Sipas policisë janë arrestuar shtetasit Ylli Brahimaj, 65-vjeç, aktualisht me masë sigurie “Arrest në shtëpi” dhe Pjerin Brahimaj, 45-vjeç (babë e bir), si dhe është proceduar penalisht shtetasi me iniciale Sh. L., 62-vjeç, i cili dyshohet si bashkëpunëtor i dy të arrestuarve.

Sipas hetimeve, prodhimi i një pasaporte të falsifikuar me shtetësi të huaj kushtonte nga 15 000 deri në 20 000 euro.

Këto dokumente dyshohet se përdoreshin për kalime të paligjshme, drejt vendeve të Bashkimit Evropian dhe Shteteve të Bashkuara të Amerikës.

“Zbulohet një ambient i përshtatur si laborator për falsifikimin e dokumenteve të ndryshm me qëllim dhënien e ndihmës për kalim të paligjshëm të kufirit.

Vihen në pranga 2 shtetas (babë e bir), njëri prej tyre aktualisht me masë sigurie “Arrest në shtëpi”, dhënë nga SPAK, si pjesëtar i një grupi kriminal për të njëjtën veprimtari. Procedohet penalisht bashkëpunëtori i tyre.

Si rezultat i tij u arrestuan shtetasit Y. B., 65 vjeç, aktualisht me masë sigurie “Arrest në shtëpi”, dhënë nga SPAK, dhe P. B., 45 vjeç (babë e bir), si dhe u procedua penalisht shtetasi Sh. L., 62 vjeç, i cili dyshohet si bashkëpunëtor i dy të arrestuarve.

Gjatë kontrollit të banesës, shërbimet e Policisë zbuluan një ambient të fshehtë, të kthyer në laborator për prodhimin dhe falsifikimin e dokumenteve të ndryshme dhe pasaportave.

Po punohet për identifikimin e personave të tjerë të përfshirë në këtë aktivitet”, njofton policia.

Materialet procedurale iu referuan Prokurorisë së Tiranës, për veprime të mëtejshme.

The post Tiranë/ Falsifikonin dokumente për kalim të paligjshëm të kufirit, arrestohen babë e bir (EMRAT) appeared first on Albeu.com.

Dokumenti është pjesë e një projekti të quajtur Projektin Stargate, i cili përfshinte përdorimin e teknologjisë së telepatisë dhe psikokinezës për të arritur në kohë dhe hapësirë. Një nga metodat e përdorura ishte shikimi në distancë, që synonte të transportonte subjekte në kohë të ndryshme të historisë dhe hapësirës, duke përfshirë periudha të shkuara, si një milion vjet para Krishtit. Në këtë kuadër, një subjekt u “transportua” në Mars, në një kohë të caktuar dhe në një pikë specifike të planetit.

Një nga përshkrimet më të habitshme ishte i njërit prej subjekteve, i cili, pasi ndodhi transportimi në Mars, tha: “Duket… Unë kam një lloj pamjeje të zhdrejtë të një… forme piramide apo piramide”. Ky përshkrim u lidh nga analistët e CIA-s me strukturat piramidale në Egjipt, duke ngritur pyetje mbi mundësinë e lidhjeve ndërmjet civilizimeve të lashta dhe Marsit.

Për më tepër, subjekti vijoi: “Janë njerëz shumë… të gjatë, shumë të mëdhenj… por të dobët. Ata duken kështu për shkak të gjatësisë së tyre dhe vishen sikur ishin… Oh, si një mëndafsh shumë i lehtë, por nuk është një lloj veshjeje e gjerë. Sikur të jenë prerë apo matur.” Ky përshkrim i krijon një imazh të një rase të pazakontë dhe misterioze që ka jetuar dikur në Mars.

Këto zbulime kanë ngjallur një sërë diskutimesh dhe spekulimesh mbi mundësinë e ekzistencës së qytetërimeve të lashta jashtë Tokës, dhe gjithashtu mbi rolin që ka luajtur CIA për të eksploruar dhe analizuar këto fenomene. Megjithëse këto janë ende vetëm teoria dhe përshkrime të pazgjedhura, ato kanë stimuluar më tej interesin për jetën jashtëtokësore dhe mundësitë e studimeve të ardhshme mbi planetin Mars.

The post Dokumentet e CIA-s zbulojnë mundësinë e jetës në Mars appeared first on Albeu.com.

Ai paralajmëroi se do t’i bëjë publike dokumentet, në të cilat sipas tij ka të dhëna përvëluese për zyrtarë të lartë.

