Përmes një postimi në X, presidentja Vjosa Osmani, shprehet se Kosova i bashkohet deklaratës së sekretarit amerikan të Shtetit, Marco Rubio, dhe rithekson mbështetjen e plotë për integritetin dhe sovranitetin territorial të Bosnje e Hercegovinës.

“Ne gjithashtu dënojmë fuqishëm çdo veprim që minon themelet e Bosnje e Hercegovinës, sepse kërcënon paqen dhe stabilitetin që rajoni ynë ka punuar palodhshëm për ta arritur—përmes sakrificave shumëvjeçare dhe me mbështetjen e palëkundur amerikane”, shkroi Osmani.

Sekretari amerikan i Shtetit Rubio, tha të shtunën se veprimet e presidentit të Republikës Sërpska (RS), Millorad Dodik, përbëjnë kërcënim për sigurinë dhe stabilitetin e Bosnje e Hercegovinës, si dhe i minojnë institucionet shtetërore të saj.

Dodiku i dekretoi më 5 mars ligjet e miratuara nga Kuvendi i Republikës Sërpska – entiteti serb i Bosnjës – të cilat ndalojnë punën e Gjykatës, Prokurorisë, Agjencisë Shtetërore të Hetimeve (SIPA) si dhe Këshillit të Lartë Gjyqësor e Prokurorial të Bosnjës në territorin e këtij entiteti.

Por, më 7 mars, Gjykata Kushtetuese e Bosnje e Hercegovinës i shpalli jokushtetuese këto ligje, duke i pezulluar përkohësisht, ndërsa pritet t’i ndalojë ato përfundimisht pas një shqyrtimi të plotë.

Liderët në Sarajevë dhe mbështetësit perëndimorë të Bosnjës, i kanë akuzuar liderët etnikë të RS-së se po synojnë ndarjen eventuale nga Bosnja, ndonëse këta të fundit i kanë mohuar akuzat.

Disa veprime të tjera të lidhura me këtë entitet, kanë përshkallëzuar tensionet në muajt e fundit.

Gjykata e Bosnjës e dënoi Millorad Dodikun, presidentin e Republikës Sërpska, me një vit burgim dhe ia ndaloi ushtrimin e detyrës së presidentit për gjashtë vjet.

Dodik – i cili ka lidhje të ngushta me Rusinë dhe i ka mohuar akuzat – është nën sanksione nga SHBA-ja dhe Mbretëria e Bashkuar për veprimet që, sipas qeverive perëndimore, synojnë ndarjen e Republikës Sërpska nga Bosnja.

Sistemi i qeverisjes në Bosnje e Hercegovinë – vend me rreth 3.1 milionë banorë – është ndër më të ndërlikuarit në botë.

Që nga Marrëveshja e Dejtonit për paqe, e cila u nënshkrua në vitin 1995 dhe i dha fund luftës në Bosnje, vendi përbëhet nga Federata Boshnjako-Kroate dhe Republika Sërpska e dominuar nga serbët etnikë, nën një qeveri të dobët qendrore.

Derisa Republika Sërpska mund të miratojë ligje për çështje të brendshme, ligjet dhe institucionet në nivel shtetëror mbeten mbi të gjitha, sipas kushtetutës.

Bosnja dhe Hercegovina dhe Kosova nuk e njohin njëra-tjetrën, për shkak të kundërshtimit nga Republika Sërpska./REL

The post Vjosa Osmani: Kosova i bashkohet qëndrimit të SHBA-së kundër veprimeve të Dodikut në Bosnje appeared first on Albeu.com.

E njëjta medalje iu dha edhe presidentit rus Vladimir Putin një vit më parë. Kur u njoftua gjatë festimeve të Ditës Kombëtare në Banjallukë se Orbani do të dekorohej me nderin më të lartë të entitetit serb, Dodiku deklaroi tha se kryeministri hungarez do ta pranonte personalisht medaljen në një datë e mëvonshme, që ndodhi pikërisht këtë të premte.

Në fjalimin e tij, Dodik ttha se Viktor Orban është një shembull se si të ruhet dhe mbrohet një shoqëri dhe familje. “Jam i sigurt se në të ardhmen do të festojmë së bashku sukseset tona të përbashkëta dhe ndërkohë do t’i kushtojmë vëmendje çdo fjale tuaje”, shtoi ai.

Orbani e përshkroi veten si një plak që kujton kohën kur kjo botë quhej Jugosllavi.

Kur korniza e ekzistencës së një kombi ndryshon, jo në avantazhin e tij, dhe ai duhet të gjejë vendin e tij në botë”. Pavarësisht se ku janë kufijtë, serbët dhe hungarezët po kujdesen për njëri-tjetrin, çështja nuk është se shtetet tona janë fqinj, por se popujt tanë janë fqinj” tha Orban

Orban shtoi se Europa ka nevojë për serbët, pasi pa ata nuk ka siguri evropiane, nuk ka stabilitet. Qëndrimi i Hungarisë është se zgjerimi ballkanik i BE-së duhet të përfundojë, burimet duhet të përqendrohen në këtë dhe pastaj duhet të merremi me zgjerimin “shumë më të vështirë” lindor, përfundoi Dodik.

The post Bosnje/ Dodiku dekoron Orbanin me të njëjtën medalje si Putinin appeared first on Albeu.com.

Me rastin e arritjes së sotme në Prokurori të BeH, Millorad Dodik ka treguar gishtin e mesëm ekipeve të gazetarëve nga dritarja e makinës zyrtare.

Nuk mund të vlerësohet se kujt i është drejtuar me atë gjest, duke marrë parasysh se të pranishëm ishte një numër i madh i ekipeve të gazetarëve, por me siguri mund të konstatojmë se me këtë veprim ai ka dalë edhe nga kufijtë të sjelljeve të tij, me të cilat tashmë jemi mësuar, shkruan portali boshnjak.

Dodik sot do të deklarohet në Prokurori të BeH në lidhje me blerjen e një vile në Dedinje, lagjen ekskluzive të Beogradit.

Më herët ai ka deklaruar se kjo lëndë është nisur “për arsye politike” në mënyrë që të “largohet vëmendja nga ngjarjet në federatën e BeH, ku nuk është arritur të merret vesh për Ligjin e Zgjedhjeve”./Express

The post Dodiku shkon në Prokurori, fyen nga makina gazetarë, u nxjerr gishtin e mesëm appeared first on Albeu.com.