Lidhur me këtë problematikë ka reaguar Ndërmarrja Ujësjellës-Kanalizime Shkodër, e cila bën me dije se ndërprerja ka ardhur si pasojë e një defekti në furnizimin me energji elektrike në Stacionin e Pompimit nr. 1 në Dobraç.

Sipas njoftimit zyrtar, ekipet teknike të OSHEE dhe OST, në bashkëpunim të ngushtë me Ujësjellës-Kanalizime Shkodër, ndodhen në terren dhe po punojnë intensivisht për rikthimin sa më të shpejtë të furnizimit normal me ujë.

Ndërmarrja u bën thirrje qytetarëve për mirëkuptim, duke i siguruar se situata po trajtohet me prioritet maksimal dhe se furnizimi do të normalizohet sapo të zgjidhet defekti teknik.

The post Defekt në furnizimin me energji në Dobraç, një pjesë e Shkodrës mbetet pa ujë appeared first on Albeu.com.

Masa e sigurisë ndaj Vuksanit, i dyshuar si personi që ka vjedhur automjetin “Range Rover” të përdorur nga autorët e krimit, u zbut me kërkesë të vetë të dyshuarit.

Sipas vendimit, gjyqtari i posaçëm, Erion Çela, pranoi kërkesën e Vuksanit për shuarje të masës së sigurisë për shkak të kalimit të kohëzgjatjes së afatit të paraburgimit. Në të njëjtin vendim, Gjykata detyron Vuksanin të paraqitet në SPAK të hënën e parë të çdo muaji.

Gjulio Vuksani u arrestua në nëntor të vitit të shkuar, pas dyshimeve për përfshirje në ngjarjen e njohur si “masakra e Dobraçit”, ku nga një automjet “Range Rover” në lëvizje u shkrehën breshëri plumbash drejt një mjeti “Mercedes” ku udhëtonin Arlind Bushati e Hamza Lici.

Plumbat i morën jetën të dyve, ndërkohë që pas daljes nga kontrolli automjeti i viktimave aksidentoi rëndë motorin ku udhëtonin bashkëshortët Bashkim e Flutura Basha, që po ashtu ndërruan jetë.

Ngjarja u hetua në ditët e para nga Prokuroria e Shkodrës, që më pas e kaloi për kompetencë në SPAK, pas dyshimeve se autorët kishin vepruar në formën e grupit të strukturuar kriminal./A2 CNN

The post Ngjarja e Dobraçit, GJKKO liron nga “arresti shtëpiak” Gjulio Vuksanin appeared first on Albeu.com.

Vendimi u dha nga gjyqytari i Posaçëm Erjon Çela, i cili pranoi kërkesën e SPAK për ndryshimin e masës së sigurisë ndaj tij.

Vuksani u arrestua nëntorin e vitit të kaluar me urdhër të prokurores Elida Kackini, si person i përfshirë në masakrën e Dobracit, ku u ekzekutuan Arlind Bushati dhe Hamza Lici, si dhe humbën jetën cifti i bashkëshortëve Bashkim dhe Flutura Basha.

Ngjarja e rëndë u shënua në 30 tetor të vitit 2024 në zonën e Dobraçit, ku persona të paidentifikuar qëlluan nga një automjet drejt makinës ku udhëtonin dy të rinjtë, Hamza Lici dhe Arlind Bushati.

Nga breshëria e plumbave, automjeti ku udhëtonin dy viktimat humbi kontrollin, për pasojë u përplas me një motor ku udhëtonin Flutura dhe Bashkim Basha, të cilët nuk kishin lidhje me ngjarjen.

Në automjetin e viktimave, dyshohet se ndodhej një person i tretë, i ulur në sediljen e pasme, por prokuroria nuk ka folur zyrtarisht mbi këtë dyshim.

Pasi prokuroria e Shkodrës nisi hetimet për këtë çështje, pak ditë më pas shpalli moskompetencë duke ia referuar dosjen Prokurorisë së Posaçme Antikorrupsion për grup të strukturuarar kriminal, vepër penale që është kompetencë e SPAK.