Gjithashtu, kreu i PD akuzoi se ai u mbajt qëllimisht i izoluar dhe në arrest shtëpie, siç shtoi, për të mos dalë të vërtetat për disa nga çështjet e bujshme që janë në hetim.

“Gjithçka disponon Sali Berisha, do të ua paraqesë ju. Po kam dokumente për politikanë të lartë, direkt të implikuar dhe unë do t’i paraqes para jush. Unë ju thashë, sepse shumë e drejtë pyetja e shtruar. Pse e quan Skapin organizatë kriminale, është gjë shumë e rëndë, apo s’është. Nuk mund ta quaja kurrë nëse nuk do të kisha ato dokumente. Nuk shkon.

Kurse ai është kreu i një organizate kriminale se fle mbi to. Fle mbi to se e kanë kapur mat me Ymer Lalën, për arsye se Luftar Reçi e ka denoncuar Ymer Lalën për vrasje dhe zotëria e tij në 19 pyetje si ka bërë asnjë pyetje për vrasjen dhe e ka ekzauruar nga vrasja. Pra ata që menduan se duke më ndryrë mua në arrest në shtëpi, do të mund të shpëtonin nga të vërtetat, tani do të përvëlohen prej tyre”, u shpreh Berisha.

The post Paralajmërimi i fortë i Berishës: Kam dokumentet dhe do i bëj publike, politikanë të lartë të implikuar direkt te dosja “Toyota Yaris” appeared first on Albeu.com.

Sipas informacioneve policore, bëhet me dije se 32-vjeçari, duke shpërdoruar detyrën, i ka marrë shumën prej 108 000 euro 54 vjeçares.

Berberi ka falsifikuar deklaratën noteriale të bankës, me qëllim përvetësimin e kësaj shume dhe të pronës që do të blihej nga ajo.

Pasi është nënshkruar akti notarial për blerjen e pronës, 54-vjeçarja duhet të ishte pronare e vetme e kësaj prone, ndërkohë që i arrestuari ka shitur pronën që ka qenë e vendosur kolateral për llogari të një banke të nivelit të dytë.

Njoftimi i policisë:

Specialistët e Sektorit për Hetimin e Krimit Ekonomik e Financiar, në drejtimin e Prokurorisë Pranë Gjykatës së Shkallës së Parë të Juridiksionit të Përgjithshëm Tiranë, finalizuan operacionin “Banker”.

Në kuadër të këtij operacioni u ndalua me iniciativë shtetasi K. B., 32 vjeç, banues në Tiranë, për veprat penale “Falsifikimi i vulave, i stampave ose i formularëve”, “Mashtrimi” me pasoja të rënda, dhe “Shpërdorimi i detyrës”.

32-vjeçari, nëpërmjet mashtrimit, duke shpërdoruar detyrën, i ka marrë shumën prej 108 000 euro shtetases F. M., 54 vjeçe, duke falsifikuar deklaratën noteriale të bankës me qëllim përvetësimin e kësaj shume dhe të pronës që do të blihej nga ajo.

Pasi është nënshkruar akti notarial për blerjen e pronës, shtetasja F. M., duhet të ishte pronare e vetme e kësaj prone, ndërkohë që shtetasi K. B., ka shitur pronën që ka qenë e vendosur kolateral për llogari të një banke të nivelit të dytë.

Materialet i kaluan Prokurorisë për veprime të mëtejshme.

The post Tiranë/ Falsifikoi dokumentet e bankës që të përfitonte 108 mijë € dhe pronën e një 54-vjeçareje, vihet në pranga 32-vjeçari appeared first on Albeu.com.

Gjatë kontrollit fizik në ambient, policia gjeti dhe sekuestroi 37 vula të falsifikuara të institucioneve shtetërore brenda dhe jashtë Shqipërisë, dokumente (libreza, leje qarkullimi, deklarata noteriale, dokumente shkollore, dëshmi të aftësive personale) dhe 210 shishe vere të kondarbanduara.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

The post Tiranë/ Zbulohet një kompani që falsifikonte dokumente, arrestohen tre persona appeared first on Albeu.com.

Mësohet se kjo e fundit kërkoi sot përmes avokatit nga GJKKO heqjen e sekuestros ndaj dokumenteve të marra nga SPAK në zyrat e PL-së disa ditë më parë.

Por GJKKO ka rrëzuar kërkesën e Kryemadhit duke mbajtur të sekuestruara dokumentet e marra me urdhër të prokurorit Sotir Kllapi.

