Vendimi i Gjykatës Administrative të Shkallës së Parë Athinë, trupa e 23-të, tre anëtarëshe, në seancën e datës 27 tetor 2004, gjykoi kërkesën e Irena Manekut, kërkesë për revokim mase të non gratës, kundër shtetit grek, për arsye se iu ndalua hyrja në Kakavijë.

Kjo gjyqtare quhet Irena Shpata si mbiemër i vajzërisë, por që nga viti 2011 përdor mbiemrin e bashkëshortit të saj të dytë, Gjoka. Ndërsa në atë kohë përdorte mbiemrin e bashkëshortit të saj të parë Maneku. Me bashkëshortin e saj të parë kishte tentuar të futej në Greqi me datë 24 dhjetor 2002, nëpërmjet pikës kufitare Kakavijë, duke përdorur një vizë të falsifikuar konsullore, përsa i përket afatit dhe duke u përpjekur të paraqitej si vorio epiriote. Pas këtij falsifikimi rmri i ssj u fut në listën e personave të padëshëruar të sistemit Shengen. Iu ndalua hyrja për 10 vite për arsye sigurie publike. Dhe të dhënat e saj së bsshku me shenjat e gishtave u depozituan në bazën përkatëse të të dhënave.

Pak muaj më vonë me 13 shkurt 2003, Irena Maneku u përpoq të futej sërish në Greqi nëpërmjet Kakavijës. Iu ndalua hyrja për arsye të sigurisë publike ngaqë figuronte në listën e të padëshiruarve të zonës Shengen dhe iu dha asaj shkresa përkatëse.

Menjëherë pas kësaj ajo iu drejtua Gjykatës Administrative të Shkallës së Parë Athinë, kundër vendimit të dëbimit. Me vendim të cilin ne e botojmë, kërkesa e saj iu dërgua, Gjykatës Administrative të Shkallës së Parë Janinë, e cila rrëzoi kërkesën e Manekut.

Në vitin 2019 Irena Maneku duke përdorur mbiemrin e bashkëshortit të saj të dytë, bëri kërkesë me emrin Irena Gjoka, për t’u bërë anëtare e Gjykatës së Posaçme Kundër Krimit të Organizuar dhe Korrupsionit. Për këtë gjykatë ka kritere ndaluese për këdo ndaj të cilit ka pezull një proces gjyqësor, ka një dëbim, ndalim hyrjeje në një vend të tretë si dhe regjistrim të emrit në bazën e të dhënave Shengen për probleme ligjore, shkuan media greke.

The post Prokuroria e Përgjithshme: Dokumenti i shtetit grek për dënimin e gjyqtares Irena Gjoka është autentik appeared first on Albeu.com.

Prokuroria e Posaçme, ka arritur në përfundimin se në rastin e Veliajt ekziston “rreziku i helmimit të provave” dhe ngadalësimit apo devijimit në mënyrë të parregullt të procesit, për shkak të funksionit publik që ai mban, por edhe prej sjelljes së tij në raport me agjentët e BKH.

SPAK konstaton se kryebashkiaku i Tiranës, ka dërguar mesazhe intimiduese të një natyre të fortë në drejtim të agjentëve të BKH që kishin në dorë çështjen e tij.

“Në këtë kuptim, duke patur në konsideratë ambientin ku shtetasit nën hetim jetojnë, funksionin publik që ushtron shtetasi Erion Veliaj, njohjet e shumta, lidhjet e siguruara dhe ndikimi mjaft i fortë që buron nga ushtrimi i këtij funksioni, rëndësia e të cilit shtohet në mënyrë eksponenciale nisur nga territori që mbulon dhe fondet publike që administron Bashkia Tiranë, si Bashkia me e madhe në vend, duke vlerësuar sjelljen e shfaqur nga vetë shtetasi nën hetim Erion Veliaj, ndërsa dërgon mesazhe me natyrë të fortë intimiduese në drejtim të hetuesve të BKH-së, të cilëve u kërkon hapur të ndalojnë me thirrjen e bashkëshortes së tij për të dhënë deklarime, pranisë së një prej të kryetarit të Bashkisë Tiranë gjatë takimeve të zhvilluara nga bashkëshortja e këtij të fundit me personat e thirrur nga organi procedues, si edhe gjatë kontrollit të ushtruar nga hetuesit e BKH-së, si edhe duke patur në konsideratë sjelljen e shtetases Ajola Xoxa veçanërisht pas kontrolleve të ushtruara sipas vendimit të Gjykatës së Posaçme të Shkallës së Parë Korrupsionin dhe Krimin e Organizuar, organi procedues ka arritur në përfundimi ekziston rreziku real që disa prova të mos merren apo të merren në një formë të ‘helmuar’”, thuhet në dosjen hetimore të SPAK.

