Klubi prej kohësh kërkonte të rinovonte kontratën me portierin, duke arritur deri te shifra 8 milionë euro në sezon.

Megjithatë menaxheri i tij, Mino Raiola, mendon se lojtari që ai menaxhon mund të përfitojë më shumë në skuadra të tjera, e sigurisht edhe të sigurojë më shumë trofe se sa te kuqezinjtë për të cilët arritja e madhe e viteve të fundit ishte kthimi në Ligën e Kampioneve.

Ndaj divorci është bërë i pashmangshëm dhe këtë e konfirmoi sot Maldini në një intervistë kur u pyet rreth portierit.

“Mendoj se duhen falënderuar të gjithë lojtarët që kanë bërë këtë sezon të pabesueshëm. Xhixho ka qenë lider dhe shpesh kapiten. Njerëzit e kanë të vështirë të kuptojnë çfarë do të thotë të jesh profesionist, që duhet të jesh gati të ndryshosh fanellën. Është e vështirë ta pranosh, është gjithmonë më e vështirë të gjesh karrierë.

Duhet të ketë respekt për kë ka dhënë shumë te Milani, nuk ka treguar kurrë mungesë respekti. Rrugët tona ndahen, nuk mund të bëj gjë tjetër veçse t’i uroj më të mirën”, ishin fjalët e Maldinit që solli kështu divorcin me portierin.

The post Merr fund aventura e Donnarummas te Milani, e njofton Maldini appeared first on Albeu.com.

Të dielën, dy skuadrat e mëdha italiane zhvillojnë përballjen e drejtpërdrejtë për një vend në top-katërshe.

Në javët e fundit madje është spekuluar se pikërisht Juventusi është duke e kërkuar 22-vjeçarin. Agjenti i tij, Mino Raiola, ka thënë se ka marrë oferta me pagë vjetore prej 10 milionë eurosh.

Në anën tjetër, Juventusi është në një situatë të veçantë me Ronaldon, i cili është rreth 31 milionë euro në sezon edhe në periudhën e pandemisë së coronavirusit.

Portugezi dëshiron të largohet, mirëpo Zonja e Vjetër e ka të vështirë që të gjejë klub për shitjen e tij. Duke qenë në vitet përfundimtare të karrierës, CR7 nuk e ka në plan të mungojë në Ligën e Kampionëve.

Për më shumë, në rast të moskualifikimit, as Juve nuk do të arrinte t’ia jepte pagën e majme, si edhe nuk do të mund ta zëvendësonte, pasi do t’i mungonin të hyrat e mëdha nga gara evropiane.

Skuadra që do të humbë të dielën rrezikon të mbetet jashtë Ligës së Kampionëve, prandaj nëse i ndodh Juventusit, atëherë do ta humbë edhe Ronaldon; teksa nëse i ndodh Milanit, pritet ta humbë Donnarumman.

The post Juve-Milan, dueli vendimtar për të ardhmen e Ronaldos dhe Donnarummas appeared first on Albeu.com.