Gjithashtu mësohet se në pyetje do të merren persona që kanë lidhje apo dijeni për ngarkesën.

Kujtojmë se ditën e mërkurë, Prokuroria e Durrësit njoftoi se ka nisur hetim në lidhje me ngarkesën e dyshimtë me mbetje toksike që ishte nisur drejt Tajlandës.

Hetimet po kryhen lidhur me veprën penale të kontrabandës me mallra të ndaluara ose të kufizuara, pas referimeve nga Drejtoria e Përgjithshme e Doganave.

Kompania “Kurum International” është identifikuar si burimi i qindra ton mbetjeve të dyshuara si të rrezikshme që u eksportuan nga porti i Durrësit, duke shkaktuar alarm./PANORAMA

The post Mbetjet toksike/ Prokuroria sekuestron dokumentet e kompanisë ‘Kurum’, pritet të merren në pyetje personat që kanë lidhje me ngarkesën appeared first on Albeu.com.

Në raportin policor thuhet se lidhur me rastin janë njoftuar inspektorët e AUV-it të cilët janë marrë me rastin poashtu është njoftuar prokurori dhe në konsultim me të, i dyshuari me kamionetë dhe gjedhë janë liruar, kurse lënda e rastit i procedohet AUV-it. /Express

The post Po lëvizte pa dokumenta, policia ndalon lopën appeared first on Albeu.com.

Sipas mediave italiane, ngjarja ka ndodhur mbrëmjen e 20 shtatorit kur agjentët e Polaria (Policia Kufitare Ajrore) prangosën në aeroport një 31-vjeçare shqiptare dhe një 27-vjeçar të së njëjtës kombësi.

Dokumentet e falsifikuara ishin të besueshme dhe mund të mashtronin policët në një kontroll të përciptë. Qëndrimi i të dyve, të cilët dhanë informacione konfuze dhe gjenerike për origjinën dhe qëllimin e udhëtimit të tyre, i vuri në dyshim agjentët, të cilët në atë moment i nënshtruan dokumentet një analize më të thellë.

Jo vetëm me sy të lirë, por nëpërmjet përdorimit të pajisjeve shkencore. Kështu doli se dokumentet e ekspozuara nga pasagjerët, edhe pse në dukje ishin shumë të ngjashme me ato autentike, nuk kishin elementet e sigurisë të pasaportave të lëshuara nga autoritetet. Më pas policia arrestoi 31-vjeçaren dhe 27-vjeçarin./albeu.com

The post Çifti shqiptar tentoi të fluturojë drejt Londrës me dokumente false, arrestohen në Brindisi appeared first on Albeu.com.

The post Rama e nis ditën me lajmin e mirë: Vijnë përgjithmonë dokumentet mbi Shqipërinë dhe shqiptarët nga arkivat perandorake të Stambollit appeared first on Albeu.com.

Me një dokument të tillë, që është cilësuar si zëvendësim për letërnjoftimin, kosovarët janë pajisur me të hyrë në territorin e Serbisë, tash e 11 vjet.

Heqjen e kësaj mase e konfirmoi në orët e para të 1 shtatorit ministri i Punëve të Brendshme i Kosovës, Xhelal Sveçla, nga pika kufitare në Bërnjak.

“Mund të konfirmoj se e njëjta gjë ka ndodhur edhe [nga pikat kufitare] në Merdare, në Dheun e Bardhë dhe në Muçibabë. Në Jarinjë, ende nuk e kemi ndonjë veturë, e cila ka kaluar, por realisht mund të konkludojmë se autoritetet e Serbisë e kanë ndërprerë lëshimin e fletëve për hyrje/dalje për shtetasit tanë”, tha Sveçla.

“Ky është nje lehtësim i madh për shtetasit tanë, të cilët udhëtojnë për apo nëpër Serbi”, shtoi ai.

Marrëveshja për heqjen e këtij dokumenti u arrit fundjavën e kaluar.

Paraprakisht ka qenë e paraparë që edhe Kosova të nisë aplikimin e së njëjtës masë për shtetasit e Serbisë, nga 1 shtatori.

Një vendim i tillë është zbatuar shkurtimisht më 1 gusht, por për shkak të rebelimit të disa serbëve në veri të Kosovës dhe me sugjerimin e bashkësisë ndërkombëtare, Qeveria e ka shtyrë për 30 ditë.