SPAK nënvizon më tej, se ky rrezik është provuar të jetë i prekshëm gjatë gjithë hetimit paraprak, sidomos në raport me personat që janë thirrur për të bërë deklarime pranë SPAK, por edhe me sjelljen që kanë shfaqur Veliaj dhe Xoxa gjatë kësaj periudhe.

“Në kushtet kur shtetasi nën hetim Erion Veliaj provohet të ketë dërguar mesazhe të shkruara në adresë të hetuesve të Byrosë Kombëtare të Hetimit, mesazhe këto që duket se kanë synimin të intimidojnë këta zyrtarë gjatë kryerjes së detyrës së tyre, mund të imagjinohet lehtë më pas sesi ky shtetas mund të sillet me dëshmitarët potencialë në këtë proces, pra me provat që kërkohet të merren nga organi procedues. Gjithashtu, prania e punonjësve të rëndësishëm të bashkisë Tiranë, vartës të drejtpërdrejtë të shtetasit Erion Veliaj, si gjatë kontakteve që shtetësja Ajola Xoxa ka patur me personat e thirrur për të dhënë deklarime në Prokurorinë e Posaçme, ashtu edhe gjatë momenteve të kontrollit në zyrat e “Partners Law” shpk, dëshmon synimin për të vënë në rrezik marrjen e provave, por nga ana tjetër edhe miksimin e funksioneve publike me ato private të titullarit të bashkisë, duke i kërkuar personave që varen prej tij të kenë kontakte të paautorizuara me hetues në kryerje e sipër të detyrës. Nga ana tjetër, duke qenë se pjesa kryesore e hetimit penal është përqendruar në aktivitetet që lidhen me Bashkinë Tiranë, është e qartë se mundësia për të rrezikuar marrjen e provave të nevojshme nga zyrat e këtij institucioni është e prekshme, përsa kohë që nga vetë natyra e tij hierarkike persona të varur në funksionet e tyre mund të intimidohen nga shtetasi nën hetim”.

Ndërkohë, GJKKO çmon se ekzistojnë prova të pakundërshtueshme se shumica e deklaruesve të thirrur nga Prokuroria e Posaçme, janë kontaktuar para dhe pas seancave të marrjes në pyetje nga bashkëshortja e kryetarit të Bashkisë Tiranë, Ajola Xoxa.

“Akoma më e rëndë paraqitet kjo situatë po të kemi në konsideratë dyshimet për kryerjen e veprimeve të cilat pengojnë zbulimin e së vërtetës. Një pjesë e madhe e deklaruesve ka pohuar se janë kontaktuar nga shtetësja Ajola Xoxa dhe madje janë thirrur prej saj, duke i dhënë orientime si duhet të sillen para organit procedues”, nënvizohet në dosjen hetimore./Oranews

The post Dokumenti i SPAK/ Të rrezikshëm: Erion Veliaj intimidoi agjentët e BKH me mesazhe, Ajola Xoxa intimidoi dëshmitarët, nuk shfaqën asnjë… appeared first on Albeu.com.

Ndaj Kryemadhit, GJKKO caktoi masën detyrim paraqitje për akuzën e pastrimit të parave dhe fshehjes së pasurive. Ndërsa Ilir Meta u la në burg për korrupsion, pastrim parash dhe mos deklarim të ardhurash.

Përmes një reagimi në rrjetet sociale, Kryemadhi e quan politike procesin ndaj saj, ndërsa shton se drejtësia e re po vepron me ligje të vjetra.

