Kujdes! Këto janë sëmundjet më të shpeshta gjatë verës

E B — Fri, 23 Jun 2023 18:38:07 +0000

Vera tashmë ka nisur me temperatura të larta të cilat mund të shkaktojnë probleme të ndryshme shëndetësore ndaj mjekët sugjerojnë shmangien e orëve të pikut.

Ja disa nga sëmundjet më të zakonshme në stinën e nxehtë:

1. Goditja nga i nxehti

• Goditja nga i nxehti ose hipertermia ndodh si pasojë e ekspozimit të zgjatur ndaj temperaturave të larta. Simptomat e goditjes nga i nxehti përfshijnë: temperaturë mbi 39ᵒC, lëkurë e kuqe e thatë, të përzjera, alternime të koshiencës, të dridhura të forta të trupit, dhimbje koke.

2. Helmimi nga ushqimi

• Helmimi nga ushqimi ndodh nga konsumimi i ushqimit ose ujit të kontaminuar. Moti i ngrohtë dhe i lagësht ofron një mjedis pjellor për rritjen e baktereve të cilat pas hyrjes në trupin e njeriut shkaktojnë dhimbje stomaku, të përziera, diarre ose të vjella.

3. Dehidratim

• Një nga problemet më të shpeshta në verë për shkak të djersitjes së shtuar. Kujdes, humbja e lëngjeve duhet të zëvendësohet për funksionimin normal të trupit.

4. Lija e dhenve

• Një nga sëmundjet më të shpeshta të verës. Simptomat e zakonshme përfshijnë flluska, kruajtje të lëkurës, skuqje, temperaturë të lartë, humbje të oreksit dhe dhimbje koke.

5. Tifoja

• Transmetohet nga uji përmes rrugëve orofekale. Simptomat më të zakonshme përfshijnë temperaturë të lartë, lodhje, dobësi, dhimbje barku, dhimbje koke dhe humbje oreksi.

6. Djegia nga dielli

• Shkaktohen nga rrezet ultraviolet (UV) të diellit që dëmtojnë qelizat e lëkurës. Ekspozimi i tepërt ndaj rrezatimit të dëmshëm UV mund të çojë në skuqje të dhimbshme në lëkurë.

7. Skuqje nga nxehtësia

• Ka ngjyrë të kuqe ose rozë që shfaqet në zonat e trupit që janë të mbuluara me veshje dhe është më e zakonshme tek fëmijët. Ndodh kur kanalet e djersës bllokohen dhe fryhen, dhe shfaqet si pika ose puçrra të vogla në lëkurë. Shpesh shkakton siklet dhe kruajtje.

The post Kujdes! Këto janë sëmundjet më të shpeshta gjatë verës appeared first on Albeu.com.

Harrojeni kosin, 3 metodat natyrale për të kuruar menjëherë djegien nga dielli

A M — Mon, 01 Aug 2022 12:53:01 +0000

Nëse deri më dje keni besuar mamanë ose gjyshes që ju lyente shpinën, shpatullat ose këmbët me kos, pa ditur se enzimat e tij acide dëmtojnë akoma në rëndë lëkurën e skuqur, nuk keni më arsye për ta bërë.

Me poshtë gjeni 3 trajtime natyrale që do ju ndihmojnë në rast se rrezikoni të digjeni:

Aloe Vera: Xheli i Aloe veras është zgjidhja ideale në rast se e keni tepruar me qëndrimin në diell pasi përmban antioksidantë që luftojnë inflamacionin e lëkurës. Mund ta aplikoni direkt në lëkurë duke e masazhuar me lëvizje të lehta ose të formoni kuba akulli me xhelin e Aloe veras dhe me to të lyeni zonën e djegur. Këshillohet që degët e Aloe veras të qëndrojnë fillimisht në frigorifer para përdorimit.

Qumësht: Pse të përdorni kosin kur keni qumështin? Acidet laktike të këtij të fundit hidratojnë lëkurën duke i dhënë ndjesi freskie lëkurës së skuqur. Në një tas shtoni një gotë qumësht të ftohtë dhe 2 filxhanë kafeje ujë. Merrni një top pambuku dhe lyeni lëkurën disa herë në ditë. Përsëriteni trajtimin derisa lëkura të shërohet plotësisht.

Kamomil: Bima e kamomilit ka në përmbajtjen e saj përbërës me veti antiinflamatore dhe qetësuese. Zieni pak çaj kamomili dhe lëreni të ftohet. Më pas lyeni trupin me të. Ju mund të përgatisni gjithashtu kuba akulli me kamomili, të cilat do ju falin një ndjenjë të mrekullueshme freskie gjatë masazhit.

The post Harrojeni kosin, 3 metodat natyrale për të kuruar menjëherë djegien nga dielli appeared first on Albeu.com.

djegia nga dielli Archives - Albeu.com

Kujdes! Këto janë sëmundjet më të shpeshta gjatë verës

Harrojeni kosin, 3 metodat natyrale për të kuruar menjëherë djegien nga dielli