Sipas Haxhiut, gjatë këtij takimi është vënë në pah domosdoshmëria e një reagimi institucional më të shpejtë, si dhe e një bashkërendimi më të mirë mes të gjitha mekanizmave përgjegjës, në mënyrë që secili rast dhune të trajtohet me kujdesin dhe seriozitetin e kërkuar.

Në diskutim ka qenë edhe rëndësia e parandalimit të dhunës nëpërmjet edukimit, rritjes së vetëdijes publike dhe forcimit të koordinimit ndërinstitucional, ku përfshihen Policia, sistemi i drejtësisë dhe shërbimet sociale.

Postim i plotë:

Sot mirëprita në takim zëvendëskryeministren dhe ministren e Drejtësisë, Donika Gërvalla-Schwarz, njëkohësisht koordinatore kombëtare për mbrojtje nga dhuna në familje, dhuna ndaj grave dhe dhuna në baza gjinore. Theksuam nevojën për reagim të shpejtë institucional dhe koordinim më të mirë ndërmjet të gjitha hallkave përgjegjëse, në mënyrë që çdo rast dhune të trajtohet me seriozitetin dhe kujdesin e duhur.

Diskutuam gjithashtu domosdoshmërinë e parandalimit të dhunës përmes edukimit, rritjes së ndërgjegjësimit publik dhe forcimit të bashkëpunimit ndërinstitucional, përfshirë policinë, sistemin e drejtësisë dhe shërbimet sociale.

Lufta kundër dhunës me bazë gjinore kërkon angazhim të vazhdueshëm dhe zero tolerancë ndaj çdo forme të saj, si dhe krijimin e një mjedisi ku gratë dhe vajzat ndihen të sigurta e të mbrojtura në çdo hap të jetës.

The post Haxhiu zhvillon takim me Gërvallën, në fokus reagimi i shpejtë dhe bashkëpunimi institucional appeared first on Albeu.com.

Gjatë këtij panairi, qytetarët patën rastin të marrin informacione dhe këshilla juridike falas nga Agjencia për Ndihmë Juridike Falas dhe organizatat partnere, mes tyre Instituti i Kosovës për Drejtësi, Qendra Kosovare për Rehabilitimin e të Mbijetuarve të Torturës, Social Housing and Property Rights in Kosovo (SHPRK), Qendra për Ndihmë Juridike dhe Zhvillim Rajonal, si edhe Programi për të Drejtat Civile në Kosovë.

Duke theksuar rëndësinë që shërbimet juridike falas të jenë sa më pranë qytetarëve, Gërvalla u shpreh se aktivitete të tilla si Panairi i Ndihmës Juridike Falas u mundësojnë qytetarëve të njoftohen drejtpërdrejt për të drejtat dhe shërbimet që u takojnë, duke e bërë drejtësinë më afër dhe më të qasshme për të gjithë.

“Synimi ynë është t’i informojmë qytetarët edhe më shumë për mundësitë që kanë, sepse jo gjithkund dhe jo në çdo cep të Kosovës dihet se, kur ke nevojë për ndihmë juridike, atë mund ta marrësh edhe falas. E dimë se nuk është puna më e lehtë, pasi ju punoni me kategoritë më të cenueshme të shoqërisë sonë, mirëpo pikërisht për këtë puna dhe angazhimi juaj janë jashtëzakonisht të rëndësishme”, tha ajo.

Në dispozicion të qytetarëve ishte edhe Zyra Mobile Lëvizëse e Agjencisë për Ndihmë Juridike Falas, e cila ofroi këshilla juridike dhe bëri referimin e rasteve për trajtim të mëtejmë profesional në zyrat rajonale.

The post Gërvalla në Panairin e Ndihmës Juridike Falas: Qytetarëve t’u afrohet drejtësia appeared first on Albeu.com.