Vendimi për anulimin vjen pasi Komisioni i Prokurimeve Publike (KPP) pranoi për shqyrtim një ankesë të paraqitur nga kompania shqiptare CSP, e cila ngriti dyshime serioze mbi mënyrën e zhvillimit të kësaj procedure.

Tenderi i hapur nga AKSHI, synonte instalimin e një sistemi monitorimi me kamera në disa pika doganore, por menjëherë pas shpalljes së dokumentacionit teknik, u hodhën akuza për paracaktim të fituesit dhe shkelje të rënda të parimeve të konkurrencës së lirë, raporton skyweb.al.

Ankesë për paracaktim fituesi dhe lidhjet me një kompani kineze të sanksionuar. Në ankesën e saj, kompania CSP, me pronar Klevis Xhagollin, denoncoi se kriteret teknike të tenderit ishin hartuar në mënyrë të tillë që favorizonin vetëm një produkt specifik: kamerat e prodhuara nga kompania kineze Uniview, model IPC6858ER-X40-VF.

Sipas CSP, të gjitha specifikimet ishin “qepur si kostum”, duke përjashtuar çdo alternativë tjetër dhe duke bërë që tenderi të mos kishte asnjë garë reale.

Sipas dokumenteve publike, Uniview është një kompani e sanksionuar nga Shtetet e Bashkuara të Amerikës për shkelje të të drejtave të njeriut dhe për përdorimin e teknologjisë së saj, për survejimin masiv të ujgurëve dhe minoriteteve të tjera në Kinë.

Pavarësisht kësaj, tenderi i AKSHI-t parashikonte blerjen e pajisjeve të kësaj kompanie për sistemin e doganave shqiptare.

Ironikisht, në dokumentacionin e tenderit AKSHI kërkonte që të gjithë punonjësit që do të instalonin kamerat, të kishin certifikata sigurie të lëshuara nga Autoriteti Kombëtar për Sigurinë e Informacionit të Klasifikuar (AKSIK).

Kjo kërkesë për siguri maksimale për punonjësit, ishte në kontrats me përzgjedhjen e pajisjeve nga një kompani e ndaluar nga aleatët strategjikë të Shqipërisë.

Një tjetër element që rëndonte situatën, është fakti se Uniview nuk ka përfaqësi të drejtpërdrejtë në Shqipëri. Produktet e saj përfaqësohen nga kompania AlbaScan, e listuar zyrtarisht si partnere në faqen e Uniview.

Në këtë mënyrë, përmes një procedure të kontestuar dhe përmes ndërmjetësve vendas, në Shqipëri po tentohej të instalohej pajisje të prodhuara nga një kompani e sanksionuar.

Pas shqyrtimit të ankesës dhe presionit publik mbi çështjen, AKSHI vendosi të anulojë tenderin, duke evituar për momentin një tjetër skandal në fushën e prokurimeve publike dhe sigurisë. /skyweb.al

The post Furtunë anulimesh/ AKSHI heq dorë në momentin e fundit nga tenderi i kamerave në dogana, PRAPASKENAT me kompaninë e sanksionuar appeared first on Albeu.com.

Elezi: Ka një ngërç edhe në shifra. Sepse vërtetë mund të duhen 5000 litra, ndoshta janë pak apo shumë, por duhet te kemi parasysh madhësinë e kantinës. E mbështes atë që tha profesori se personi mund të bëjë eksperimente, a e duam ne produktin cilësor?

Duhet të japim një sasi limit një prodhuese në bazë të litrave që prodhon në mënyrë që ai të eksperimentojë sepse nëse nuk shkon mirë ai do ta hedhë ose do ta distilojë. Doganat duhet t’i japim më shumë hapësirë prodhuesit shqiptar që të bëjë këto eksperimentime.

The post Ligji për verën dhe vreshtarinë/ Elezi: Doganat duhet t’i japim më shumë hapësirë prodhuesit shqiptar appeared first on Albeu.com.

Të ardhurat doganore për muajin Maj 2022 janë realizuar në masën 18,31 miliardë lekë nga 16.75 miliardë lekë që ishte plani i rishikuar (i rritur) ose 1.56 miliardë lekë më shumë (rreth 15 milionë USD).

Krahasuar me muajin Maj 2021, kur realizimi ishte pak mbi 15 miliardë lekë, të ardhurat e realizuara në Maj 2022 janë rreth 3.3 miliardë ose rreth 33 milionë dollar më shumë duke shënuar një rritje 22% krahasuar me të njëjtin muaj të vitit të kaluar.

Të dhënat operative nga Drejtoria e Përgjithshme e Doganave tregojnë se plani është realizuar 109% duke thyer rekordin historik të të ardhurave për çdo muaj Maj në gjithë historinë e doganave.

Dogana online, miratohen 665 aplikime për një muaj!

Drejtoria e Përgjithshme e Doganave i është bashkuar nismës së Qeverisë për të dixhitalizuar shërbimet online për qytetarët dhe bizneset nëpërmjet platformës E- albania.

Digjitalizimi i sistemit doganor ka bërë që të krijohen lehtësi për biznesin, shkurtim të kohës proceduriale, rritje e transparencës dhe ulje e nivelit të korrupsionit.

Këto shërbime kanë krijuar lehtësira për biznesin dhe qytetarët nëpërmjet ofrimit të shërbimit në kohë dhe me cilësi, duke shmangur vonesat dhe burokracitë e panevojshme.

Vetëm Gjatë muajit Maj nga DPD janë miratuar 665 shërbime online, ndërkohë që janë në proces 135 aplikime të tjera, sipas njoftimit të doganave./monitor

The post Doganat rekord të ardhurash në maj, rritje me 22% appeared first on Albeu.com.