Çlirim Haziri, organizator i protestës “Jo në emrin tim”, u ka bërë thirrje qytetarëve që t’i bashkohen tubimit të 18-të, i cili zhvillohet sonte në sheshin “Skënderbeu” në Prishtinë, duke nisur nga ora 19:00.

Në një postim të publikuar prej tij, Haziri ka theksuar se protesta do të vijojë dhe se pjesëmarrësit mbeten të palëkundur në kërkesat e tyre.

“Nuk lodhemi. Nuk ndalemi. Dhe nuk largohemi pa u dëgjuar!”, ka deklaruar ai.

Sipas Hazirit, protesta organizohet në mbështetje të UÇK-së dhe me kërkesën për drejtësi.

“Për UÇK-në. Për drejtësi. Shihemi në shesh!”, ka shkruar në përfundim ai.

The post Haziri thërret qytetarët në protestën e 18-të: Do të vazhdojmë derisa zëri ynë të dëgjohet appeared first on Albeu.com.

Ministrja Mimoza Kusari-Lila ka reaguar pas vendimit të Gjykatës Speciale, duke e përshkruar këtë ditë si të rëndë për Kosovën.

Sipas saj, aktgjykimi i sotëm ndaj ish-krerëve të UÇK-së, Hashim Thaçit, Kadri Veselit, Rexhep Selimit dhe Jakup Krasniqit, përbën një dënim të rëndë për Kosovën, familjet e tyre dhe mbarë popullin e Kosovës.

Kusari-Lila ka theksuar se UÇK-ja përfaqësonte vetë popullin e Kosovës, zërin e rezistencës, vullnetin për liri dhe vendosmërinë për t’i dhënë fund dhunës e represionit. Ajo ka thënë se në radhët e UÇK-së u mishërua përpjekja e një populli që nuk pranoi të jetonte pa liri dhe dinjitet.

Ministrja ka nënvizuar se historia e luftës së Kosovës nuk mund të përkufizohet nga një aktgjykim i vetëm, pasi ajo lidhet me sakrificën e mijëra burrave dhe grave që kontribuuan për lirinë e vendit.

Ajo ka shtuar se UÇK-ja do të mbetet përgjithmonë pjesë e historisë së Kosovës dhe burim frymëzimi për brezat e ardhshëm, të cilët do të punojnë për ndërtimin, forcimin dhe zhvillimin e shtetit të Kosovës.

“Sot duhet të jemi të bashkuar dhe të palëkundur, të mbrojmë të vërtetën historike dhe dinjitetin e Kosovës, si dhe të mos lejojmë që sakrifica për liri të zbehet apo të relativizohet”, ka deklaruar Kusari-Lila.

Ajo ka bërë të ditur se beteja dhe angazhimi për lirinë e çlirimtarëve do të vijojë deri në lirimin e tyre të plotë.

Liri për çlirimtarët!

Lavdi të gjithë atyre që sakrifikuan për lirinë e Kosovës!

The post Kusari-Lila: Aktgjykimi i sotëm është goditje e rëndë për Kosovën appeared first on Albeu.com.

U.D. e Presidentes së Republikës së Kosovës, Albulena Haxhiu, ka bërë homazhe te Monumenti i Personave të Zhdukur, së bashku me kryeministrin në detyrë, Albin Kurti, dhe ministrin e Punëve të Brendshme, Xhelal Sveçla. Homazhet u zhvilluan në Ditën Ndërkombëtare të Personave të Zhdukur me Dhunë gjatë luftës së fundit në Kosovë.

Gjatë deklaratës së saj, Haxhiu tha se ende nuk dihet fati i mbi 1 mijë e 500 personave të zhdukur me dhunë gjatë luftës. Ajo theksoi se familjet e tyre vazhdojnë të presin, ndërsa për Kosovën kjo mbetet një çështje e pambyllur deri në gjetjen e personit të fundit.

