Katër emigrantë u arrestuan në zonat e Patisias dhe Omonias. Ata furnizonin me dokumente false udhëtimi dhe të tjera identifikimi emigrantët e parregullt.

Siç thuhet në njoftimin përkatës, janë konfiskuar mbi 2700 dokumente (pasaporta, letërnjoftime, leje qëndrimi dhe leje drejtimi) të palëve të treta dhe me autenticitet të dyshimtë, për secilën prej të cilave çmimi i shitjes varionte nga 200 deri në 800 euro.

Shuma totale që ata do të merrnin nga tregtimi i dokumenteve të konfiskuara vlerësohet të kalojë 600,000 euro.

Gjithashtu u gjetën mjete për të bërë pasaporta false dhe një vulë vize hyrje në aeroportin e Stambollit me origjinalitet të dyshimtë.

Njoftimi i policisë greke

Policia ka shkatërruar një organizatë kriminale që falsifikonte dokumente identiteti dhe pasaporta, duke përdorur makineri falsifikuese moderne.

Pas një operacioni të gjerë policor të Departamentit të Menaxhimit të Emigracionit, në orët e pasdites të datës 09.07.2023, në zonat e Patisias dhe Omonias u arrestuan katër (4) të huaj, të cilët kishin ngritur një organizatë kriminale që trajnonte dhe trafikonte dokumente identiteti dhe pasaporta false.

Të gjithë të arrestuarit ishin me banim të ligjshëm në vend (statusi i refugjatit dhe azilkërkuesit), ndërsa organizata kriminale kishte një laborator të falsifikimit të teknologjisë moderne.

Organizata kriminale, e cila po hetohet për lidhje të mundshme ndërkombëtare, furnizonte emigrantët e parregullt me ​​dokumente të rreme udhëtimi dhe të tjera identifikimi dhe në një apartament në katin e dytë në zonë kishte një laborator të teknologjisë së fundit, me makineri të teknologjisë së avancuar.

U sekuestruan pajisje mjaft të sofistikuara, të përbëra nga pajisje moderne printimi me teknologji lazer, izolues dhe presa profesionale, kompjuterë me softuer të përshtatshëm, vegla të vogla si copa shpimi etj., si dhe ngjitës të posaçëm që ngjyrosen nga aplikimi i dritës UV, bojëra, fije, etj.

Janë sekuestruar mbi 2700 dokumente (pasaporta, karta identiteti, leje qëndrimi dhe leje drejtimi) të palëve të treta dhe me autenticitet të dyshimtë, secila prej të cilave çmimi i shitjes varionte nga 200 deri në 800 euro. Shuma totale që ata do të merrnin nga tregtimi i dokumenteve të konfiskuara vlerësohet të kalonte 600 mijë euro.
Ndër dokumentet e sekuestruara u gjet edhe një pasaportë diplomatike, e cila ishte regjistruar si letër e vjedhur, e humbur më 21.07.2022./Albeu.com/

The post Çmontohet organizata kriminale që falsifikonte pasaporta dhe ua shiste të huajve për 800 euro, 4 në pranga appeared first on Albeu.com.

Të arrestuarit, – M. H., 35 vjeç, Sh. H., 52 vjeç, dhe I. H., 34 vjeç, të tre banues në Tiranë, në bashkëpunim me njëri-tjetrin siguronin dhe sillnin në Shqipëri dokumente të shtetësive të huaja, të falsifikuara.

Shërbimet e Policisë kanë lokalizuar shtetasin M. H., në Kamzë, dhe gjatë kontrollit të dokumenteve i gjetën një dokument (patentë italiane) të dyshuar të falsifikuar.

Nga veprimet hetimore ka rezultuar se shtetasit Sh. H., dhe I. H., siguronin dokumentet e falsifikuara jashtë vendit, dhe më pas ja sillnin shtetasit M. H., kundrejt pagesës, dhe ky i fundit gjente klientë dhe i shiste në Shqipëri.