Për ngjarjen e Dobraçit, janë kryer disa veprime nga prokurorja Elida Kackini, teksa çështja është ende nën hetim.

The post Atentati me 4 viktima në Dobraç të Shkodrës/ Lirohet nga qelia Gjuljo Vuksani, dyshohet se… appeared first on Albeu.com.

“E kam bërë kallëzimin, se njerëzit vënë gjoba në emrin tim. Njerëzit i bëjnë me qëllim, por nuk jam unë, prandaj u kam kërkuar tu drejtohen organeve ligjzbatuese. Nuk është aspak e vërtetë.

E dyta, për Masakrën e Dobraçit, më vjen shumë keq, që kemi motra që ka vdek, se jemi rrit me ta. Më vjen keq edhe për Bushatin, e kam pasur mik para se të hyja në burg. Sinqerisht më vjen edhe për djalin e famijen Lici. Por djemtë e viktimave janë rritur, por Barjat nuk kanë lidhje me to. Uroj që të arrstohet dikush për median e Dobroaçit.

Më janë sekuestuar nja 17 mijë euro, u kanë bërë edhe fotot. Por çdo gjë ka qenë korrekte. Por të shikohen gjërat drejt. Më keni futur në panik të gjithë famijen. Media nuk po e respekton punën e famijes. Çfarë po bëni,” tha Safet Bajri.

The post Safet Bajri, del me zë e figurë: Nuk kam lidhje me masakrën e Dobraçit appeared first on Albeu.com.

Burime bëjnë me dije se GJKKO me urdhër të SPAK ka firmosur 4 urdhër-arreste, por nuk janë ekzekutuar asnjë prej tyre, pasi nuk janë gjetur në banesë.

Mësohet se urdhër-arrestet, janë lëshuar në lidhje me ngjarjen e ndodhur më 23 gusht të vitit 2024 në fshatin Rrënzë Bushat të Shkodrës, ku dyshohet se ka pasur shkëmbim zjarri mes Izmir Sakicës dhe Samuel Troshanit, dhe dy vëllezërve Andrea e Aleksandër Prendi. I pranishëm dyshohet se ka qenë dhe Safet Bajri, i cili udhëtonte me automjet të blinduar.

Izmir Sakicës dhe Samuel Troshani, u është komunikuar masa e arrestit në burgun e Reçit, pasi u vetëdorëzuan muajin e kaluar, pasi ishin në kërkim për dhunimin e Vladimir Bruçit.

Sipas vendimit të firmosur nga gjyqtari i posaçëm Erjon Çela, rezulton se Izmir Sakica dhe Samuel Troshani, dyshohen për krijim të kushteve për të kryer vrasje në lidhje me ngjarjen e Rranzës.

Sakica dhe Troshani, pretenduan se ishin viktima, pasi u sulmuan më armë. Por nga akti i ekspiretimit rezultoi se Samuel Troshani, ka bërë qitje me armë atë ditë, pasi në dorën e tij u gjetën gjurmë të fatit.

Ndërkohë, për arrestimin e dy personave të tjerë për të cilët është firmosur urdhër arrest, RENEA ndërmori në orët e para të mëngjesit të së martës një aksion në Dobraç dhe zona të tjera të Shkodrës, por nuk arriti që t’i arrestonte.

Burime bëjnë me dije se kontrolle janë ushtruar edhe në banesën e Safet Bajrit dhe bazat e grupit kriminal Bajri. Safet bajri është shoqëruar për t’u marrë në pyetje në lidhje me ngjarjen.

The post Aksioni në Shkodër/ SPAK lëshon 4 urdhër-arreste për përplasjen me armë Bushat (EMRAT) appeared first on Albeu.com.

Kontrollet në Shkodër, besohet se lidhen me hetimet për masakrën me 4 viktima në Dobraç.

Mësohet se RENEA ndodhet aktualisht te shtëpia e Safet Bajrit, i cili do të shoqërohet dhe merret në pyetje.