“Në këtë Ditë Ndërkombëtare të Personave të Zhdukur me Dhunë gjatë luftës së fundit në Kosovë, jemi pranë familjeve që prej afër tri dekadash presin përgjigje për më të dashurit e tyre. Mbi 1,500 persona të zhdukur me dhunë ende nuk janë gjetur. Pritja e familjarëve vazhdon dhe, për Republikën e Kosovës, ky kapitull do të mbetet i hapur derisa të gjendet edhe personi i fundit”, deklaroi Haxhiu.

Ajo bëri të ditur se institucionet kosovare nuk i kanë ndërprerë kërkimet. Sipas saj, gjatë vitit të fundit, në 17 lokacione janë zbuluar mbetje mortore të 30 personave, ndërsa vetëm gjatë muajit të fundit janë gjetur mbetje të së paku 23 personave në Kalludër dhe Jabukë të Zubin Potokut.

“Kërkimi ka vijuar pa ndërprerje. Gjatë vitit të fundit, në 17 lokacione janë gjetur mbetje mortore të 30 personave. Ndërsa në muajin e fundit, në Kalludër dhe Jabukë të Zubin Potokut, janë zbuluar mbetje mortore të së paku 23 personave”, tha ajo.

Haxhiu shprehu mirënjohje për institucionet e Kosovës, duke vlerësuar profesionalizmin dhe kujdesin e treguar gjatë këtij procesi të ndjeshëm.

“Dua të falënderoj institucionet e Republikës së Kosovës për profesionalizmin dhe përkushtimin e treguar, veçanërisht në këto dy lokacione, si dhe në tri lokacionet e fundit. Falënderimi shkon për Policinë e Kosovës, Prokurorinë, Institutin e Mjekësisë Ligjore, Komisionin Qeveritar dhe të gjithë ata që kanë kontribuar në këtë proces të ndjeshëm”, u shpreh Haxhiu.

U.D. e Presidentes tha se mungesa e bashkëpunimit nga Serbia mbetet një prej pengesave kryesore. Ajo përsëriti kërkesën që Beogradi të hapë arkivat dhe kërkoi nga partnerët ndërkombëtarë të ushtrojnë presion për këtë çështje.

“Gërmimet dëshmojnë se puna po vazhdon, por njëkohësisht tregojnë edhe sfidat e mëdha që lidhen me mungesën e bashkëpunimit të Serbisë. Pavarësisht thirrjeve tona që Serbia të hapë arkivat, kjo ende nuk ka ndodhur. Nëse arkivat hapen, do të bëhet e ditur kush i ka dhënë urdhrat, kush i ka zbatuar dhe ku janë trupat e personave që u vranë e më pas u varrosën. Prandaj, edhe një herë i bëj thirrje Serbisë t’i hapë arkivat dhe presim që partnerët tanë ndërkombëtarë të ushtrojnë presion për këtë qëllim”, tha Haxhiu.

Në përfundim, ajo premtoi se institucionet e Kosovës do të vijojnë angazhimin e tyre deri në zbardhjen e fatit të të gjithë personave të zhdukur.

“Do ta vazhdojmë punën me përkushtim maksimal derisa të gjendet edhe personi i fundit”, përfundoi Haxhiu.

The post Haxhiu: Mbi 1,500 persona ende të zhdukur, Serbia të hapë arkivat appeared first on Albeu.com.

Kryeministri në detyrë, Albin Kurti, deklaroi se zbardhja e fatit të personave të zhdukur gjatë luftës në Kosovë kërkon hapjen e dosjeve dhe arkivave në Beograd. Sipas tij, bashkësia ndërkombëtare duhet të ushtrojë presion ndaj Serbisë për të bërë publike informacionet që mund të ndihmojnë në gjetjen e tyre.

Kurti foli sot, në Ditën Ndërkombëtare të Personave të Zhdukur me Dhunë, pas homazheve te Monumenti i Personave të Zhdukur në Prishtinë. Në ceremoni ishte e pranishme edhe ushtruesja e detyrës së presidentes, Albulena Haxhiu.