Ky i fundit është prokurori që po heton çështjet e lobimit.

“Rezulton se është paraqitur një kërkesë me objekt heqje sekuestro. Duke qenë se këto janë kërkesa në fazën e hetimit paraprak nuk mund të jepen detaje të tjera pasi seanca është me dyer të mbyllura”, njoftoi gjykata.

Avokati i Kryemadhit u paraqit sot në GJKKO duke kërkuar pikërisht zhbllokimin e dokumenteve, gjë që gjykata nuk e ka marrë në konsideratë.

The post Hetimi i SPAK, Monika Kryemadhi kundërshton vendimin për sekuestrimin e provave materiale, GJKKO rrëzon kërkesën appeared first on Albeu.com.

Ndërsa planet e Hamasit për të pushtuar Izraelin dhe mënyra e organizimit të tij zbulohen gradualisht, dokumentet e reja përfshijnë harta ajrore të sulmeve ndaj shkollave dhe një qendre rinore në kibutz Kfar Saad.

Direktiva-“urdhri” për terroristët e Hamasit nuk lë vend për keqinterpretim: “Vrisni sa të mundni, merrni pengje dhe largohuni shpejt për në Gaza”.

Hartat dhe dokumentet e gjetura nga autoritetet izraelite dhe media në kufomat e terroristëve të Hamasit zbulojnë një plan të koordinuar për të shfarosur dhe rrëmbyer fëmijët e vegjël në Kibbutz Kfar Saad, afër Gazës.

Dokumentet janë të shënuara “Top Secret” në arabisht dhe u drejtohen “anëtarëve shumë të trajnuar” të Hamasit.

Plani i sulmit i përshkruar në dokumentet e klasifikuara kishte dy pjesë:

1. Terroristët e Hamasit të rrethojnë dhe depërtojnë fshatrat, duke synuar vendet ku mblidhen civilët, përfshirë fëmijët.

2: Pastaj, jo vetëm për të hapur zjarr ndaj civilëve, por edhe për të rrëmbyer sa të munden, edhe fëmijë të shkollës fillore.

Një faqe e dokumenteve të zbuluara, të titulluara “Tepër sekret”, shpjegon se një plan sulmi përfshin “Kfar Sa’ad”, duke vënë në dukje se “Njësia luftarake 1” do të sulmojë shkollën e re “Da’at”, ndërsa “Njësia luftarake” 2” do të marrë përsipër pengmarrjen.

Hamasi, përveç synimit të shkollës fillore, planifikoi të sulmojë edhe qendrën rinore Bnei Akiva.

Në një faqe tjetër të hartës, nën titullin “Manovra Tepër Sekrete”, Hamasi udhëzon një njësi të sigurojë sulmin e saj në Kfar Saad në lindje, ndërsa një njësi tjetër do të kontrollojë anën perëndimore.

“Vrisni sa më shumë dhe merrni pengje” është direktiva mbizotëruese.

Të gjitha hartat, sipas NBC, janë në duart e autoriteteve izraelite. Sipas një burimi të kanalit, si ushtria ashtu edhe qeveria e Tel Avivit i kanë hartat.

Zyrtarët në Izrael thonë se shërbimet e inteligjencës po mbledhin prova të ngjashme të planeve për të sulmuar fshatrat dhe udhëzime për të synuar gratë dhe fëmijët në përgjithësi.

The post DOKUMENTET/ “Vrisni sa të mundeni dhe merrni pengje”, plani sekret i Hamasit për të sulmuar shkollat dhe qendrat rinore appeared first on Albeu.com.

Kujtojmë se prej datës 26 dhjetor 2022 Luiz Ejlli zyrtarisht është i pandehur për drejtësinë shqiptare, konkretisht nga Gjykata e Fierit, si person i dyshuar për veprën penale të falsifikimit të dokumenteve kryer në bashkëpunim.

Sipas nenit 186 paragrafi i dytë për të cilin ai është marrë i pandehur nga prokuroria e Lushnjës referuar kodit penal rrezikon nga 6 muaj deri në 4 vite burgim, në rast se do të gjendet fajtorë.

Drejtësia e akuzon Ejllin se me profesionin e noterit ai ka falsifikuar deklaratë noteriale për të justifikuar paratë e një personi që ishte në hetim.Kjo histori nis në vitin 2021 aty ku prokuroria do të kërkonte sekuestrot e pasurive të shtetasit F.A sit ë pajustifikuara me burime të ligjshme, sipas FactCheck.

