Nga veprimet e para hetimore të kryera nga uniformat blu, si dhe bazuar në deklaratën e vëllait të adoleshentit, lind dyshimi se Arjanito mund të jetë nisur për të lypur, një sjellje që, sipas të afërmve, nuk është e panjohur më parë. Megjithatë, pozicioni i tij gjeografik vijon të jetë mister. Autoritetet kanë shpallur në kërkim 12-vjeçarin dhe po vijojnë një punë të thelluar për ta lokalizuar, duke kontrolluar çdo sinjalizim që mund të hedhë dritë mbi çështjen.

Nëna tregon se largimi i Arjanitos nuk është një episod i izoluar. Edhe më parë ai është larguar pa i njoftuar të tjerët, por është rikthyer pas disa ditësh. Megjithatë, këtë radhë gjendja është shumë më alarmante, pasi tashmë kanë kaluar dy javë pa asnjë komunikim apo sinjal të saktë. Sipas dëshmisë së saj, në mbrëmjen e zhdukjes, fëmija ndodhej në banesë dhe shfrytëzoi çastin kur të tjerët ishin në gjumë për t’u arratisur fshehtazi nga ballkoni.

Në përpjekje për ta rigjetur, ajo shpjegon se ka marrë disa të dhëna joformale se ai mund të jetë diktuar në aytetin e Durrësit. Për këtë arsye, është nisur personalisht për në këtë qytet, me shpresën se do ta takojë. Familja iu drejtohet të gjithë qytetarëve që, nëse e kanë parë Arjaniton ose kanë ndonjë njoftim që mund të ndihmojë në gjetjen e tij, të lajmërohen pa vonesë në numrin +355 69 395 4449 ose të njoftojnë njësitë më të afërta të Policisë së Shtetit. Çdo detaj, sado i vogël që mund të duket, mund të jetë thelbësor për të sjellë 12-vjeçarin përsëri në gjirin e familjes.

The post Thirrje e dhimbshme e nënës nga Elbasani: Djali 12-vjeçar i zhdukur prej dy javësh, dyshohet se iku për të lypur appeared first on Albeu.com.

Në videon e publikuar, Geraldina i këndon me përkëdheli Aleksandrit, ndërsa dëgjohen vargjet: “Kam me ia tregu unë gjithë botës mbarë, se në këtë shtëpi lindi një vëlla. Ma përkëdhel këtë shpirt veç me një shikim, a e ndal ti kohën, biri im?”

Princ Leka e ka shoqëruar postimin me fjalët: “Një melodi dashurie nga Geraldina për vëllain e saj të vogël, Aleksandër. Kujtimi i parë i një lidhjeje që do t’i shoqërojë gjatë gjithë jetës.”

Kujtojmë se më 10 korrik, Princ Leka dhe Blerta Celibashi u bënë prindër të një djali, të cilin e pagëzuan me emrin Aleksandër.

VIDEO

The post Princ Leka ndan pamjet emocionuese, Princesha Geraldinë i këndon me përkëdheli Aleksandrit të porsalindur: Kam për t’ia treguar botës se më lindi një vëlla appeared first on Albeu.com.

Ai ka publikuar një foto mjaft të ëmbël ku shfaqet duke mbajtur në krahë të porsalindurin, duke zbuluar kështu portretin e tij për publikun.

Megjithëse vetë Adriani nuk e pati publikuar drejtpërdrejt gjininë apo emrin e të voglit, detajet u zbuluan shpejt nga komentet e familjarëve në rrjetet sociale.

Në një nga komentet e të afërmve, shoqëruar me zemra të kaltra, la të nënkuptohet se fëmija është djalë dhe mban emrin e veçantë Leonardo.Kujtojmë se Adriani dhe partnerja e tij, Sidorela, kurorëzuan lidhjen e tyre shumëvjeçare me martesë në muajin shkurt të këtij viti, duke i dhënë fund beqarisë në një ceremoni private.Vetëm pak muaj më vonë, në muajin maj, çifti u bekuan me ardhjen në jetë të fëmijës së tyre të parë.

The post Adrian Gaxha publikon për herë të parë portretin e të birit, zbulohet edhe emri i veçantë appeared first on Albeu.com.

Lili tha se një grua kishte kuptuar që burri i saj shkonte me nusen e djalit, e këtë donte t’ia vërtetonte të birit. Bashkëshorti i saj e kishte pranuar dhe i kishte thënë se ‘më mirë të ndodhë brenda shtëpisë se sa jashtë’.

Detektivja vijoi duke thënë se zonja në fjalë kishte arritur që të bënte një video falë një pajisje që i kishte dhënë ajo. Videon ia kishte dërguar djalit, i cili kishte vite që jetonte pa dokumente jashtë Shqipërisë.

