Vishaj tha se ndihet i braktisur, pasi familjarët e tij, ish-bashkëshortja dhe fëmijët kanë zgjedhur të jetojnë në Shtetet e Bashkuara të Amerikës, ndërkohë që ai jeton në Shqipëri.

Sipas avokatit, divorci me bashkëshorten erdhi për shkak të sëmundjes së tij.

Kujtojmë se avokati zbuloi se vuante nga kanceri, iu nënshtrua kimioterapisë dhe fatmirësisht arriti ta kalonte këtë sfidë.

“Po kaloj një periudhë të vështirë familjare. Familja dhe bashkëshortja kanë zgjedhur të jetojnë jashtë shtetit, jetojnë në SHBA. Jam braktisur por do e kaloj. Puna më ndihmon ta kaloj, kolegët dhe miqtë e mi. Unë jam i dashuruar me Shqipërinë, jam i ri dhe nuk mund të rri pa punuar. Pavarësisht sa të mira ka SHBA, unë dua të punoj në Shqipëri. Tani po ndërtoj jetën normalisht. Pavarësisht se jam përballur me shumë gjyqe. Por i kam kaluar. Po ja dal vetëm, tani kam dhe një qen. Më duket se do bëhem si Lasgush Poradeci, ‘I vetmuar por me një qen’. Fëmijët më kanë bërë dhe gjysh dhe jam i lumtur për ta. Isha pak javë më parë në SHBA dhe i takova. Nipi më thotë që edhe nëse do të vdesësh, do të ngelesh yll në qiell.

Në 40 vite martesë, është normale që vetmia nuk i shkon askujt. Një martesë e lidhur me dashuri, nuk sfumohet kaq shpejt. Por kur më merr malli, shkoj në SHBA dhe takoj nipin. Me ish-gruan nuk kam asnjë raport. Zero komunikim. Tani u bënë 8 muaj që e kaloj këtë gjë, jam më mirë. Fëmijët janë ata që gjithmonë mbajnë anën e nënës, po të kisha vajzë do kishte mbajtur anën time. Unë nuk kam gabuar sepse po të kisha gabuar, divorci do kishte ardhur më parë. Ndodhi gjatë sëmundjes time. Ajo nuk e duronte dot sëmundjen time, u lodh dhe shkoi pranë djemve në SHBA”,– tha avokati.

The post Avokati Saimir Vishaj flet për divorcin me bashkëshorten: Jam i braktisur, ajo nuk duronte dot sëmundjen time… appeared first on Albeu.com.

Në një video në rrjetet sociale, Kryemadhi shprehet se kjo shoqatë është e shqetësuar për gjuhën që është përdorur ndaj saj, duke theksuar se nuk është më politikane aktive dhe as “gruaja e një politikani”.

Ndërsa më tej, ish-politikania jep mesazhin se është e divorcuar, se do të jetojë e lirë dhe nuk lejon askënd t’i bjerë në qafë asaj dhe familjes së saj.

Kryemadhi: Të dashur miq, sapo mora një deklaratë mbështetëse nga Shoqata e Grave të Divorcuara të Tiranës, të cilat janë në një numër shumë të madh, mbi 45 mijë. Ato janë shumë të shqetësuara për gjuhën denigruese dhe dhunuese që bëhet ndaj meje, sepse unë nuk jam as ministre, as kryeministre, as deputete dhe as grua politikani.

Unë jam një grua e divorcuar, jam e papunë dhe dua të jetoj jetën time të lirë dhe nuk lejoj askënd që të më bjerë në qafë mua dhe familjes time. I dua dhe i përshëndes të gjitha gratë e divorcuara. Stay strong.

View this post on Instagram

A post shared by Monika Kryemadhi (@monika.kryemadhi)

The post VIDEO/ Sulmet ndaj saj, Monika Kryemadhi merr mbështetjen e Shoqatës së Grave të Divorcuara: Jam e papunë dhe dua të jetoj jetën time, mos më bini në qafë appeared first on Albeu.com.