Kujtojmë se të vrarë në atentatin e Dobraçit, mbetën Hamza Lici dhe miku i tij në automjet Arlind Bushati.

Humbën jetën dhe një çift burrë e grua, të cilët po udhëtonin me motor pranë makinës së viktimave në momentin e atentatit.

Nga shpejtësia makina përplasi motorin dhe humbën jetën Bashkim dhe Flutura Basha.

Ngjarja dyshohet se është kryer nga një grup i strukturuar kriminal, sepse pas ngjarjes u gjet një makinë e djegur në zonën Grudë e Re, e cila kishte dy automatik brenda që mendohet të jenë përdorur në atentat.

Dyshimet u ngritën edhe më shumë pasi në makinën e viktimave ishte dhe një person tjetër që i shpëtoi atentatit. Mendohet se ky është Ibrahim Lici, i shumëkërkuari i drejtësisë për vrasjen e Endri Mustafës, por se kjo nuk është vërtetuar ende.

The post Atentati me 4 viktima në Dobraç të Shkodrës/ RENEA kontrolle pranë banesave të fisit Bajri appeared first on Albeu.com.

Do të duheshin disa minuta dhe konstatimi i vrimave të plumbave në “Benz”-in e zi, për të kuptuar se nuk kishin të bënin me një aksident por me një ngjarje të rëndë kriminale.

“…Në kohën kur ne kishim mbërritur në vendin e ngjarjes i raportoj Sallës së Komandimit DVP-Shkodër se, nuk kemi të bëjmë me një aksident rrugorë por kemi të bëjmë me një ngjarje kriminale me përdorim të armëve të zjarrit…”,- ka rrëfyer tek oficerët e AMP-së, Viktor Logu.

Vetëm pak ditë pas ngjarjes, Logu u arrestua nga AMP-ja së bashku me tre kolegët e tij, Julian Stërkaj, Marte Martini dhe Blerim Kurmekaj, pasi nuk kishin kryer veprimin e shoqërimit të personit që dyshohet se ishte i kërkuari, Ibrahim Lici.

Por sipas Viktor Logut, shoqërimi i tij nuk është kryer pasi ai dhe kolegët e tij kishin menduar se ai ishte një person i rastit që po ndihmonte të plagosurit. Logu ka treguar se ky person mund të jetë larguar në këmbë ose me ambulancë.

Logu, ka treguar se në vendngjarje ka pasur dhe persona të tjerë dhe asnjëri prej tyre nuk është shoqëruar, pasi disa minuta më pas ai dhe kolegët e tij, janë zhvendosur nga vendi i ngjarjes për të ngritur një postbllok në dalje të Shkodrës, tek “Kisha e Zojës”.

Situatën në vendngjarje, e ka marrë policia kriminale dhe prokuroria, ndërsa nuk ka asnjë rrethanë se si u largua nga vendngjarja, personi i dyshuar si Ibrahim Lici.

Në dëshminë e tij punonjësi i policisë Shkodër ka treguar se:

“Më 30 tetor 2024, kam qenë i planizuar me shërbim në qytet nga ora 14:00 deri në ora 22:00 dhe rreth orës 15:45 minuta, kemi dëgjuar në radio nga Salla e Komandimit e DVP-Shkodër, se ka ndodhë një aksident rrugor tek SMT-ja, me dëme në persona. Ne menjëherë kemi lëvizur nga vendi i shërbimit i kryqëzimit “Kirasit” në drejtim të rrotondos së “Dobraçit”, për t’i ardhur në ndihmë qarkullimit rrugor. Pasi kemi shkuar në vendin e ngjarjes, kemi zbritur nga automjeti dhe kemi konstatuar një automjet të tipit “Benz” me ngjyrë të zezë me targa të huaja, i cili kishte dalë nga rruga dhe përplasur me një shtyllë dhe mur. Në një distancë rreth 4 metra nga automjeti, në rrugë ishte i rrëzuar një motor.

