djegin Archives - Albeu.com

FOTOT/ Festa e ndërrimit të viteve lë pasoja, fishekzjarret djegin plotësisht dy makina në Elbasan

V K — Thu, 01 Jan 2026 06:40:42 +0000

Gjatë festimeve për ndërrimin e viteve në shtatë bashkitë e Qarkut Elbasan, si pasojë e hedhjes së fishekzjarrëve, nuk janë shënuar incidente të rënda me pasoja për qytetarët.

Megjithatë, burime jozyrtare bëjnë me dije se në zonën midis lagjes “5 Maji” dhe asaj “Emin Matraxhiu” në qytetin e Elbasanit, nga hedhja e pakontrolluar e fishekzjarrëve, janë djegur plotësisht dy automjete, ndërsa dy të tjera kanë pësuar dëmtime të pjesshme.

Ndërkohë, shërbimet e Policisë në të gjithë territorin e Qarkut Elbasan kanë qenë në gatishmëri të plotë dhe vijojnë monitorimin e situatës, veçanërisht të qarkullimit rrugor.

Sipas të dhënave, trafiku në të gjitha rrugët e qytetit të Elbasanit ka qenë i dendur edhe gjatë natës së ndërrimit të viteve.

Po ashtu, ambientet ku u zhvilluan festimet kanë qenë mjaft të frekuentuara nga qytetarët, ndërsa Policia ka vijuar praninë dhe kontrollin për të garantuar rendin dhe sigurinë publike gjatë gjithë natës festive në të shtatë bashkitë e Qarkut Elbasan.

The post FOTOT/ Festa e ndërrimit të viteve lë pasoja, fishekzjarret djegin plotësisht dy makina në Elbasan appeared first on Albeu.com.

Të rinjtë e FRPD-së, djegin manekinët e Ramës, Veliajt e Manastirliut para Kryeministrisë

V K — Sun, 08 Dec 2024 12:24:52 +0000

Marshimi i të rinjve të PD në kuadër të 8 Dhjetorit, është mbyllur para Kryeministrisë. Ndërkohë që u është vënë flaka tre manekinëve që kanë qenë me fytyrën e Ramës, Veliajt dhe Manastirliut. Kjo godinë tha kreu i FRPD Besart Xhaferri, është simbol i tre epokave. Ne 45 – 90 kur burgoseshin të rinjtë në [...]

Inceneratorët po “djegin” vetëm fondet publike, Eurostat: Vetëm 4% e mbetjeve në Shqipëri u përpunuan më 2022

V K — Fri, 16 Feb 2024 06:51:30 +0000

Projektet e inceneratorëve për djegien e mbetjeve, hyjnë në investimet më të mëdha të qeverisë për nga vlera në 6 vitet e fundit, por ato nuk anë pasur asnjë rol në trajtimin e mbetjeve edhe pse 2 nga tre objektet tashmë janë ndërtuar.

Të dhënat e Eurostat, mbi trajtimin e mbetjeve në Europë tregojnë se në vitin 2022 në Shqipëri u gjeneruan 295 kilogram mbetje për banorë, por vetëm 13 kilogram për frymë ose 4.4% për qind e totalit të tyre u eliminuan me djegie në inceneratorë ose në fushë të hapur.

Sakaq, inceneratorët janë kthyer në objekte të “djegies” së fondeve publike. Qe nga viti 2017- janar 2024, ato kanë marrë nga buxheti i shtetit rreth 122 milionë euro, sipas te dhënave nga Ministria e Financave, teksa miliona të tjera prokurohen ditë pas ditë me qëllim për rikthimin e tyre në pune.

Vetëm në janar të vitit 2024, kompania Integrated Energy BV SPV përgjegjëse për ndërtimin e indceneratorit të Tiranës, është paguar nga thesari i shtetit me rreth 2.1 milionë euro, nga të cilat mbi 600 mijë ishin pagesa të Bashkisë së Durrësit dhe 1,5 milionë euro nga Bashkia e Tiranës.

