Sipas prokurorisë, ndaj babait të të dyshuarit është ndërmarrë masa e ndalimit pasi dyshohet se, pas therjes me thikë, nuk i ka ofruar ndihmë viktimës.

Në njoftim thuhet: “Me vendim të prokurorit të shtetit, i dyshuari B.H., është ndaluar për 48 orë, për shkak të dyshimit të bazuar se ka kryer veprën penale “Vrasja e rëndë”, sipas Kodit Penal të Republikës së Kosovës. Po ashtu, është ndaluar për 48 orë edhe babai i tij, për shkak të dyshimit të bazuar për kryerjen e veprës penale “Mosdhënia e ndihmës”, sipas Kodit Penal të Republikës së Kosovës.”

Organi i akuzës ka sqaruar se B.H., pas kryerjes së veprës penale, fillimisht kishte qenë në arrati, por më pas, falë veprimeve intensive operativo-hetimore të Policisë së Kosovës, është lokalizuar dhe arrestuar.

Sipas prokurorisë, rasti ka ndodhur më 29 qershor 2026, rreth orës 23:15, në fshatin Zlipotok të Dragashit, ku viktima, që ishte imam i fshatit, u privua nga jeta me mjet të mprehtë (thikë).

Njoftimi bën të ditur se vdekja e viktimës është konstatuar nga mjeku në vendin e ngjarjes, ndërsa trupi i pajetë është dërguar për obduksion në Institutin e Mjekësisë Ligjore (IML) në Prishtinë.

Po ashtu, në njoftim thuhet: “Prokuroria Themelore në Prizren, në bashkëpunim me Policinë e Kosovës, është duke vazhduar hetimet intensive për zbardhjen e motiveve dhe rrethanave të plota të kësaj ngjarjeje. Brenda afatit ligjor, Prokuroria do të parashtrojë kërkesë për caktimin e masës së paraburgimit ndaj të dyshuarve.”

The post Në Dragash vihet në pranga edhe babai i të dyshuarit për vrasjen e imamit appeared first on Albeu.com.

Sipas kërkesës së Prokurorisë, dyshohet në mënyrë të bazuar se më 28 qershor, rreth orës 22:40, në rrugën “Sejdi Sejdiu” në Ferizaj, “e pandehura ka privuar nga jeta tani të ndjerin F.H., pas një mosmarrëveshje dhe përleshje fizike në mes tyre, me të cilën ka kryer veprën penale “Vrasja””.

Në të njëjtin rast, lëndime trupore ka marrë edhe e dyshuara A.R., për të cilat dyshohet se i janë shkaktuar nga viktima, tashmë i ndjeri F.H., dhe më pas ka pranuar trajtim mjekësor në Qendrën Klinike Universitare të Kosovës (QKUK).

Ndërkohë, i dyshuari me inicialet M.B., i cili ishte ndaluar deri në sqarimin e plotë të rrethanave dhe të përfshirjes së tij në këtë rast, është liruar me aktvendim të Prokurorit të Shtetit.

The post Kërkohet masa e paraburgimit për 24-vjeçaren e dyshuar për vrasjen e një të riu në Ferizaj appeared first on Albeu.com.