Donat Rrudhani po rikthehet gradualisht në nivelin e tij më të mirë, teksa mesfushori ka shënuar përsëri me fanellën e Sionit.

Ylli i Kosovës e ka gjetur rrugën e rrjetës në Superligën e Zvicrës për të dytën ndeshje radhazi.

Kësaj here, Rrudhani realizoi një eurogol nga largësia, duke goditur fuqishëm me vollej dhe duke e lënë portierin të shtangur, pa mundur të bënte gjë tjetër veçse të ndiqte topin me sy.

Nëse e ruan këtë ritëm, Rrudhani pritet të shndërrohet patjetër në një alternativë për Franco Fodan, veçanërisht pas periudhës së mungesës, gjatë së cilës emri i tij është parë vetëm në listën e gjerë.

The post Donat Rrudhani shkëlqen sërish, realizon gol spektakolar për Sionin appeared first on Albeu.com.

Paraqitjet e spikatura të Donat Rrudhanit dhe Kastriot Imerit u shpërblyen me përfshirjen e tyre në formacionin më të mirë të javës në elitën e futbollit zviceran.

Dy futbollistët patën rol të rëndësishëm në sukseset e Sionit dhe Young Boys, ekipet e tyre përkatëse.

Rrudhani shënoi në triumfin 3-0 të Sionit kundër Luzernit. Në këtë edicion, ai po tregon shenja të rikthimit në formën e dikurshme, me synimin për të qenë përsëri pjesë e planeve të përzgjedhësit të Kosovës, Franco Foda.

Ndërkohë, Imeri realizoi gol ndaj ish-klubit të tij, Thun, me të cilin kishte fituar titullin në Zvicër edicionin e fundit. Young Boys triumfuan me rezultatin e thellë 0-6.

Formacioni i javës është përzgjedhur nga SofaScore.

The post Donat Rrudhani dhe Kastriot Imeri përfshihen në formacionin e javës në Zvicër appeared first on Albeu.com.

Donat Rrudhani e ka hapur me gol sezonin 2026/27 në elitën e futbollit zviceran.

Mesfushori ofensiv kosovar luajti rol të rëndësishëm në fitoren bindëse 3:0 që Sioni arriti në shtëpi ndaj Luzernit, në kuadër të javës së dytë të Superligës zvicerane.

27-vjeçari kaloi vendasit në epërsi që në minutën e nëntë, duke zhbllokuar rezultatin. Ai vazhdoi të luante deri në minutën e 63-të, kur u largua nga fusha si zëvendësim.

Në të njëjtën minutë përfundoi paraqitjen edhe bashkëlojtari i tij, Rilind Nivokazi. Ndërkohë, Sionit i munguan dy futbollistët e tjerë kosovarë, Kreshnik Hajrizi dhe Benjamin Kololli, për shkak të lëndimeve.

Për Luzernin, në portë u paraqit portieri shqiptar Simon Simoni.

Sioni siguroi tri pikë të rëndësishme me këtë triumf, kurse Rrudhani, duke shënuar që në fillim të sezonit, dëshmoi formën e mirë që po kalon.

The post Rrudhani realizon golin e parë sezonal, Sioni triumfon 3:0 kundër Luzernit appeared first on Albeu.com.

Ndeshja e zhvilluar në “Stade Olympique de la Pontaise” përfundoi me rezultatin 1:1.

Ismael Gharbi (32′) shënoi për epërsinë fillestare të vendasve.

Për mysafirët shënoi Donat Rrudhani (45+2′), për të cilin ishte ky goli i parë me fanellën e Lausannes.

Për reprezentuesin e Kosovës ishte ky goli i tij i tretë këtë sezon në elitën e futbollit zviceran, përfshirë edhe dy golat e shënuar në gjysmën e parë të sezonit me Young Boys.

Rrudhani ishte titullar dhe qëndroi në fushë për 83 minuta.

Te Lausanne Ouchy ndeshjen e kompletoi kapiteni i tyre Lavdrim Hajrullahu, kurse Alban Ajdini luajti për 74 minuta. Ai u zëvendësua nga shqiptari tjetër, Mërgim Qarri.

Lausanne-Sport është në pozitën e parafundit (11) me 22 pikë të grumbulluara.

Ndërsa, Lausanne Ouchy është në pozitën e fundit me shtatë pikë më pak. /Gazeta Express/

The post Donat Rrudhani shënon në barazimin e Lausannes appeared first on Albeu.com.

Rrudhani i cili u inkuadrua në lojën në pjesën e dytë, realizoi golin e vetëm dhe të fitores për ekipin e tij në minutën e 73-të, pas një goditje të saktë brenda zonës.

Ky është goli i parë këtë sezon i lojtarit që përfaqëson Kosovën.

Në krahun tjetër, për Grasshopers u paraqitën dyshja Amir Abrashi dhe Florian Hoxha.

Young Boys është lider në Superligën e Zvicrës me 41 pikë. /gazetaexpress/

Donat Rrudhani goal vs Grasshoppers

??? pic.twitter.com/7O7RmlWSI7

— Dardanianfan (@Dardanianfan1) January 20, 2024

The post Donat Rrudhani hynë si zëvendësues dhe ia dhuron fitoren Young Boysit appeared first on Albeu.com.