qenë të paçmueshme për vendin tonë dhe sigurinë e kontinentit tonë. Ju e patë, përpara se të tjerët të bënin, cilat ishin synimet e vërteta të Vladimir Putinit në Ukrainë.

Vendosmëria juaj për të furnizuar me armë Kievi npërpara se të sulmonin rusët pati një efekt të madh në aftësinë e ukrainasve për të penguar pushtimin. Ju keni luajtur një rol absolutisht jetik në mbledhjen e mbështetjes për Ukrainën brenda dhe jashtë vendit”, tha ai.

Ai falënderoi kryeministrin për “mbështetjen” dhe “miqësinë” dhe shtoi: “Ju dhe Qeveria do të keni mbështetjen time të vazhdueshme”.

Grant Shapps, i cili është sekretar i sigurisë së energjisë, besohet se do të zëvëndësojë Ëallace.

The post Dorëhiqet Sekretari i Mbrojtjes në Britani, letra që i dërgoi kryeministrit appeared first on Albeu.com.

The post VMRO-DPMNE: Më e pakta që mund të bëjë ekipi ekonomik i qeverisë është dorëheqja appeared first on Albeu.com.

Rama u shpreh se një gjë e tillë nuk do të ndodhë.

“Që të jemi shumë të qartë, SHBA-së i dolën në rrugë të gjitha sekretet, nuk di të ketë pasur ndonjë dorëheqje. Kështu që tjetër është kur gjërat ndodhin si rezultat i një dështimi të sistemit ose si rezultat i një vepre sikur ishte rasti i të ndjerit Klodian Rasha dhe komplet tjetër kur gjendemi përpara sulmeve. Dhe në të gjitha rastet, ka plot, as nuk ka ndodhur dhe nuk kam kërkuar t’i kërkohet ndonjërit dorëheqje, vetëm këtu është kjo dhe AKSHI nuk ka lidhje, është si t’i kërkosh dorëheqjen ministrit të Bujqësisë, sepse e-Albania nuk ka lidhje me sistemin e Tatimeve, sepse sistemi i tatimeve është tjetër dhe e-Albania është komplet tjetër” tha Rama./albeu.com

The post Rama: Dorëheqje nuk ka, SHBA-së i dolën sekretet në rrugë dhe nuk iku njeri appeared first on Albeu.com.