Sulmuesi fillimisht qëlloi për vdekje babanë e tij 51-vjeçar, Christos Byrons Themelis brenda shtëpisë së tyre dhe më pas nënën e tij 48-vjeçare Rebecca Ann Themelis në bar, në oborrin e përparmë, përpara policisë.

Thirrja në 911 (veprim i menjëhershëm) është bërë nga nëna e babait.

Është tipike se teksa ajo po fliste me policin në anën tjetër të linjës, nga brenda janë dëgjuar të shtëna.

Ndërsa nëna ishte në oborr, djali e goditi pa mëshirë në pjesën e pasme të kokës, ndërsa ajo ishte ende duke folur me policinë.

Me të mbërritur në vendngjarje policia nuk ka nguruar t’i qëllojë.

Në shkëmbimin e zjarrit, polici 26-vjeçar Shane McGough u qëllua në këmbë, ku kolegët i dhanë ndihmën e parë duke i bllokuar gjakderdhjen dhe e çuan në një spital lokal.

“Unë u godita”, dëgjohet duke thënë McGough në video, i dërrmuar nga dhimbja.

Ndërkohë 19-vjeçari Themelis, u qëllua gjatë shkëmbimit të zjarrit nga policët e tjerë dhe ai i plagosur rëndë, u fut sërish në shtëpi.

Ekipi SWAT i Sherifit, hyri në shtëpi pak më vonë dhe gjeti Themelis dhe babanë e tij të vdekur nga plagët me armë zjarri.

Thuhet se Themelis ka vdekur nga plagët që ka marrë në përleshje.

Ndërsa polici i plagosur ndodhet në gjendje stabile.

Ai iu nënshtrua një operacioni të dielën në mëngjes për të hequr plumbin nga këmba e tij.

“Si kishte akses në çfarëdo lloj arme zjarri që të mund të kryente këtë lloj dhune këtu sonte”?- pyeti Sherifi, duke e quajtur sulmuesin “përbindësh”, pasi siç doli, për shkak të incidenteve të mëparshme, atij i ishte ndaluar të posedonte armë.

The post E rëndë/ 19-vjeçari vret prindërit e tij dhe qëllon një oficer policie, flasin dëshmitarët: U soll si një përbindësh… (VIDEO) appeared first on Albeu.com.