Sekuestro e kërkuara asokohe nga prokuroria e Lushnjës do të pranohej nga gjykata më 28 nëntor të vitit 2021. Pak muaj pas kësaj sekuestro shtetasi F.A i cili po ashtu është i bashkëpandehur me Ejllin ka depozituar një deklaratë noteriale bërë tek Noteri Luiz Ejlli. Më 25 shkurt 2022 shtetasi F.A paraqet në prokurori deklaratën noteriale e cila sipas tij ishte bërë tek zyra noteriale e Luiz Ejllit më datë 16 dhjetor 2015 dhe mbante të dhënat si në facsimile “nr 663 Rep, Nr 213 Kol datë 16.12.2015.

Kjo deklaratë sipas prokurorisë kishte përmbajtjen e marrjes së një huaje në dy këste nga 2008-2015 prej 151 mijë euro dhe 2011-2015 prej 60 mijë euro, para të cilat bashkëshortja e shtetasit F.A i kish marrë për të shlyer një kredi.

E pikërisht kjo deklaratë s’ishte gjendur në arkivat e ministrisë së drejtësisë në përgjigje të kërkesave për informacion, kërkesa në kuadër të hetimit pasurore që po kryente prokuroria e Lushnjës. Kaq ka mjaftuar që prokuroria të krijojë dyshime se mund të ketë një shkelje ligjore dhe ka thelluar hetimet duke zbuluar zyrën noteriale të Luiz Ejllit e po ashtu dhe veprimet e bëra disa vite më parë.

Prokuroria ka kërkuar në arkivat e noterit Luiz Ejlli të dhëna për këtë deklaratë noteriale dhe ajo rezulton si deklaratë por në emër të një tjetër shtetasi dhe aspak bashkëshortes së shtetasit F.A për të cilin hetimi pasurorë ishte finalizuar me sekuestro.

Mospërputhja e këtyre deklaratave ka shtyrë prokurorinë të hap regjistrin e ish noterit Ejlli dhe aty ka zbuluar se as para datë 16.12.2015 e as pas kësaj date shtetasi F.A s’kishte kryer asnjëherë një veprim noterial tek zyra e Luizit. Në konkluzion të këtij hetimi dhe veprimeve noteriale të verifikuara hap pas hapi, prokuroria thotë se kemi të bëjmë me një falsifikim intelektual ku s’është falsifikuar shkrimi apo vula, por përmbajtja e një dokumenti është ndryshuar.

Ndalur tek përgjegjësia penale apo motivi i kryerjes së këtij krimi, prokuroria thotë “Rezulton e Provuar se shtetasi F.A e ka kryer veprën penale të “falsifikimit të dokumenteve, në formën e falsifikimit intelektual në bashkëpunim edhe me ish-noterin Luiz Ejlli, pasi ky i fundit thotë prokuroria i ka patur vulat deri më datë 16 prill 2022 kur i janë marrë në dorëzim dhe janë nxjerr jashtë përdorimit me komision të ngritur nga Ministria e Drejtësisë.

Falsifikim Intelektual sipas prokurorisë provat pasi “Duke qenë se Shkrimi e nënshkrimi i tij dhe gjurmët e vulave në këtë dokument (Deklaratë Noteriale) janë të njëjta me ato që gjenden me aktet e tjera të dorëzuar nga ai tek noterja V.S (e cila mban arkivin e Luiz Ejlli), pra nuk janë të falsifikuara por përmbajtja ndryshon, arrihet në përfundimin e pakontestueshëm që ky dokument i rremë në përmbajtja është krijuar në bashkëpunim midis Luiz Ejlli dhe shtetasit F.A me qëllim që ky i fundit ta përdorte për të justifikuar pasurinë e tij objekt procedimi penal.

The post Akuzohet për falsifikim dokumentesh, shtyhet seanca gjyqësore për Luiz Ejllin appeared first on Albeu.com.

Ato ofrojnë një pamje të luftës në Ukrainë, si dhe zbulojnë numrin e forcave speciale të Mbretërisë së Bashkuar që dyshohet se janë aktive në vend.

