Sipas uniformave blu, në pranga u vunë 6 shtetas kinezë, M. B., 29-vjeç, X. Zh., 66-vjeç, Zh. W., 52-vjeç, H. J., 45-vjeç, W. Zh., 38-vjeç dhe G. H., 43-vjeçe, të cilët akuzohen për veprën penale “Falsifikimi i pasaportave, letërnjoftimeve ose i vizave, kryer në bashkëpunim”.

Gjatë kontrollit, ata paraqitën pasaporta të Hong Kongut, për të cilat shërbimet e Policisë Kufitare dyshuan se ishin të falsifikuara.

Nga ekzaminimi laboratorik u konfirmua se dokumentet ishin false, duke çuar në sekuestrimin e 6 pasaportave.

Ndërkohë, një tjetër rast u evidentua në hyrje të vendit. Shtetasja A. W., 45-vjeçe, me shtetësi bjelloruse, e cila udhëtonte në itinerarin Treviso–Tiranë, u ndalua për kontroll të thelluar për shkak të dyshimeve mbi qëllimin e udhëtimit.

Gjatë kontrollit fizik dhe të bagazheve iu gjetën dhe sekuestruan mallra për qëllime estetike, si botox dhe fillera, për të cilat kërkohen kushte të posaçme transporti dhe licencë e veçantë posedimi dhe përdorimi, dokumente që ajo nuk i dispononte.

Bjellorusja u arrestua në flagrancë për veprat penale “Kontrabanda me mallra të ndaluara” dhe “Kontrabanda me mallra të licencuara”.

The post Dokumente false e mallra kontrabandë, arrestohen në Rinas 6 kinezë dhe 1 bjelloruse appeared first on Albeu.com.

Pas vendimit të dhënë nga Gjyqtari i seancës paraprake i cili la në fuqi kërkesën e Prokurorisë, policia e Sarandës, ka ekzekutuar masën e sigurisë “detyrim paraqitje” dhe “ndalim i daljes jashtë shtetit” për ish Drejtoreshën e ASHK Sarandë, Aida Demi 40-vjeç, si dhe masat e sigurisë “Arrest në shtëpi” për ish zyrtarët e po të njëjtit institucion, Erald Lika 33-vjeç dhe Ermen Stroka 34-vjeç dhe ish deputetin e Partisë Demokratike Gani Hoxha.

Për të njëjtën vepër penale akuzohen edhe dy ish-specialistet e ASHK Sarandë, E.S. dhe E. L., të cilët me veprimet e tyre të kundraligjshme kanë lejuar legalizimin e një objekti katër kate në favor të një shtetasi i cili ka përdorur dokumenta të falsifikuara.

Ndaj shtetasve më sipër, me vendimin nr 113, datë 13.5.2024, pas kërkesës së organit të akuzës, është caktuar nga Gjykata e Shkallës së Parë e Juridiksionit të Përgjithshëm Sarandë, masa e sigurise “arrest në shtëpi” ndërsa ndaj ish-drejtoreshes së ASHK Sarandë, për shkak të statusit të saj “nënë me fëmijë nën 3-vjeç”, është caktuar masa e sigurisë “detyrim për paraqitje” në policinë gjyqësore dhe “ndalim i daljes jashtë shtetit”.

Masa e sigurisë “arrest në shtëpi”, është caktuar edhe ndaj shtetasit G. H., si personi që ka përfituar padrejtësisht nga procedura e legalizimit dhe që dyshohet se ka përdorur dokumenta të falsifikuara.

Nga këto veprime të kundraligjshme të specialiteve dhe ish-drejtoreshes së ASHK Sarande, është tjetërsuar pasuria (Truall me sipërfaqe 1000 m2 dhe godine katër kate me sip ndërtimi për banim 1359 m2 dhe me sip 1056 m2 aktivitet social ekonomik).

Kjo godinë disponohej dhe jepej me qira prej vitesh nga pronarët e vërtetë një subjekti të njohur tregtar në të gjithë teritorin e vendit, i cili ushtronte aktivitet edhe në periudhën kur janë kryer procedurat e legalizimit

Prokuroria pranë Gjykatës së Shkallës së Parë e Juridiksionit të Përgjithshëm Sarandë, po vijon hetimet edhe për fakte të tjera në ngarkim të zyrtarëve lokale të përfshire në paligjshmeri në ushtrim të detyrave shteterore.