Ai theksoi se nuk ka më kohë për të pritur hapjen e dosjeve të klasifikuara. Kurti falënderoi ambasadorët e akredituar në Republikën e Kosovës që morën pjesë në homazhe dhe u bëri thirrje të gjithë aktorëve ndërkombëtarë, veçanërisht Bashkimit Evropian, të kërkojnë nga Serbia hapjen e këtyre dokumenteve.

Kryeministri në detyrë kujtoi se Serbia synon anëtarësimin në Bashkimin Evropian dhe përfiton prej tij fonde që arrijnë në qindra e qindra milionë. Ai tha se Kosovës i kushtojnë shumë gërmimet dhe kërkimet në terren, ndërsa informacionet e marra shpesh janë të paplota ose të pasakta. Për këtë arsye, organet shtetërore përballen me vështirësi dhe zhgënjim, pasi pas shumë kërkimesh gjenden ende pak trupa.

Sipas Kurtit, një pjesë e madhe e këtyre operacioneve rreth Kosovës do të shmangej nëse në Beograd do të hapeshin dosjet. Ai nënvizoi se mbajtja e tyre të mbyllura rëndon jo vetëm mbi familjet e të zhdukurve, por edhe mbi shtetin e Kosovës.

“Hapja e dosjeve të fqinjit tonë verior është jetike për të zbardhur të vërtetën, për t’u dhënë të dashurve tanë varrime dinjitoze dhe për t’u dhënë familjeve që presin në ankth përgjigjet e shumëpritura. Një hap i tillë do të ndihmonte gjithashtu në forcimin e paqes së përgjithshme në rajonin tonë”, deklaroi Kurti.

The post Kurti kërkon presion ndërkombëtar për hapjen e arkivave serbe mbi të zhdukurit appeared first on Albeu.com.

UNMIK-u ka theksuar se procesi për përcaktimin e fatit të personave që vazhdojnë të jenë të zhdukur nga konflikti në Kosovë duhet të zhvillohet në mënyrë gjithëpërfshirëse, në përputhje me të drejtat e njeriut dhe me viktimat e familjarët e tyre në qendër.

Në Ditën Ndërkombëtare të Viktimave të Zhdukjeve të Detyruara, Përfaqësuesi i Posaçëm i Sekretarit të Përgjithshëm dhe Shefi i UNMIK-ut, Peter Due, deklaroi se, pavarësisht përparimit të konsiderueshëm, shumë familje ende përballen me dhimbjen dhe pasigurinë për fatin e të afërmve të tyre.

“Çështja e personave të zhdukur nuk duhet të politizohet në asnjë rrethanë. Rezultatet e rëndësishme arrihen përmes bashkëpunimit, besimit dhe angazhimit të përbashkët për t’u dhënë familjeve përgjigjet që u takojnë”, citohet të ketë thënë Due në komunikatë.

Sipas UNMIK-ut, më shumë se 1,500 persona vijojnë të rezultojnë të zhdukur që prej përfundimit të konfliktit në Kosovë. Zbulimi i fundit i mbetjeve njerëzore në Zubin Potok, të cilat besohet se u përkasin së paku 23 individëve, tregon se edhe pas dekadash pritjeje mund të dalin në dritë të dhëna për fatin e tyre.

“Jemi pranë të gjitha familjeve që kanë pritur për një kohë kaq të gjatë për të mësuar të vërtetën mbi fatin e të afërmve të tyre dhe bëjmë thirrje që të drejtat e nevojat e tyre të udhëheqin këto përpjekje. UNMIK-u do të vijojë të ofrojë mbështetje psikologjike dhe forma të tjera ndihme për këto familje”, tha PSSP Due.

Ai theksoi gjithashtu se tema e Ditës Ndërkombëtare të këtij viti është “Viktimat në rend të parë. Të veprohet tani”.

Due bëri thirrje për zbatimin e plotë të Deklaratës së BE-së për personat e zhdukur, vazhdimin e angazhimit në kuadër të Grupit të punës për personat e zhdukur, të udhëhequr nga KNKK, si dhe intensifikimin e përpjekjeve të përbashkëta mes Beogradit dhe Prishtinës për gjetjen dhe identifikimin e personave të zhdukur.

