Donnarumma Archives - Albeu.com

Donnarumma joshet nga oferta e Manchester United

V K — Tue, 05 Aug 2025 12:27:45 +0000

E ardhmja e Gianluigi Donnarumma te Paris Saint-Germain mbetet e paqartë, ndonëse ai ka qenë një nga lojtarët kyç në sezonin e jashtëzakonshëm të klubit francez.

Edhe pse PSG u mposht nga Chelsea në finalen e Kupës së Botës për Klube, sezoni 2024-2025 rezultoi i suksesshëm si në Ligue 1 ashtu edhe në Evropë.

Megjithatë, kampionët e Francës dhe të Evropës kanë një pikëpyetje të madhe përpara, Donnarumma ende nuk ka rinovuar kontratën, e cila skadon në qershor të vitit 2026.

Portieri italian, 26-vjeç, ka qenë një lider në prapavijë nën drejtimin e Luis Enrique, por bisedimet për rinovim kanë ngecur prej disa kohësh.

Sipas raportimeve nga “TEAMtalk”, Manchester United është klubi më i interesuar për ta afruar atë këtë verë, duke synuar ta zëvendësojë Andre Onana.

Donnarumma, thuhet se është i hapur ndaj një aventure në Ligën Premier, dhe “Djajtë e Kuq” shihen si favoritë për nënshkrimin e tij.

Megjithëse ende nuk ka një marrëveshje konkrete, interesimi i United dhe dëshira e portierit për një sfidë të re mund të sjellin një transferim të bujshëm gjatë merkatos së verës.

Gjithnjë sipas “TEAMtalk”, Donnarumma po joshet nga oferta e Manchester United, me gjigantin nga “Old Traford” që shihet si favoriti kryesor për të siguruar shërbimet e italianit.

Vlen të theksohet se në garë për Donnarummën janë edhe skuadrat tjera të mëdha angleze si Manchester City dhe Chelsea.

The post Donnarumma joshet nga oferta e Manchester United appeared first on Albeu.com.

Dëmtimi i Donnarumma/ Pamje të rënda, portieri italian rrezikoi jetën në fushën e lojës (FOTO+VIDEO)

V K — Thu, 19 Dec 2024 09:56:06 +0000

Gjatë ndeshjes mes PSG dhe Monaco në Ligue 1, në fushën e kësaj të fundit, portieri italian Gianluigi Donnarumma pësoi një dëmtim serioz në fytyrë, pas një ndërhyrjeje të ashpër nga Wilfried Singo, sulmuesi kundërshtar.

Episodi i frikshëm, që i rrezikoi seriozisht syrin, më së paku, portierit italian ndodhi në minutën e 20-të të ndeshjes, kur Singo e goditi Donnarumma në fytyrë me takat e këpucës, duke i shkaktuar disa plagë të dukshme.

Pas incidentit, Donnarumma u detyrua të largohej nga fusha dhe u zëvendësua. Pavarësisht dëmtimit, portieri arriti të dilte nga fusha me këmbët e tij.

PSG ka konfirmuar se ai do t’u nënshtrohet sot ekzaminimeve mjekësore, për të përcaktuar shkallën e plotë të dëmtimit dhe sa duhet të qëndrojë larg aktiviteteve sportive.

Donnarumma 😨 pic.twitter.com/ldsYQ502TE

— Deen (@Deens786) December 18, 2024

The post Dëmtimi i Donnarumma/ Pamje të rënda, portieri italian rrezikoi jetën në fushën e lojës (FOTO+VIDEO) appeared first on Albeu.com.

“Na pret një rrugëtim i bukur me Spallettin”, Donnarumma: Kam studiuar çdo detaj të Buffon

E B — Wed, 06 Sep 2023 11:25:16 +0000

Italia do të nisë epokën “Spalletti” në ndeshjen e datës nëntë shtator ndaj Maqedonisë së Veriut, sfidë kjo e vlefshme për kualifikueset e Euro 2024. Grupi ka nisur tashmë të stërvitet nën urdhrat e ish-trajnerit të Napolit, teksa portieri Gianluigi Donnarumma shprehet i bindur se kombëtarja do të ketë një rrugëtim të shkëlqyer me Spallettin. Ndër të tjera, numri një i Paris Saint-Germain, theksoi se prezenca e Buffon në kombëtare është një plus i madh.

