Kaloi pak kohë kur nisën problemet. Herë pas here, ai përmendte se fliste me vajza të tjera, sikur kjo të ishte shumë normale. Më vonë rezultoi se ai e kishte tradhtuar disa herë bashkëshorten e tij. Tina, madje kishte edhe prova. U ndjeva shumë e turpëruar. Unë nuk e kisha kultivuar këtë kulturë te djali im.

Por Tina, për çudinë time, ishte gati ta falte edhe pse i thashë të divorcohej nëse donte. Disa kohë më vonë, djali im vendosi të bënte një kërkesë për divorc sepse kishte gjetur një grua tjetër. Tani Tina po lufton me një fëmijë 1 vjeç dhe duhet ta mbajë vetë.

Pa kohë më vonë djali më telefonoi dhe na ftoi në dasmën e tij. E pyeta pse e kishte tradhtuar Tinën. Ai qeshi dhe tha:

“Epo, Tina është e mrekullueshme, por unë meritoj dikë më të mirë.”

Si nënë, u trondita dhe u zëmërova shumë nga fjalët e tij. I mbylla menjëherë telefonin.

Në ditën e dasmës së djalit tonë, shkova në shtëpinë e Tinës. Ajo kishte marrë me qira një dhomë shumë të vogël dhe të vjetër. Kur shkova, nipin e gjeta duke qarë në divan, ndërsa Tinën, jashtëzakonisht të lodhur.

Djali më telefonoi dhe më pyeti se ku ishim unë dhe burri. Unë iu përgjigja:

“Unë jam në shtëpinë e ish-gruas suaj, ju jeni një burrë i tmerrshëm dhe mua si nënë më vjen turp për ju.”

Djali im u inatos, dhe ne nuk flasim më.

The post Vjehrra shëmbullore: “Ditën e dasmës së djalit, zgjodha ta kaloj me ish-gruan e tij”! appeared first on Albeu.com.

Daily Mail ka sjellë sot në vëmendje rastin e një shqiptari, i cili edhe pse është deportuar dy herë nga Britania, vijon të kërkojë të drejtën e leje qëndrimit.

30-vjeçari Blerim Ismalaj u dëbua për herë të parë nga Britania e Madhe në janar të vitit 2013, pasi kaloi 16 muaj në një burg për të miturit.
Që atëherë, ai është kthyer dy herë në Mbretërinë e Bashkuar dhe gjatë qëndrimit të tij të fundit në vitin 2019, ai u bë me një fëmijë nga partnerja e tij britanike.

Ismalaj përdori pikërisht këtë fakt, pra që tashmë në jetën e tij është edhe një fëmijë, që të argumentonte se i takon e drejta e leje qëndrimit sipas Aktit të të Drejtave të Njeriut.

Ai pretendon se jeta e djalit të tij tre vjeçar do të ndikohej negativisht nëse ai do të detyrohej të largohej përsëri Britania.

Megjithatë vendimi për ekstradimin e tij është lënë në fuqi nga gjykata.

Daily Mail raporton se një ngjarje e tillë vjen pasi Britania e konsideron fluksin e shqiptarëve që mbërrijnë e gomone në brigjet e vendit, një problem tejet shqetësues.

Sekretarja e Brendshme Priti Patel nënshkroi një marrëveshje deportimi me Shqipërinë në korrik 2021, duke lejuar Britaninë të kthejë kriminelët dhe azilkërkuesit të cilëve i refuzohet azili.
Ismalajt iu dorëzua për herë të parë një urdhër dëbimi në dhjetor 2012 në moshën 20-vjeçare, pasi u dënua për prodhim narkotikësh.

Ai u deportua në Shqipëri një muaj më vonë, por e shkeli këtë urdhër duke u kthyer në Mbretërinë e Bashkuar në tetor 2016, ku nisi një lidhje me një britanike, nënë e dy fëmijëve.

Ai u deportua sërish për në Shqipëri në korrik 2018, por u rikthye në Britaninë e Madhe në janar 2019, një muaj para lindjes së djalit të tij në gusht kur edhe u kurorëzua në martesë me partneren.

Në fillim të këtij muaji, bashkëshortja e tij ka udhëtuar drejt Shqipërisë me tre fëmijët e saj për t’u treguar atyre vendlindjen e Ismalajt.

“Blerimi është burri im. Unë jam gruaja e tij. Së bashku kemi një fëmijë, një djalë tre vjeç. Ai nuk ka një vizë për të qëndruar këtu, kështu që nuk mund të punojë. Ishte në proces, por është refuzuar”, tha ajo.

The post Iu refuzua tri herë leje-qëndrimi në Britani, 30-vjeçari shqiptar nuk heq dorë: Mos më largoni! Djali im tre-vjeçar… appeared first on Albeu.com.