Por si dolën në dritë rrjedhjet? Këtu është një afat kohor i shkurtër i situatës:

6 Prill – Raportet për dokumentet e zbuluara shfaqen për herë të parë në media;
7 Prill – Kanali në platformën e lojërave Discord, ku dokumentet u shpërndanë për herë të parë, identifikohet publikisht. Platforma kufizon aksesin në kanal më vonë atë ditë dhe përpiqet të heqë të gjitha imazhet e dokumenteve të rrjedhura;
11 Prill – Sekretari amerikan i mbrojtjes Lloyd Austin flet publikisht për rrjedhjet për herë të parë, duke thënë se SHBA nuk ishte e sigurt se sa dokumente janë zbuluar ose nga kush;
13 Prill – New York Times emëron Jack Teixeira si burimin e postimeve dhe e identifikon atë si anëtar të krahut të inteligjencës të Gardës Kombëtare të Massachusetts. FBI e arreston atë në shtëpinë e familjes së tij pasdite.

Gardiani do të dalë sot në gjykatë në SHBA, ku pritet të akuzohet për heqjen ose transmetimin e informacionit të klasifikuar të mbrojtjes kombëtare – një krim sipas Aktit Kombëtar të Spiunazhit. /albeu.com

The post Gjithçka brenda një jave: Si dolën në dritë dokumentet sekrete të Pentagonit appeared first on Albeu.com.

E njëta shumë i është gjetur edhe një shtetaseje italiane të fshehura në trup dhe në çantën e dorës.

Ndërkohë, shtë arrestuar në flagrancë shtetasja D. I., 57 vjeçe, banuese në Tiranë, pasi tentoi të kalonte kufirin me disa dokumente të dyshuara të falsifikuara.

Njoftimi:

Rinas/Intensifikim kontrollesh në hyrje/dalje, duke përdorur pajisjet bashkëkohore dedektuese, me qëllim parandalimin dhe goditjen e paligjshmërive kufitare.

Evidentohen dhe goditen 2 raste të mosdeklarimit të të hollave në kufi dhe 1 rast i tentativës për të kaluar kufirin me dokumente false.

Tentuan të hynin në vendin tonë, me nga 20 000 paund secili, të fshehura në trup, procedohen penalisht një shtetas anglez dhe një shtetase italiane, si dhe sekuestrohet shuma 40 000 paund.

Arrestohet një 57-vjeçare, pasi tentoi të dilte nga vendi ynë, me pasaportë diplomatike dhe me dokumente pune të dyshuara të falsifikuara.
Shpallet në kërkim një shtetas që dyshohet se ka ndihmuar 57-vjeçaren, me qëllim kalimin e paligjshëm të kufirit.

Shërbimet e Policisë Kufitare të Rinasit, si rezultat i kontrolleve intensive në hyrje/dalje të vendit, me qëllim parandalimin dhe goditjen e paligjshmërive në kufi, si dhe për të garantuar qarkullimin e lirë dhe të sigurtë të shtetasve dhe mallrave, kanë konstatuar 3 raste të këtyre paligjshmërive, konkretisht:

-Në hyrje të Republikës së Shqipërisë, gjatë kontrollit fizik, shtetasit anglez W. A., iu gjetën të fshehura në trup, 20 000 paund. Në përfundim të veprimeve procedurale, u referuan materialet në Prokurori ku nisi procedimi në gjendje të lirë për shtetasin anglez W. A., 39 vjeç, banues në Londër, si dhe iu sekuestrua shuma e parave.

-Në hyrje të Republikës së Shqipërisë, gjatë kontrollit fizik, shtetases italiane E. M., iu gjetën të fshehura në trup dhe në çantën e dorës, 20 000 paund. Për këtë rast, u referuan materialet në Prokurori ku nisi procedimi në gjendje të lirë për shtetasen italiane E. M., 32 vjeç, banuese në Londër, si dhe iu sekuestrua shuma e parave.

– Në dalje të Republikës së Shqipërisë, është arrestuar në flagrancë shtetasja D. I., 57 vjeçe, banuese në Tiranë, pasi tentoi të kalonte kufirin me disa dokumente të dyshuara të falsifikuara (pasaportë diplomatike dhe dokumente pune), të cilat iu sekuestruan në cilësinë e provës materiale. Gjithashtu për këtë rast u shpall në kërkim shtetasi H. P., 57 vjeç, pasi dyshohet se ka ndihmuar shtetasen D. I., për të kaluar kufirin, në kundërshtim me ligjin. Vijon puna për kapjen e këtij shtetasi.

Materialet procedurale i kaluan Prokurorisë, për veprime të mëtejshme.

The post Tentuan të kalonin në Rinas me mijëra paund të padeklaruara, nis procedimi për dy të huajt, në pranga një italiane appeared first on Albeu.com.