Edhe pse impianti nuk po ndërtohet, qeveria vijon të kryejë pagesat me një korrektësi të lartë, nga të gjitha kontratat e tjera të investimeve publike.

Këto pagesa vijnë në një kohë kur nuk është bërë asnjë investim për impiantin, ndërsa mbetjet e kryeqytetit vazhdojnë të depozitohen në landfillin ekzistues të Sharrës.

Ministria e Financave më parë justifikoi vazhdimin e financimeve me nevojën për të respektuar detyrimet kontraktuale dhe për të shmangur penalitetet, duke pranuar dobësitë e kontratës ku fondet disbursohen pa kuotat e punimeve.

Kjo ndodh edhe pse ligji organik i buxhetit dhe një seri udhëzimesh nuk lejojnë pagesa buxhetore pa një situacion punimesh.

Deri në 22 tetor 2025, buxheti ka dhënë mbi 8,9 miliardë lekë ose mbi 90 milionë euro për ndërtimin e objektit që nuk ekziston, sipas të dhënave nga Open Data Albania.

Ndërkohë, Bashkia e Tiranës, përfshin çdo vit në planifikimet buxhetore shuma të konsiderueshme për shërbimin e pastrimit dhe menaxhimin e mbetjeve, ndërsa kontrata e inceneratorit parashikohet të përfshijë edhe fazën e djegies me prodhim energjie, fazë që ende nuk ka nisur dhe deri tani ka djegur vetëm fondet publike.

Qeveria Shqiptare në vitet 2016-2017, planifikoi ndërtimin e 3 incineratorëve në Elbasan me kapacitet 140 ton/ditë, në Fier me kapacitet 200 ton/ditë dhe Tiranë me kapacitet 920 ton/ditë.

Incineratorët në Elbasan dhe Fier janë financuar me skemën e Partneritetit Publik – Privat (PPP), tashmë janë jashtë funksionit pasi rezultuan tërësisht kontratat korruptive të vërtetuara nga hetimet e SPAK.

Kontrata e inceneratorit të projektuar në Tiranë, është aktive dhe financohet përmes një koncensioni 30 vjeçar me vlerën 128 milionë Euro, shumë kjo që alokohet tërësisht deri në vitin 2028 dhe deri më tani janë dhënë më shumë se 70 % e fondeve.

Qeveria programoi se kapaciteti i tre inceneratorëve së bashku është sa 43% e totalit të mbetjeve që gjenerohen në të gjithë vendin, por tani mosfunksionimi i tyre ka futur vendin në një emergjencë mjedisore dhe pa një vizion të qartë se do të vazhdohet, përderisa vitin që vjen mbetjet e gjeneruara në Përrenjas, Librazhd, Elbasan, Fier Lushnjë etj do të depozitohen në Shkodër.

Kjo mënyrë do të krijojë kosto të larta ta transportit, pasi me rrugën ekzistuese që lidh Shkodrën me pjesën tjetër të vendit ka gjithmonë shumë trafik.

Qeveria ka projektuar të përdorë Shkodrën për të depozituar mbetjet e gjysmës së Shqipërisë, në një kohë ku hapësirat për landfille afër qyteteve të mëdha nuk janë ezauruar./ Monitor

The post Inceneratori i Tiranës do të “djegë” edhe 30 milionë euro deri më 2028 appeared first on Albeu.com.

Identifikohen dhe shpallen në kërkim 3 autorët e dyshuar të rastit (shtetas maqedonas dhe kosovarë).

Si rezultat i hetimeve të kryera nga shërbimet e Komisariatit të Policisë Nr. 4, mbi djegien e automjetit të shtetases P. K., 30 vjeçe, kryer rreth orës 04:00 të datës 16.04.2025, në rrugën “Belul Hatibi”, u zbardh autorësia e këtij krimi.

Konkretisht, u identifikuan dhe u shpallën në kërkim si autorë të dyshuar, shtetasi maqedonas A. S., 65 vjeç, si dhe shtetasit kosovarë, A. S., 37 vjeç dhe F. B., 40 vjeç, të tre banues në Kosovë.

Nga hetimet dyshohet se krimi u krye për motive të dobëta.

Punohet intensivisht për kapjen e 3 shtetasve të shpallur në kërkim, si dhe po hetohet për të identifikuar dhe kapur shtetas të tjerë që mund të jenë implikuar në këtë rast.

Materialet procedurale iu referuan Prokurorisë së Tiranës, për veprime të mëtejshme.

The post Dogjën makinën e 30-vjeçares në Tiranë, identifikohen dhe shpallen në kërkim 3 autorët e dyshuar appeared first on Albeu.com.

Gjatë fjalës së tij, Balliu akuzoi dhe SPAK-un për hetimet e cekëta që kryen ndaj ministrave, apo drejtorëve të qeverisë së Edi Ramës.

“Dy pika shkurtimisht.

Më bën përshtypje se kjo polici nuk e gjen dot veten tek uniforma që vesh.

Më bën përshtypje që kjo polici kërkon përplasjen e qytetarëve me njëri-tjetrin dhe pak më parë më erdhi një zotëri që më tha, e kam djalin e vogël dhe duhet të shkojmë në spital.

