Ekzistojnë disa zgjidhje të shpejta për të parandaluar djersitjen e tepërt dhe i mësoni tani!

1. Shmang ushqimet pikante

Piperin harrojeni për disa kohë. Kur konsumojmë ushqime pikante, trupi ynë është i predispozuar për të djersitur më shumë. Përbërësit pikantë dërgojnë sinjale tek truri juaj dhe pas kësaj do të ndjeni një nxehtësi të menjëhershme në trup. E gjithë kjo përkthehet në djersë. Djersa përkthehet në njolla të padëshirueshme dhe aromë (jo të këndshme).

2. Sa më pak kafeinë

Kafeina shkakton gjithashtu djersitje! Sa më shumë produkte që përmbajnë kafeinë të konsumoni, aq më të larta janë gjasat për të djersitur. Gjatë verës, qëndroni tek çajërat e ftohtë ose zgjidhni versionin pa kafeinë.

3. Kujdes me kripën!

Kur konsumoni shumë kripë, trupi vepron për të larguar nga trupi natriumin e tepërt duke djersitur. Bëjini vetes një nder dhe sakrifikoni dashurinë për të!

The post Si të shpëtojmë nga djersa e tepërt gjatë verës! appeared first on Albeu.com.

Trupi çliron vazhdimisht djersë, edhe atëherë kur jeni në gjendje prehjeje siç është gjumi. Djersitja e tepërt gjatë dimrit është një problem shqetësues për shumë femra, sidomos kur mendojmë për njollat e shëmtuara në veshje.

Fatmirësisht në treg gjenden shumë produkte kundra djersës, por recetat natyrale mbeten të preferuarat. Njihuni me katër prej tyre.

Përzierje me sherebelë: Sherebela përmban magnez dhe vitaminë B që arrijnë të neutralizojnë djersën e tepërt.

Përbërësit: 100 gr sherebelë dhe 1 litër ujë. Zieni gjethet e sherebelës për 15 minuta në zjarr të avashtë dhe më pas filtrojini. Lëngun hidheni në një shishe me grykë në formë sprucatori dhe përdoreni sa herë keni nevojë.

Uthull molle, trumzë dhe rozmarinë: Kombinimi i këtyre tre produkteve ju mundëson një deodorant 100 % natyral që eleminon erën e keqe të djersës.

Përbërësit: 250 ml ujë, 250 ml uthull, 100 gramë rozmarinë dhe trumzë.
Zieni trumzën dhe rozmarinën në një enë me ujë të vakët për 30 minuta. Më pas filtroni ujin e përdorur dhe shtoni në të uthullën e mollës. Zieni sërish të dy përzierjen e lëngjeve dhe lëreni të ftohet. Do të habiteni me rezultatin.

Niseshte misri: Niseshteja e misrit është një produkt delikat për lëkurën, ai e ruan atë të thatë dhe largon erërat e këqija.

Përbërësit : 50 gramë niseshte misri dhe 50 gramë sodë buke.
Përzieni vazhdimisht të dy produktet derisa të treten njëri me tjetrin. Aplikojeni nën sqetull dhe lëreni të veprojë gjithë natën. Rrini të qetë sepse nuk do të ndotë veshjet tuaja. Mund ta përdorni edhe në hapësirën mes gishtave, të cilat shpeshherë djersiten.

Sodë buke dhe limon: Soda e bukës dhe limoni janë kanë në përbërjen e tyre ushqyes që kanë aftësi të ndalojnë djersën e tepruar dhe të zbardhin lëkurën poshtë sqetullës.

Përbërësit: 1 limon i freskët dhe 1 lugë gjelle sodë buke. Bëni një pastë me të dy përbërësit dhe lëreni në frigorifer sa të ftohet. Më pas aplikojeni në zonën ku keni djersitur. Pas 15 minutash lajeni me ujë të freskët.

The post Djersë e tepërt gjatë dimrit? Këto 4 receta me produkte të thjeshta janë zgjidhja appeared first on Albeu.com.

Por, djersitja nuk shkaktohet vetëm nga i nxehti. Gjendje të tjera shëndetësore dhe emocionale, sëmundje të ndryshme, ushqime të caktuara dhe efektet anësore të ilaçeve mund t’ju shkaktojnë djersitje të tepërt. Mësoni cilat janë shkaqet e djersitjes në të gjithë trupin dhe si t’i eliminoni sipas “shëndetit”.

Jeni të inatosur
Kur je i acaruar dhe ke arritur në atë pikë që s’mban më, trupi prodhon hormone të stresit që rrisin rrahjet e zemrës, tensionin e gjakut dhe temperaturën e trupit, duke çuar kështu në djersitje. Acarimi është një gjendje emocionale normale nëse shfaqet njëherë e ca kohë, por dalja rregullisht nga temperamenti mund të paralajmërojë për ndonjë problem.

Aktiviteti fizik
Djersitja shfaqet edhe kur kryeni aktivitet fizik. Duke qenë se humbisni lëngje kur djersitni, sidomos kur është shumë nxehtë, duhet të qëndroni të hidratuar.

Mos harroni të pini ujë para stërvitjes, gjatë dhe pasi të përfundoni aktivitetin fizik. Kjo do t’ju ndihmojë me temperaturën e trupit dhe performancën gjithashtu.

Të qenët nën presion
Të gjithë ata që nuk kanë arritur të përfundojnë në kohë një punë të rëndësishme ose kolliten para një audience të madhe e dinë si stresi, ankthi dhe sikleti mund të shkaktojnë djersitje. Stresi emocional prek gjëndrat dhjamore në duar dhe shollat e këmbës, prandaj është e sikletshme të shtrëngoni duart kur jeni nervoz.