Së fundmi, Besi ka ndarë në rrjetet sociale disa momente romantike me partneren e tij të re, duke mos kursyer as dedikimet publike.

Në një prej postimeve që ka marrë vëmendje të madhe online, ai shkruan: “Ti me riktheve Besin dhe me zbukurove jeten”, ndërsa shfaqet krah vajzës misterioze me të cilën po përflitet prej muajsh.

Në një festë familjare, aktori ka qenë së bashku me partneren e re, duke na konfirmuar kështu se dhe pse në pak kohë, lidhja duket tejet e konsoliduar. Madje çifti tashmë është duke jetuar së bashku dhe kanë nisur edhe planet për dasmën.

Nga ajo çfarë dihet deri më tani, dyshja preferon që këtë ceremoni ta bëjë sa më private, duke shmangur edhe publikimin e imazhit të vajzës misterioze.

Ndryshe nga dasma e parë me Xhensilën, e cila ishte tejet publike, këtë herë aktori preferon që dashurinë me Ejonën ta celebrojë në mënyrë private, vetëm me miqtë e zemrës pranë.

Prej kohësh në mediat rozë qarkullonin aludime se aktori kishte rigjetur dashurinë pas divorcit të bujshëm me Xhensilën.

Madje, më herët ai tërhoqi vëmendje edhe me një tatuazh ku shfaqej emri “Ejona”, ç`ka u interpretua si një konfirmim indirekt i lidhjes së re.

Ndarja mes Bes Kallakut dhe Xhensila Myrtezajt, ishte një nga historitë më të komentuara të shoubizit shqiptar. Çifti, që për vite u konsiderua ndër më të dashurit për publikun dhe janë prindër të dy fëmijëve, konfirmuan divorcin gjatë vitit 2024, pas një periudhe të gjatë spekulimesh në media dhe rrjete sociale.

Pas ndarjes, të dy artistët janë përfolur për lidhje të reja, ndërsa tashmë duket se edhe Besi ka vendosur të mos e fshehë më romancën e re nga ndjekësit e tij.

Miqtë dhe bashkëpunëtorët që i rrinë pranë janë shumë diskretë teksa flasin për detaje nga jeta e tij private. Megjithatë, një gjë është e sigurt, që vajza e re krah Besit nuk është e famshme.

Mesa duket, pas ndarjes nga Xhensila dhe ekspozimit të madh që i është bërë këtij divorci, Besi ka hequr dorë nga vajzat e famshme, për të shijuar një romancë diskrete sa më larg syve të publikut.

Pak pasi aktori i njohur i humorit Bes Kallaku, bëri publike një fotografi mjaft të afërt dhe romantike krah partneres së tij të re, rrjetet sociale dhe mediat janë përfshirë nga kurioziteti për të zbuluar identitetin e saj.

Ndonëse Besi ka zgjedhur ta mbajë këtë detaj sekret, duke publikuar vetëm imazhe ku ajo shfaqet me shpinë, gazetari Elton Tozaj, ka ndarë disa informacione gjatë një lidhjeje të drejtpërdrejtë me “Klan Kosova”.

I pyetur rreth vajzës në fjalë, Tozaj ka konfirmuar se e njeh atë, duke e përshkruar si një vajzë të thjeshtë dhe “shumë të këndshme”, larg botës së personazheve publike dhe shoubizit shqiptar apo atij kosovar.

Përtej kësaj, ai ka zbuluar edhe një detaj mjaft interesant, duke theksuar se partnerja e re e aktorit ka një ngjashmëri të dukshme me ish-bashkëshorten e tij, këngëtaren Xhensila Myrtezaj.