Në vendin e ngjarjes kemi konstatuar tre persona të shtrirë në tokë, ku dy ishin të seksit mashkull dhe një ishte e seksit femër një burrë i moshës më të vjetër kishte akoma shenja jete, ndërsa, dy tjerët nuk kishin reagime. Më pas, kemi shikuar automjetin dhe brenda mjetit kemi konstatuar një person, i cili ishte pasagjer në vendin e parë, i cili kishte shenja jete. Në vendin e ngjarjes kishte disa persona të tjerë. Sqaroj se para nesh në vendin e ngjarjes ishin oficerët e qarkullimit rrugor Indrit Neziri, Përparim Papa dhe Rrok Frroku, të cilët po lironin drejtimin e rrugës nga lëvizja e mjeteve. Gjatë kohës që unë po shikoja personin e shtrirë në tokë nëse kishte shenja jete, në afërsi tij kam konstatuar një person të ulur afër një personi të shtrirë në tokë, të cilin unë nuk e kam identifikuar se kush ishte. Por thjesht kam menduar se po i jepte ndihmë personit të shtrirë në tokë. Gjithashtu, aty afër kam konstatuar një grua në këmbë dhe disa persona të tjerë, të cilët nuk i kam njohur…”.

Më tej Logu ka sqaruar se thënë se: “…Sqaroj se, në shërbim kam qenë me oficerët e policisë Blerim Kurmekaj përgjegjës Juljan Sterkaj Shofer dhe Marte Martini. Në kohën kur ne kishim mbërritur në vendin e ngjarjes i raportoj Sallës së Komandimit DVP-Shkodër se, nuk kemi të bëjmë me një aksident rrugor, por kemi të bëjmë me një ngjarje kriminale me përdorim te armëve të zjarrit…”.

Në këto momente, Logu ka treguar se më pas e ka thërritur Blerim Kurmekaj dhe i ka thënë “bëj bllokimin e automjeteve që mos të futen në vendin e ngjarjes dhe vendos shiritin për kufizimin dhe ruajtjen e vendit të ngjarjes”.

“…Unë kam dalë me shërbim tek “5 Heronjtë” duke ju dhënë drejtim në rrugën e unazës që mos të futej në vendin e ngjarjes deri sa kanë ardhur shërbimet e tjera. Kur ka ardhur shërbimi i patrullës së përgjithshme, unë kam ardhur përsëri në vendin e ngjarjes ku jam takuar me kolegët dhe kemi lëvizur pikë kontrolli tek “Kisha e Zojës” në dalje të qytetit, ku kemi qëndruar deri në ora 22:00 minuta. Sqaroj se unë kam kryer vetëm këto detyra në vendin e ngjarjes, kam ndaluar automjetet që të hynin në vendin e ngjarjes dhe kam vendosur shiritin kufizues dhe ruajtjes së vendit të ngjarjes…”.

Ndërsa momentin e Ibrahim Licit, punonjësi i policisë e shpjegon kështu duke pohuar se:

“…ishte një person i ulur në tokë dhe po i jepte ndihmë personit të shtrirë në tokë, që ishte afër me automjetin e ndaluar. Nuk kam shoqëruar personat dëshmitarë në vendin e ngjarjes dhe as bllokuar vendin e ngjarjes, por kam vendosur shiritin dhe bllokimin e rrugës tek kryqëzimi, për mos bllokuar vendin e ngjarjes. Sqaroj se, në fillim e kam konstatuar këtë person të ulur në tokë, dhe sikur po i jepje ndihmë personit të dëmtuar dhe shtrirë në tokë dhe unë kam lëvizur bllokuar rrugën tek kryqëzimi për mos hyrjen e automjeteve në vendin e ngjarjes. Unë nuk e kam konstatuar këtë gjë, pasi nuk isha prezent tek vendi i ngjarjes më pas. Nuk kemi identifikuar asnjë person…”.

