Kryesia Qendrore e Alternativës të premten vendosi që të autorizojë Gashin që të nis bisedimet me të gjithë aktorët politik, me kryeministrin, por eventualisht edhe me mandatarin e ri, që vendi të del nga kriza politike. Gashi dhe Zaev kishin takim me 19.11.2021.

Në mbledhjen e Kryesisë Qendrore të LSDM-së, që gjithashtu u mbajt të premten, u konstatua dorëheqja e Zaevit nga pozita e liderit të LSDM-së, por iu dha legjitimiteti për bisedime për shumicë të re parlamentare./albeu.com/

The post Sot takim i ri Zaev-Gashi! A do të ketë marrëveshje? appeared first on Albeu.com.

Kjo ishte përgjigja e tij kur u pyet për masat e reja anti-covid të paralajmëruara nga ministri i shëndetësisë Venko Filipçe.

“Masa e vetme që duhet të merret dhe të jetë funksionale është që menjëherë të shpërbehet kjo Qeveri, të organizohen zgjedhje të parakohshme parlamentare dhe me atë të largohet ky ministër i shëndetësisë dhe ky Komision për Sëmundje Ngjitëse i udhëhequr nga politikologu Karaxhoski”, tha Mickoski.

Kryeministri dhe lideri i LSDM-së, Zoran Zaev tha se të martën do të kërkojë të vihet në zbatim dorëheqja e tij.

Të martën gjithashtu pritet që edhe partia Alternativa të vendos për hyrje ose jo në Qeveri. Kjo parti njëherë nënshkroi iniciativën për ta rrëzuar Qeverinë, ndërsa tani po diskuton bashkëqeverisje shumicën e Zaevit.

Kryetari i kësaj partie Afrim Gashi pas takimit që pati me Zaevin, tha se është i obliguar që të përpunojë dy variante të zgjidhjes. Kjo gjë pritet të vendoset të martën në mbledhjen e kryesisë së kësaj partie./albeu.com/

The post Zbulohet dita! Alternativa cakton se kur do të vendosë për hyrjen në qeveri appeared first on Albeu.com.

Zoran Zaev e ftoi liderin e kësaj partie, Afrim Gashin, që të nisin bisedimet për t’ju bashkuar sipas tij, krahut të partive properëndimore.

Vendimi duhet të merret në një mbledhje partie, por detaje të tjera nga Alternativa nuk janë bërë të ditura./albeu.com/

The post Oferta e Zaevit, Alternativa do e shqyrtojë në ditët në vijim mundësinë për t’ju bashkuar shumicës appeared first on Albeu.com.

Vota e Kastriot Rexhepit ja prishi planet Opozitës për mocionin e mosbesimit që kishin përgatitur ndaj qeverisë.

VMRO-DPMNE, përmes kësaj komunikate, kanë thënë se Qeveria nuk ka treguar se ka shumicë, dhe se kjo qeveri është e vetmja që nuk ka pasur deputetë për të mbrojtur.

Gjithashtu zyrtarët e VMRO-së thonë se vijojnë të mendojnë se Rexhepi është rrëmbyer.

“U dasht të rrëmbenin një deputet vetëm që qeveria të mbijetonte, Zaev është më i keqi për Maqedoninë. Humbësi Zaev ka vetëm 59 deputetë plus një deputet të rrëmbyer. Dje iu desh të rrëmbente një deputet për të vazhduar vjedhjen.

Një deputet u mbajt peng gjatë gjithë ditës, por në fund nuk u paraqit në kuvend, por u lirua në video pas gjithë frikës për sigurinë e tij.

Dje Zaev vr au demokracinë në vend. Me metoda jodemokratike të qeverisjes do të zhytemi në listat e institucioneve përkatëse ndërkombëtare si Transparency apo në listat e revistave si The Economist.

Vendi nuk duhet të mbahet peng i interesave të një klike të ngushtë njerëzish”, thuhet në komunikatën e VMRO-DPMNE./albeu.com/

The post Vijon “telenovela” në Maqedoni, VMRO thotë se Kastriot Rexhepi vazhdon të jetë i rrëmbyer appeared first on Albeu.com.