Gjatë bisedës me moderatoren, e cila e pyeti nëse kjo ngjashmëri vjen nga tiparet fizike si flokët, Tozaj theksoi se bëhet fjalë për një ngjashmëri të përgjithshme në paraqitjen e tyre./Panorama Plus

The post Rigjeti dashurinë pas divorcit të bujshëm nga Xhensila Myrtezaj, Bes Kallaku plane për dasmë! Kush është partnerja e re e aktorit appeared first on Albeu.com.

Teksti i shfaqur në ekran ne foton qe ajo ka publikuar në Instagram dhe më pas e ka fshirë, ishin rreshtat: “Se çfarë është një burrë i vërtetë e di çdo grua. Ti çfarë burri je”?

Kjo duket si një përgjigje pas akuzave që ish-bashkëshorti i bëri dhe vjen në një kohë kur marrëdhënia mes dy ish-partnerëve ka kaluar nga kriza familjare në një përplasje të hapur ligjore.

Sipas raportimeve në media, pas divorcit, Ogren Balluku, ka depozituar në gjykatë një kërkesë për urdhër-mbrojtje ndaj Nedës, duke pretenduar ushtrim dhune verbale dhe psikologjike, si dhe sjellje të papërshtatshme gjatë konflikteve mes tyre.

Pretendimet e tij lidhen me disa episode tensioni që sipas tij, kanë ndodhur pas ndarjes dhe në prani të fëmijëve.

Ndërkohë, çështja vijon të jetë në shqyrtim nga organet e drejtësisë, ndërsa historia e tyre mbetet një nga më të komentuarat në median rozë.

The post FOTO/ Neda Balluku vjen me një mesazh të fortë për Ogrenin pas ndarjes: Ti çfarë burri je? appeared first on Albeu.com.

Që pasi mbaroi eksperiencën e saj në reality, Françeska ka kërkuar televizionin dhe ka qenë gjithnjë e pranishme në rrjetet sociale. Prej disa muaj ajo është zhvendosur për të jetuar në Tiranë. Bazuar në paraqitjet e saj në rrjetet sociale, Murati ka lënë të nënkuptohet se po jeton vetëm më të birin.

Kjo lëvizje e saj na lë të nënkuptojmë se i ka dhënë fund martesës disavjeçare. Nga ana tjetër, ajo është pyetur disa herë lidhur me fjalët që po qarkullojnë, porse deri më tani nuk ka dhënë asnjë deklaratë konkrete. Çifti prej disa kohësh po jetojnë të ndarë, por ende nuk ka një ndarje përfundimtare mes tyre në rrugë ligjore.

Dyshja janë prindër të një djali me emrin Charlie, i cili aktualisht është duke jetuar në Tiranë me nënën e tij. Disa muaj me parë vetë modelja u shpreh se po kalonte një periudhë të vështirë në jetën e saj, por pa dhënë më shumë detaje.

Që atëherë, qarkulluan edhe lajmet e para për një ndarje, por në atë kohë vetë Françeska zgjodhi që t’i hidhte poshtë këto zëra. Por tashmë, ajo ka nisur një jetë të re në Tiranë dhe shihet përgjatë gjithë kohës në shoqëri të djalit të saj, duke konfirmuar kështu në heshtje përfundimin e martesës së saj.

The post Françeska Murati ndahet nga bashkëshorti, jeta e re në Tiranë appeared first on Albeu.com.

Ai ka deklaruar se për të e shkuara është një histori e përfunduar dhe se fokusi i tij është plotësisht tek e tashmja.

“E shkuara ime është e vdekur. Unë po jetoj të sotmen”, – u shpreh Kallaku. Që nga ndarja me Xhensilën, Besi dha intervistën e tij të parë për Grida Dumën.

Por veç atyre që aktori tha i prekur, fansat në rrjet dukeshin të shqetësuar për gjendjen e tij. Të shumta kanë qenë komentet në rrjetë që janë shprehur se Besi gjendet në një moment të vështirë si emocional, ashtu edhe fizik.