Pa emra dhe pa shkuar në thellësi, me jep ndonjë histori tronditëse që edhe për ty ka qenë tronditëse.

Historitë tek unë janë nga më të ndryshmet, nuk ngjajnë me njëra-tjetrën edhe pse thelbi është i njëjtë, por kanë ato historitë e ndryshme. Raste të çuditshme janë tradhtitë brenda për brenda familjes, që do të thotë kunata shkon me kunatin apo që janë brenda gjakut. Këto janë raste që mua më prekin shumë dhe është shumë e vështirë që unë të punoj në këto raste. Kam patur një rast, jo tani shpejt, që vjehrri shkonte me nusen e djalit. Djali ishte jashtë Shqipërisë, punonte jashtë. Ajo që më ka telefonuar për këtë gjë ishte vjehrra.

Po. Kur ma ka treguar historinë thoja ‘a është mirë kjo zonja’. Dyshoja në kuptimin që mbase nuk është mirë psikologjikisht.

Është rast ekstrem. Djali ishte në një shtet që nuk ishte i pajisur me dokumente dhe kishte shumë vite pa ardhur në Shqipëri. Ishte martuar, kishte bërë një fëmijë me nusen dhe ishte larguar. Shumë vite pa ardhur, vetëm komunikonte me telefon me bashkëshorten. Ajo jetonte me prindërit. Ky rast është në zonat e thella të Shqipërisë dhe jo në Tiranë apo qytete të mëdha. Vjehrra e nuses që e kishim si objektiv, kur e tregonte, unë dyshoja pasi ishte e pabesueshme për mua. Për mua është tabu e madhe, është ekstrem, fundi i botës.

Çfarë moshe kishte vjehrri dhe nusja?

Vjehrri gati 70 vjeç dhe nusja ishte 28-29 në atë kohë. Mënyra se si m’a transmetonte zonja në fjalë, më thoshte që ‘unë jam në dijeni dhe ja kam transmetuar dhe bashkëshortit’. Ajo tha se bashkëshorti kishte thënë se ‘është më mirë brenda shtëpisë se sa jashtë shtëpisë’.

Se donte t’ia faktonte djalit. Se me bashkëshortin ishte në rregull ajo pasi ai e kishte pranuar. Ajo donte të kishte bashkëpunim me djalin që t’u ndante nga nusja. Sepse është shumë e rëndë që t’ia transmetosh djalit vetëm me fjalë.

Çfarë ndodhi me këtë histori?

Unë thashë se është shumë e vështirë për t’i zbuluar këto raste se brenda në familje. Çfarë ndodh, ndodh brenda. E vetmja gjë që e ndihmova për t’a realizuar atë ç’ka ajo donte, për t’a transmetuar te djali i saj, unë e pajisa me një mjet të fshehtë që ne e përdorim. Ajo e faktoi vetë, thjesht e bleu. Pjesa e investigimit nuk funksiononte në atë lloj marrëdhënie. Ishte e pamundur se ato nuk do të dilnin jashtë, diku, sidomos në atë zonë ku ishin ato. Edhe po të dilnin, ato ishin brenda për brenda familjes, ça do faktoje. Po ka dalë me vjehrrin apo me nusen, kanë shkuar diku. Ishte tej mase e vështirë dhe e mora paraprakisht këtë dhe i thashë ‘ky rast nuk ndiqet në ambientet e jashtë, duhet brenda për brenda’. Zonja në fjalë shumë e zgjuar, ishte goxha e përgatitur dhe shumë bashkëpunuese. Ajo e realizoi vetë këtë gjë, kuptohet me ndihmën që unë ia shita pajisjen. Pasi unë kam folur më vonë, më tha ‘e realizova’. Telefonata e saj ka qenë shumë e lumtur pasi tha se ishte në bashkëpunim me djalin. Djali e mbështeste shumë nënën pas kësaj. Ajo ia kishte transmetuar në vija të përgjithshme por ishte e papranueshme.

Si përfundim mbaroi ky zinxhir shëmtie?

Unë kam parë dhe videon që më ka sjellë zonja në fjalë

Jam shokuar, nuk di çfarë të them.

Me atë rast kam vërtetuar se ka ardhur fundi i njerëzimit. Zonja në fjalë ia ka transmetuar videon djalit dhe ai është ndarë nga nusja.

I çoi videon e të atit me nusen?

Absolutisht. Djali ka ardhur në Shqipëri dhe pse ishte pa dokumente. Është përballur me këtë, ka marrë nënën dhe është larguar, me babain nuk ka asnjë komunikim.