Palët, ndërkohë, me ndërmjetësimin e komunitetit ndërkombëtar, kanë arritur marrëveshje për mosaplikimin e këtyre dokumenteve nga asnjëra anë.

Nga 1 shtatori në Kosovë pritet të nisë së zbatuari vendimi i Qeverisë për riregjistrimin e makinave me targat që i lëshon Serbia.

Edhe kjo masë është dashur të nisë nga 1 gushti, por, për të njëjtat arsye, është shtyrë për 30 ditë.

Sveçla tha se shpreson se edhe “çështja e kalimit nga targat ilegale të Serbisë në targa të Kosovës” të kalojë pa probleme, sikurse ajo e dokumenteve.

Një ditë para se të hiqte kërkesën për dokumente për hyrje/dalje, Serbia vendosi disa njoftime në vendkalimet me Kosovën, ku thuhej se mundësimi i kalimit të kufirit me dokumente të identifikimit të lëshuara nga Kosova bëhet “për arsye krejtësisht praktike”, që liria e lëvizjes të bëhet më e lehtë, bazuar në Marrëveshjen për lëvizje të lirë.

Këtë marrëveshje, Kosova dhe Serbia e kanë arritur në vitin 2011 në kuadër të dialogut për normalizimin e marrëdhënieve, por se deri më tash nuk ka gjetur zbatimin e duhur./REL

The post Nga sot, Kosova dhe Serbia pa dokumente për hyrje/dalje appeared first on Albeu.com.

Ata pretenduan se agjentët ishin “të ndaluar në mënyrë eksplicite” të kontrollonin një dhomë magazinimi në rezidencën e Trump në Mar-a-Lago. Të dhënat e tjera ka të ngjarë të jenë “fshehur dhe hequr” nga një dhomë magazinimi, thanë zyrtarët.

Dosja prej 54 faqesh u publikua të martën, përpara seancës gjyqësore të enjten. Në të, shefi i kundërzbulimit të Departamentit të Drejtësisë, Jay Bratt, tha se FBI ishte në gjendje të rikuperonte një numër dokumentesh të klasifikuara që ekipi i Trump nuk i kishte dorëzuar, pavarësisht kërkesave të mëparshme.

Presidentët amerikanë duhet t’i transferojnë të gjitha dokumentet dhe emailet e tyre në një agjenci qeveritare të quajtur Arkivi Kombëtar – dhe FBI po heton nëse Trump ka keqpërdorur të dhënat duke i çuar ato nga Shtëpia e Bardhë në Mar-a-Lago pasi u largua nga detyra në janar 2021, raporton abcnews.al.

Bratt shtoi se “përzierja” e sendeve personale të Trump me dokumente të klasifikuara është “provë relevante e veprave ligjore nën hetim”. Trump ka mohuar çdo keqbërje dhe tha se sendet ishin deklasifikuar.

Avokatët e Trump kanë kërkuar për një avokat “neutral” të palës së tretë – i njohur si mjeshtër special për të përcaktuar nëse dosjet e sekuestruara mbulohen nga privilegji ekzekutiv, i cili u lejon presidentëve të mbajnë të fshehta disa komunikime.

Zakonisht mjeshtra të posaçëm caktohen në çështjet penale, aty ku ka shqetësime se disa prova mund të mbrohen nën privilegjin avokat-klient, ose mbrojtje të tjera që mund t’i bëjnë ato të papranueshme në gjykatë.

The post Donald Trump mund të ketë fshehur dokumenta gjatë kontrollit të FBI-së appeared first on Albeu.com.

“Vendi është në një pozicion shumë të rrezikshëm. Ka një zemërim të jashtëzakonshëm, siç nuk e kam parë kurrë më parë, mbi të gjitha mashtrimet, vite mashtrimesh dhe gjueti shtrigash, dhe tani kjo tjetra”, ka theksuar Trump.

FBI-ja sekuestroi dosjet tepër sekrete gjatë një kontrolli në pronën e ish-presidentit amerikan Donald Trump në Florida këtë javë. Agjentët gjetën 11 dosje dokumentesh, disa ishin të shënuara “TS/SCI”, një përcaktim për materialin që mund të shkaktojë dëme “jashtëzakonisht të rënda” në sigurinë kombëtare të SHBA. Por, ish-presidenti Trump mohoi çdo gjë duke thënë se sendet ishin deklasifikuar. Në SHBA është hera e parë që kontrollohej shtëpia e një ish-presidenti në një hetim penal. Lista e artikujve u bë publike të premten pasdite pasi një gjykatës hapi një dokument me shtatë faqe që përfshinte urdhër që autorizon kontrollin e rezidencës së zotit Trump në Palm Beach, Mar-a-Lago.