“Shiko si i dridhen duart”, “Ti more djalë ke nevojë për ndihmë”, ishin vetëm disa nga komentet më të shpeshta që gjendeshin, poshtë videove të këngëtarit. Besi foli edhe për zhgënjimet që ka përjetuar nga njerëz që dikur i kishte pranë. Ai thekson se forca dhe pasuria e tij më e madhe janë dy fëmijët dhe prindërit.

“Zoti është me mua, kush mund të jetë kundër meje?! Përveçse iu kam dhënë dorën, iu kam dhënë edhe bukën. Sado të zgjasë nata, do lindë dielli, do të vijë dita. Sa armiq që kemi dhe sa ‘miq’ armiq që kemi përreth. Pasuria ime më e madhe janë dy fëmijët e mi, nëna dhe babai im. E marrim jetën për të mirëqenë. Sikur s’do na ndodhë kurrë e keqja. Ndërroi jetë edhe Shpati i shkretë. A kishte plane për sot?”, – tha ai në podkastin e Grida Dumës.

Divorci i çiftit Bes Kallaku dhe Xhensila Myrtezaj ka qenë një ndër lajmet që kanë bërë bujë të madhe në mediat rozë.

Aktori i njohur Jul Deda ka reaguar së fundmi në rrjete sociale, duke ndarë një mesazh të ndjerë për kolegun e tij, aktorin Bes Kallaku, pas deklaratave emocionale që ky i fundit ka bërë për jetën, familjen. Në një postim të shkurtër të ndarë në ‘story’ në “Instagram”, Deda thekson se fjalët e tij janë për ata që nuk e njohin vërtet Besin, pasi, sipas tij, ata që e kanë njohur nga afër, nuk kanë nevojë për shpjegime.

“Përtej punës, karrierës dhe publikut, Bes Kallaku është një nga djemtë me zemër më të bardhë që kam njohur në jetë. Nëse ka mundësi të bëjë për ty diçka të vogël, ai bën maksimumin”, – shkruan Jul Deda krahas videos se podcastit të Grida Dumës, ku i ftuar ishte Besi.

Ky reagim vjen në një moment kur aktori Bes Kallaku po komentohet gjerësisht për anën e tij më të ndjeshme dhe reflektuese, duke treguar se pas humorit që e ka shoqëruar për vite me radhë, fshihet një njeri që aktualisht po kalon një moment të vështirë në jetën e tij.

The post Është e vdekur/ Rrëfimi për divorcin nga Xhensila Myrtezaj dhe zhgënjimi, fansat të shqetësuar për Bes Kallakun, si është gjendja e aktorit appeared first on Albeu.com.

Gjatë intervistës, Maliqi tregoi se një nga momentet më të vështira për të ka qenë divorci nga ish-bashkëshorti Gent Prizeni.

Ajo u shpreh se ndarja erdhi pas 17 vitesh martese, dhe ishte një pasojë e rritjes dhe ndryshimit të perceptimeve gjatë kohës.

“Unë jam lidhur në moshë fare të re, unë jam lidhur në moshën 17-vjeçare dhe kam kaluar 17 vite me babain e Danit. Jam divorcuar në moshën 34-vjeçare, sigurisht që Dani ishte shumë i vogël, ishte 5 vjeç dhe kisha nevojë për të qenë familje, megjithatë ishte një zgjedhje ku mendoj që erdhi si pasojë e kohës kur njihesh në moshë fare të vogël, njerëzit fillojnë mendësojnë ndryshe, reagojnë ndryshe, evolojnë dhe ti nuk je më ai personi që ke qenë dikur dhe sidomos ne nënave, grave na ndodh një lloj metamorfoze dhe fillojmë e shikojmë me një tjetër këndvështrim, prioritet është fëmija, jo më vetja jote”, shprehet Jonida.