Deri para pak kohësh kam patur kontakt me zonjën në fjalë dhe është në proces divorci. Po lufton për t’a marrë vajzën në kujdestarinë e tij. Ka një problem se është pa dokumente dhe është e vështirë për t’a tërhequr atje ku jeton. Ky është rasti më ekstrem për mua.

The post “Nëna i çoi djalit videon e babait me nusen…”/ Detektivja e njohur zbulon rastin EKSTREM të tradhtisë: Jam shokuar kur … appeared first on Albeu.com.

Deri tani, çifti kishte zgjedhur ta mbante larg vëmendjes publike fytyrën e të porsalindurit, duke ruajtur privatësinë e tyre në këtë periudhë të re familjare.

Megjithatë, së fundmi ata kanë vendosur të ndajnë me ndjekësit një moment të veçantë nga jeta e tyre e re si prindër.

Ishte Eronita ajo që publikoi e para në Instagram një fotografi të ëmbël ku shihet foshnja e tyre.

Menjëherë më pas, Blero e ripostoi këtë moment në profilin e tij, duke treguar emocionin dhe krenarinë e tij si baba në këtë kapitull të ri të jetës.

Postimi u shoqërua me një mbishkrim të shkurtër, por shumë domethënës nga Eronita, e cila e përshkroi këtë periudhë me fjalët: “Ky kapitull i jetës sime quhet: lumturi”.

Blero është baba edhe i një vajze, që e ndan me aktoren Teuta Krasniqi.

The post “Ky kapitull i jetës sime quhet lumturi”, Blero dhe Eronita publikojnë portretin e djalit të tyre appeared first on Albeu.com.

Ngjarja fillimisht u trajtua si një aksident tragjik, por sipas raportimeve të mediave spanjolle, hetimet kanë marrë një kthesë të re. Autoritetet po shqyrtojnë tashmë mundësinë e një vrasjeje të mundshme, pasi dëshmia e Jonathan Andic është cilësuar si “e paqëndrueshme” dhe ka ngritur pikëpyetje të reja për rrethanat e incidentit.
Pavarësisht dyshimeve që po hetohen, familja Andic ka reaguar duke deklaruar se po bashkëpunon plotësisht me autoritetet dhe se mbështet pafajësinë e Jonathan-it. Deri tani nuk ka akuza zyrtare të konfirmuara publikisht, ndërsa hetimet mbeten të hapura.

Vdekja e Isak Andic kishte tronditur jo vetëm familjen, por edhe botën e biznesit dhe modës në Europë. Ai konsiderohej një nga figurat më të rëndësishme të industrisë spanjolle të veshjeve. Në vitin 1984, ai themeloi Mango, markë që nga një biznes i vogël u kthye në një prej zinxhirëve më të mëdhenj të modës në Europë dhe më gjerë.

Ndërsa hetimet vijojnë, rasti po ndiqet me interes të madh në Spanjë, pasi përfshin një nga familjet më të njohura të botës së biznesit dhe një histori që po ngre shumë pikëpyetje mbi atë që ndodhi realisht në Montserrat.

The post Djali i themeluesit të “Mango”-s, i dyshuar për vdekjen e babait miliarder appeared first on Albeu.com.

Ajo ka komentuar edhe raportin që ka me djalin e bashkëshortit të saj, duke treguar se e konsideron si pjesë të pandashme të jetës së saj.

“Unë e quaj pjesë timen, nuk e quaj pjesë që më ka ardhur, ma kanë sjellë. Është një gjë e imja, e jetës sime”.

“Një përgjegjësi shumë e madhe, një përgjegjësi me shumë se fëmija që ti ke lindur vet nga barku yt”, theksoi mes tjerash.

Artistja gjithashtu ka edhe një djalë me ish-partnerin e saj, ndonëse tani prej vitesh jeton me portierin Alban Hoxha.

Megjithatë, marrëdhënia e tyre ka qenë më e rezervuar dhe jashtë syrit të publikut.

Çiljeta që një kohë ka bërë një distancim edhe nga projektet e mbrëmjet muzikore.

The post Çiljeta Xhilaga flet për raportin me djalin e partnerit të saj: Është pjesë e imja, e jetës sime appeared first on Albeu.com.

Teksa rrëfente emocionet dhe pritshmëritë gjatë shtatzënisë, këngëtarja e shumë hiteve tregoi se kishte qarë në momentin kur kishte zbuluar se do të bëhej me djalë pasi donte vajzë.

Në Podcastin “Mam” të Orinda Hutës, Fifi tregoi se ndodhej në aeroport në SHBA kur gjinekologia i kishte treguar se do të bëhej me djalë, duke shtuar se kishte qarë për 40 minuta atje për shkak se nuk i ishte plotësuar dëshira.