Ai tha se më shumë se 20 kuti me sende u morën të hënën, duke përfshirë një set fotografish, një letër të shkruar me dorë, informacione të paspecifikuara për “Presidentin e Francës” dhe një letër faljeje të shkruar në emër të aleatit prej një kohe të gjatë të Trump, Roger Stone, si dhe katër grupe dosjesh tepër sekrete, që përfshinin tre grupe “dokumentesh sekrete” dhe tre grupe materialesh “konfidenciale”. Urdhri tregon se agjentët e FBI-së po kërkonin shkelje të mundshme të Aktit të Spiunazhit, i cili e bën të paligjshme mbajtjen ose transmetimin e informacionit potencialisht të rrezikshëm të sigurisë kombëtare. Heqja e dokumenteve ose materialeve të klasifikuara është e ndaluar me ligj. Trump rriti dënimet për krimin teksa ishte në detyrë, i cili mund të dënohet deri në pesë vite burg. Urdhri thekson se vendet e kontrolluara në Mar-a-Lago përfshijnë një zonë të quajtur “zyra 45” dhe dhoma magazinimi, por jo suita private për mysafirë që përdoren nga Trump dhe stafi i tij. Departamenti i drejtësisë i kishte kërkuar një gjykate që ta bënte publike të enjten, një veprim i konsideruar i rrallë mes një hetimi që është në vazhdimësi, raporton BBC.

Ai u miratua nga një gjyqtar më 5 gusht, tre ditë përpara se të kryhej të hënën, më 8 gusht. Të premten mbrëma, zyra e Trump lëshoi ​​një deklaratë duke pohuar se ai kishte përdorur autoritetin e tij kur ishte president për të deklasifikuar dokumentet. “Ai kishte një urdhër të përhershëm që dokumentet e hequra nga Zyra Ovale dhe të futura në rezidencë konsideroheshin të deklasifikuara. Fuqia për të klasifikuar dhe deklasifikuar dokumentet i takon vetëm Presidentit të Shteteve të Bashkuara. Ideja që një burokrat që shtyn letra, me autoritet klasifikimi të deleguar nga presidenti, duhet të miratojë deklasifikimin është absurd”, thuhet në deklaratë. Ekspertët ligjorë u kanë thënë mediave amerikane se është e paqartë nëse ky argument do të qëndrojë në gjykatë. “Presidentët mund të deklasifikojnë informacionin, por ata duhet të ndjekin një proçedurë”, tha për BBC Tom Dupree, një avokat që ka punuar më parë në departamentin e drejtësisë.

The post Kontroll në shtëpinë e ish-presidentit Donald Trump, FBI merr dosjet sekrete nga Mar-a-Lago appeared first on Albeu.com.

Prokuroria pranë Gjykatës së Shkallës së Parë Tiranë, duke marrë shkas nga deklaratat e bëra në mediat e shkruara dhe audiovizive nga ana e Drejtorit të Përgjithshëm të Agjensisë Shtetërore të Kadastrës, Z. Artan Lame, lidhur me humbjen apo dëmtime të tjera të faqeve të regjistrave të kadastrës, për zonat në zhvillim të Tiranës si Farka, Ndroqi, Shën Gjergji etj, ka filluar kryesisht, hetimet duke regjistruar procedimin penal nr. 4807 datë 21.06.2022, për veprat penale të “Shpërdorimit të detyrës” dhe “Zhdukjes dhe vjedhjes se dokumentave”, parashikuar nga neni 248 dhe 192/a i Kodit Penal, pa autorë të dyshuar.

Lidhur me faktet e sipërpërmendura Prokuroria pranë Gjykatës së Shkallës së Parë Tiranë, është e angazhuar maksimalisht që të hetojë në drejtim të zbulimit dhe vënies përpara përgjegjësisë penale të çdo zyrtari apo personi të përfshirë në veprimtari të kundraligjshme në dëm të interesave të ligjshme te qytetarëve apo shtetit.

The post Zhduken dokumentet në kadastrën e Tiranës, prokuroria nis hetimet appeared first on Albeu.com.