Kryemadhi ka publikuar dokumentin e vitit 2020 ku shkruhet “Ligji nr. 8331, datë 21.4.1998 “Për ekzekutimin e vendimeve penale”, i ndryshuar, shfuqizohet në momentin e hyrjes në fuqi të këtij ligji.” Po ashtu, deputetja e PL ka publikuar edhe dokumentin nga dosja hetimore e SPAK e firmosur nga prokurorët Altin Dumani, Arben Kraja dhe Sotir Kllapi ku shkruan se masa e sigurisë ndaj saj është cakuar mbi këtë ligj të shfuqizuar nga Kuvendi.

Reagimi

Drejtësia e re me ligjet e vjetra. Të nderuar qytetarë, aq me nxitim dhe aq me urdhër e ka pasur kjo drejtësi e re goditjen time politike, sa që kanë përdorur një ligj të shfuqizuar jo pak por plot 4 vite më parë.

Të jenë analfabetë funksionalë apo ushtarë funksionalë?! Këtë le ta gjykojnë shqiptarët. Shikoni, vlerësoni dhe gjykoni vetë faktet me poshtë, por mos harroni që secilin nga anëtarët e kësaj drejtësie e paguajmë 5-6 mijë euro/muaj ne të gjithë së bashku. Kjo është drejtësia që duam?

The post DOKUMENTI/ Kryemadhi pretendon: Drejtësia më goditi duke përdorur një ligj të shfuqizuar 4 vite më parë appeared first on Albeu.com.

Denoncimi i gazetarit Osman Stafa:

SHEFJA E ONKOLOGJIKUT, SILVANA ÇELIKU, NË DETYRË NË KUNDËRSHTIM ME LIGJIN

Znj. Çeliku në 2021, duhet të dilte në pension. Por kjo nuk ndodhi, pasi shumë afër ditës së pensionimit të saj, ajo merr një titull: “Profesor i Asociuar”. Ky titull i dha mundësinë asaj, të qëndronte ende në punë dhe të emërohej Shefe e Onkologjikut.

Një mjek tjetër i Onkologjikut, Helidon Nini bën padi në Gjykatë, me argumentin se ky titull, i është dhënë në kundërshtim me ligjin.

Gjykata ka arritur në konkluzionet:

1. Dekani i Fakultetit të Mjekësisë nuk i ka përcjellë Departamentit të Kirurgjisë dosjen e kandidates Silvana Çeliku për titullin akademik “Profesor i asociuar”, në shkelje të ligjit për arsimin e lartë dhe Rregullores së UMT-së.

2. Departamenti i Kirurgjisë nuk është njohur me dosjen e aplikantes, nuk është mbledhur asnjëherë për ta shqyrtuar aplikimin dhe nuk ka asnjë vendimmarrje lidhur me të.

3. Drejtuesi i Departamentit të Kirurgjisë, bashkëshorti i Silvana Çeliku, në konflikt të pastër interesi, ka marrë pjesë në procedurën për dhënien e titullit “Profesor i Asociuar” bashkëshortes së tij.

4. Drejtuesi i Departamentit nuk ka njoftuar anëtarët e Departamentit për aplikimin, nuk ka thirrur asnjë mbledhje apo të ketë kërkuar marrjen e një vendimi, por në shkelje të detyrimeve ligjore, ka caktuar një komision të posaçëm për të vlerësuar dosjen e bashkëshortes së tij.

5. Nisur nga shkeljet e rënda proceduriale, Gjykata ka vendosur konstatimin e pavlefshmërisë absolute të vendimit për dhënien e titullit akademik “Profesor i asociuar” dhe heqjen e këtij titulli zonjës Silvana Çeliku.

Pra znj. Çeliku është në atë detyrë vetëm si pasojë e atij titulli, që Gjykata e Shkallës së Parë, ia ka hequr, pasi vlerëson se është marrë në kundërshtim me ligjin dhe në konflikt interesi.

A është kjo arsyeja se pse znj. Çeliku, nuk flet për mungesën e ilaçeve kimio, të cilat nëse nuk jepen sipas protokollit nuk kanë asnjë vlerë për pacientin?

