Republikanët e lartë këmbëngulin se hetimi i tyre do të përcaktojë shkallën e përfshirjes së pretenduar të Joe Biden në marrëdhëniet e biznesit të djalit të tij, duke përfshirë edhe gjatë kohës së Bidenit si zëvendëspresident.

Në një raport të përkohshëm të lëshuar në një konferencë shtypi të enjten, ata argumentuan se presidenti kishte gënjyer popullin amerikan për përfshirjen e tij të supozuar në marrëdhëniet e biznesit të familjes së tij, shkruan BBC. 

“Pjesëmarrja e presidentit në pasurimin e familjes së tij është, me një fjalë, abuzim i rendit më të lartë,” tha James Comer, kryetari i ardhshëm i Komisionit të Mbikëqyrjes së Dhomës së Përfaqësuesve.

“Dua të jem i qartë: ky është një hetim i Joe Biden, dhe këtu fokusi ynë do të jetë Kongresi i ardhshëm”.

Ata akuzuan Hunter Biden për krime, duke përfshirë evazion fiskal dhe mashtrim, por nuk njoftuan ndonjë plan të menjëhershëm për ta thirrur atë për të dëshmuar. Shtëpia e Bardhë tha se hetimet ishin të motivuara politikisht.

The post Djali i Joe Biden “në telashe”, Republikanët e Dhomës së Përfaqësuesve: Do të nisim hetim ndaj tij appeared first on Albeu.com.

Përmbajtja e llogarisë së Hunter Bidenit në iCloud dyshohet se është hakuar nga përdoruesit e forumit 4chan, kjo pasi ata kanë postuar së fundmi disa video nga telefoni dhe kompjuteri i tij.

Konkretisht në forumin 4Chan janë shpërndarë dy video të reja, në njërën prej të cilave djali i presidentit amerikan Joe Biden, duket sikur përgatit një substancë narkotike të ngjashme me “Crack”.

Në tjetrën ai shfaqet nudo, duke lozur në pishinë.

Siç zbulon dhe “Washington Examiner”, në forum janë publikuar dhe disa tekste e-mailesh apo dhe foto të vetë presidentit, të cilat nuk dihet nëse janë autentike apo të riprodhuara.

Por bëhet fjalë për tekste dhe fotot tejet kompromentuese, të cilat kanë sjellë zemërim tek mbështetësit e Joe Bidenit.

Washington Examiner shkruan se nuk mundet dot t’i verifikojë përmbajtjet e publikuara dhe një përfaqësues i Shtëpisë së Bardhë që u kontaktua nuk iu përgjigj kërkesës për koment.

Para zgjedhjeve, Hunter Biden iu hakua laptopi, ndërsa në media u publikuan foto të tij me prostituta.

Kujtojmë se ai akuzohet dhe për disa skandale financiare gjatë këtyre viteve.

The post I vidhen të dhënat nga telefoni, djali i Joe Biden në telashe! Dalin fotot ekstreme appeared first on Albeu.com.

Hunter Biden, djali i Presidentit Joe Biden, u akuzua nga zëdhënësi i Kremlinit, Dmitri Peskov se është i përfshirë në menaxhimin e laboratorëve të zhvillimit të armëve biologjike në Ukrainë, (veçanërisht antraksin), së bashku me miliarderin George Soros. Peskov u shpreh se Rusia do të kërkojë shpjegime për përfshirjen e mundshme të Hunter Biden në këto laboratorë.

Sipas Daily Mail, akuzat e Moskës ndaj Hunter Biden vërtetohen në disa emaile që gjenden në kompjuterin e djalit të presidentit të Shteteve të Bashkuara. Emailet që Daily Mail publikon në faqen e saj zbulojnë rolin e djalit të presidentit në sigurimin e miliona dollarë fonde për Metabiota, një kompani e specializuar në kërkimin e sëmundjeve që shkaktojnë pandemi dhe që më pas mund të përdoren si armë. E-mailet shpjegojnë se Hunter Biden e prezantoi Metabiota-n me një kompani ukrainase të gazit, Burisma, për një “projekt shkencor” lidhur me laboratorët e biosigurisë në Ukrainë.

Në këto email-e pasqyrohet qartë sesi Hunter dhe kolegët e tij diskutojnë me emocion për monitorimin e të dhënave mjekësore nga kompania dhe si kjo mund të bëhet një mjet thelbësor për qeveritë dhe kompanitë që kërkojnë të dallojnë shpërthimet e sëmundjeve infektive. Emailet tregojnë se Hunter ishte gjithashtu veçanërisht i përfshirë në operacionet e Metabiota në Ukrainë.

Aktiviteti i Hunter Biden kishte rënë në sy të një ish-oficeri të CIAs.

“Babai i tij ishte zv.president i SHBA ndërsa Hunter anëtar bordi i një kompanie të dyshimtë gazi në Ukrainë dhe gjithashtu i lidhur me kërkime bio-ushtarake,” tha Sam Faddis për të përditshmen britanike Daily Mail.

“Sigurisht që Rusia mund të përfitojë nga një propagandë e tillë, por kjo nuk ndryshon faktin se këtu ka diçka që nuk shkon”, shton hetuesi.

Pak ditë më parë Neë York Times konfirmoi se përmbajtja e laptopit që i përket djalit të presidentit është autentike. Ky PC, të cilin djali i Biden e la në një dyqan riparimi në Delaëare në vitin 2019, përmbante një sërë emailesh në lidhje me aktivitetet e tij të biznesit me kompani të ndryshme, përfshirë Burisma-n.

Gjatë fushatës presidenciale 2020, republikanët akuzuan Joe Biden për formësimin e politikës së jashtme të SHBA-së në Ukrainë në shërbim të interesave të djalit të tij.

The post Rusia akuza djalit të Joe Biden: Po drejton laboratorët e armëve biologjike në Ukrainë appeared first on Albeu.com.