Keni temperaturë të lartë dhe ethe
Kur jeni të sëmurë, rritet temperatura e trupit, por ndërkohë keni ftohtë dhe ethe sepse trupi përpiqet që të shmangë bakteret. Pas uljes së temperaturës, filloni të ngroheni dhe keni djersitje. Djersitja ndihmon që temperatura e trupit të shkojë në normalitet.

Jeni sëmurë
Jo patjetër duhet të keni temperaturë të lartë. Djersitja mund të jetë simptomë edhe e dhimbjes së kraharorit të lidhur me zemrën, quajtur angina, apo e një ataku në zemër. Infeksionet, diabeti dhe një gjëndër tiroide tepër aktive mund të shkaktojnë gjithashtu djersitje. Disa sëmundje, si kanceri, turbekuloza dhe HIV mund të shkaktojnë djersitje gjatë natës. Nëse djersitni shumë dhe jeni të shqetësuar për këtë, flisni me mjekun.

Kafja
Kafja e mëngjesi jo vetëm u zgjon nga gjumi. Ajo nxit djersitjen në dy mënyra. Fillimisht kafeina aktivizon sistemin nervor qendror, duke aktivizuar gjëndrat e djersës (sa më shumë kafeinë të pini, aq më shumë do të djersitni). E dyta, nxehtësia nga pija vetë mund t’ju shkaktojë nxehtësi në trup dhe djersitje.

Ushqimet pikante, alkooli, duhani
Të gjithë ne përjetojmë ndjesi të tilla si afshet e nxehta kur konsumojmë ushqime shumë pikante. Por, edhe alergjia apo intoleranca ndaj një ushqimi të caktuar mund të bëhet shkak për zhvillimin e tyre.

Alkooli, kafeina dhe aditivët janë disa nga shkaktarët më të zakonshëm të afsheve të nxehta dhe djersitjes.

Menopauza dhe afshet e nxehta
Afshet e nxehta dhe djersitja shfaqen për shkak të dy ndryshimeve kryesore në hormonet femërore, estrogjeni dhe progesteroni.

Para menopauzës, estrogjeni dhe progesteroni janë dy hormonet që prodhohen më shumë nga vezoret si një pjesë normale e ciklit mujor. Por, teksa një grua i afrohet fazës së menopauzës, vezoret fillojnë të mos prodhojnë më aq shumë estrogjen dhe progesteron. Kjo rënie shkakton edhe afshet e nxehta.

Efektet anësore të ilaçeve
Djersitja mund të jetë efekt anësor i disa ilaçeve, si antidepresantët, ilaçet anti-inflamatore jo-steroidale, ilaçet për tensionin e gjakut, trajtimet për kancerin dhe diabetin. Nëse ilaçet po ju shkaktojnë shumë djersitje, flisni me mjekun për të ndryshuar dozën ose t’ju rekomandojë ndonjë ilaç tjetër.

The post Djersitja, jo vetëm nga i nxehti: Mësoni se çfarë e shkakton appeared first on Albeu.com.

“Lëkura nën gjinj nuk është e ekspozuar ndaj ajrit dhe kjo është një arsye pse lagështia tenton të grumbullohet në atë zonë.”

Fatmirësisht, ka disa gjëra që mund të bëni për t’ia lehtësuar sadopak vetes këtë “bezdi” të vogël.

– Shmangni çdo reçipetë që ka material sintetik si poliestër ose materiale shumë të trasha. Gjatë vapës rekomandohem veshje pambuku pasi ato e lejojnë lëkurën të ajroset më mirë. Gjithashtu, nuk sugjerohet të përdorni reçipeta me tel apo me mbushje sepse kanë tendencën ta bëjnë djersitjen edhe më keq.

– Një opsion tjetër mbetet sigurisht, të mos mbani fare reçipeta.

– Nëse gjendja e djersitjes është kthyer në problematike për ju, bisedoni me një mjek, i cili me shumë gjasë do t’ju japë një lloj ilaçi që aplikohet zakonisht nën sqetulla për të kontrolluar djersitjen e tepërt. Ky ilaç gjendet (edhe) në formë kremi.

– Përdorni pudër bebi, antidjersë dhe bëni dush rregullisht, duke e shoqëruar me eksfolim dhe hidratim të lëkurës.

The post Si të shpëtoni nga djersitja në zonën e gjoksit gjatë ditëve kur është shumë vapë! appeared first on Albeu.com.

Uthulla e mollës njihet si nëna e të gjitha kurave natyrore, kundër të gjitha baktereve dhe aromave. Për lëkurën përdoret me qëllime të ndryshme, por kundër djersitjes së tepërt është një zgjidhje ideale shumë efikase.

Nëse vuan nga djersitja e tepërt në sqetulla, atëherë këshilla më e mirë është uthull molle në sqetulla para se të flesh. Dhe pasi të zgjohesh në mëngjes, mjafton një shpëlarje me ujë të bollshëm.

Edhe djersitja në shputat e këmbës mund të jenë një problem më vete. Edhe për to, pas larjes më sapun, këshilla është uthull molle.

Nëse je tip që djersin shpesh dhe shumë, atëherë është mirë të pish çdo ditë nga pak uthull molle. Shto 1-2 lugë uthull në një gotë me ujë dhe pije çdo ditë.

The post Djersitja e tepërt ka vetëm një sekret natyral, aplikoje çdo mbrëmje appeared first on Albeu.com.