A është kjo arsyeja, marrja e një titulli në mënyrë të padrejtë, që shefja e onkos, të relativizojë skandalet e atij pavioni?

p.s Unë nuk kam asnjë lloj njohje personale me Silvana Çelikun as me Helidon Ninin. As kam pasur të bëj dhe uroj që asnjëherë të mos të kem të bëj me të dy. Me emrin e znj. Çeliku jam njohur për herë të parë në Dosjen “Onkologjiku” dhe për herë të dytë në Komisionin e Shëndetësisë, ku ajo raportoi për skandalin.

Gjithë këto kohë ende nuk kam arritur të jap një përgjigje pyetjes: Si ka mundësi të bëj ato deklarata, ku ndër më skandalozet ishte; “mungesa ka pasur edhe do ketë”?

Si mund të flasë një shefe kështu? Në vend që ajo të ngrejë kujën se ilaçet kimio mungojnë, ajo relativizion çdo gjë.

Më bëri shumë përshtypje, sesi mbronte një sistem (Onkologjikun), i cili në momentin që ajo po fliste mungonin 4 medikamente shumë të rëndësishme. (Gemcitabina, irinotekani, erlotinib, paxlitacel).

Më besoni, unë kurrë nuk do të shkruaj për një mjek, veçse kur ka vendime gjykate, apo kur bëjnë deklarata skandaloze, duke mbrojtur të pavërtetën, në dëm të pacientit.

Jam me të gjithë ata mjekë të cilët punojnë ndershmërisht, e duan këtë vend dhe duan të bëjnë më mirë për shëndetësinë shqiptare.

The post Publikohet dokumenti: Shefja e Onkologjikut Silvana Çeliku, në detyrë në kundërshtim me ligjin appeared first on Albeu.com.

Në këtë shkrese thuhet nder të tjera se shoqëria ndërtuese disponon vendimin për miratimin e lejes së ndërtimit për objektin kompleksi truristik “Prestige Holiday Resort”.

Kjo shkrese mban firmen e Kryeinspektores Dallëndyshe Bicit që është po e njëjta zonjë që sot ndodhet në krye të IKMT.

The post Aksioni ndaj “Prestige Resort”, publikohet shkresa e firmosur nga Dallëndyshe Bici: Resorti me leje appeared first on Albeu.com.

Njoftimi për këtë draft-dokument, që është siguruar nga Schemes, një projekt hulumtues i Shërbimit ukrainas të Radios Evropa e Lirë, vjen derisa luftimet në rajonet lindore dhe jugore të Ukrainës vazhdojnë. Forcat ruse atje po zhvillojnë ofensivën nga disa fronte, kundër rezistencës së fortë ukrainase.

Ky propozim, po ashtu, vjen në kohën kur zyrtarët rusë kanë dhënë sinjale se duan të organizojnë referendume në pjesë të rajoneve ukrainase: Donjeck dhe Luhansk. Pjesë të mëdha të këtyre dy rajoneve kanë qenë nën kontrollin e separatistëve pro-rusë për pothuajse tetë vjet. Por, Rusia dëshiron që të mbajë referendum edhe në rajonin tjetër ukrainas, Herson.

Votimi në këto referendume do të kishte për synim bashkimin e rajoneve të pushtuara me Rusinë, ngjashëm sikurse ka ndodhur në Krime, më 2014.

Vetëm disa ditë para nisjes së pushtimit të Ukrainës, më 24 shkurt, presidenti rus, Vladimir Putin, njoftoi se Rusia po njihte rajonet Donjeck dhe Luhansk si shtete të pavarura – një vendim që Kievi dhe shumica e shteteve të botës e kundërshtuan.

Një kopje e draft-dokumentit

Draft-dokumenti që është siguruar nga Schemes, i titulluar “Manifesti i Këshillit Popullor të Rusisë së Jugut”, mban datën e 16 prillit. Aty nuk specifikohet se cilat territore të pushtuara do të përbënin shtetin e ri të “Rusisë së Jugut”.

