Që të katërt të larguar përmes dorëheqjes së heshtur sapo tensionet dhe diskutimet janë mbyllur.

E tillë është edhe dorëheqja e Ardi Veliut, kryepolic nga 2018 deri në 5 tetor 2021.

Me një letër kërkese për tu dorëhequr, e bërë publike nga kryeministri, Veliu premton se nuk do kërkojë mandat tjetër të dytë, ndonëse ai nuk arriti ta mbyllë dot as të parin që i mbaronte në shkurt 2023.

I pari ishte Artan Didi

Oficeri i karrierës Artan Didi, i njohur si një nga më të mirët e Renea-s për shkak të një operacioni për kapjen e një terroristi, kishte lënë policinë gjatë vitit 2005, atëherë kur si kryeministër ishte Sali Berisha.

Ai u rikthye për tu emëruar në krye të policisë së shtetit, menjëherë mbas dorëheqjes së Hysni Burgaj dhe e mbajti këtë detyrë nga tetori 2013 deri në 31 mars 2015. Ai dorëzoi kapelen e kryepolicit përmes një letre ku njoftonte dorëheqjen, pa u shuar ende zhurmat për mos ekzekutimin e urdhër arrestit për Mark Frrokun, një shkresë që u harrua në tavolinat e Policisë së Shtetit.

Për këtë skandal pati një përplasje me ish kreun e Interpol Artan Bajraktari, me seli në Tiranë, ndërkohë që Didi më jetëshkurtri në këtë detyrë me vetëm dy vite si kryepolic u largua në SHBA.

Me dorëheqje u largua edhe Haki Çako, një oficer policie që kishte prekur disa komisariate dhe së fundmi edhe drejtor i policisë së Lazaratit që siç duket spikati gjatë rënies së këtij fshati dhe mori stafetën në prill 2015 deri në janar 2018, ku u lirua mbas dorëheqjes kur ministër i Brendshëm ishte Fatmir Xhafaj. 54 vjeçari nga Lushnja u përfol dhe u vendos nën hetim për skandalin e Imsi Catcher, një hetim që përfundoi në gjykatë dhe dërgoi disa oficerë, njëri prej të cilëve sipas burimeve të Gazetasi.al më vonë u largua për azil politik në Kanada.

Çako u zëvendësua për një periudhë tranzitore nga Rebani Jaupaj që qëndroi i komanduar derisa me propozim të Xhafës, mori drejtimin e policisë shqiptare Ardi Veliu, që ishte kataplutuar nga policia rrugore, në krye të policisë më të madhe në vend atë të kryeqytetit dhe më pas ju vendosën spaletat e Drejtorit të Përgjithshëm të policisë.

Por edhe për Ardi Veliun, aktualisht 49 vjeç emërimi zgjati nga 2018 deri në fillim të tetorit, që siç kuptohet ka qenë muaj i vështirë për mjaft kryepolicë të tjerë. Por largimi i tij nuk ndodhi gjatë asnjërit prej skandaleve si vrasja e Klodian Rashës, protestat e dhunshme që vetë ai i përmendte në letrën e diskutuar, apo edhe akuzave me nënën e një të mituri i cili u shoqërua dhunshëm gjatë kufizimeve të lëvizjeve nga pandemia COVID19.(SI)

The post Nga Artan Didi te Ardi Veliu, fati i drejtorëve të Poilicisë gjatë Rilindjes: Përse u dorëhoqën të gjithë dhe askush se përfundoi mandatin? appeared first on Albeu.com.

Dorëheqja e tij ka sjellë edhe një debat publik, mes figurave të njohura të politikës.

Gazetari investigativ Artan Hoxha i ftuar mbrëmjen e sotme në “LOG”, në ABC neës,  u shpreh se Ardi Veliun e detyrën që të vetëdorëhiqej nga detyra, sepse sipas tij, të ishte për të, nuk kishte për t’u tërhequr.

“Sot jemi pa drejtor të përgjithshëm policie. Unë dua të kuptoj cfarë po gatuan në krahun tjetër. E mban mend kur e hoqi Lleshajn, e përdori në një situatë kur u vendos në presion publik, si rasti i Klodian Rashës, dolët në protestë, ja ku e keni “kokën e turkut”. Fatmir Xhafaj e solli Ardi Veliun, me të cilin bëri dy palë zgjedhje dhe përballoi të gjitha protestat pas daljes së opozitës nga parlamenti.