“Me Spallettin jemi shumë komod, nuk e njihnim, por të gjithë e dinim atë se çfarë arriti në sezonin e kaluar. Besoj se do të bëjmë një rrugëtim fantastik së bashku, jemi shumë të lumtur dhe optimist. Buffon? E shoh njësoj si herët e tjera, është entuziast dhe përpiqet t’i ndihmojë të gjithë. Mjafton prezenca e tij në kombëtare për t’i dhënë një forcë më shumë të gjithë grupit, jemi të lumtur që është pjesë e jona.

Unë kam mësuar gjithçka nga Buffon, e kam vëzhguar me detaje. Teknikën, mënyrën si qëndron në portë, faktin që nuk përfshihet kurrë nga emocionet. Ka qenë numri një në gjithçka, më ka dhënë shumë këshillë. Nga një si ai ke gjithjë për të mësuar”, u shpreh Donnarumma.

The post “Na pret një rrugëtim i bukur me Spallettin”, Donnarumma: Kam studiuar çdo detaj të Buffon appeared first on Albeu.com.

Buffon: Donnarumma është portieri i vetëm që mund të më zëvendësonte

admin — Mon, 10 Oct 2022 13:53:29 +0000

Gjatë një ceremonie për dorëzimin e çmimeve “Scopigno” dhe “Pulici” në Sallën e Nderit Coni, ish-kampioni i botës në vitin 2006 Gigi Buffon, portieri i Parmës është shprehur i bindur për performancën e Donnarumma. “Donnarumma? Jemi në duar shumë të mira, ai po bën një karrierë dhe performancë të jashtëzakonshme. Ai ka cilësi të jashtëzakonshme, [...]

“Është një familje e madhe për mua”, Donnarumma i lumtur te PSG

admin — Thu, 04 Aug 2022 06:39:02 +0000

Portieri i PSG-së, Gigio Donnarumma foli për “Sky Sport” për ndjesinë e tij në këtë fillim të vitit të tij të dytë në Francë dhe për ardhjen e trajnerit të ri Galtier.

“Ndihem vërtet si në shtëpinë time këtu, ndihem shumë mirë. Ky klub është diçka e pabesueshme. Nuk mund të shpjegohet ndjesia që të jep.

Kjo është një familje dhe unë jam i lumtur që jam këtu, dua të qëndroj atje sa më gjatë dhe të bëj historinë e këtij klubi”, është shprehur gardiani i portës./ h.ll/albeu.com

The post “Është një familje e madhe për mua”, Donnarumma i lumtur te PSG appeared first on Albeu.com.

Donnarumma gati për të marrë “timonin”, për Galtier ai do të jetë titullari

admin — Wed, 06 Jul 2022 09:51:56 +0000

Në një gjë janë të qartë të gjithë, se Donnarumma dhe Keylor Navas nuk do të kenë më përplasje së bashku sezonin e ardhshëm.

23-vjeçari italian duket se fitoi votën e trajnerit të ri francez, Galtier. Për teknikun e ri i cili u prezantua ditën e djeshme te PSG, Donnarumma do të jetë titullari për sezonin e ardhshëm.

Ai u tregua i qartë në konferencën për shtyp, kërkon hierarki të përvijuara mes posteve. Indikacioni në fakt kishte mbërritur tashmë nga stafi drejtues pranverën e kaluar dhe Navas thjesht duhet të pranojë rolin e dytë ose të kërkojë një ekip tjetër.

Në sezonin e kaluar, Pochettino ka arritur mjaft mirë të balancojë mundësitë për të dy portierët, ku Navas luajti 26 ndeshje dhe Donnarumma 24 ndeshje, por me një tension të vazhdueshëm që prishi performancën e të dyve dhe shkaktoi pakënaqësi dhe nervovizëm./ h.ll/albeu.com

The post Donnarumma gati për të marrë “timonin”, për Galtier ai do të jetë titullari appeared first on Albeu.com.

Tifozi e fyen, por Donnarumma nuk e lë me kaq, shikoni reagimin e egër të italianit (VIDEO)

admin — Sun, 12 Jun 2022 14:25:03 +0000

Portierit të Italisë Gianluigi Donnaruma i ka ndodhur e pa pritura gjatë grumbullimit me kombëtaren.

Një tifoz i Milanit e fyeu portierin e PSG-së madje duke e sharë dhe kërcënuar, por ky i fundit nuk e la me aq.