Këtij shteti, në këtë draft-dokument i referohen me fjalën “Rus”. Ky është emri që përdorej për t’iu referuar territoreve të organizuara nga shekulli 8 deri në 10, që fillimisht kontrolloheshin nga mbretëria në Kiev, derisa pushteti u bart në Moskë. Kjo gjë më pas çoi në krijimin e Rusisë.

Por, në këtë manifest deklarohet se Ukraina ka humbur legjitimitetin pas revolucionit të Maidanit më 2013-2014, që kulmoi me rrëzimin e presidentit pro-rus, Viktor Yanukovych, nga pushteti.

Rusia, qe një kohë të gjatë, ka tentuar të argumentojë se protestat në rrugë ishin grushtshtet, dhe se Qeveria ukrainase u mor nën drejtimin e “nazistëve” dhe “banderitëve” – një referencë kjo për liderin nacionalist ukrainas në shekullin 20, Stepan Bandera.

“Në përgjigje të terrorit dhe imponimit totalitar të ideologjisë së nazizmit dhe Banderës nga ish-shteti i Ukrainës, ne, në formë të Këshillit Popullor të Rusisë së Jugut, marrim pushtetin në duart tona dhe krijojmë një shtet të ri, Rusinë e Jugut”, thuhet në dokument.

“Ne njohim gjuhën ruse, por po ashtu edhe dialektin ukrainas, si gjuhë amtare dhe gjuhë të komunikimit ndëretnik, me barazinë e të gjitha gjuhëve dhe kombësive”, thuhet në tekstin e këtij dokumenti.

“Ne po ndërtojmë shtetin tonë mbi bazën e të kuptuarit të lidhjeve historike dhe gjenetike dhe unitetit të kombësisë tripalëshe ruse – ukrainas, bjellorus dhe rus – miqësisë vëllazërore dhe ndihmës reciproke”, thuhet po ashtu në dokument.

‘Hersoni po pret çlirimin’ 

Të dhënat nga dokumenti tregojnë se Roman Romanov, një zyrtar i lartë i Partisë Rusia e Bashkuar, është ose autori i dokumentit, ose i përfshirë në krijimin e tij. Rusia e Bashkuar është parti e lidhur me Kremlinin, e cila dominon Parlamentin rus dhe jetën politike të vendit.

Zyrtarët që folën në kushte anonimiteti për Schemes, thanë se dokumenti më pas ka kaluar te këshilltarët e Konstantin Malofeyevit, një biznesmen i pasur dhe me ndikim në Rusi, i cili ka luajtur rol të rëndësishëm në financimin dhe mbështetjen e përpjekjeve separatiste në Luhansk e Donjeck, për vite me radhë.

Malofeyev ishte sanksionuar nga Shtetet e Bashkuara dhe Bashkimi Evropian më 2014 për rolin e tij në aneksimin e Krimesë. Ai është paditur në fillim të prillit për shkak të tentimit për t’i shmangur këto sanksione.

The post Dokumenti zbulon planet ruse për rajonet e pushtuara ukrainase appeared first on Albeu.com.

