Policia në Malmo tha se ndaj oficerëve të saj u hodhën gurë dhe disa vetura të tyre u dogjën, përshirë një garazh nëntokësore, gjatë përleshjeve që nisën të dielën dhe vazhduan deri pas mesnatës.

Ajo i cilësoi ato si “trazira të dhunshme”.

Përleshjet nisën pasi një aktivist kundër islamit, Salwan Momika, e dogji një kopje të Kuranit të dielën dhe një grup i zemëruar u përpoq ta ndalte, tha policia.

Të paktën tre persona u arrestuan, njoftoi policia.

Mëngjesin e së hënës, një grup i, kryesisht të rinjve, dogjën goma dhe mbeturina, ndërsa disa të tjerë i rrëzuan skuterët elektrikë dhe vunë barriera në lagjen Rosengard në Malmo, në të cilën ka pasur përleshje të tilla edhe në të kaluarën. Aty u shpalosën edhe banerë që dënonin djegien e Kuranit.

“E kuptoj se një tubim publik si ky ngjall emocione të forta, por ne nuk mund t’i tolerojmë sjelljet e dhunshme dhe çrregullimet si ato që i pamë të dielën pasdite”, tha oficerja e lartë e policisë, Petra Stenkula.

“Është për keqardhje të shohësh përsëri dhunën dhe vandalizmin në Rosengard”, tha ajo.

“Pavarësisht arsyeve prapa këtyre trazirave, djegia e veturave, ngacmimet, dhuna kundër oficerëve policorë… pavarësisht arsyes, mendoj se kjo është plotësisht e papranueshme për të gjithë suedezët”, tha kryeministri i Suedisë, Ulf Kristersson, në një konferencë për media.

Në muajt e kaluar, Momika, një refugjat irakian, i ka përdhosur kopjet e Kuranit në një varg protestash kundër islamit, kryesisht në Stokholm.

Policia e Suedisë i ka lejuar veprimet e tij, duke u thirrur mbi lirinë e shprehjes.

Djegia e Kuranit ka nxitur protesta të ashpra në vendet myslimane, sulme ndaj misioneve diplomatike të Suedisë dhe kërcënime nga ekstremistët islamistë.
Liderët myslimanë në Suedi i kanë bërë thirrje Qeverisë të gjejë mënyra për ta ndaluar djegien e Kuranit.

Suedia i shfuqizoi ligjet e saj të fundit për blasfeminë në vitet ’70, dhe Qeveria ka thënë se nuk e ka ndër mend t’i rikthejë ato.

Megjithatë, Qeveria ka njoftuar se po e shikon mundësinë për t’ia mundësuar policisë t’i hedhë poshtë kërkesat për demonstrata të tilla për shkak të shqetësimeve të sigurisë kombëtare./rel

The post Përleshje të dhunshme në Suedi, pas djegies së Kuranit appeared first on Albeu.com.

“Ne kemi mësuar se sulmet e planifikuara terroriste janë parandaluar,” tha Christerson në një konferencë për shtyp, pa dhënë detaje.

Më herët të enjten, agjencia e sigurisë SAPO kishte njoftuar se niveli i kërcënimit kundër vendit, ishte rritur nga niveli tre në nivelin e katërt në një shkallë prej pesë pikësh, ndërsa tensioni ndërkombëtar u rrit për djegien e kopjeve të Kuranit në protestat në vendin skandinav.

“Kërcënimi kundër Suedisë ka ndryshuar gradualisht dhe kërcënimi i sulmeve është rritur gjatë vitit”, tha agjencia e sigurisë në një deklaratë.

Sipas SAPO, ndërsa Suedia konsiderohej më parë një objektiv legjitim për sulme terroriste, tani ajo konsiderohet një objektiv prioritar.

The post Parandalohet një sulm terrorist ndaj kryeministrit suedez appeared first on Albeu.com.