The post Emrat/ Legalizuan objektin me dokumente false, çohet për gjykim ish-drejtoresha e ASHK në Sarandë dhe dy specialistë appeared first on Albeu.com.

Shërbimet e Policisë Kufitare Rinas, pas kontrolleve, kanë goditur 2 raste për të cilat janë arrestuar në flagrancë shtetasi liberian S. K., 32 vjeç, banues në Poloni dhe shtetasi B. M., 34 vjeç, banues në Kosovë.

Këta shtetas i kanë paraqitur punonjësve të Policisë Kufitare, dokumente identifikimi të dyshuara të falsifikuara, për të dalë nga Shqipëria.

Pas verifikimeve nga punonjësit e Policisë Kufitare, me pajisjet dedektuese, ka rezultuar se këto dokumente ishin të falsifikuara.

Dokumentet false janë sekuestruar në cilësinë e provës materiale, së bashku me dokumentet e identifikimit origjinale (pasaportë, ID) të shtetasit liberian, të cilat iu gjetën atij gjatë kontrollit fizik.

Materialet procedurale për këto raste i kaluan Prokurorisë, për veprime të mëtejshme, për veprën penale “Falsifikimi i letërnjoftimeve, i pasaportave ose i vizave”./Albeu.com 

The post Tentuan të kalonin në Rinas me dokumente false, dy të arrestuar appeared first on Albeu.com.

Ditën e sotme është arrestuar nga policia një 39-vjeçar, banues në lagjen “15 tetori” për veprat penale “Mashtrim në kredi” dhe “Falsifikim i vulave, i stampave ose formularëve”.

Policia është vënë në lëvizje pas kallëzimit të bërë nga shtetasi B.M, “pre” e kësaj vepre të bërë nga shtetasi, K.R.

Në pranga janë vënë gjithashtu, një shtetas në Sarandë për veprën penale “Ndërtim të palighshëm”, një shtetas në Selenicë për veprën penale “Plagosje e rëndë me dashje” dhe dy shtetas në lagjen “Pavarësia 3” në Vlorë janë proceduar penalisht për “Organizim i lotarive të palejuara” dhe “Vënia në disapozicion e lokaleve për lojëra të palejuara”.

Njoftimi i Policisë:

DVP Vlorë/ Vihen në pranga 2 shtetas dhe procedohen penalisht 3 të tjerë, për vepra të ndryshme penale.

Specialistët e Hetimit të Krimit Ekonomiko-Financiar në DVP Vlorë proceduan penalisht për veprat penale “Mashtrimi në kredi” dhe “Falsifikimi i vulave, i stampave ose i formularëve”, shtetasin K. R., 39 vjeç, banues në lagjen “15 Tetori”, Vlorë, pasi ka bërë kallëzim shtetasi G. M., banues në Vlorë, se nëpërmjet mashtrimit dhe falsifikimit, shtetasi K. R. ka marrë një kredi në emër të tij.

Specialistët e Hetimit të Krimit në Komisariatin e Policisë Sarandë arrestuan në flagrancë për veprën penale “Ndërtimi i paligjshëm”, shtetasin G. K., 33 vjeç, banues në lagjen nr.2, Ksamil, Sarandë, pasi u konstatua duke ndëtuar një objekt, pa lejen e organeve kompetente.

Nga specialistët e Hetimit të Krimit në Stacionin e Policisë Selenicë u bë kapja dhe ndalimi i shtetasit Sami Sulaj, 60 vjeç, banues në fshatin Brataj, Selenicë, pasi Gjykata e Shkallës së Parë Vlorë, me vendimin e datës 10.03.2021, e ka dënuar me 2 vjet burg për veprën penale “Plagosja e rëndë me dashje”.

Specialistët e Hetimit të Krimit në Komisariatin e Policisë Vlorë proceduan penalisht për veprat penale “Organizimi i lotarive të palejuara” dhe “Vënia në dispozicion e lokaleve për lojëra të palejuara”, shtetasit A. A., 30 vjeç dhe A. Ç., 28 vjeç, banues në Vlorë, pasi në lagjen “Pavarësia 3”, në lokalin që administronin, janë gjetur dhe sekuestruar tre tavolina pokeri.

Materialet i kaluan Prokurorisë, për veprime të mëtejshme. /albeu.com

The post Ndodh sërish në Vlorë! 39-vjeçari merr kredi në emër të dikujt tjetër, vihet në pranga appeared first on Albeu.com.