Dita përkujtimore e këtij viti shënon edhe 20-vjetorin e Konventës Ndërkombëtare për Mbrojtjen e të Gjithë Personave nga Zhdukjet me Detyrim, e cila u miratua nga Asambleja e Përgjithshme e Kombeve të Bashkuara më 20 dhjetor 2006.

UNMIK-u deklaron se do të vazhdojë të mbështesë familjet e personave të zhdukur në përpjekjet e tyre për të realizuar të drejtën për të ditur fatin dhe vendndodhjen e të afërmve, në përputhje me standardet ndërkombëtare të të drejtave të njeriut.

The post UNMIK: Familjet e personave të zhdukur duhet të jenë në fokus të përpjekjeve për zbardhjen e fatit të tyre appeared first on Albeu.com.

30 gushti shënohet si Dita Ndërkombëtare e Personave të Zhdukur.

Pas përfundimit të luftës në Kosovë, në vitin 1999, numri i personave të zhdukur ishte rreth 6.500.

Njëzet e shtatë vjet pas përfundimit të luftës, të dhënat e Institutit të krimeve të kryera gjatë luftës në Kosovë tregojnë se 1.577 persona vazhdojnë të rezultojnë të zhdukur nga lufta e viteve 1998-1999, transmeton KosovaPress.

Me rastin e kësaj dite, Ushtruesja e detyrës së presidentes, Albulena Haxhiu, do të zhvillojë homazhe te Monumenti i personave të zhdukur në Prishtinë. Ceremonia do të nisë në orën 9:30.

The post Dita Ndërkombëtare e Personave të Zhdukur, ende 1.577 persona të pagjetur nga lufta në Kosovë appeared first on Albeu.com.

Sikurse çdo ditë, grumbullimi do të nisë në sheshin “Skënderbej” për të vijuar marshimin drejt Kryeministrisë, aty ku për rreth tre muaj kanë artikuluar problemet me korrupsionin, keqqeverisjen, mungesën e transparencës nga qeveria etj.

Një ditë më parë, qytetarët i bënë thirrje edhe SPAK që të nisë hetimet ndaj Ramës për afera të ndryshme që i kanë prekur qeverinë.

Ata kërkojnë nisjen e hetimeve edhe për “Albanian Files”, kallëzim të cilën e depozituan disa javë më parë në SPAK.

Kujtojmë që protestat nisën si kundërshtim për projektin në Zvërnec, por thirrjet e qytetarëve u zgjeruan kundër establishmentit politik dhe qeverisë së Ramës.

The post Dita e 84-të e protestës antiqeveritare, qytetarët “zbresin” sërish në shesh për largimin e Ramës appeared first on Albeu.com.

Por edhe pse një ditë të mos ketë nisur me këmbën e mbarë, nuk duhet të bëjmë panik. Jemi sërish ne që e kemi në dorë që kjo ditë të mos mbyllet ashtu si nisi e shoqëruar me ndjesi negative dhe me doza trishtimi.

Jeta është e përbërë me ndodhi e ngjarje jo të këndshme që na bëjnë të përgjegjshëm  për t’i pranuar e përjetuar ato edhe në rastet me ngarkesa të ndryshme e të forta emocionale. Asgjë nuk është lineare dhe për këtë arsye ne duhet të pranojmë çdo ditë ashtu si vjen, me ndodhitë e saj të lumtura si dhe ato me ndodhitë e papritura.

Zakonisht, jemi të prirur të zhytemi emocionalisht  nga gjendja që shkakton një ditë e nisur jo mirë dhe kjo gjendje ndikon jo vetëm në mbylljen e asaj dite me të njëjtat doza mërzie por priremi të jetojmë për edhe më shumë gjatë me ndjesitë e trishtimit që lë një ditë e vështirë.

Disa këshilla për të transformuar ditën tuaj:

Zgjidhni të qeshni. Studimet kanë vërtetuar për ndikimin e të qeshurës në moralin dhe mirëqenien tonë. ( rrethohuni nga njerëz që ju bëjnë për të qeshur dhe  që ju pëlqen shoqëria e tyre) Të qeshësh disa minuta në ditë, është në avantazhin tuaj dhe ndikon në transformimin e saj edhe kur kjo ditë nuk është në favorin tuaj.