Nga Elton Qyno

The post Atentati me 4 viktima në Dobraç të Shkodrës/ Zbardhet dëshmia e punonjësit të policisë… appeared first on Albeu.com.

Hamza Lici dhe Arlind Bushati, po udhëtonin me një automjet Mercedes Benz C-Class me targa franceze, kur janë qëlluar me breshëri automatiku nga një makinë.

Lici i cili ndodhej në kahun e shoferit, duket që ka humbur kontrollin dhe ka përplasur për  vdekje  Flutura Bashën, 56-vjeçe dhe bashkëshortin e saj Bashkim Basha, të cilët udhëtonin me motor.

Në makinën e viktimave, policia gjeti tre pistoleta, njëra e Bushatit, gëzhoja të së cilës u gjetën brenda, tjetra e Licit, pranë këmbëve dhe një e tretë në kroskot që dyshohet se i përket personit që u arratis.

Ndërsa në makinën e djegur të autorëve u gjetën 2 automatikë, të njëjtët që u përdorën në atentat.

The post Atentati me 4 viktima në Dobraç të Shkodrës/ Vetëdorëzohen në polici dy personat e shpallur në kërkim (EMRAT) appeared first on Albeu.com.

Mësohet se kontrollohet po bëhen në lagjet Dobraç, Kiras, Rrus, Dergut që janë lagje të Shkodrës dhe në fshatrat Shtoj i ri dhe Shtoj i vjeter, me qëllim mbledhjen e provave për zbardhjen e masakrës së 30 Tetorit ku mbetën të vrarë 4 persona.

Bëhet me dije se një nga banesat e kontrolluara, është edhe ajo e Safet Bajrit.

Raportohet se deri në këtë fazë nuk ka të arrestuar, por janë gjetur materiale të tjera që janë sekuestruar, përfshirë dhe armë që do të ekspertohen nëse janë përdorur në ngjarje kriminale të mëparshme.

Ndërkohë, disa persona janë shpallur në kërkim policor, por mbeten të rezervuara informacionet mbi dyshimet që ka organi i akuzës për rolin e tyre.

Çështja fillimisht u hetua nga Prokuroria e Shkodrës, e cila pas disa javësh shpalli moskompetencë duke ia kaluar aktet SPAK-ut.

The post Atentati me 4 viktima në Dobraç të Shkodrës/ RENEA kontrolle në banesën e Safet Bajrit appeared first on Albeu.com.

Arrestimi i tij është mbajtur i fshehtë nga grupi hetimor, me pretendimin mund t’i ndihmojë ata në zbardhjen e vrasjes.

Autori i vjedhjes së makinës, është marrë disa herë në pyetje për të treguar nëse ka dijeni për rrethanat e vrasjes në Dobraç, por në asnjë moment ka pranuar të japë deklarime.

Dëshmia e tij konsiderohet kyçe për policinë e Shkodrës dhe prokurorët e SPAK që po hetojnë çështjen.

Mjeti rezultoi të ishte vjedhur dhe denoncuar nga pronarët më 17 prill të këtij viti.

Qyteti i Shkodrës, u trondit pasditen e 30 tetorit 2024 nga një masakër në zonën e Dobraçit, kur persona ende të paidentifikuar qëlluan nga një makinë drejt makinës, tip Benz S-Class, ku po udhëtonte Hamza Lici dhe Arlind Bushati dhe një person i tretë.

Nga të shtënat makina që drejtohej nga Hamza Lici, 23-vjeç, humbi kontrollin dhe përplasi motorin ku udhëtonin dy qytetarë të pafajshëm, çifti Flutura dhe Bashkim Basha.

Flutura Basha humbi jetën në vendngjarje.

Ndërsa Arlind Bushati humbi jetën, po atë ditë pak orë më pas në spital.

Tre ditë më pas vdiq në spital edhe Bashkim Basha./Oranews

The post Atentati me 4 viktima në Dobraç të Shkodrës, arrestohet personi që vodhi “Range Roverin” e përdorur nga autorët appeared first on Albeu.com.