Pse tani? Ardi Veliu nga shkresa kupton që është vetëdorëhequr. Rama vendosi në këto momente. Unë nuk kam kuptuar arsye të dukshme. A thua ra avioni? Nuk është hera e parë. Ka ndonjë situatë të jashtëzakonshme? Jo. Nuk ka pasur. Pra, Rama ka vendosur, ka gjetur këtë zgjidhje me dorëheqje. Jemi para faktit të kryer. Meqë iku Veliu sot, nesër nuk do të trafikohet kokainë, heroinë, apo nuk do të ketë ngjarje?

Po, do të ketë. Për mua njeriu që është përgjegjësi direkt është kryeministri i vendit, që punon me ËhatsApp. Dhe kur punon me këtë standard mos prit për standarde e dokumente. Surpriza e vetme është me cilin do ta zëvendësojë” tha Artan Hoxha duke komentuar emrat që kanë dalë në media. “Zakonisht kur duan ta djegin dikë e nxjerrin emrin në media” tha ai.

Shemsi Prençi u shpreh se Ardi Veliu është njoftuar që mbrëmë për shkarkimin nga detyra. “Ajo, letra nuk është shkresë e përgatitur nga Ardi Veliu, as nga varësit as e shtypit në drejtorinë e policisë. Shkresa së pari nuk mban asnjë format zyrtar të ministrisë së Brendshme, as numër protokolli nuk ka. A thua u largua “Tirja” nga spitali covid. Shkresa nuk përmban elementët bazë.

Shkresa nuk është zyrtare, por kjo nuk ka shumë rëndësi. Ai erdhi në krye të policisë në rrugën më të pandershme duke kapërcyer tre grada. Në dijeninë time Veliu e ka marrë vesh mbrëmë përmes ish-ministrit Xhafaj, që e mori vesh nga Veliaj, sepse ka dalë sekreti i shkarkimit dhe Veliu ishte i shkarkuar që në mëngjes, nuk kishte pse të priste orën 12” tha ai.

Pikërisht në mesditë ishte deputeti demokrat Luan Baçi, ai i cili në Komisionin për Sigurinë Kombëtare pyeti ministrin e Brendshëm Bledi Çuçi nëse është shkarkuar nga detyra Veliu. Çuçi me nota ironike u shpreh se përgjigjen do ta merrte kur të ishte koha e duhur dhe se Ardi Veliut nuk i ishte fikur ende “kandili”, raporton abcneës.al.

“Unë isha i bindur në atë që gatuhej në drejtorinë e policisë, ministrin e pyeta pa qellim, jam i sigurt që ministri nuk dinte gjë, Rama vepron i vetëm, është kryeministër, ministër, drejtor i përgjithshëm i policisë. Largimi i Veliut nuk ndryshon, edhe tjetri do të bëjë cfarë të vendosë Rama” shtoi Luan Baçi./albeu.com

The post Artan Hoxha “trazon ujrat”, zbërthen anën e errët të largimit të Ardi Veliut appeared first on Albeu.com.

Siapas informacioneve të deritanishme, bëhet me dije se emri i tij është më i përfoluri dhe i diskutuari në radhët e Policisë për të marrë këtë post.

Nano është një personazh jo i panjohur, pasi ai ka qenë I përfolur për disa operacione të rëndësishme policore, siç është operacioni për riatdhesimit të shqiptarëve nga kampi Al-Hol disa muaj më parë.

Ai gjithashtu ka marrë certifikatë vlerësimi në luftën ndaj terrorizmit nga Ambasada e Shteteve të Bashkuara./albeu.com

The post EMRI/ Zbulohet kush mund ta zërë vendin e Ardi Veliut në Policinë e Shtetit appeared first on Albeu.com.

Gjatë këtyre 3 viteve në krye të policisë ai është përballur me shumë akuza. Një ngjarje që shkaktoi debat të madh në publik ishte nxjerrja e videos me armë të Zaida Çobos nënës së 15 vjeçarit që u rrah nga policia pse theu karantinën.

Ish Drejtori i Përgjithshëm i Policisë sulmoi në një seancë parlamentare online nënën e djalit të dhunuar nga oficerët duke sugjeruar se fëmija i dhunuar vjen nga një familje me moral të keq dhe e përdori këtë argument për të justifikuar dhunën. Sulmi verbal i Veliut u konsiderua si kërcënim nga Zaida Çobo, ndërsa aktivistë të shoqërisë civile dhe qytetarë të ndryshëm e cilësuan si skandaloze sjelljen e kryepolicit në parlament.

Në përgjigje të akuzave, ku kërkuan shkarkimin e tij, Veliu tha se nuk shprehu siç duhet atë që kishte qëllim të thoshte, megjithatë sipas tij, puna që ai bën flet më shumë se fjalët që thotë. Ndërsa kërkoi ndjesë për veprimin Veliu theksoi se kjo deklaratë e tij nuk duhet të përdoret me qëllim përbaltjen e punës së gjithë uniformave blu, siç demokratët bënë në deklaratën e fundit.