Për shkak të investimeve jo-efektive dhe korruptive kostot e Bashkisë së Tiranës, për menaxhimin e mbetjeve në vitin 2024 janë më shumë së dyfishi, në krahasim me vitin 2017, përpara se të fillonte projekti i inceneratorëve, sipas të dhënave zyrtare nga buxheti afatmesëm 2024-2026 i Bashkisë së Tiranës për periudhën 2021-2024 dhe 2017 nga Kontrolli i Kartë i Shtetit (KLSH).

Përpunimi i mbetjeve i kushton më shumë bashkisë së Durrësit. Bashkia Durrës, përbën një rast unik se si mbi gjysmën e të ardhurave që ajo mbledh vetë e shpenzon vetëm për një zë, për mbrojtjen e mjedisit (kryesisht pastrimi mbeturinave).

Në vitin 2022, të ardhurat e veta të Bashkisë (nga taksat e tarifat e taksat e ndara) ishin 1.53 miliardë lekë, me rënie 3% në krahasim me vitin e mëparshëm, sipas të dhënave nga Co-Plan.

Sakaq, qytetet kryesorë të vendit përballen njëherazi me kosto të larta të trajtimit të mbetjeve dhe ndodhen para një emergjencë mjedisore, pasi mbetjet e gjeneruara në Elbasan, Durrës, Kavajë, Vorë dhe Tiranë po grumbullohen në landfillet pranë inceneratorëve që nuk punojnë.

Trajtimi i mbetjeve në Shqipëri vijon të jetë një “patate e nxehtë” në dorën e qeverisë, teksa vendi po përjeton bum turistik.

Vendi vitin e kaluar u vizitua nga 10 milionë turistë, dhe ky sezon pritet të jetë edhe më i mbarë nga prenotimet.

Nga ana tjetër pirgjet me plehra gjenden kudo në vend.

The post Inceneratorët po “djegin” vetëm fondet publike, Eurostat: Vetëm 4% e mbetjeve në Shqipëri u përpunuan më 2022 appeared first on Albeu.com.

Protesta në Bruksel, fermerët djegin traktorët përpara Parlamentit Europian (VIDEO)

V K — Thu, 01 Feb 2024 09:32:36 +0000

Situata është përshkallëzuar në Bruksel, ku fermerët janë mbledhur përpara Parlamentit Europian, duke djegur traktorët.

Edhe pse protestat e fermerëve, nuk janë në axhendën zyrtare për samitin e Brukselit, ata u mblodhën për të kërkuar të drejtat e tyre.

Sipas informacioneve të fundit, një mijë traktorë u mblodhën në vendin ku do të zhvillohet samiti, ndërsa protestuesit janë kryesisht nga Belgjika.

Fermerët rrëzuan një statujë historike në Sheshin e Luksemburgut, ndërkohë që u raportua edh për përleshje me policinë.

Ndërkohë, ditën e djeshme, fermerët francezë dhe belgë bllokuan një pikë kalimi në kufirin mes dy vendeve.

Në Francë, situata u përshkallëzua edhe më shumë mbrëmjen e së mërkurës, me arrestimet e para të fermerëve që donin të bllokonin tregun Ranji, qendrën ushqimore të rajonit të Parisit.

EN DIRECT | Blocages des agriculteurs: un millier de tracteurs à Bruxelles, la capitale sera paralysée ce jeudi
👉 Suivez notre direct sur la situation ⤵️https://t.co/vbKhw85z7M #Agriculteurs #Bruxelles #SommetUE pic.twitter.com/yGU98JBXVP

— L'Echo (@lecho) February 1, 2024

Gjithsej 91 persona u arrestuan në orët e vona të pasdites, pas një bastisjeje në ambientet e këtij tregu me shumicë, pas dëmëve të shkaktuara.

Ndihma e shpallur dje nga qeveria franceze dhe koncesionet e Komisionit Europian dhe importet nga Ukraina, duket se nuk i kënaqi fermerët, të cilët po mobilizohen edhe në Itali, Spanjë dhe Gjermani.

The post Protesta në Bruksel, fermerët djegin traktorët përpara Parlamentit Europian (VIDEO) appeared first on Albeu.com.