Njoftimi policisë

Tiranë/ Finalizohet operacioni policor i koduar “Ëatermark”, për goditjen e veprimtarisë kriminale në fushën e falsifikimit të dokumenteve.

Operacioni u zhvillua nga Seksioni për Hetimin e Krimeve Ekonomike dhe Financiare, në DVP Tiranë.

Vihen në pranga 3 shtetas të cilët në bashkëpunim me njëri-tjetrin siguronin dhe sillnin në Shqipëri dokumente të shtetësive të huaja, të falsifikuara.

Specialistët e Seksionit për Hetimin e Krimeve Ekonomike dhe Financiare, në vijim të punës për parandalimin, evidentimin dhe goditjen e paligjshmërive në fushën e krimeve ekonomiko-financiare, bazuar në inteligjencën informative se disa shtetas merreshin me falsifikime dokumentesh, kanë referuar materialet në Prokurori e cila ka regjistruar procedimin penal.

Si rezultat i hetimeve proaktive të kryera në funksion të këtij procedimi penal është dokumentuar me prova ligjore kjo veprimtari kriminale dhe është finalizuar operacioni policor i koduar “Ëatermark”.

Në kuadër të këtij operacioni u bë arrestimi i shtetasve:

– M. H., 35 vjeç, Sh. H., 52 vjeç, dhe I. H., 34 vjeç, të tre banues në Tiranë.

Shërbimet e Policisë kanë lokalizuar shtetasin M. H., në Kamzë, dhe gjatë kontrollit të dokumenteve i gjetën një dokument (patentë italiane) të dyshuar të falsifikuar.

Nga veprimet hetimore ka rezultuar se shtetasit Sh. H., dhe I. H., siguronin dokumentet e falsifikuara jashtë vendit, dhe më pas ja sillnin shtetasit M. H., kundrejt pagesës, dhe ky i fundit gjente klientë dhe i shiste në Shqipëri.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale./albeu.com/

The post Dokumente të falsifikuara, në pranga 3 persona që mashtronin qytetarët në Tiranë appeared first on Albeu.com.

I. C., 34 vjeç, R. B., 19 vjeç dhe H. A., 38 vjeç, të tre banues në Turqi, u gjetën me dokumente identifikimi të dyshuara të falsifikuara, të cilat u sekuestruan në cilësinë e provës materiale.

Njoftimi i policisë:

Policia Kufitare e Rinasit vijon operacionet për parandalimin dhe goditjen e tentativës për kalim të kufirit, me dokumente të falsifikuara.

Finalizohet operacioni policor i koduar “Last guide”.

Tentuan të kalonin kufirin, me dokumente të falsifikuara, arrestohen në flagrancë 3 shtetas turq. Për njërin prej tyre disponohej informacion se kishte ndihmuar shtetas të huaj, për të kaluar kufirin, me dokumente të falsifikuara.

Sekuestrohen dokumente identifikimi të dyshuara të falsifikuara.

Shërbimet e Policisë Kufitare Rinas, në vijim të kontrolleve të detajuara të dokumentacionit që paraqesin shtetasit që hyjnë dhe dalin në këtë pikë të kalimit kufitar, bazuar dhe në informacionet e shkëmbyera me partnerët francezë, kanë organizuar dhe finalizuar operacionin policor të koduar “Last guide”, për goditjen e tentativës për të kaluar kufirin në mënyrë të paligjshme, me dokumente false.

Si rezultat i këtij operacioni u arrestuan në flagrancë shtetasit I. C., 34 vjeç, R. B., 19 vjeç dhe H. A., 38 vjeç, të tre banues në Turqi.

Shërbimet e Policisë, pas informacioneve të shkëmbyera me partnerët francezë, se shtetasi H. A. dyshohej se kishte ndihmuar për të kaluar kufirin në mënyrë të paligjshme, dy shtetas të tjerë, menjëherë kanë kontrolluar dokumentet e tij dhe të shtetasve I. C. dhe R. B.

Gjatë kontrolleve, shërbimet e Policisë iu gjetën këtyre shtetasve, dokumente identifikimi të dyshuara të falsifikuara, të cilat u sekuestruan në cilësinë e provës materiale.