“Mendoj se kjo është turp i madh për demokracinë dhe për vlerat. Nëse mendoni se nuk e kemi pritur, ju them se ne e kemi pritur një gjë të tillë. Nëse konfirmohet tregtia, atëherë lind pyetja nëse ja vlen të merresh me politik në Maqedoni. U kërkojë falje qytetarëve që duhet të jenë dëshmitarë të një shfaqjeje cirku në Kuvend. Më vjen keq që duhet të jem pjesë e një cirku të tillë”, tha Mickoski, raporton SHENJA.

Mickoski tha se nuk ka metoda si LSDM-BDI të mbajnë peng deputetë, nëse kjo është e saktë.

“As më shkon ndërmend në atë mënyrë të bisedojë. Çdokush kush mendon se kjo Qeveri është kriminale, mund lirshëm të vije dhe të bashkëngjitet. Një deputet është zhdukur dhe nuk e dimë se ku është”, u shpreh Mickoski.

Mickoski tha se janë të shqetësuar se nëse është gjallë njeri.

“Nëse nuk paraqitet duhet MPB të reagojë. Këto janë metoda të shekullit 16 dhe 17”, deklaroi Mickoski.

Mickoski tha se kjo Qeveri e ka humbur kredibilitetin dhe legjitimitetin. /SHENJA/

The post Mickoski: I kërkojë falje popullit që janë pjesë e këtij cirkut appeared first on Albeu.com.

Eksponenti i partisë më të madhe opozitare, Milloshovski, e quan gënjeshtar Zaevin për atë që ai e quan si ndryshim të qëndrimit të tij.

“Edhe një herë dëshmoi se është gënjeshtari më i madh në politikën e vendit, manipuluese më i madh në Ballkan dhe politikani i falur i cili zvarritet edhe për një, dy ose tre ditë pushtet për të fshehur ndonjërin nga keqpërdorimet e tij. Por, koha e Zoran Zaevit përfundoi dhe çfarë do të ndodhë në LSDM neve nuk na intereson se ajo është punë e tyre e brendshme, por çfarë do të ndodhë në Kuvend Zaevi do ta shohë ditën e nesërme kur do të votohet mosbesim për Qeverinë e Zaevit”, deklaroi Antonio Milloshoski nga VMRO-DPMNE.

“I sugjerojmë Zaevit, kryeministrit në largim dhe bashkëpunëtorëve të tij më të afërt, Filipçes dhe Oliver Spasovskit, të përgatitet për transfer të qetë të pushtetit pas votimit të mosbesimit dhe formimit të shumicës së re parlamentare dhe Qeverisë së re e cila do të ofrojë zgjidhje për problemet”, tha Milloshoski.

Nisma që është në Kuvend nuk do të tërhiqet por mund të korrigjohet teknikisht sipas kërkesave të disa deputetëve, vlerëson Milloshoski.

“Iniciativa mbetet kurse Rregullorja mundëson që të mund të korrigjohet teknikisht pa u bërë ndryshime në afatet për votimin e saj. Do të bëjmë korrigjim teknik i cili do të japë hapësirë që të gjejnë veten edhe deputetë të caktuar të cilët kishin vërejtje dhe të votojnë për rënien e Qeverisë së Zaevit”, shtoi ai./albeu.com/

The post VMRO: Zaevi të përgatitet për transferim të qetë të pushtetit appeared first on Albeu.com.

Marrëveshja e Prespës për ndryshimin e emrit “Maqedoni” në “Maqedoni të Veriut”, ishte arritur më 17 qershor të vitit 2018, me çka dy shtetet zgjidhën kontestin gati 30-vjeçar, që çoi në zhbllokimin e anëtarësimit të Maqedonisë së Veriut në NATO dhe institucionet tjera ndërkombëtare.