Në dokumentin në fjalë parashihen ndryshime të kufijve të të gjitha shteteve të rajonit, madje edhe të Kroacisë, ku theksohet se Kosova dhe Shqipëria do të bashkohen, ndërsa pjesa veriore e Kosovës do të fitojë statusin e Tirolit Jugor. Pastaj, një pjesë e Republika Srpskas në BeH do të bashkohet me Serbinë; disa kantone me shumicë kroate të BeH-së do të bashkohen me Kroacinë, ose do të fitojnë status special sikurse të Tirolit Jugor. Ky dokument u tha se është ideuar nga kryeministri slloven, Janez Jansha, i cili thuhet po ashtu se të njëjtin ua ka dërguar disa zyrtarëve të BE-së, në mesin e të cilëve edhe Presidentit të Këshillit Evropian, Charles Michel. Por, vetë Jansha, disa ditë pas publikimit të tij, e mohoi vërtetësinë e tij. Megjithatë, politikanë tjerë të rajonit thanë ta kenë parë edhe më herët të njëjtin. Se dokumenti është pranuar nga Micheli, e kishin konfirmuar fillimisht edhe nga zyra e tij. Kryeredaktori i gazetës sllovene “Necenzurirano”, Primoz Cirman që publikoi ‘non-paperin’ për ndryshim kufijsh, ka thënë se Brukseli e konfirmoi se e kanë marrë dokumentin e kryeministrit slloven, Janez Jansha. “Kur lajmi shpërtheu të hënën, kolegu ynë nga gazeta “Dela” korrespondent i Brukselit, pyeti zyrën Michael dhe zyra së pari konfirmoi se e kishte marrë dokumentin që flet për shpërbërjen e Bosnjë dhe Hercegovinës, por gjysmë orë më vonë e njëjta zyrë thirri e gazetarin e Dela dhe thanë se nuk mund ta mohojnë, por as ta konfirmojnë se e kanë marrë letrën”, tha Primoz Cirman, kryeredaktor në këtë gazetë. Ndërkaq, ekzistencën e këtij dokumenti e konfirmoi edhe Edi Rama, kryeministri i Shqipërisë, duke thënë se e ka parë atë, por se nuk dëshiron ta komentojë. Edhe Halil Matoshi, ish-këshilltar i ish-kryeministrit Ramush Haradinaj, tha se një delegacion slloven ka qëndruar në zyrën e kryeministrit të atëhershëm për 5 minuta, duke e prezantuar këtë plan, por se, sipas tij, ai ishte refuzuar nga Haradinaj.

David L. Phillips, drejtor i Programit për Ndërtimin e Paqes dhe të Drejtat e Njeriut në Institutin për Studimin e të Drejtave të Njeriut në Universitetin Columbia në New York, ka thënë se ideja e shkëmbimit të territoreve dhe e ndryshimit të kufijve është temë e kahmotshme, e nisur nga ish-presidenti Hashim Thaçi. Por, thotë ai, ishte populli i Kosovës ai që i detyroi përkrahësit e kësaj ideje që ta braktisnin atë. Madje Phillips e inkriminon edhe kryeministrin Rama në këtë “mesele”.

“Hashim Thaçi ka provuar të negociojë një shkëmbim territoresh me Aleksandar Vuçiqin; Federica Mogherini ka marrë pjesë në diskutime. Ideja u braktis sepse populli i Kosovës me shumicë dërrmuese refuzon ndarjen. Cili ishte roli i Edi Ramës? Ai mund të ketë qenë autor kontribuues i dokumentit. Minimalisht, ai e përqafoi ndarjen”, thotë Phillips. Ai thekson se ndarja e Kosovës “do të ishte një tradhti e madhe ndaj kombit shqiptar që do t’i shërbente vetëm interesave të Serbisë dhe Rusisë – jo në interes të shqiptarëve”. Vetë dokumentin slloven, profesori amerikan e quan “të pamatur” pasi, sipas tij, ai rekomandon hapa që mund të çojnë në një rifillim të konfliktit të dhunshëm me bazë etnike. “Ndarja duhet të debatohet hapur në një proces transparent. Mbajtja e bisedimeve ‘sekrete’ nxiti spekulimet për një marrëveshje tradhtare. U zbulua se ithtarët e ndarjes ishin të gatshëm t’i dorëzonin minierat Trepçës dhe liqenin e Ujmanit Serbisë. Dhënia e tokave historike shqiptare shkaktoi një trazirë në Kosovë dhe midis shqiptarëve në të gjithë rajonin”, u shpreh ai.

Phillips u ndal te çështja e krijimit të dy shteteve të mëdha në Ballkan, “Shqipërinë e madhe” dhe “Serbinë e madhe”. Ndarjen e kombit shqiptar në disa shtete nga fuqitë e mëdha në fillim të shekullit të kaluar, ai e quan “padrejtësi historike”.