Ai iu kthye tifozit duke ju kundërpërgjigjur me të njëjten monedhë, por gjakrat u qetësuan teksa portieri italian shkroi pranë tifozëve dhe filloi tju japë autografe të tjerëve. /albeu.com/

The post Tifozi e fyen, por Donnarumma nuk e lë me kaq, shikoni reagimin e egër të italianit (VIDEO) appeared first on Albeu.com.

PSG zgjedh mes Keylor Navas dhe Donnarumma

admin — Sat, 14 May 2022 08:32:51 +0000

Siç raporton gazeta L’Equipe këtë të shtunë në skuadrën franceze ata tashmë kanë marrë një vendim të rëndësishëm për sezonin e ardhshëm, duke zgjidhur kështu një dyshim që ka mbetur.

Klubi francez ka zgjedhur portierin titullar. Ai është Gianluigi Donnarumma, performancat e të cilit kanë bindur më shumë. Kështu, Keylor Navas pritet të largohet në verë.

Nuk kanë shumë mundësi për t’u rikthyer as Sergio Rico i huazuar te (Real Mallorca), Marcin Bulka (Nice) dhe Alphonse Areola (West Ham). /albeu.com/

The post PSG zgjedh mes Keylor Navas dhe Donnarumma appeared first on Albeu.com.

“Lamtumira e fundit”, yjet e njohur të futbollit mblidhen në funeralin e Raiolës

admin — Fri, 06 May 2022 09:28:55 +0000

Një mori emrash të mbushur me yje ishin të pranishëm për të bërë nderimet e tyre në funeralin e super agjentit Mino Raiola në Monte Carlo.

Erling Haaland i Borussia Dortmund, iu bashkua lojtarëve si Zlatan Ibrahimovic i Milan dhe Gianluigi Donnarumma i PSG-së në shërbimin e djeshëm për njeriun që i përfaqësoi ata. Por gjithashtu gjendeshin aty edhe Nedved, Kluivert, Verratti etj.

Raiola, i cili kishte jetuar në Principatë për disa vite, vdiq të shtunën pas një beteje me sëmundjen në moshën 54-vjeçare.

Fillimisht ai qëndroi në spital në fillim të vitit dhe iu nënshtrua një operacioni shumë delikat në janar.

Javën e kaluar, mediat italiane kishin pretenduar gabimisht se ndërmjetësi i futbollit kishte ndërruar jetë, gjë që më pas u raportua nga shtypi botëror.

Megjithatë, familja e tij konfirmoi lajmin e hidhur për vdekjen e tij vetëm dy ditë më vonë.

Raiola vuante nga një sëmundje e mushkërive, sipas gazetës gjermane “Bild”, përpara se të vdiste.

Vdekja e tij tronditi botën e futbollit dhe shumë nga lojtarët që ai përfaqësoi gjatë gjithë karrierës së tij udhëtuan në Monako për ta nderuar atë në një ceremoni private të mbajtur për familjen dhe miqtë e ngushtë në kishën Saint-Charles./ h.ll/albeu.com

The post “Lamtumira e fundit”, yjet e njohur të futbollit mblidhen në funeralin e Raiolës appeared first on Albeu.com.

Bëri gafë te momenti i golit, Donnarumma lë nam edhe me një tjetër veprim (VIDEO)

admin — Tue, 19 Apr 2022 06:00:07 +0000

Gigio Donnarumma u bë protagonist në ndeshjen e djeshme kundër Marseille.

Portieri kampion Europe gaboi te goli i shënuar nga skuadra mike, por gjithsesi PSG në fund fitoi me rezultatin 2-1.

Në minutat shtesë portieri i PSG mori sërish vëmendjen me një veprim që bëri.

Donnarumma ??????
pic.twitter.com/yteJ4dpAaQ

— Haych (@HaychhAFC) April 17, 2022

Donnarumma la portën dhe kur mori topin në zotërim në vend të largonte e nxori jashtë shumë pranë.

Duke parë gabimin u detyrua ta merrte vetë topin dhe të mos ia jepte kundërshtarit, ccka solli edhe karton të verdhë për italianin. /h.ll/albeu.com

The post Bëri gafë te momenti i golit, Donnarumma lë nam edhe me një tjetër veprim (VIDEO) appeared first on Albeu.com.