Si këmbim, Shkupi pranoi se maqedonasit e tanishëm nuk kanë asnjë lidhshmëri me maqedonasit antik, e as pretendime territoriale ndaj Greqisë së Veriut, që mban gjithashtu emrin Maqedoni.

Kjo marrëveshje, asnjëherë nuk është pranuar nga opozita maqedonase që udhëhiqet nga VMRO DPMNE-ja, duke paralajmëruar se në rast se vjen në pushtet do të angazhohet për shfuqizimin e saj.

Por, duke e komentuar veprimin e disa asambleve të reja lokale, që kthyen në përdorim emrin e vjetër të shtetit, kreu i VMRO DPMNE-së, Hristijan Mickoski, tha se emri i ri është realitet, të cilin, sipas tij, e imponoi kryeministri Zoran Zaev.

Ai theksoi se mosrespektimi i këtij emri mund të sjellë pasoja, por sërish premtoi se do të punojë për të përmirësuar, siç tha, “marrëveshjen nënçmuese”.

“Marrëveshja e Prespës është realitet. A na pëlqen neve ky realitet? Sigurisht se nuk na pëlqen. Këtë realitet na e solli Zoran Zaev, por nëse nuk respektohet ky realitet në kuadër të funksionimit administrativ të këtyre institucioneve, atëherë do të kemi probleme me instanca tjera, siç janë gjykata, prokuroria, e kështu me radhë. Se a do të punojmë për të ndryshuar këtë realitet, kur një ditë të kemi mundësi që të këta bëjmë, unë them se po, por për momentin ne të gjithë po veprojmë në bazë të këtij realiteti, që është i dhimbshëm, nënçmues për të gjithë ne që Maqedoninë e vlerësojmë si atdheun tonë”, deklaroi Mickovski.

Veprimi i asambleve të reja komunale ka shkaktuar reagimin e Ministrisë së Punëve të Jashtme.

“Ministria e Punëve të Jashtme bën thirrje që të zbatohen dispozitat kushtetuese në përputhje me Marrëveshjen e Prespës, duke pasur parasysh se mosrespektimi i Kushtetutës dhe ratifikimit të marrëveshjeve ndërkombëtare, seriozisht prish imazhin ndërkombëtar të shtetit dhe cenon rendin juridik të Republikës së Maqedonisë së Veriut”, thuhet në reagimin e Ministrisë së Jashtme.

Zhvillimet në Maqedoninë e Veriut janë komentuar edhe nga Athina zyrtare.

“Kthimi i retorikës nacionaliste te fqinjët tanë mund të çojë në një ridefinim të pozicionit tonë kombëtar në mbështetje të procesit të zgjerimit të BE-së”, citojnë mediat një deklaratë të zëvendësministrit të Jashtëm grek, Miltiadis Varvitsiotis.

Ai shprehu shqetësimin për zhvillimet në vend dhe theksoi se zbatimi i duhur iMarrëveshjes së Prespës është një nga parakushtet për kornizën negociuese të Shkupit me BE-në.

Partitë në pushtet thonë se nuk do të lejojnë që opozita të rrezikojë Marrëveshjen e Prespës dhe raportet me Greqinë që mund të çojnë në bllokime të reja.

“LSDM-ja dhe koalicioni nuk do të lejojnë që VMRO-DPMNE dhe Mickoski të rrezikojnë Marrëveshjen e Prespës, të na fusin në grindje të reja me Greqinë dhe fqinjët e tjerë, të na sjellin në konflikt dhe urrejtje të brendshme dhe kështu ta kthejnë vendin në të kaluarën e errët të regjimit”, thuhet në komunikatën e LSDM-së të publikuar të enjten.

Ristevski: Betimi bazuar në emrin e vjetër, i pavlefshëm

Temelko Ristevski, njohës i çështjeve kushtetuese, thotë për Radion Evropa e Lirë, se çdo veprim i kujtdo qoftë që bie ndesh me Kushtetutën, është i dënueshëm, përfshirë edhe veprimet e komunave të caktuara.