Jonida shtoi se vendosi të ketë një familje më të vogël dhe të jetojë e lumtur brenda katër mureve të shtëpisë, sesa të përballet me pasiguri dhe konflikte.

“Kështu që mendoj më mirë të jesh në një familje të minimizuar, por të jesh i lumtur brenda katër mureve të shtëpisë, sesa të kesh pasiguri, të kesh konflikte dhe mos të jesh në paqe me veten Mendoj që divorci nuk është i thjeshtë, në mënyrë absolute, por nuk është edhe fundi i botës. Ne kemi lindur vetëm dhe vetëm do të vdesim. Unë mbi të gjitha dua më së shumti veten time dhe kur dua veten time do të dua çdokënd që do të më respektojë, do të më vlerësojë dhe do të rrugëtojë me mua në të mirë e në të keq. Mendoj që dy prindër duhet të jenë pranë njëri-tjetrit në të mirë dhe në të keq,” shton ajo.

The post “U lidha në moshë fare të re”, Jonida Maliqi flet për divorcin: Ndarje e vështirë por jo fundi botës appeared first on Albeu.com.

Neda ishte ulur krah Rozana Radit, me të cilën pati përplasje të forta gjatë “BBV”, ku Rozana ishte konkurrente, ndërsa Neda opinioniste, dhe dukshëm kishte hatërmbetje mes tyre.

“Libri del kur divorci bëhet publik, është një rastësi”? – e pyeti Rozana Neden, ndërsa kjo e fundit iu përgjigj: “Nga ty e pres këtë pyetje, por sigurisht që është tërësisht rastësi, sepse nuk bëhen shaka me gjërat e jetës. Unë di ta ndaj shumë mirë punën time publike dhe situatat e mia familjare”.

Më tej, Rozana e pyeti Neden se si e menaxhon dashurinë në ekran, kur dashuria e saj po përballet me dyert e gjykatës, ndërkohë që është autore e një programi dashurie si “Përputhen”, ku ‘mëson’ rininë si të dashurohet.

“Ti t’i thuash një gruaje që sapo ka humbur një dashuri të vetën të madhe, se si do shkosh t’ua mësosh të rinjve, nuk është ok” ,– tha Neda, pasi u shpreh se nuk është detyra e autoreve të mësojnë të rinjtë si të dashurojnë, por janë ata që i tregojnë publikut se si dashuron brezi i ri.

“Duke qenë se nuk e keni ‘sapo humbur’, por thatë që kemi disa vite që jemi ndarë, nuk qëndron kjo që thatë”, – ia ktheu Rozi.

Më tej, një tjetër pyetje që Rozi i bëri Nedes ishte: “Pamë kopertinën e librit tuaj dhe ju mbanit mbiemrin e ish-bashkëshortit. Do vazhdoni ta mbani mbiemrin e tij”?

“Unë mendoj që është një linjë shumë e hollë ndërmjet të ndarit biseda shumë të rëndësishme dhe llafe grash, edhe pyetja jote që sapo bëre është pak llafe grash”, – tha Neda duke qeshur në mënyrë ironike.

Rozana: “Jo, mbiemri nuk është llafe grash”.

Neda: “Ka mbaruar Big-u, Rozana”.

Rozana: “Nëse nuk mund të përgjigjesh thuaj thjesht ‘nuk di’ ose ‘nuk mund të përgjigjem’.”

Pas transmetimit të intervistës, reagimet në rrjete sociale nuk munguan. Pjesë e madhe e publikut e komentoi qëndrimin e Neda Ballukut si arrogant dhe përçmues, duke vënë në dukje mënyrën ironike dhe tonin e saj gjatë përballjes me Rozanën.

The post Tema e divorcit/ Kunja mes Nedës dhe Rozanës në studio: Këto janë llafe grash, po mbiemrin do e mbash? appeared first on Albeu.com.