“Shqiptarët vuajtën një padrejtësi historike kur Fuqitë e Mëdha ndanë kombin shqiptar në vende të ndryshme Universiteti Columbia organizoi Projektin e Fqinjësisë Shqiptare për të identifikuar afinitetet midis shqiptarëve në vende të ndryshme dhe për të promovuar bashkëpunimin ndërkufitar në sektorë të tillë si ekonomia, arsimi, kultura dhe mjedisi. Lulzim Basha ishte nikoqir i konferencës kur ishte kryetar i Bashkisë së Tiranës. Një Shqipëri normale mundëson bashkëpunimin midis shqiptarëve pa marrë parasysh vendin e tyre të banimit. Shqiptarët ndajnë të njëjtën kulturë, gjuhë, histori dhe traditë. Ata madje ndajnë të njëjtët emra (p.sh. Berat, Vlora, Alban)”, thekson ai. Ndërsa, për sa i përket projektit të një “Serbie të madhe”, Phillips thotë se koncepti i shteteve etnikisht të pastra është përhapur nga ish-lideri i ish-Jugosllavisë, Slobodan Milosheviq, e që është ringjallur nga kryepropaganduesi i Milosheviqit, presidenti aktual i Serbisë, Aleksandar Vuçiq. “Ngritja e nacionalizmit në Ballkan dhe shkatërrimi përfundimtar i Jugosllavisë ishte një përgjigje ndaj planit të Milosheviqit për të krijuar Serbinë e madhe. Koncepti i shteteve etnikisht të pastra, i përhapur nga Milosheviqi dhe Vojislav Shesheli u diskreditua në vitet 1990. Sidoqoftë, ajo është ringjallur nga Aleksandar Vuçiqi, i cili ishte kryepropaganduesi i Milosheviqit. Virusi i nacionalizmit etik në Ballkan, të cilin e liroi Milosheviqi, është ende i fortë dhe potencialisht destabilizues, veçanërisht midis serbëve që refuzojnë pavarësinë e Kosovës. Kosova u humb për shkak të veprimeve të Milosheviqit. Tani është një shtet i lirë dhe i pavarur, i njohur nga 112 vende, i cili kurrë nuk do të kthehet në kontrollin e Serbisë”, u shpreh profesori amerikan.

I pyetur nëse ky dokumenti slloven është njëfarë presioni mbi Kosovën dhe Serbinë që përfundimisht ta nënshkruajnë marrëveshjen përfundimtare gjithëpërfshirëse, Phillips tha se ai edhe mund t’i shërbejë këtij qëllimi. “Po, mund t’i shërbejë këtij qëllimi. Sidoqoftë, le të mos u japim shumë kredi politikanëve. Vendet në Ballkanin Perëndimor duan integrimin në Evropë, në vend të një ‘mini-Schengeni’, një tjetër ide e keqe që mbështeti Rama. Vlerat evropiane kanë të bëjnë me diversitetin kulturor dhe pranimin e dallimeve. Përveç ‘acquis communautaire’, vlerat janë baza për integrimin e vendeve të Ballkanit Perëndimor në institucionet e BE-së”, potencon ai. Tutje, profesori Phillips, në këtë bisedë, kërkon që në dialogun e lehtësuar nga BE-ja mes Kosovës e Serbisë, të përfshihet me një rol më të fuqishëm edhe SHBA-ja. “Dialogu i lehtësuar nga BE-ja duhet të vazhdojë me një rol më të fuqishëm nga Shtetet e Bashkuara. Formati i Vjenës, i cili çoi në pavarësinë e Kosovës, është një model i mirë për negociatat në të ardhmen”, deklaroi ai. Përfundimisht, ai thotë se shkëmbimi territorial është ide e keqe. Ndërsa i pyetur nëse do të ketë presion nga bashkësia ndërkombëtare nëse ndonjë nga vendet e rajonit do ta përqafonte këtë plan, dhe ndonjë tjetër do ta refuzonte, Phillips thotë se nuk pret një gjë tillë, pasi sipas tij, as Gjermania e as SHBA-ja nuk do ta përkrahnin këtë ide.