“Subjekti juridik, Republika e Maqedonisë, me amendamentet kushtetuese që janë miratuar para dy viteve më nuk ekziston. Tani kemi subjekt të ri juridik, Republika e Maqedonisë së Veriut. Të gjithë këshilltarët që kanë bërë betimin bazuar në emrin e vjetër të shtetit, janë të pavlefshme dhe duhet të anulohen”, thotë profesori Temelko Ristevski.

Sipas tij, çdo vendim që mund të miratojnë komunat me emrin e vjetër të shtetit, do të jetë i pavlefshëm dhe mund të ngrihen procedura para organeve gjyqësore për shkelje të Kushtetutës.

Lidhur me zhvillimet në Maqedoninë e Veriut, ka reaguar edhe Brukseli duke bërë thirrje për zbatimin e reformave që kanë të bëjnë me Bashkimin Evropian, por edhe me respektimin e të gjitha marrëveshjeve ndërkombëtare./REL/

The post Dorëheqja e Zoran Zaev turbullon ujërat, opozita kërkon rikthimin e “Maqedonisë” appeared first on Albeu.com.

Sipas burimeve të mediave atje, do të jetë zv.kryeministri i Maqedonisë së Veriut Nikolla Dimitrov, që do të marrë pjesë në vend të Zoran Zaev në takimin që do mbahet nesër dhe pasnesër në Beograd, në kuadër të iniciativës për bashkëpunim rajonal “Open Balkan”.

Agjenda për këtë takim që organizohet nga Këshilli Atlantik, përfshin edhe panel diskutimi me temë “Transformimi digjital si dorë ndihmëse për integrimin rajonal”, në të cilën do të ketë përfundime dhe më pas do të mbahet konferencë për shtyp.

Dje presidenti i Serbisë, Aleksandër Vuçiç vuri në dyshim zhvillimin e takimeve në Beograd, pasi në një postim në Facebook u shpreh se, “mbështetje e fortë Open Balkan. A duhet të mbajmë apo shtyjmë një takim në Beograd, duke marrë parasysh ngjarjet në Shkup?”.

Open Balkan është një nismë mes Shqipërisë, Maqedonisë së Veriut dhe Serbisë. E njohur më herët si Mini-Shengeni Ballkanik, nisma ka nxitur debat mes vendeve të Ballkanit, ku Kosova, Mali i Zi dhe Bosnja e Hercegovina nuk kanë pranuar të angazhohen./albeu.com/

The post Kush do e zëvendësojë Zaevin në takimin e Beogradit për “Ballkanin e Hapur”? appeared first on Albeu.com.

Që kur Maqedonia e Veriut ka fituar pavarësinë, do të jetë hera e parë që kryeqytetin do e drejtojë një kryetare grua.

Arsovska arriti që në raundin e dytë të zgjedhjeve lokale të fitojë kundër kandidatit Petre Shilegovit.

Kjo fitore shkaktoi edhe dorëheqjen e kryeministrit Zoran Zaev, pasi LSDM humbi Shkupin dhe një celulë tjetër të Ohrit, Manastirin dhe Đevđ.

42-vjeçarja Danela Arsovska, ishte e mbështetur nga partia opozitare e krahut të djathtë VMRO-DPMNE (e cila fitoi 20 komuna) dhe partnerët e saj shqiptarë “Aleanca për Shqiptarët” dhe Besa.

Arsovska është anëtare e Këshillit Nacional për Integrime Evropiane dhe dikur ishte kryetarja e parë grua e Odës Ekonomike të Maqedonisë. Juristja dhe ekonomistja e re, përveçse në Maqedoni, ka studiuar në Oksford dhe në Universitetin e Sheffield-it dhe ka një karrierë mbresëlënëse ndërkombëtare. Që nga viti 2016 ajo është anëtare e komisionit ICSID të Bankës Botërore në Uashington, ndërsa nga viti 2017 në Gjenevë./albeu.com/

The post “I fiku” karrierën Zaevit, kush është kryebashkiakja e re e Shkupit? appeared first on Albeu.com.