Gjithashtu gjatë kontrollit personal të ushtruar nga shërbimet e policisë kufitare, iu gjet dhe u sekuestrua në cilësinë e provës materiale një kartë identiteti italiane e falsifikuar.

Në përfundim të veprimeve të kryera nga specialistët për Hetimin e Trafiqeve të paligjshme në DVP Gjirokastër u bë ndalimi i shtetasit G. C., 25 vjeç, banues në Itali, si dhe u procedua shtetasi A. T., 60 vjeç, banues në Vlorë, pasi dyshohet se i ka dhënë ndihmë shtetasit G. C. për të kaluar kufirin në mënyrë të paligjshme.

Materialet në ngarkim të shtetasve të mësipërm i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme./albeu.com

The post Tentoi të hynte në Shqipëri me dokumente false, arrestohet italiani në Kakavijë appeared first on Albeu.com.

Në kuadër të operacionit për goditjen kundër kontrabandistëve që veprojnë jashtë shtetit, në Spanjë janë arrestuar 46 shtetas.

Rrjetet kriminale lehtësuan hyrjen e paligjshme të më shumë se 400 shtetasve nga Ballkani Perëndimor në Mbretërinë e Bashkuar dhe Shtetet e Bashkuara.
Hetimi është drejtuar nga Policia Kombëtare spanjolle, në bashkëpunim të ngushtë me Policinë shqiptare dhe autoritetet e zbatimit të ligjit dhe imigracionit në Austri, Francë, Itali, Slloveni, Kosovë, Portugali, Mbretërinë e Bashkuar dhe Shtetet e Bashkuara dhe të mbështetur nga Europol, me oficerë të udhëzuar për të çmontuar një grup të organizuar të krimit të përfshirë në kontrabandën e migrantëve dhe mashtrimin me dokumentet.

Janë sekuestruar në cilësinë e provës material dokumente të falsifikuara, dokumentacion financiar, regjistrime të veprimtarive të paligjshme, pajisje elektronike, para dhe droga të ndryshme (kanabis, kokainë dhe droga sintetike).

Që nga viti 2019, hetimi ka ekzaminuar përdorimin në rritje të llojeve specifike të dokumenteve të falsifikuara nga emigrantët e Ballkanit Perëndimor.
Fazat e mëparshme të hetimit çuan në çmontimin e një grupi kriminal të identifikuar në ishullin Saint Maarten të Karaibeve, që kontrabandonte emigrantë nga Ballkani Perëndimor, me dokumente të falsifikuara në Shtetet e Bashkuara.

Korrierët që udhëtonin në Kosovë dhe Shqipëri për të shpërndarë dokumentet e falsifikuara u arrestuan gjithashtu në dhjetor 2020.
Katër baza shtypi për dokumente të falsifikuara në Kosovë u çmontuan në mars 2021.

Deri më tani, hetimi ka çuar në 50 arrestime, më shumë se 400 migrantë të identifikuar në aeroporte dhe 1.000 dokumente false të sekuestruara.
Hetimi synoi një rrjet kriminal të bazuar në Mbretërinë e Bashkuar dhe Irlandën, i cili menaxhoi fluturimet dhe pritjen e migrantëve në ato vende.
Inteligjenca e ndarë nga Departamenti Amerikan i Sigurisë Kombëtare dhe Hetimet e Sigurisë Kombëtare (HSI) çuan në identifikimin e një objektivi me vlerë të lartë në Spanjë. Nga atje, i dyshuari dhe bashkëpunëtorët e tij lehtësuan hyrjen e paligjshme të migrantëve përmes aeroporteve të ndryshme në Spanjë dhe Portugali në Mbretërinë e Bashkuar, ndërsa u siguruan atyre karta te falsifikuara franceze të identitetit. Operacioni në Evropë është gjithashtu i lidhur me tre hetime penale në vazhdim në Shtetet e Bashkuara.

Në ditën e veprimit, Europol vendosi një postë komanduese virtuale për të mundësuar shkëmbimin e informacionit në kohë reale midis hetuesve dhe vendosi një ekspert në Spanjë për të kontrolluar informacionin operativ kundër bazave të të dhënave të Europol dhe për të siguruar udhëzime për hetuesit në terren.

Policia e Shtetit është e vendosur dhe e angazhuar maksimalisht për të punuar bashkërisht me partnerët, për të parandaluar dhe luftuar krimin e organizuar dhe trafiqet e paligjshme.