“E vetmja frikë e imja është se do më dalë çun, se e doja gocë. Kam qenë duke fluturuar prej Boston në Neë York dhe më erdhi njoftimi, ma dërgoi gjinekologia dhe unë i thashë ‘të lutem mos më trego që është çun’ dhe ajo më tha ‘Zemra është çun’. Kam qarë 40 minuta në aeroport, e doja gocë. E doja gocë sepse unë i dua shumë gocat, e doja gocë sepse Adisi e ka një djalë, e doja sepse doja që ai ta përjetonte për herë të parë me mua gocën”, kujtoi Fifi.

Megjithatë, ylli i muzikës theksoi se ky ishte një reagim i momentit, pasi me kalimin e kohës dhe sidomos pas lindjes, gjithçka ndryshoi.

Momentin kur e ka marrë në krahë për të herë të parë pas ardhjes në jetë, këngëtarja e përshkroi si unik, teksa tha se i është dukur shumë i gjatë.

“Të gjithë më thoshin se ishte momenti më i bukur në botë kur ta vënë te krahu dhe realisht ishte. Ai 1 sekondëshi kur ma vunë në krah, më është dukur si 10 minuta. E kam pasur slow motion në momentin prej kur ka dalë deri kur ma kanë vënë te krahu. Kur kam parë videon mbrapa. Një prej pyetjeve ishte se si do ta rris, ca është ky. E shihja ua hunda e vogël.”, tha ajo.

The post “Qava 40 minuta, nuk doja djalë”, Fifi flet për momentin kur zbuloi gjininë e fëmijës: Gjëja më e bukur kur e kam marrë në krah për herë të parë appeared first on Albeu.com.

Paralelisht, vëmendja është zhvendosur edhe te projekti i saj më i ri artistik. Filmi “Me fat”, ku Kryemadhi debuton, ka nisur rrugëtimin në kinema dhe ka ngjallur interes të madh te publiku.

Gjatë një interviste në “Goca dhe Gra”, ajo ndau edhe detaje nga jeta personale, duke zbuluar se djali i saj, Besari, fillimisht kishte rezerva për përfshirjen e saj në film. Megjithatë, një rol të rëndësishëm në ndryshimin e këtij qëndrimi ka pasur partnerja e tij, një artiste nga Shkupi, e cila e ka mbështetur këtë hap.

Së fundmi, burime pranë “Prive by Liberta” kanë bërë të ditur se bëhet fjalë për këngëtaren e njohur Kanita. Artistja, e njohur për stilin e saj diskret dhe zërin karakteristik, raportohet se është në një lidhje prej kohësh me Besarin.

Mësohet se marrëdhënia e tyre është e konsoliduar dhe se këngëtarja ka krijuar një raport të mirë edhe me familjen e partnerit. Çifti duket se ka zgjedhur ta mbajë romancën larg vëmendjes së tepërt mediatike, duke ndërtuar një lidhje të qëndrueshme dhe të qetë.

The post E njihni të dashurën e djalit të Monikës? Emri do t’ju habisë! appeared first on Albeu.com.

Këngëtarja e përshkroi atë kohë si dramën më të madhe që ka përjetuar ndonjëherë, një situatë që në fillim i dukej pa zgjidhje dhe pa shpresë.

“Ka qenë një moment ku më është dashur të përballem me një situatë që ishte drama e jetës sime. Ku supozohej që Dani ishte ndryshe nga fëmijët e tjerë. Kjo ishte një situatë që mendova se nuk kishte shpresë, por e kisha shumë gabim. Nuk kisha informacion. Nuk dita ta përballoj për momentin. Kam dashur t’i jap fund jetës për hir të së vërtetës”.

Rrëfimi i saj vjen si një dëshmi e fortë mbi pasigurinë, mungesën e informacionit dhe presionin emocional që përjetojnë shumë prindër në situata të ngjashme.

Jonida pranoi se ajo periudhë e gjeti të papërgatitur emocionalisht, por me kalimin e kohës, perspektiva e saj ndryshoi rrënjësisht.

Këngëtarja u ndal te lidhja e veçantë me djalin e saj, duke e përshkruar atë si dhuratën më të madhe të jetës dhe burimin e dashurisë më të pastër që ka njohur.

“Mua më ka bekuar Zoti me Danin. Unë kam një fëmijë që më jep dashurinë që s’do ma jepte asnjë mashkull në botë dhe jam shumë e lumtur që është një burrë”, tha Jonida në “Mirëmbrëma Yje”.

The post Jonida Maliqi rrëfen mes lotësh: Djali im ishte ndryshe nga fëmijët e tjerë, doja t’i jepja fund jetës… appeared first on Albeu.com.