“Shkëmbimi territorial është një ide e keqe; pasardhësi i Merkelit nuk do ta mbështesë atë. As Shtetet e Bashkuara nuk do të bëjnë. Administrata e Bidenit është skeptike në lidhje me shkëmbimin territorial, të cilin presidenti Biden e di nga përvoja e tij në Ballkan që është potencialisht destabilizues dhe mund të çojë në konflikt”, theksoi në fund David L. Phillips, drejtor i Programit për Ndërtimin e Paqes dhe të Drejtat e Njeriut në Institutin për Studimin e të Drejtave të Njeriut në Universitetin Columbia në New York./BS

The post Dokumenti slloven për kufijtë, eksperti amerikan ka një paralajmërim (FOTO LAJM) appeared first on Albeu.com.

Mickoski theksoi se sot ka komunikuar me kryeministrin slloven Janesh Jansha, i cili ka mohuar se është autor i ndonjë dokumenti që flet për ndryshimin e kufijve në Ballkan. “Unë kam folur sot me Jansha pasi që jemi miq. Ai tjetër më tha diçka tjetër dhe refuzon dokumentin, duke theksuar se nuk është i vërtetë ai dokument dhe nuk ka dalur nga ai”, theksoi Mickoski në intervistën për Kanal5, përcjell INA. Sipas tij, Jansha e ka njoftuar se eurodeputetja sllovene Tanja Fajon dhe Zoran Zaev kanë bërë një non paper tjetër që e kanë shpërnda në Evropë dhe presim të dal. Mickoski nënvizoi se e ardhmja e Ballkanit nuk është tek ndryshimi i kufijve, por bashkimi në BE. Ai theksoi se nuk mbështet idetë për ndryshim të kufijve.

Ditë më parë ka reaguar edhe kabineti i presidentit të vendit, Stevo Pendarovski. “Pa marë parasysh a ekziston dokument i tillë, ose jo, qëndrimi i presidentit Pendarovski moti kohë është i ditur dhe shumë herë i përsëritur, se çdo ndryshim i kufijve në Ballkan nuk do të kontribuojë për stabilizim të rajonit”, kanë thënë nga kabineti i Pendarovskit për “Slloboden Peçat”.

Nga Qeveria e Maqedonisë së Veriut thonë se nuk posedojnë informacion për ekzistimin e “non pejperit” të tillë.
“Maqedonia e Veriut është anëtare e NATO-s, integriteti dhe sovraniteti i saj territorial është betonuar dhe në këtë kuptim nuk ekziston kurrfarë rreziku. Republika e Sllovenisë ka qenë dhe mbetet përkrahëse e fuqishme e integrimit të Ballkanit Perëndimor dhe kjo është dëshmuar shumë herë deri tani në vepër. Ballkani mundet vetëm të integrohet në BE, që popujt të jetojnë më mirë. Nga ajo perspektivë, në të ardhmen presim heqje të kufijve në pajtim me politikat kufitare evropiane”, kanë deklaruar nga Qeveria në Shkup.

Komentet pasuan shkrimet e ditëve të fundit në Bosnjë dhe Kroaci për një dokument joformal (non-paper) me siç thuhet, propozimin për ndryshimin e kufijve ne Ballkan. Dokumentet e tilla janë joformale dhe shtrohen në negociata të mbyllura brenda institucioneve të BE-së. Mediet kroate e boshnjake thanë se një dokument i tillë i hartuar nga kryeministri i Sllovenisë, Janez Jansha, i është dërguar presidentit të Këshillit Evropian, Charles Michel dhe në të propozohet ripërcaktimi i kufijve në Ballkanin Perëndimor si zgjidhje për problemet e hapura në rajon. Të enjten portali slloven “Necenzurirano.si” publikoi një dokument që pretendon se është kopje e dokumentit. Sipas atij dokumenti propozohet ripërcaktimi i kufirit të Kosovës dhe Serbisë, bashkimi i Kosovës me Shqipërinë, bashkimi i pjesëve me shumicë shqiptare të Malit të Zi dhe Maqedonisë së Veriut me Shqipërinë, mundësia e shkëputjes së Republikës Serbe nga Bosnje e Hercegovina si dhe bashkimi i një pjese të Bosnjës perëndimore me Kroacinë.(INA)

The post Dokumenti për ndryshimin e kufijve në Ballkan, si komentohet në Shkup? appeared first on Albeu.com.