Materialet i kaluan Prokurorisë, për veprime të mëtejshme procedurale. /albeu.com

The post Tentuan të kalonin me dokumente të falsifikuara, arrestohen 3 turqit në Rinas appeared first on Albeu.com.

Punonjësit e Policisë mbi bazën e dyshimeve të arsyeshme për origjinalitetin e dokumenteve, kanë bërë bllokimin e tyre dhe pas verifikimeve të bëra, në laboratorin e Policisë Kufitare, duke përdorur mjetet logjistike bashkëkohore që tashmë disponon Policia Kufitare, rezultoi se lejet e qëndrimit dhe vulat, ishin të falsifikuara.

Gjithashtu, u shpall në kërkim për veprën penale “Dhënia ndihmë për kalim të paligjshëm të kufirit”, shtetasi E. H., 20 vjeç, nga Kosava, rezident në Gjermani, i cili kundrejt shumave të konsiderueshme në euro, iu kishte siguruar lejet  e qëndrimit dhe vulat në pasaporta, këtyre shtetasve.

Njoftimi i policisë:

Policia Kufitare e Rinasit, kontrolle të shtuara duke përdorur teknologjinë bashkëkohore me qëllim evidentimin dhe goditjen e veprimtarisë kriminale, të falsifikimit të dokumenteve.

Arrestohen në flagrancë tre shtetas kosovarë, të cilët tentuan të kalonin kufirin me dokumente të falsifikuara.

Shpallet në kërkim edhe shtetasi që kishte  siguruar dokumentet e falsifikuara, shtetasve të arrestuar, kundrejt pagesës së shumave të konsiderueshme.

Sekuestrohen tre leje qëndrimi gjermane, të falsifikuara.

Në vijim të kontrolleve të shtuara për parandalimin, evidentimin dhe goditjen e paligjshmërisë, shërbimet e Policisë Kufitare  kanë arrestuar në flagrancë, për veprat penale “Falsifikim i dokumenteve” dhe “Falsifikimi i vulave, i stampave ose formularëve”, kryer në bashkëpunim, shtetasit:

– L.I, 24 vjeç, Sh.H, 26 vjeç dhe P.A.,27 vjeç, të tre nga Kosova.

Gjithashtu, u shpall në kërkim për veprën penale “Dhënia ndihmë për kalim të paligjshëm të kufirit”, shtetasi E. H., 20 vjeç, nga Kosava, rezident në Gjermani.

Arrestimi i tyre u bë pasi këta shtetas janë paraqitur te sporteli policor në kabinat e daljes nga Republika e Shqipërisë, pasi do të udhëtonin në drejtim të Gjermanisë, dhe te sporteli kanë paraqitur, lejet e qëndrimit për në Gjermani, dhe pasaporat e tyre të cilat kishin nga një vulë të Maqedonisë së Veriut.

Punonjësit e Policisë mbi bazën e dyshimeve të arsyeshme për origjinalitetin e dokumenteve, kanë bërë bllokimin e tyre dhe pas verifikimeve të bëra, në laboratorin e Policisë Kufitare, duke përdorur mjetet logjistike bashkëkohore që tashmë disponon Policia Kufitare, rezultoi se lejet e qëndrimit dhe vulat, ishin të falsifikuara.

Në vijim të veprimeve u bë e mundur identifikimi dhe shpallja në kërkim e shtetasit E. H., rezident në Gjermani, i cili kundrejt shumave të konsiderueshme në euro, iu kishte siguruar lejet  e qëndrimit dhe vulat në pasaporta, këtyre shtetasve.

Materialet proceduriale ju referuan Prokurorisë së Rrethit Gjyqësor Tiranë, për veprime të mëtejshme./albeu.com

The post Arrestohen tre shqiptarë të Kosovës në Rinas, tentuan të kalonin kufirin me pasaporta të falsifikuara appeared first on Albeu.com.

