Dmitiry Medvedev Archives - Albeu.com

Medvedev: Ndoshta jemi në prag të një lufte të re botërore

E B — Tue, 25 Apr 2023 11:08:26 +0000

Një aleat i presidentit rus, Vladimir Putin, tha se bota ka të ngjarë që është në prag të një lufte të re botërore.

Ish-presidenti rus, Dmitry Medvedev, paralajmëroi se rreziqet nga një konfrontim bërthamor janë duke u rritur.

“Bota ka të ngjarë që është në prag të një lufte të re botërore”, tha Medvedev gjatë një konference në Moskë më 25 prill.

Medvedev aktualisht është zëvendëskryetar i Këshillit të Sigurisë së Rusisë, që është një institucion mjaft i fuqishëm në këtë shtet.

Ai tha se një luftë e tillë nuk është e pashmangshme, por rreziqet nga konfrontimi bërthamor janë duke u rritur dhe janë më serioze sesa shqetësimet lidhur me ndryshimet klimatike.

Presidenti rus, Vladimir Putin, ka thënë se bota po përballet me dekadën më të rrezikshme që nga Lufta e Dytë Botërore. Ai e konsideron luftën në Ukrainë si një betejë ekzistenciale ndaj, siç është shprehur, një Perëndimi agresiv dhe arrogant.

Lideri rus ka deklaruar se shteti i tij do të përdorë të gjitha mjetet e nevojshme për ta mbrojtur veten ndaj çdo agresori.

Shtetet e Bashkuara dhe aleatët kanë dënuar pushimin rus të Ukrainës, duke thënë se ky është tentim për të marrë toka perandorake. Ukraina është zotuar se do të luftojë derisa trupat ruse të tërhiqen nga territori i saj, duke shtuar se retorika ruse për një luftë bërthamore synon të frikësojë Perëndimin që të ndalë ndihmën ushtarake që i ofron Kievit./rel

The post Medvedev: Ndoshta jemi në prag të një lufte të re botërore appeared first on Albeu.com.

Shkelën integritetin territorial, Ukraina shpall në kërkim ish-presidentin rus Medvedev dhe zëdhënsen Zakharova

E S — Mon, 10 Oct 2022 16:25:37 +0000

Shërbimi i Sigurisë i Ukrainës vendosi të hënën zëdhënësen e Ministrisë së Jashtme ruse Maria Zakharova në listën e të kërkuarve të vendit. Sipas deklaratës së Ministrisë së Brendshme të Ukrainës në faqen e saj të internetit, Maria Zakharova është fshihet nga një hetim paragjyqësor.

Zakharova akuzohet për shkelje të integritetit territorial dhe paprekshmërisë së Ukrainës sipas nenit 110 të Kodit Penal të Ukrainës. Në një deklaratë të veçantë, shërbimi tha gjithashtu se ish-presidenti rus Dmitry Medvedev, i cili aktualisht shërben si zëvendëskryetar i Këshillit të Sigurimit të vendit, akuzohet sipas të njëjtit nen dhe është gjithashtu në listën e të kërkuarve.

Të dy deklaratat thanë se Medvedev dhe Zakharova ishin vënë në listën e të kërkuarve nga Shërbimi i Sigurimit të Ukrainës të hënën.

The post Shkelën integritetin territorial, Ukraina shpall në kërkim ish-presidentin rus Medvedev dhe zëdhënsen Zakharova appeared first on Albeu.com.

Medvedev: Sanksionet e Perëndimit janë agresion dhe justifikojnë luftën

E B — Thu, 30 Jun 2022 13:13:39 +0000

Sanksionet kundër Rusisë mund të shihen si akte agresioni dhe një justifikim për luftën, sipas Dmitiry Medvedev, zëvendëskryetar i Këshillit të Sigurimit të Rusisë.

“Në rrethana të caktuara, masa të tilla armiqësore mund të kualifikohen gjithashtu si një akt agresioni ndërkombëtar”, thotë Medvedev, ish-presidenti rus, i cili i quajti sanksionet një “praktikë të çuditshme dhe cinike”.

Vendet perëndimore kanë vënë në shënjestër individë të pasur, banka, biznese dhe ndërmarrje shtetërore me sanksione që nga fillimi i pushtimit të Ukrainës në shkurt.

Në fillim të këtij muaji, Vladimir Putin i quajti sanksionet “të çmendura dhe të pamenduara” dhe një “Blitzkrieg ekonomik kundër Rusisë” që nuk kishte asnjë shans për të pasur sukses dhe që do të ishte më e dëmshme për ata që i vendosnin ato./albeu.com

The post Medvedev: Sanksionet e Perëndimit janë agresion dhe justifikojnë luftën appeared first on Albeu.com.