Policia e Lushnjes, ka ngritur dyshime të forta se shkak i vendosjes së tritolit, mund të jetë bërë mosmarëveshjet e lindura mes Klea Gjatës dhe të dënuarit me burg përjetë Laert Haxhiu, me të cilin vajza është ndarë.

Divorci mes Klea Gjatës dhe Laert Haxhiut, ka ndodhur sapo vajza nga Lushnja, ka mësuar se një modele nga Kosova e quajtur Ziza Pajaziti, ka frekuentuar në takim special në burgn e Drenovës të dashurin e Kleas, Laert Haxhiu.

Ziza Pajaziti Laert Haxhiu

Pas zbulimit të tradhtisë, Klea Gjata, ka refuzuar takimet e mëtejshme në burg me Laert Haxhiun, duke çuar në një konflikt të vazhdueshëm me të.

Klea Gjata, ish-e dashura e Laert Haxhiut

Sipas burimeve të policisë së Tiranës, kjo pistë dhe ky konflikt mund të jetë bërë shkak për vendosjen e tritolit në banesën ku jeton nëna e Klea Gjatës, e cila fatmirësisht nuk ka pësuar dëmtime nga shpërthimi I tritolit.

Kujtojmë se emri i Klea Gjatës doli në media si e dashura besnike e Laert Haxhiut, kur njëri nga anëtarët Artan Tafani, shfaqi pendësn dhe foli për prokurorinë e Elbasanit, disa nga krimet e kryera nga banda e Laert Haxhiut.

Pas dëshmisë së tij, policia dhe prokuroria urdhëruan arrestimin e Klea Gjatës për akuzën e “Moskallëzimit të krimit”, e cila ka qëndruar 6 muaj në burg dhe njëherësh ju sekuestrua një automjet tip “Benz”, me të cilin lëvizte herë pas here Laert Haxhiu, gjatë kohës kur ishte në kërkim./ Nga Elton Qyno

The post Shpërthimi me lëndë plasëse pas divorcit mes Klea Gjatës dhe Laert Haxhiut, lidhja që u kris pasi në burg hyri në takim special Ziza Pajaziti appeared first on Albeu.com.

Sipas Lekës, ndarja e tij nga Elia erdhi në disa faza. Sipas tij, fillimisht ka qenë faza emocionale, distancimi dhe më pas divorci. Siç tregon ai, ata jetonin në të njëjtën shtëpi, por të distancuar, madje edhe fotot familjare që publikonin, ishin falso.

“Kemi pasur një raport korrekt. Ndarja ka ardhur me fazë të ndryshme, ka qenë ajo faza emocionale, distancimi, kemi jetuar në një shtëpi, por të distancuar, kam qëndruar vetëm më vajzën, por nuk kishim kontakt, as fizik. Herë pas herë kemi qenë për mediat, foto, një kartolinë e bukur, por krejtësisht falso. Ka qenë faza ligjore”, tha ai i ftuar në “Mirëmbrëma Yje”.

Ndër të tjera ai zbuloi se mes tyre nuk ka pasur tradhti, pasi ai i ka treguar Elias për lidhjen që po niste me fotografen e familjes së tyre, Blerta Celibashi.

“Me të gjithë këto strese, edhe Blerta ka qenë viktime e të gjitha sulmeve, narrativeve që nuk ishin reale. Nuk ka pasur tradhti. Presion i parë që unë kam njoftuar për lidhjen time me Blertën, ka qenë pikërisht Elia. I kam thënë Elias para se të përqafohesha me Blertë, që jam takuar me Blertën”, tha ai.

Sa i përket videos që u bë virale në media, ku Princ Leka konfliktohej me Elia Zaharinë dhe babain e saj, tha se u pendua që e dorëzoi në polici.

The post “Nuk e tradhtova!”Divorci i bujshëm me Elia Zaharinë, Princ Leka zbulon si nisi romancën me fotografen: I tregova vetë për lidhjen, Blerta ka qenë viktimë appeared first on Albeu.com.