Merrni kohën tuaj. Një ditë mund të ketë nisur jo mirë për ty por ti ke në dorë t’i japësh kohë vetes tënde.Kështu do të kesh mundësi të relaksohesh dhe të ripërqëndrohesh në prioritetet e tua.

Jini mirënjohës/e.Nëse zemëroheni se ju duket sikur nuk keni kontroll mbi atë që po ndodh, fokusohuni tek vetja dhe merrni frymë thellë dhe mos harroni të tregoheni mirënjohës/e. Ndjenja e mirënjohjes për atë që jeni dhe keni ju lejon të rikujtoni atë që vlen e ka rëndësi në jetë, si një panoramë e gjërave me vlerë që ke në jetën tënde. Ky reflektim ndihmon në zbutjen e gjërave negative që të ka ofruar një ditë e caktuar…

Rri pranë të dashurve të tu. Kur diçka shkon keq, është gjithmonë mirë dhe e udhës të rrethohemi nga njerëzit e zemrës të cilët janë aty për të na bërë të ndihemi më mirë, të gjejmë një zgjidhje së bashku etj. Jeta është pashmangshmërisht e lidhur me ngjarje të papritura dhe të paparashikuara para të cilave ndihemi të vegjël e të pafuqishëm për t’i dhënë zgjidhje por që njëkohësisht  na ndihmojnë të na japin mësime për të ecur përpara.

The post Si të rigjesh buzëqeshjen kur dita nis keq për ty appeared first on Albeu.com.

Fotografët gjithashtu bëjnë homazhe për pionierët e këtij arti që i frymëzuan ata të merren me fotografinë. Francezët, Louis Daguerre dhe Joseph Nicephore Niepce zhvilluan procesin e parë fotografik në vitin 1837 që u quajt ‘Daguerreotype’.

Muzeu “Marubi”, si çdo vit më datë 19 gusht, feston celebrimin e artit të fotografisë përmes organizimit të ngjarjeve të ndryshme në Ditën Botërore të Fotografisë.

Ministri i Ekonomisë, Kulturës dhe Inovacionit, Blendi Gonxhja bëri të ditur se këtë vitit celebrimit të kësaj date i paraprin hapja e ekspozitës “Vëllezërit Kodheli dhe Kolë Idromeno”.

Ekspozita hapet sot në orën 19:00. Në historinë e fotografisë shqiptare përmendet fototeka “Marubi” në Shkodër, e cila përfshin fotografi të vjetra mbi 150 vjet, e të cilat ruhen ende edhe sot.

The post Dita Botërore e Fotografisë, çelet ekspozita “Vëllezërit Kodheli dhe Kolë Idromeno” appeared first on Albeu.com.

Festimi me zjarre i solsticit veror të zonës së Pirenejve është një nga pasuritë e regjistruara në listën e UNESCO-s.

Sapo bie nata, njerëz nga qytete dhe fshatra të ndryshëm mbajnë pishtarë flakërues poshtë maleve për të ndezur një sërë fenerësh të ndërtuar tradicionalisht. Zbritja është një moment i veçantë për të rinjtë, që nënkupton kalimin nga adoleshenca në moshën madhore. Festivali konsiderohet një kohë për rigjenerimin e lidhjeve shoqërore dhe forcimin e ndjenjave të përkatësisë, identitetit dhe vazhdimësisë me festime duke përfshirë folklorin popullor dhe ngrënien e përbashkët.
Elementi ka rrënjë të thella në komunitetet lokale dhe është përjetësuar falë një rrjeti shoqatash dhe institucionesh lokale. Vendi më i rëndësishëm i transmetimit është familja, ku njerëzit mbajnë të gjallë kujtimin e kësaj trashëgimie.

The post Sot, dita e solsticit të verës, ose dita më e gjatë e vitit appeared first on Albeu.com.