Fatmirësisht gjetëm rrugën dhe mënyrën që të kalonte.

E kuptoni që për interesa politike se çfarë u bëni ju qytetarëve, i lini pa shkuar në spital, në punë, pa çuar fëmijët në shkollë, pengoni jetën e përditshme dhe për çfarë? Vetëm për të ju përgjigjur një mafiozi si Erion Veliaj.

Një mafioz që nuk e them vetëm unë, por e thotë edhe shefi juaj, se Nesti Angoni është PS-ja, është Edi Rama.

Ne kur i çojmë letrat tona nuk e i çojmë anonim. Belind Këlliçi e ve emrin në letrat e tij, por këta nuk kanë guxim të shikojnë letra e Belind Këlliçit, por shikojnë letrat e Angonit.

Dhe pastaj dëgjojmë personazhe si Ilir Beqaj, që thoshte se nuk bëni dot pis figurën time dhe qeverinë.

Por ai ishte edhe një kod. Kodi ishte; shoku Edvin po i bëj këto 1-2 vite, por mos më prek paratë që kam vjedhur.

Se këta hyjnë atje bëjnë 1-2 vite dhe dalin miliarderë.

Hyri Saimir Tahiri si ish-deputet, doli si ndërtues. Hyjnë si politikanë të korruptuar dhe dalin si biznesmenë të suksesshëm.

Ky është Skapi i partisë.

Këto ditë kam qenë në zona të ndryshme të Tiranës dhe kam qenë edhe në Kombinat, ku pas orës 7 të mbrëmjes, sheh një tym që përfshin të gjithë zonën, shtëpi, rrugë e lokal. Tym që vjen nga djegia e plehrave.

Ky njeri, Erion Veliaj është kthyer në aleatin themelor dhe kryesor të kancerit. Djegia e atyre plehrave rrit rastet me kancer në Tiranë dhe këta vazhdojnë dhe na marrin paratë për inceneratorët”, tha ndër të tjera, Klevis Balliu gjatë fjalës së tij në protestën tek bashkia e Tiranës.

The post Protesta e opozitës/ Klevis Balliu: Me djegien e plehrave në Sharrë, Veliaj është kthyer në aleatin kryesor të kancerit appeared first on Albeu.com.

Muhamet Çota, ka treguar momentin kur autori, i maskuar dhe me kapele hyri në garazh ku ishte makina, i hodhi benzinë në pjesën e parë dhe më pas i vendosi flakën.

“Ngjarja mund të ketë ndodhur mbrëmë rreth orës 22:15. Në kamerat e sigurisë pashë që diskush kishte hyrë në garazh, i maskuar, me kapele dhe kapuç gri, hodhi benzinën e vuri flakën. Mbaroi punë e u kthye andej nga hyri. Neve na njoftoi një komshi që kishte parë tym në garazh. Morëm kovën me ujë të fiknim zjarrin edhe njoftuam policinë dhe zjarrfikësit”,– shprehet Çota.

I pyetur për shkakun pse mund të ketë ndodhur kjo ngjarje, i ati i drejtoreshës shprehet se mund të ketë ndodhur për shkak të detyrës.

The post Djegia e makinës së drejtoreshës së Tatimeve në Vlorë, flet babai: Është e qëllimshme për shkak të detyrës appeared first on Albeu.com.

Flakët u përhapën me shpejtësi duke shkrumbuar plotësisht katet e fundit të pallatit, ndërsa dëmet janë të mëdha edhe për apartamentet e kateve të tjera.

Një banor i këtij pallati duke folur për mediat tha se ai ka qenë i pari që ka parë zjarrin dhe ka dalë menjëherë jashtë.

Ai thotë se sonte do flejë jashtë në stol pasi policia nuk i lejon të futen në apartamentet e tyre.

“S’e dimë ende sa dëme kemi nuk na lënë të futemi. Unë isha brenda kur mori flakë apartamenti. Filloi nga kati sipër isha i pari që kam dalë dhe pashë zjarrin. Zjarrfikësja ka ardhur menjëherë por zjarri u përhap shumë shpejt. Policia ndërhyri menjëherë për të nxjerrë banorët sepse as ata nuk e prisnin të bëhej kështu. Zjarri u përhap menjëherë. Unë banoj në katin e 5. Sonte do të fle te stoli”, u shpreh banori.

The post “Sonte do fle te stoli”, banori i pallatit 10-katësh që u dogj në Tiranë tregon momentet e para të zjarrit appeared first on Albeu.com.

“Ne dënojmë me forcë lejen e autoriteve Suedeze për të djegur një kopje të Kur’anit të Shenjtë në Stokholm në ditën e Bajramit dhe jemi të befasuar që ky akt urrejtjeje konsiderohet liri e mendimit dhe shprehjes.

Ne mendojmë se akte të tilla nxisin konflikte dhe dhunë midis qytetërimeve dhe nuk ndihmojnë në zbutjen e konflikteve ndërkombëtare”, thuhet në reagimin e qendrës që nxit dialogun ndërfetar dhe po ashtu bashkëjetesën fetare.

The post QBNF dënon djegien e Kur’anit në Suedi: Nxit konflikte appeared first on Albeu.com.