The post Dokumente false e kalim kontrabandë, shkon në 50 numri i të arrestuarëve appeared first on Albeu.com.

Sipas denoncimit, bëhet fjalë për avokatin Gjergji Imeraj në Sarandë, dhe që sipas dokumenteve rezulton se djali i avokatit ka rrethuar një sipërfaqe toke që në fakt është në pronësi të një zonje

Gazetari i emisionit Stop, Genci Angjellari, shkoi në Sarandë dhe Ksamil për të verifikuar rastin.

Në muajin Prill 2021 avokati bashkë me familjarët e rrethojnë këtë pronë me forcë dhe nxjerrin jashtë zonjën, e cila e kishte në përdorim që nga viti 1988.

Stop verifikon pronën në terren që është rrethuar nga avokati dhe djali i tij ka aplikuar për legalizim me dokumente të falsifikuara. Në dokumente deklarohen ndërtime, kur aty nuk ka asnjë ndërtim.

Gazetari i Stop u interesua pranë Kadastrës për të pyetur për këtë procedurë, por thonë që kjo pronë me sipërfaqje 1800 metra katrorë nuk mund të legalizohet.

Gazetari: Kjo një mijë e tetëqind më duhet! Si e ka përfituar, me legalizim?

Kadastra Sarandë: Nuk ma do mendja të japi, nuk jep dot legalizimi 1 mijë e 800 metra , sepse ne jemi tre fish baze, maksimumi deri në pesëqind.

Por avokati përdor një vërtetim hipotekor, që i cilëson prona të tjera dhe i përdor si të dhëna të pronave, që po kërkon të përvetësojë.

Gjatë interesimit për këtë çështje, gazetari i Stop zbulon se avokati Imeraj ka bërë 6 aplikime në total që kërkon legalizim të pronës, kur në fakt nuk ka asnjë ndërtim por vetëm tokë.

Punonjëse, Kadastra Sarandë- Tani ti i do të tëra me deklarimet, që ke?

Gazetari-Po,po! Për sa ka aplikuar ky? 1,2,3,4,5,6?

Punonjëse, Kadastra Sarandë-Pesë i ka në emrin e tij dhe një në të djalit.

Gazetari-Gjashtë prona ka aplikuar për legalizim ë..?

Punonjëse, Kadastra Sarandë-Dy, katër, pesë, po!

Gazetari-Ku janë ato, në Ksamil dhe Sarandë dhe një në Finiq?

Punonjëse, Kadastra Sarandë-Tre janë në Ksamil, një në Finiq, një në Sarandë dhe kjo e katërta prapë në Ksamil. Gjergj Imeraj ka në Ksamil 649, 653. 649 është kjo, ky është objekt 3 kate në Ksamil, është ky këtu 460 metra, këtu ka kontratë shit-blerje, rrethimi.

Gazetari-Rrethim është, apo objekt?

Punonjëse, Kadastra Sarandë-Jo rrethimi, trualli është 460 metra, ka bërë dy aplikime për të njejtën gjë.

Punonjëse 2, Kadastra Sarandë –Jo nuk i ka bërë për të njëjtën gjë, i ka në të njëjtën kohë dy aplikime.

Punonjëse, Kadastra Sarandë-Këto fotot e kësaj.., aq më tepër janë në Sarandë.

Punonjëse 2, Kadastra Sarandë– Nuk e di fare..

Punonjëse, Kadastra Sarandë-S’e shikoj këtej mbrapa.

Punonjëse 2, Kadastra Sarandë- Nuk e di fiks.

Punonjëse, Kadastra Sarandë-Ndërkohë që aplikimi është bërë në Ksamil, kjo është nga privatizimi o Arta, nuk duhet të jetë e Ksamilit.

Punonjëse 2, Kadastra Sarandë –Ina është e njëjta gjë dhe tek ky aplikim, të njëjtat gjëra ka. Tani ai i di, se të tjerët nuk dinë të lexojnë?

Punonjëse, Kadastra Sarandë-Janë të dy aplikimet e Ksamilit, dhe në database janë, në databasën elektronik te kombëtari janë në Ksamil, tek tonat janë në Ksamil.

Gazetari-Në dosje është në Sarandë.

Punonjëse 2, Kadastra Sarandë-Është e Ksamilit, tek kjo këtu ka një hartë.

Punonjëse, Kadastra Sarandë-Kurse ajo tjetra është në vend tjetër.