Po çfarë ndodhi që kjo ngjarje u rikthye në qendër të vëmendjes?

Në Komisionin e Sigurisë Kombëtare, deputetja Elena Xhina  e pyeti për dhunën e policit ndaj 15-vjeçarit, Veliu nxori një video ku pranon shkeljen e efektivit, por deklaron se kujdesi duhet në familje, pasi nëna e të miturit promovon në facebook armët e zjarrit. “Kjo është mamaja e djalit me pistoletë në dorë” tha Veliu teksa tregon videon. Nëna e djalit Çobo përgënjeshtroi Veliun duke deklaruar se pamjet e saj me pistoletë në dorë janë publikuar në rrjetin e saj social Facebook gjatë xhirimeve të filmit “Dashuria s’mjafton” ku ajo ka pasur një rol.

Dorëheqja e Ardi Velit është kërkuar edhe pas vrasjes së Klodian Rashës nga efektivi i policisë Nevaldo Hajdaraj dhe pas vrasjes së efektivit Saimir Hoxha në Lezhë nga 21 vjeçari Aldi Rama. Veliu është akuzuar për gjendjen e policisë së shtetit dhe mungesën e organizmit në tërësi. Ka qenë PD ajo që e ka paditur në SPAK Veliun, pasi sipas saj ka urdhëruar dhunën kundër protestuesve, përgjatë 5 protestave të organizuara pas vrasjes së Klodjan Rashës nga efektivi i policisë. Në padinë e dorëzuar në SPAK, Partia Demokratike kërkon pezullimin e tij deri në përfundim të hetimeve, ndërsa pretendonte se Ardi Veliu ka kryer 5 vepra penale:

“Shpërdorim i detyrës; Kryerja e veprimeve arbitrare; Pengimi në të drejtën për t’u shprehur, grumbulluar dhe manifestuar; Dëmtime të tjera me dashje; Mosmarrja e masave për të ndërprerë gjendjen e paligjshme”, thuhej nëpadinë e PD-ja.

Sipas PD protestat ishin paqësore, por është vënë re përdorimi i tepruar i dhunës policore dhe përdorimi në sasi shumë të madhe i gazit lotsjellës. Më herët edhe LSI ka vendosur të padisë në Prokurori për shpifje dhe dezinformim eksponentë të mazhorancës, të cilët e akuzuan se ka nxitur pjesëmarrjen e të rinjve në protestë./abcnews.al

The post Nga vrasja e Klodian Rashës te video e Ziada Çobos me pistoletë, momentet më të vështira të Ardi Veliut appeared first on Albeu.com.

Veliu u shpreh se do të donte që në këtë moment t’i përkushtohej më shumë familjes së tij, pasi sipas tij fëmijët i ka në një moshë delikate dhe duan më shumë vëmendje e përkujdes.

Ai u shpreh se kjo periudhë 4 vjeçare që ai ka qenë në krye të institucionit, ka qenë më e vlefshmja për të dhe se mezi pret të bashkëpunojnë sërish me Ramën, sipas tij në punë të mira për shtetin.

Ai ka bërë edhe një bilanc të thjeshtë të punës së tij ku është shprehur se ka dhënë kontributin e tij për një sërë krizash në vend, duke filluar që nga kriza e emigrantëve në kufij, përballimi i protestave që sipas tij kanë qenë të dhunshme dhe lufta ndaj kriminalitetit në vend./albeu.com

The post Ardi Veliu zbulon arsyet e dorëheqjes: Dua t’i përkushtohem fëmijëve, janë në moshë delikate (FOTO LAJM) appeared first on Albeu.com.

Lajmin e Bëri të ditur vetë kryeministri Rama përmes një njoftimi në Tëitter.

Rama ka falenderua Veliun për punën e bërë deri më sot dhe ka shprehur bindjen se se ai ka ende shumë për t’i dhënë shtetit shqiptar./albeu.com

Me konsideratën më të lartë për ndershmërinë, profesionalizmin dhe përkushtimin e posaçëm të Drejtorit të Përgjithshëm të Policisë së Shtetit, Ardi Veliu, dhe me bindjen se ai ka akoma shumë për t’i dhënë shtetit në detyra të tjera, e falenderoj nga zemra për kontributin e vyer. pic.twitter.com/C7dCbHvulC

— Edi Rama (@ediramaal) October 5, 2021

The post ZYRTARE/ Ardi Veliu i dorëzon detyrën Ramës (FOTO LAJM) appeared first on Albeu.com.