Sipas burimeve, bëhet me dije se 5 persona të maskuar dhe të armatosur pasi kanë dhunuar dhe terrorizuar nënë e bir në një banesë, kanë vjedhur prej aty një shumë prej 8 mijë eurosh dhe 1 milion lekë shqiptar e sende me vlerë.

Nga burime paraprake bëjnë me dije se grabitësit kanë lidhur fillimisht familjarët e më pas kanë kontrolluar të gjithë banesën.

Një i afërm i familjes së personit që ra pre e grabitjes tha për mediat se djali ka pësuar fraktura të mëdha në kokë, (4 fraktura) dhe nëna po ashtu, pasi janë goditur me qytën e automatikut.

“Çunin e familjes e kanë rrahur tmerrësisht, e kanë lidhur dhe më pas i kanë vjedhur. Si lagje nuk na ka ndodhur ndonjëherë kjo gjë. Se dimë se ça po hyn e ça po del. Kush bën kështu veprimesh, duhet pushkatuar. Po është hequr pushkatimi. Ishte nëna me fëmijën vetëm në shtëpi”, tha i afërmi, që është dhe banor i zonës.

Policia dhe grupi hetimor kanë shkuar në vendngjarje dhe kanë marrë në pyetje familjarët për të dhënë më shume detaje rreth grabitjes.

The post “Në fillim i lidhën dhe më pas i rranë”, i afërmi rrëfen grabitjen në Klos: Si u torturuan nënë e bir appeared first on Albeu.com.

Sipas burimeve, ngjarja ka ndodhur rreth orës 2 pas mesnatës.

Familjarët kanë deklaruar në polici se kanë qenë 5 persona të maskuar me armë që pasi kanë hyrë në banesë kanë lidhur familjarët dhe kanë grabitur rreth 8 mijë euro dhe 1 milion lekë.

Gjithashtu bëhet me dije se ndaj familjarëve në banesë është ushtruar edhe dhunë.

Ndërkohë policia po heton ngjarjen dhe po punon për kapjen e autorëve.

Njoftimi i Policisë:

Klos/informacion paraprak

Rreth orës 03.30, datë 02.10.2022, në fshatin Dom, Klos, persona ende të paidentifikuar dyshohet nën kërcënimin e armës, janë futur në banesën e shtetases Sh.Ll, e cila ndodhej në banesë sëbashku me djalin e saj dhe me forcë ju kanë marrë një shumë të konsiderueshme vlerash monetare.

Shërbimet e Policisë kanë shoqëruar 6 persona në Komisariat, dhe vijon kontrolli i zonës për kapjen e personave të përfshirë në këtë ngjarje.

Grupi hetimor nën drejtimin e Prokurorisë vijon punën për zbardhjen dhe dokumentimin e ngjarjes./albeu.com/

The post Grabitje me maska në Klos, rrihen familjarët dhe u merren paratë (VIDEO) appeared first on Albeu.com.