Gazetari-Ja kjo i bie të jetë, zona kadastrale, me këtë objektin këtu, po s’ka objekt fare aty, është pajisur ky me këto?

Punonjëse, Kadastra Sarandë-Jo, jo, ky është në fazë fillestare fare, sa është aplikuar.

Gazetari-Aplikimi, çfarë ka deklaruar ky për kontenierin?

Punonjëse 2, Kadastra Sarandë –Po, për kontenierin, ka dhe këtë vërtetim hipotekor thotë, nga veriu me shesh ndërtimi të Vangjel Langos, nga jugu shtëpi e Rrapos.

Gazetari-Ishte rruga,i ndante dhe pastaj fillon.

Punonjëse 2, Kadastra Sarandë- A nuk marr vesh unë.., s’e kam idenë për çfarë është.

Punonjëse, Kadastra Sarandë-Është vërtetim hipotekor.

The post Avokati zapton pronën në Ksamil, kërkon legalizim me dokumente false appeared first on Albeu.com.

“Më datë 26.05.2021, u referuan materialet në Prokurorinë pranë Gjykatës së Shkallës së Parë Tiranë, për shtetasen M. B., 33 vjeçe, sepse nëpërmjet subjektit të saj duke falsifikuar dokumentacion dhe kontrata pune të disa subjekteve në shtetin e Kroacisë dhe Maltës, u premtonte shtetasve të ndryshëm se do ti punësonte në sektorin e ndërtimit”, thuhet në njoftimin e policisë.

Gjithashtu, specialistët e Qarkullimit Rrugor bënë arrestimin në flagrancë të shtetasve : A. P., 44 vjeç dhe I. I., 36 vjeç, pasi janë kapur duke drejtuar mjetet përkatëse në gjendje të dehur.

Më datë 26.05.2021, u referuan materialet ne Prokurorinë pranë Gjykatës së Shkallës së Parë Tiranë, për shtetasin E. P., 59 vjeç, me detyrë Specialist i zyrës së Administrimit dhe Mbrojtjes së Tokës, pasi dyshohet se nëpërmjet dokumentacioneve dhe formularëve të falsifikuar, ka tjetërsuar disa prona (toka buqësore) në fshatin Bastar i Mesëm, Zall-Bastar, Kamëz. /albeu.com

The post Premtonte punë në Kroaci e Maltë me dokumente false, nis hetimi për 33-vjeçaren në Tiranë appeared first on Albeu.com.

Gjithashtu është arrestuar një 59-vjeçar, banues në Durrës, pasi ka ushtruar dhunë fizike ndaj kunatës së tij.

Njoftimi i policisë:

Durrës

Vijon puna për parandalimin dhe goditjen e paligjshmërisë.

Vihen në prangat e policisë edhe 2 shtetas të tjerë për vepra të ndryshme penale.

Specialistët e Hetimin Ekonomik dhe Financiar në Drejtorinë Vendore të Policisë Durrës, arrestuan në flagrancë shtetasin turk M. Y., 31 vjeç, pasi në PKK Port Durrës, ka tentuar të kalojë kufirin me dokumenta të dyshuara si të falsifikuara.

Specialistët për Hetimin e Krimeve në Komisariatin e Policisë Durrës, arrestuan në flagrancë shtetasin R. V., 59 vjeç, banues në Durrës, pasi ka ushtruar dhunë fizike dhe psikologjike ndaj kunatës së tij./albeu.com

The post Tentoi të kalonte kufirin me dokumente false, policia arreston turkun në Portin e Durrësit appeared first on Albeu.com.

“Shërbimet e Stacionit të Policisë Kufitare Qafë Thanë, në vijim të punës për parandalimin, evidentimin dhe goditjen e paligjshmërisë, konkretisht atë të kalimit të kufirit me dokumente të falsifikuara, në bashkëpunim me specialistët për Hetimin e Krimeve në Komisariatin e Policisë Pogradec, bënë arrestimin në flagrancë të shtetasve I. T., 24 vjeç, M. N., 25 vjeç dhe A. N., 25 vjeç, banues në Stamboll, Turqi.

Policia bën me dije se të tre të rinjtë janë paraqitur në hyrje të Republikës së Shqipërisë, me dokumente identifikimi të dyshuara si të falsifikuara, të cilat u sekuestruan në cilësinë e provës materiale”, thotë policia.

Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme.

The post Arrestohen tre të rinj iranianë, tentuan të kalonin kufirin me dokumente të falsifikuara appeared first on Albeu.com.