Në një telefonatë me homologun e tij danez Lars Lokke Rasmussen, zoti Fidan dënoi “sulmet e vazhdueshme të neveritshme kundër Kuranit”. Ai i tha zotit Rasmussen se ishte e papranueshme të lejoheshin veprime të tilla nën maskën e lirisë së shprehjes, tha burimi.

Ministri Rasmussen shkroi të shtunën në platformën e mesazheve X, e njohur më parë si Twitter:

“Turqia dhe Danimarka janë aleatë të ngushtë. Është e rëndësishme të mos lejojmë që këto akte të arrijnë të na përçajnë.” Ai përsëriti gjithashtu “denoncimin e fortë të Danimarkës ndaj këtyre akteve provokuese nga një numër i vogël individësh”.

Komentet erdhën pasi një grup i vogël aktivistësh anti-islamikë i vunë zjarrin Kuranit përpara ambasadave egjiptiane dhe turke në Kopenhagë të martën, pas protestave të ngjashme në Danimarkë dhe Suedi gjatë javëve të fundit.

Danimarka dhe Suedia kanë shprehur keqardhje për djegien e librit të shenjtë të Islamit, por thonë se nuk mund t’i parandalojnë pasi liria e shprehjes është e garantuar./VOA/

The post Turqia i kërkon Danimarkës të marrë masa për parandalimin e djegies së Kuranit appeared first on Albeu.com.

I gjithë personeli i ambasadës në Bagdad mbeti i padëmtuar gjatë incidentit, siç konfirmohet nga zyra e shtypit e Ministrisë së Jashtme suedeze në një deklaratë për media.

Ministria dënoi me forcë sulmin dhe theksoi rëndësinë e marrjes së masave të nevojshme nga autoritetet irakiane për të mbrojtur misionet diplomatike.

Megjithatë, ministria nuk iu përgjigj menjëherë një kërkese të agjencisë së lajmeve Reuters për informacion shtesë në lidhje me situatën.

Mbështetësit e klerikut shiit Muqtada Sadr organizuan protestën të enjten kundër djegies së dytë të planifikuar të Kuranit në Suedi brenda pak javësh.

Njoftimi për protestë u bë përmes postimeve në një grup në Telegram të ndjekur gjerësisht, që është i lidhur me klerikun me ndikim,si dhe në kanale të tjera mediatike që mbështesin atë.

Si një nga figurat më me ndikim të Irakut, Sadr ka ndikim mbi një numër të madh ndjekësish të përbërë nga qindra mijëra mbështetës.

Ai ka thirrur më parë ndjekësit e tij për të dalë në rrugë në raste të ndryshme, si në verën e kaluar kur ata pushtuan Zonën e Gjelbër të fortifikuar të Bagdadit, duke çuar në konfrontime fatale.

Sipas lejes së lëshuar nga policia suedeze të mërkurën, një tubim publik jashtë ambasadës së Irakut në Stokholm u miratua.

Leja tregonte se vetëm dy persona pritej të merrnin pjesë në këtë tubim. Njëri nga ta është një burrë që i vuri zjarrin një Kuranit jashtë një xhamie të Stokholmit në qershor.

Policia suedeze refuzoi disa aplikime për protesta në fillim të këtij viti, që do të përfshinin djegien e Kuranit, duke përmendur shqetësimet e sigurisë.

Gjykatat që atëherë kanë rrëzuar vendimet e policisë, duke thënë se akte të tilla mbrohen nga ligjet e gjera të vendit për lirinë e fjalës.

Një seri videosh të postuara në grupin Telegram, One Baghdad, treguan njerëz që mblidheshin rreth ambasadës suedeze rreth orës 1 të mëngjesit të së enjtes duke brohoritur parulla pro-Sadr dhe duke sulmuar kompleksin e ambasadës rreth një orë më vonë.

“Po, po për Kuranin”, brohoritën protestuesit.

Videot më vonë treguan tymin që ngrihej nga një ndërtesë në kompleksin e ambasadës dhe protestuesit që qëndronin në çatinë e saj.

The post Sulmohet ambasada suedeze në Bagdad në shenjë proteste për djegien e Kuranit appeared first on Albeu.com.