“Specialistët për Hetimin e Krimit Ekonomik dhe Financiar në DVP Durrës arrestuan në flagrancë për veprat penale “Falsifikimi i letërnjoftimeve, i pasaportave ose i vizave” dhe “Falsifikimi i vulave, i stampave ose i formularëve”, shtetasit E. A., 42 vjeç, Ç. A., 41 vjeç dhe F. A., 39 vjeç, të tre banues në Turqi, pasi janë kapur nga shërbimet e Policisë, në PKK Port Durrës, duke tentuar të kalonin kufirin me dokumente të falsifikuara”, njofton policia./albeu.com

The post Tentuan të kalonin kufirin me dokumente të falsifikuara, arrestohen 3 turqit në Portin e Durrësit appeared first on Albeu.com.

Njoftimi i policisë:

Iu gjetën dokumente të dyshuara të falsifikuara në kufi, arrestohet në flagrancë 41-vjeçari.

Shpallet në kërkim një shtetas tjetër i dyshuar si i përfshirë në falsifikimin e dokumenteve.

Specialistët e Seksionit për Hetimin e Krimit Ekonomik dhe Financiar në Drejtorinë Vendore të Policisë Kukës arrestuan në flagrancë shtetasin A. M., 41 vjeç, banues në Kosovë dhe shpallën në kërkim shtetasin B. E., banues në Kosovë.

Si rezultat i kontrolleve të shtuara, bazuar dhe në analizën e riskut të bërë nga shërbimet e Policisë Kufitare, në hyrje të PKK Morinë, është kaluar për kontroll në vijën e dytë automjeti tip autobus, ku udhëtonte si pasagjer shtetasi A. M.

Gjatë kontrollit në valixhen e shtetasit A. M. u gjetën dhe u sekuestruan në cilësinë e provës materiale disa dokumente të dyshuara të falsifikuara.

Gjithashtu, u shpall në kërkim shtetasi B. E., i cili dyshohet të jetë i implikuar në këtë veprimtari kriminale.

Vijon puna hetimore nën drejtimin e Prokurorisë së Rrethit Gjyqësor Kukës, me qellim zbardhjen e rrethanave të ngjarjes dhe identifikimin e personave të tjerë të përfshirë në këtë veprimtari kriminale.

Materialet i kaluan Prokurorisë së Rrethit Gjyqësor Kukës, për veprime të mëtejshme, për veprën penale “Falsifikimi i letërnjoftimeve, i pasaportave ose i vizave”, kryer në bashkëpunim./albeu.com

The post U kap me dokumente të falsifikuara në doganën e Morinës, arrestohet 41-vjeçari appeared first on Albeu.com.

Njoftimi i policisë:

Port – Durrës

Goditet një rast tentative për kalim të paligjshëm të kufirit.

Vihet në pranga një shtetase, e cila ndihmoi 4 shtetas me qëllim kalimin e kufirit në mënyrë të paligjshme, me dokumenta të falsifikuara.

Specialisët  e Pikës së Kalimit Kufitar Durrës në bashkëpunim me Specialistët për Hetimin e Trafiqeve në DVP Durrës,   si rezultat i kontrolleve të shtuara për parandalimin dhe goditjen e paligjshmërisë kanë arrestuar në flagrancë shtetasen E.B., 34 vjeçe  banuese në Durrës.

Shtetësia e mësipërme, mbrëmjen e djeshme është ndaluar në PKK Durrës, duke ndihmuar të kalojnë kufirin në mënyrë të kundraligjshme, me dokumenta të dyshuara të falsifikuara shtetasit V.Gj., 30, vjeçe, banuese në Durrës; M.Gj., 28 vjeç, banues në Durrës;M.M., 31 vjeç, banues në Tiranë dhe B.P., 30 vjeçe, banuese në Tiranë.

Materialet i kaluan Prokurorisë së Rrethit Gjyqësor Durrës për veprime të mëtejshme./albeu.com

The post Tentoi të kalonte 4 shtetas jashtë kufirit me dokumente false, arrestohet 34-vjeçarja appeared first on Albeu.com.